Share

ಪಟ್ಟಾಂಗದ ಕತೆ – ಕರಣ್ ಜೋಹರ್ ಜೊತೆ
ಪ್ರಸಾದ್ ನಾಯ್ಕ್ ಕಾಲಂ

 

ಅಂದು ಅಲ್ಲಿ ನಡೆಯುತ್ತಿದ್ದಿದ್ದು ಕೂಡ ‘ಕಾಫಿ ವಿದ್ ಕರಣ್’. ವ್ಯತ್ಯಾಸವೆಂದರೆ ನಾನೋ ಕಾಫಿಶಾಪಿನಲ್ಲಿ ಆಪ್ತರೊಬ್ಬರ ಆಗಮನಕ್ಕಾಗಿ ಕಾಯುತ್ತಿದ್ದೆ. ಕರಣ್ ಜೋಹರ್ ಎದುರಿನ ಮೇಜಿನ ಮೇಲಿರಿಸಲಾಗಿದ್ದ ತನ್ನ ಆತ್ಮಕಥೆಯ ಮುಖಪುಟದಲ್ಲಿ ಪೋಸು ಕೊಡುತ್ತಿದ್ದ. ಹೀಗೆ ಕೆಲಹೊತ್ತಿನಲ್ಲೇ ಆ ಪುಟ್ಟಜಾಗವು ‘ಮೆಹಫಿಲ್’ ಆಗುವ ನಿರೀಕ್ಷೆಯಲ್ಲಿತ್ತು.

ಭಾರತಕ್ಕೆ ಇನ್ನೇನು ಬಂದಿಳಿಯುವ ತರಾತುರಿಯಲ್ಲಿ ಆಗಲೇ ನಾನು ಹಲವು ಪುಸ್ತಕಗಳನ್ನು ಸೀದಾ ಮನೆಗೇ ತರಿಸಿಟ್ಟುಕೊಂಡಿದ್ದೆ. ನೋಡನೋಡುತ್ತಾ ಇಪ್ಪತ್ತು-ಇಪ್ಪತ್ತೈದು ಪುಸ್ತಕಗಳು ಆಗಲೇ ಜಮೆಯಾಗಿದ್ದವು. ಹೀಗಾಗಿ ಅದೇನೇ ಆಗಲಿ ಏರ್-ಪೋರ್ಟಿನಲ್ಲಿ ಪುಸ್ತಕದಂಗಡಿಗಳಿಗೆ ನುಗ್ಗಬಾರದು ಎಂದು ನಿರ್ಧರಿಸಿಯೇ ಹೊರಟಿದ್ದೆ ನಾನು. ಆದರೆ ನನ್ನೀ ಶಪಥ ಮಾತ್ರ ಏರ್-ಪೋರ್ಟ್ ಹೊಕ್ಕ ಕೆಲ ಕ್ಷಣಗಳಲ್ಲೇ ಮೇನಕೆಯ ಶೃಂಗಾರನಾಟ್ಯಕ್ಕೆ ಮಣಿದ ವಿಶ್ವಾಮಿತ್ರನ ತಪಸ್ಸಿನಂತೆ ಮಣ್ಣುಮುಕ್ಕಿತ್ತು. ಇನ್ನೇನು ಆದದ್ದಾಗಲಿ ಎಂದು ಪುಸ್ತಕದಂಗಡಿಗೆ ಹೊಕ್ಕಿದ್ದಾಯಿತು. ಹೋದ ತಪ್ಪಿಗೆ ಕೆಲ ಪುಸ್ತಕಗಳನ್ನು ಖರೀದಿಸಿದ್ದೂ ಆಯಿತು.

ಆತ್ಮಕಥೆ ಮತ್ತು ಜೀವನಕಥನಗಳನ್ನು ಬಹುವಾಗಿ ಇಷ್ಟಪಡುವ ನಾನು ಕೊನೆಗೂ ನುಗ್ಗಿದ್ದು ಆ ಶೆಲ್ಫಿನತ್ತಲೇ. ಎಂದಿನಂತೆ ಹಲವು ಖ್ಯಾತ ಮುಖಗಳು ದಪ್ಪ ಪುಸ್ತಕಗಳ ಮುಖಪುಟಗಳಲ್ಲಿ ರಾರಾಜಿಸುತ್ತಿದ್ದವು. ಅದು ಇದು ಅಂತ ನೋಡುತ್ತಲೇ ಆತ ಥಟ್ಟನೆ ನನ್ನ ಕಣ್ಣಿಗೆ ಬಿದ್ದಿದ್ದ. ಸುಮಾರು ಒಂದು ತಿಂಗಳು ಶ್ರಮಪಟ್ಟು ಆರಿಸಿದ ಪುಸ್ತಕಗಳಲ್ಲಿ ಈತನ ಆತ್ಮಕತೆ ಹೇಗೆ ತಪ್ಪಿಹೋಯಿತು ಎಂಬ ಬಗ್ಗೆ ನನಗೇ ಅಚ್ಚರಿಯಾಗಿತ್ತು. ಏನಿಲ್ಲವೆಂದರೂ ಕುತೂಹಲಕ್ಕಾದರೂ ಆ ಕೃತಿಯನ್ನು ಒಮ್ಮೆ ಓದಲೇಬೇಕಿತ್ತು. ಥಟ್ಟನೆ ಹೋಗಿ ಒಂದು ಪ್ರತಿಯನ್ನು ಖರೀದಿಸಿದೆ. ಆತ ಇನ್ಯಾರೂ ಅಲ್ಲ. ಬಾಲಿವುಡ್ ನಿರ್ದೇಶಕ ಕರಣ್ ಜೋಹರ್.

ಹಾಗಂತ ನಾನು ಕರಣ್ ಜೋಹರ್ ರ ಕಟ್ಟಾ ಅಭಿಮಾನಿಯೇನೂ ಅಲ್ಲ. ಆತನ ಬೆರಳೆಣಿಕೆಯ ಚಿತ್ರಗಳನ್ನು ನೋಡಿದ್ದು ಹೌದಾದರೂ ಅವುಗಳು ತುಂಬಾ ಇಷ್ಟವಾದವು ಎಂದು ಎದೆತಟ್ಟಿ ಹೇಳಲಾರೆ. ಆದರೆ ಸಂಗೀತ ಸೇರಿದಂತೆ ಆತನ ಚಿತ್ರಗಳ ಕೆಲ ಅಂಶಗಳು ಖುಷಿ ಕೊಟ್ಟಿರುವುದಂತೂ ಸತ್ಯ. ಇನ್ನು ಕರಣ್ ಜೋಹರ್ ಸುತ್ತ ಸುತ್ತಿಕೊಂಡಿರುವ ‘Homosexual’ ಹವೆಯು ನನ್ನನ್ನು ಅಷ್ಟಾಗಿ ಕಂಗೆಡಿಸಿಲ್ಲ. ಅರಿವು ಬಂದಾಗಿನಿಂದ ಲೈಂಗಿಕತೆಯೆಂಬುದು ತೀರಾ ಖಾಸಗಿ, ವೈಯಕ್ತಿಕ ವಿಚಾರ ಎಂಬುದನ್ನು ಬಲವಾಗಿ ನಂಬಿಕೊಂಡಿರುವವನು ನಾನು. ಇದನ್ನೆಲ್ಲಾ ಏಕೆ ಹೇಳಬೇಕಾಗಿ ಬಂತೆಂದರೆ ಕರಣ್ ಜೋಹರ್ ನನ್ನು, ಸಿನೆಮಾ ಲೋಕಕ್ಕೆ ಆತನ ಕೊಡುಗೆಯನ್ನು ಇಷ್ಟಪಡುವವರೂ ಕೂಡ ಆತ ‘Homosexual’ ಆಗಿರಬಹುದು ಎಂಬ ಒಂದೇ ಒಂದು ಊಹಾಪೋಹದಿಂದಾಗಿ ಆತನನ್ನು ಮುಕ್ತವಾಗಿ ಪ್ರಶಂಸಿಸಲು ಹಿಂದೇಟು ಹಾಕಿದ್ದನ್ನು ನಾನು ಕಂಡಿದ್ದೇನೆ. ಇದು ನಮ್ಮ ಸಮಾಜದ ದುರ್ದೈವಗಳಲ್ಲೊಂದು.

ಕರಣ್ ಜೋಹರ್ ಆತ್ಮಕಥೆ ‘An Unsuitable Boy’ ಬಿಡುಗಡೆಯಾದಾಗಿನಿಂದ ಕೃತಿಯನ್ನು ಓದುಗರು ಹೇಗೆ ಸ್ವೀಕರಿಸಿದ್ದಾರೆ ಎಂಬ ಬಗ್ಗೆ ಆಸಕ್ತಿಯನ್ನಿಟ್ಟುಕೊಂಡೇ ಇದರ ಬೆನ್ನಟ್ಟಿದವನು ನಾನು. ಮುಂದೆ ಭಾರತಕ್ಕೆ ಬರುವ ಅವಧಿಯಲ್ಲಿ ಓದಿಯೇ ಬಿಡೋಣ ಎಂದು ನಿರ್ಧರಿಸಿದ ಮೇಲಂತೂ ಈ ಸಂಶೋಧನೆಯು ಕೊಂಚ ಹೆಚ್ಚೇ ಗಂಭೀರವಾಗಿತ್ತು. ಆದರೆ ನಿರೀಕ್ಷಿತ ಫಲಿತಾಂಶಗಳೇ ನನಗೆ ಕಾಣಸಿಕ್ಕವು ಎಂದರೆ ಅಚ್ಚರಿಯಾಗಲಿಕ್ಕಿಲ್ಲ. ಹಲವಾರು ಓದುಗರು ನಿರ್ದೇಶಕನನ್ನು ಹೊಗಳಿ ಅಟ್ಟಕ್ಕೇರಿಸಿದ್ದರೆ ಇನ್ನುಳಿದವರು ಎಂದಿನಂತೆ ಹಿಗ್ಗಾಮುಗ್ಗಾ ಎಳೆದಾಡಿದ್ದರು, ತನ್ನದೇ ಗುಟ್ಟಿನ ಕಥೆಯನ್ನು ಬರೆದನೇನೋ ಎಂಬಂತೆ ಉಗಿದಿದ್ದರು. ಕರಣ್ ಜೋಹರ್ ಮತ್ತು ಆತನ ಬೆಳವಣಿಗೆಯನ್ನು ಹತ್ತಿರದಿಂದ ಗಮನಿಸಿದವರಿಗೆ ಇಂಥಾ ಪ್ರತಿಕ್ರಿಯೆಗಳು ಅಚ್ಚರಿಯನ್ನು ತರುವಂಥದ್ದೇನೂ ಅಲ್ಲ. ಸ್ವತಃ ಜೋಹರ್ ಪಾಲಿಗೂ ಇದು ಸತ್ಯವೇನೋ. “ನನ್ನ ಬಗ್ಗೆ ಅದೇನು ಬಡ್ಕೋತೀರೋ ಬಡ್ಕಳಿ. ಕತ್ತೆಬಾಲ” ಎಂದು ಅದ್ಯಾವತ್ತೋ ಹೇಳಿಬಿಟ್ಟಿದ್ದರು ಕರಣ್ ಜೋಹರ್. ಹೀಗಾಗಿ ಓದುಗರ ಪ್ರತಿಕ್ರಿಯೆಗಳು ಅವರನ್ನು ಬೆಚ್ಚಿಬೀಳಿಸಲಿಕ್ಕಿಲ್ಲ ಎಂಬ ಖಾತ್ರಿಯು ನನಗಿದೆ.

ಓರ್ವ entertainer ಆಗಿ ಅವರನ್ನು ಸದಾ ಇಷ್ಟಪಟ್ಟವನು ನಾನು. ಕೆಲವೊಂದು ವ್ಯಕ್ತಿತ್ವಗಳೇ ಹಾಗಿರುತ್ತವೆ. ಅವರು ಹತ್ತಾರು ಕೆಲಸಗಳನ್ನು ಮಾಡಿಕೊಂಡಿರಲಿ. ಆದರೆ ಒಂದೆರಡರಲ್ಲಂತೂ ನಮಗ್ಯಾರೂ ಸಾಟಿಯಿಲ್ಲ ಎಂಬಂತೆ ಮಿಂಚತೊಡಗುತ್ತಾರೆ. ಆಯಾ ಕ್ಷೇತ್ರಗಳಲ್ಲಿ ತಮ್ಮದೇ ಆದ ಛಾಪನ್ನು ಒತ್ತುತ್ತಾರೆ. ಬಾಲಿವುಡ್ ನಟಿ ಸೋನಮ್ ಕಪೂರ್ ನಿಸ್ಸಂದೇಹವಾಗಿ ಒಳ್ಳೆಯ ನಟಿಯಾಗಿದ್ದರೂ (ಈ ಬಗ್ಗೆ ತಕರಾರಿದ್ದವರು ‘ನೀರಜಾ’ ಚಿತ್ರವನ್ನು ಖಂಡಿತ ನೋಡತಕ್ಕದ್ದು) ಆಕೆ ನನಗೆ ಮತ್ತಷ್ಟು ಇಷ್ಟವಾಗುವುದು ಓರ್ವ ರೂಪದರ್ಶಿಯಾಗಿ. Rampನಲ್ಲಿ ಆಕೆಯ ಖದರ್ರೇ ಬೇರೆ. ಜೋಹರ್ ಕೂಡ ಆಂಗ್ಲಭಾಷೆಯ ಮೇಲಿನ ಅವರ ಅದ್ಭುತ ಹಿಡಿತಕ್ಕೆ, ಉಸಿರುಗಟ್ಟಿಸುವ ವಾತಾವರಣದಲ್ಲೂ ತನ್ನ ‘wit’ನಿಂದಾಗಿ ನಗೆಯುಕ್ಕಿಸಬಲ್ಲ ಚಾಣಾಕ್ಷತನದಿಂದಾಗಿ, ಸಂದರ್ಶನವೆಂಬ ಬೋರು ಪಟ್ಟಾಂಗವನ್ನು ಗರಿಗರಿ ಕುರುಕಲು ತಿಂಡಿಯಂತೆ ರುಚಿಕಟ್ಟಾಗಿಸುವ ಸಾಮರ್ಥ್ಯದಿಂದಾಗಿ, ಸಲಿಂಗಕಾಮ-ಲೈಂಗಿಕತೆ ಸೇರಿದಂತೆ ಹಲವಾರು ಸೂಕ್ಷ್ಮ ವಿಷಯಗಳ ಬಗ್ಗೆ ನಿರ್ಭಿಡೆಯಿಂದ ತನ್ನ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುವ ಓರ್ವ ಸೆಲೆಬ್ರಿಟಿಯಾಗಿ ನನಗೆ ವೈಯಕ್ತಿಕವಾಗಿ ಇಷ್ಟವಾದವರು. ಇದರಿಂದಾಗಿಯೇ ಓದುಗರ ಮಿಶ್ರಪ್ರತಿಕ್ರಿಯೆಗಳ ಹೊರತಾಗಿಯೂ ಒಮ್ಮೆ ಓದಿಮುಗಿಸೋಣ ಎಂಬತ್ತ ನಾನು ನಡೆದಿದ್ದೆ.

ಒಂದು ರೀತಿಯಲ್ಲಿ ಕರಣ್ ಜೋಹರ್ ವೇದಿಕೆಗೆ ರಂಗೇರಿಸುವ ಶೈಲಿಯಲ್ಲೇ ತಮ್ಮ ಬರವಣಿಗೆಯನ್ನೂ ರುಚಿಕಟ್ಟಾಗಿಸಿದ್ದಾರೆ. ತಮ್ಮ ಜೀವನದ ಹಲವಾರು ಭಾಗಗಳನ್ನು ಮುಚ್ಚುಮರೆಯಿಲ್ಲದೆ ಹೇಳಿಕೊಂಡಿರುವುದಲ್ಲದೆ ಅದನ್ನು ಸ್ವಾನುಕಂಪದ ನೆಲೆಯಲ್ಲೋ, ತನ್ನನ್ನು ತಾನು ಸಮರ್ಥಿಸಿಕೊಳ್ಳುವ ಶೈಲಿಯಲ್ಲೂ ಹೇಳದೆ ಸ್ವರತಿಯ ಅಪವಾದದಿಂದ ಮುಕ್ತರಾಗಿದ್ದಾರೆ. ಉದಾಹರಣೆಗೆ ಕರಣ್ ಜೋಹರ್ ರನ್ನು ಬಾಲ್ಯದಲ್ಲಿ ಸಹಪಾಠಿಗಳು ಅವರನ್ನು ‘ಹೆಣ್ಣಿಗ’ ಎಂದು ಕಿಚಾಯಿಸುತ್ತಿದ್ದರಂತೆ. ಅಂಥಾ ಹೇಳಿಕೊಳ್ಳುವಂತಹ ಗುಣಲಕ್ಷಣಗಳೇನೂ ಇರದಿದ್ದರೂ ತನ್ನ ದನಿ ಮತ್ತು ಹಾವಭಾವಗಳು ಕೊಂಚ ಆ ರೀತಿಯಿದ್ದವು ಎಂದು ಜೋಹರ್ ಒಪ್ಪಿಕೊಳ್ಳುವುದಲ್ಲದೆ ತನ್ನ ದನಿಯನ್ನು ಗಡಸುಗೊಳಿಸಲು ಗುಟ್ಟಾಗಿ ದಂಪತಿಯೊಬ್ಬರ ಬಳಿ ತರಬೇತಿಗಾಗಿ ಹೋಗುತ್ತಿದ್ದೆ ಎಂದು ಬರೆಯುತ್ತಾರೆ. ಈ ಅಂಶಗಳು ಬಾಲ್ಯದಲ್ಲಿ ಅವರ ಆತ್ಮವಿಶ್ವಾಸವನ್ನು ಗಣನೀಯವಾಗಿ ಕುಗ್ಗಿಸಿದರ ಬಗ್ಗೆಯೂ ಕೃತಿಯಲ್ಲಿ ಸವಿವರ ಉಲ್ಲೇಖವಿದೆ.

ಇಂಥದ್ದೇ ಮತ್ತೊಂದು ಅಂಶವೆಂದರೆ ಲೈಂಗಿಕ ಅನುಭವಕ್ಕಾಗಿ ತಾನು ಎಸ್ಕಾರ್ಟ್ ಸೌಲಭ್ಯವನ್ನು ಬಳಸಿಕೊಳ್ಳಲು ಹೋಗಿದ್ದೆ ಎಂಬ ಬಗ್ಗೆ ಜೋಹರ್ ಹೇಳಿಕೊಂಡಿದ್ದಾರೆ. ಅಲ್ಲದೆ ಎರಡು ಬಾರಿ ತನಗಾದ ಪ್ರೇಮವೈಫಲ್ಯದ ಬಗ್ಗೆಯೂ ಹೇಳುತ್ತಾ ಅಂಥದ್ದೊಂದು ಸಾಂಗತ್ಯದ ಅನುಭವ ಎಲ್ಲರಿಗಾಗುವಂತೆ ನನಗಾಗಲೇ ಇಲ್ಲ ಎನ್ನುತ್ತಾರೆ. ಖ್ಯಾತ ನಟಿ, ಟಿವಿ ನಿರೂಪಕಿ ಸಿಮಿ ಅಗರ್ವಾಲ್ ಗೆ ಹಿಂದೊಮ್ಮೆ ನೀಡಿದ್ದ ಸಂದರ್ಶನವೊಂದರಲ್ಲೂ ಈ ಬಗ್ಗೆ ಜೋಹರ್ ನಿಡುಸುಯ್ದಿದ್ದರು. “ತಾನು ಬಹಳಷ್ಟು ಬಾರಿ ನಗುನಗುತ್ತಾ, ಮನರಂಜನೆಯ ಹುಮ್ಮಸ್ಸೇ ತನ್ನೊಳಗಿರುವಂತೆ ಸದಾ ಕ್ಯಾಮೆರಾದೆದುರು ನಾಟಕವಾಡುತ್ತಿರುತ್ತೇನೆ” ಎಂದಿದ್ದರು. ಜೋಹರ್ ಹೇಳುವ ಪ್ರಕಾರ ಅವರ ಇತ್ತೀಚಿನ ಚಿತ್ರವಾದ ‘ಏ ದಿಲ್ ಹೇ ಮುಷ್ಕಿಲ್’ ಚಿತ್ರದಲ್ಲಿರುವ ಅಯಾನ್ (ರಣಬೀರ್ ಕಪೂರ್) ಪಾತ್ರವು ಅಕ್ಷರಶಃ ಇವರದ್ದೇ ಒಂದು projection. ಇದರೊಂದಿಗೆ ತಾನು ಅನುಭವಿಸುತ್ತಿರುವ ಒಬ್ಬಂಟಿತನದ ಬಗ್ಗೆ, ಭಾವನಾತ್ಮಕವಾಗಿ ಗಾಢವಾದ ಸಂಬಂಧವನ್ನು ಎಲ್ಲರೊಂದಿಗೆ ಕಾಯ್ದುಕೊಳ್ಳಲು ತನಗಾಗದಿರುವ ಬಗ್ಗೆ, ತನ್ನೊಳಗಿನ ಅಭದ್ರತೆ, ಕೀಳರಿಮೆಗಳಂತಹ ತಲ್ಲಣಗಳ ಬಗ್ಗೆ ಜೋಹರ್ ಹೇಳುವುದಲ್ಲದೆ ತಾನು ಈ ಬಗ್ಗೆ ಆಪ್ತಸಮಾಲೋಚಕರಿಂದ ವೈದ್ಯಕೀಯ ಸಹಾಯವನ್ನೂ ಪಡೆದಿದ್ದೇನೆ ಎಂದು ದಾಖಲಿಸುತ್ತಾರೆ. ಯಾರೇನೇ ಅನ್ನಲಿ. ಕಳೆದ ಒಂದೆರಡು ದಶಕಗಳ ಅವಧಿಯಲ್ಲಿ ಕರಣ್ ಜೋಹರ್ ತನ್ನ ವಿಚಾರಗಳನ್ನು ಜನರ ಮುಂದಿಡುವಲ್ಲಿ ಮತ್ತಷ್ಟು ಮುಕ್ತತೆ ಮತ್ತು ಸ್ಪಷ್ಟತೆಯನ್ನು ಪಡೆದುಕೊಂಡಿದ್ದಾರೆ ಎಂಬುದಂತೂ ಸತ್ಯ.

ಇನ್ನು ತಂದೆ ಯಶ್ ಜೋಹರ್ ಮತ್ತು ತಾಯಿ ಹಿರೂ ಜೋಹರ್ ಜೊತೆ ತನಗಿರುವ ಸಂಬಂಧದ ಬಗ್ಗೆಯೂ ಮನೋಜ್ಞವಾಗಿ ಬರೆಯುತ್ತಾರೆ ಜೋಹರ್. ಯಶ್ ರ ಚಿತ್ರಗಳು ಸಾಲು ಸಾಲಾಗಿ ಸೋತಿದ್ದು, ಆದರೂ ತನಗಿರುವ ಆರ್ಥಿಕ ಸಂಕಷ್ಟವನ್ನು ಮಗನೆದುರು ತಂದೆ ತೋರಗೊಡದಿದ್ದು, ಬಿಗುವಾದ ಅಮ್ಮನಿಗೆ ಹೋಲಿಸಿದರೆ ಮಾತೃಹೃದಯವನ್ನು ಹೊಂದಿದ್ದ ಯಶ್, ಯಶ್ ರ ಸಾವು ಪತ್ನಿಯಾದ ಹೀರೂರಲ್ಲಿ ಬಿಟ್ಟುಹೋದ ಖಾಲಿತನ, ನಂತರ ಮನೆಯ ಹೊಸ ಯಜಮಾನನಾಗಿ ಧರ್ಮ ಪ್ರೊಡಕ್ಷನ್ ಸಂಸ್ಥೆಯನ್ನು ಕೈಗೆತ್ತಿಕೊಂಡಿದ್ದು, ಮುಂದೆ ಅದನ್ನು ಯಶಸ್ಸಿನ ಉತ್ತುಂಗಕ್ಕೇರಿಸಿದ್ದು… ಹೀಗೆ ಎಲ್ಲವನ್ನೂ ತನ್ನ ನವಿರಾದ ಶೈಲಿಯಲ್ಲಿ ನಿರೂಪಿಸುತ್ತಾ ಹೋಗುತ್ತಾರೆ ಜೋಹರ್. ಹಾಗೆಯೇ ತನ್ನ ಆಪ್ತ ಗೆಳೆಯರ ಬಳಗದಲ್ಲಿರುವ ಗೌರಿ ಖಾನ್, ಆದಿತ್ಯ ಚೋಪ್ಡಾ, ಉದಯ್ ಚೋಪ್ಡಾರ ಬಗ್ಗೆಯೂ ಕೃತಜ್ಞಭಾವದಿಂದ ಬರೆದಿದ್ದಾರೆ ಜೋಹರ್. ತನ್ನನ್ನು ಹರಸಿ, ತನ್ನ ಮೇಲೆ ನಂಬಿಕೆಯಿಟ್ಟು ‘Go ahead’ ಎಂದ ಖ್ಯಾತ ನಿರ್ದೇಶಕರಾದ ಯಶ್ ಚೋಪ್ಡಾರ ಬಗ್ಗೆ ಅವರಿಗೆ ವಿಶೇಷ ಅಭಿಮಾನಗಳಿದ್ದರೆ, ತನ್ನ ಜೀವದ ಗೆಳೆಯನಾದ ಶಾರೂಖ್ ಖಾನ್ ರಿಗಾಗಿ ಈ ಕೃತಿಯಲ್ಲಿ ಪ್ರತ್ಯೇಕವಾದ ಅಧ್ಯಾಯವೊಂದನ್ನೇ ಇರಿಸಲಾಗಿದೆ.

ಇವೆಲ್ಲದರ ನಡುವಿನಲ್ಲೂ ತನ್ನ ಬಾಲಿವುಡ್ ಬಗೆಗಿನ, ಹಿಂದಿ ಹಾಡುಗಳ ಬಗೆಗಿನ ಮೋಹದ ಬಗ್ಗೆ ಜೋಹರ್ ಬರೆಯುತ್ತಾ ಹೋಗುತ್ತಾರೆ. ತನ್ನ ಆರಂಭದ ದಿನಗಳ ಭಾರೀ ಯಶಸ್ಸಿನ ಬಗ್ಗೆ, ಅದರ ಬೆನ್ನಿಗೇ ಭೂಗತಲೋಕದಿಂದ ಬಂದ ಕೊಲೆ ಬೆದರಿಕೆಯ ಬಗ್ಗೆ, ಕೋಟಿ ಕೋಟಿ ವಹಿವಾಟು ಮಾಡುವ ಚಿತ್ರನಿರ್ಮಾಣ ಸಂಸ್ಥೆಗಳ ಬಗ್ಗೆ, ವಿವಾಹೇತರ ಸಂಬಂಧಗಳಂತಹ ಸೂಕ್ಷ್ಮ ವಿಚಾರಗಳ ಮೇಲೆ ಕೈಯಾಡಿಸಿದ ತನ್ನ ‘ಕಭೀ ಅಲ್ವಿದಾ ನ ಕೆಹನಾ’ ಸಿನೆಮಾದ ಬಗ್ಗೆ, ಬಾಹುಬಲಿಯಂತಹ ದೈತ್ಯಸಿನೆಮಾಗಿರುವ ಸಾಮರ್ಥ್ಯದ ಬಗ್ಗೆ, ಪ್ರಶಸ್ತಿಗಳಿಗಷ್ಟೇ ಸೀಮಿತವಾಗಿರುವ ಕಲಾತ್ಮಕ ಚಿತ್ರಗಳ ಬಗ್ಗೆ, ಅಷ್ಟಿದ್ದರೂ ‘ಲಂಚ್ ಬಾಕ್ಸ್’ ಸಿನೆಮಾವನ್ನು ನಿರ್ಮಿಸಿದ ಬಗ್ಗೆ, ‘ಕಾಫಿ ವಿದ್ ಕರಣ್’ ಟಾಕ್ ಷೋ ಬಗ್ಗೆ, AIB ಷೋನಲ್ಲಿ ಭಾಗವಹಿಸಿ ಎಲ್ಲರಿಂದಲೂ ಉಗಿಸಿಕೊಂಡ ಬಗ್ಗೆ, ಧರ್ಮ ಸಂಸ್ಥೆಯು ಪರಿಚಯಿಸುತ್ತಿರುವ ಹೊಸ ಪ್ರತಿಭೆಗಳ ಬಗ್ಗೆ… ಹೀಗೆ ಇಲ್ಲಿ ಎಲ್ಲವೂ ಇದೆ. ಅಲ್ಲಲ್ಲಿ ತುಟಿಯಂಚಿನಲ್ಲಿ ನಗೆಯನ್ನು ಮೂಡಿಸುವ, ಕೆಲ ಸ್ವಾರಸ್ಯಕರ ವಿಚಾರಗಳಿಂದ ಹುಬ್ಬೇರಿಸುವ, ಯಾವ ಹಂತದಲ್ಲೂ ನೀರಸವೆನಿಸದಂತೆ ಮಾಡಿರುವ ನಿರೂಪಣೆಗಳು ಕೃತಿಗೊಂದು ವಿಶಿಷ್ಟತೆಯನ್ನು ತಂದುಕೊಟ್ಟಿವೆ. ಅಂತೂ ಕರಣ್ ಜೋಹರ್ ಆತ್ಮಕಥೆಯು ಅಕ್ಷರಶಃ ಅವರ ಸಿನೆಮಾ ಇದ್ದಂತೆಯೇ ಮೂಡಿಬಂದಿದೆ ಎನ್ನಲಡ್ಡಿಯಿಲ್ಲ. ಇದು ನಗು, ಕಣ್ಣೀರು, ಹುಮ್ಮಸ್ಸು, ಹತಾಶೆ, ಫ್ಯಾಮಿಲಿ ಸೆಂಟಿಮೆಂಟು, ಮೆಲೋಡ್ರಾಮಾ, ಇಂಟರ್ವಲ್, ಕಾಮಿಡಿ ಹೀಗೆ ಎಲ್ಲವನ್ನೂ ಹೊಂದಿರುವ ಒಂದು ದೊಡ್ಡ ಪ್ಯಾಕೇಜ್. ಇದರ ಶ್ರೇಯಸ್ಸು ಸಹಲೇಖಕಿಯಾದ ಪೂನಮ್ ಸಕ್ಸೇನಾರಿಗೂ ಕೂಡ ನಿಸ್ಸಂದೇಹವಾಗಿ ಸಲ್ಲತಕ್ಕದ್ದು.

ತನ್ನ ಆತ್ಮಕಥೆಯನ್ನು ‘An Unsuitable Boy’ ಎಂದು ಕರೆದಿದ್ದಾರೆ ಕರಣ್ ಜೋಹರ್. ಜನಜಂಗುಳಿಯಲ್ಲಿ ತಾನೊಬ್ಬ ‘Misfit’ ಅನ್ನುವುದರ ಜೊತೆಗೇ ತಾನು ಎಲ್ಲರಿಗಿಂತಲೂ ‘Unique’ ಎಂಬ ದನಿಯಾಗದ ಭಾವವೂ ಈ ಶೀರ್ಷಿಕೆಯಲ್ಲಿದೆ. ಭಾನುವಾರದಂದು ಕಾಫಿಶಾಪಿಗೆ ಹೊರಟು ಗೆಳೆಯರೊಂದಿಗೆ ಗಂಟೆಗಟ್ಟಲೆ ಮನಸಾರೆ ಹರಟುವಂತಹ ಭಾವವನ್ನು ಕೃತಿಯೊಂದು ನಿಮಗೆ ನೀಡಬೇಕೇ? ಹಾಗಿದ್ದರೆ ಇದು ನಿಮಗೆ ಹೇಳಿ ಮಾಡಿಸಿರುವಂಥದ್ದು.

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...