Share

ಮಹಾರಾಣಿಯೊಬ್ಬಳ ದಮನಿತರೆಡೆಗಿನ ಮಿಡಿತದ ಬಗ್ಗೆ…
ದ್ರವಿಡ

 

ರಾಜತ್ವದ ಸುಪ್ಪತ್ತಿಗೆ ಮಧ್ಯೆಯೂ ಈ ಸಮಾಜದ ದಮನಿತರ ಕಡೆಗೆ ನೋಡುವ ಮಿಡಿತವೊಂದು ಕಿರುದಾರಿಯಲ್ಲಿ ನಡೆದುಬಂದಿತ್ತೆಂಬುದನ್ನು ಗಮನಿಸಲೇಬೇಕೆನ್ನಿಸುತ್ತದೆ; ಚುನಾವಣೆ ಗೆಲ್ಲುವ ಇರಾದೆಯನ್ನೂ ದಾಟಿದ್ದ ಹೊತ್ತಲ್ಲಿನ ಮಿಡಿತ ಅದಾಗಿತ್ತಲ್ಲ ಎಂಬುದಕ್ಕಾಗಿ.

 

 

ತ್ಯಂತ ಶಾಂತ ಚಹರೆಯ ಮುಖ; ಅಷ್ಟೇ ಸುಂದರ ಮುಗುಳ್ನಗು; ಸರಿಸಾಟಿಯಿಲ್ಲದ ಚೆಲುವು. ಹುಟ್ಟಿ ಬೆಳೆದದ್ದು ಶ್ರೀಮಂತಿಕೆಯ ಮಡಿಲಲ್ಲೇ ಆದರೂ. ಆ ಸಂಪತ್ತನ್ನು ಅಗತ್ಯವಿರುವವರಿಗೆ ನೆರವಾಗುವುದಕ್ಕೆ ಬಳಸುವ ಮನಸ್ಸು. ಭಾರತೀಯ ಊಳಿಗಮಾನ್ಯ ವ್ಯವಸ್ಥೆಯ ಪ್ರತಿನಿಧಿಯಾಗಬಯಸದೆ ಪ್ರಜಾಪ್ರಭುತ್ವದಲ್ಲಿ ಸಕ್ರಿಯವಾಗಿ ಭಾಗವಹಿಸುವ ನಿರ್ಧಾರ. ಮಹಿಳೆಯರೆಲ್ಲ ಗೌರವದಿಂದ ಕಂಡ ಮತ್ತು ಆರಾಧಿಸಿದ ವ್ಯಕ್ತಿತ್ವ. ಈ ದೇಶ ಕಂಡ ಅತ್ಯಂತ ಆಧುನಿಕ, ಸ್ವತಂತ್ರ ಮನೋಭಾವದ ಮತ್ತು ಫ್ಯಾಷನೆಬಲ್ ಆದ ರಾಣಿಯರಲ್ಲಿ ಒಬ್ಬರು. ಜೈಪುರದ ಈ ಮಹಾರಾಣಿಯ ಹೆಸರು ಗಾಯತ್ರಿದೇವಿ.

‘ವೋಗ್’ನ ವಿಶ್ವದ ಅತ್ಯಂತ ಸುಂದರಿಯರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದ ಗಾಯತ್ರಿದೇವಿ, ಅಷ್ಟೊಂದು ಸ್ಟೈಲಿಷ್ ಆಗಿದ್ದುದರ ಹಿಂದೆ ತಾಯಿಯ ಪ್ರಭಾವವಿತ್ತು. ಪಶ್ಚಿಮ ಬಂಗಾಳದ ಕೂಚ್ ಬೆಹರ್ ರಾಜಮನೆತನದ ಗಾಯತ್ರಿದೇವಿಯ ತಾಯಿ ಬರೋಡಾದ ಮರಾಠಾ ರಾಜಮನೆತನದ ಇಂದಿರಾ ರಾಜೇ ಉಡುಗೆ ತೊಡುಗೆಗಳ ಬಗ್ಗೆ ತೀವ್ರ ಗಮನ ಕೊಡುವವರಾಗಿದ್ದರು. ಚಿಫಾನ್ ಸೀರೆಯನ್ನುಡಲು ಶುರು ಮಾಡಿದ ಮೊದಲ ಮಹಿಳೆ ಅವರಾಗಿದ್ದರೆಂಬುದನ್ನು ಗಾಯತ್ರಿದೇವಿಯೇ ಹೇಳಿದ್ದಾರೆ ಒಂದೆಡೆ.

ಆದರೆ ಗಾಯತ್ರಿದೇವಿ ಬೆಳಗಿದ್ದು ಈ ಸೌಂದರ್ಯದಿಂದ ಮಾತ್ರವಲ್ಲ. ಬದಲಾಗಿ ಕ್ರಾಂತಿಕಾರಕ ಮನೋಭಾವದ ಮತ್ತು ಸ್ವತಂತ್ರ ಆಲೋಚನೆಯ ದಿಟ್ಟ ಹೆಣ್ಣಾಗಿ. ಐನೂರು ಆಳುಗಳಿದ್ದ ಅರಮನೆಯಲ್ಲಿ ಪ್ರೀತಿಯಿಂದ ಆಯೇಷಾ ಎಂದು ಕರೆಯಿಸಿಕೊಳ್ಳುತ್ತಿದ್ದ ಗಾಯತ್ರಿ, ಯಾವ ಕಟ್ಟುಗಳಿಲ್ಲದೆ ಬೆಳೆದವಳು. ಶಿಕಾರಿಯೆಂದರೆ ಆಸಕ್ತಿಯಿದ್ದ ಆಕೆ 12 ವರ್ಷದವಳಿದ್ದಾಗಲೇ ಚಿರತೆಯನ್ನು ಹೊಡೆದಿದ್ದಳಂತೆ. ಇಂಥ ಗಟ್ಟಿತನ ಮತ್ತು ಬಂಧನಕ್ಕೆ ಸಿಲುಕಲಿಚ್ಛಿಸದ ಮನೋಭಾವ ಗಾಯತ್ರಿದೇವಿಗೆ ಇದ್ದಕ್ಕಿದ್ದಂತೆ ಬಂದುದೇನೂ ಆಗಿರಲಿಲ್ಲ. ಆಕೆಯ ಕುಟುಂಬದಲ್ಲಿದ್ದ ಅಂಥದೇ ಗಟ್ಟಿಗಿತ್ತಿ ಹೆಂಗಸರ ಸ್ಫೂರ್ತಿಯನ್ನೇ ಒಳಗೊಂಡು ಬಂದಿದ್ದಳು ಗಾಯತ್ರಿ. ಆಕೆಯ ಅಜ್ಜಿ ಚಿಮಣಾಬಾಯಿ ಸಮಪ್ರದಾಯಬದ್ಧ ಮದುವೆಯನ್ನು ನಿರಾಕರಿಸಿ, ತನಗಿಷ್ಟವಾದವನೊಂದಿಗೆ ಮದುವೆಯಾಗಿದ್ದರು. ಗಾಯತ್ರಿದೇವಿ ಕೂಡ ತನ್ನ ಬದುಕು ಇನ್ನಾರದೋ ನಿರ್ದೇಶನದಂತೆ ನಡೆಯಲು ಬಿಟ್ಟುಕೊಟ್ಟವರಾಗಿರಲಿಲ್ಲ.

ಎಲ್ಲ ರೂಢಿಗಳನ್ನು ಮುರಿದ ಗಾಯತ್ರಿದೇವಿ ತಾನಿಷ್ಟಪಟ್ಟಿದ್ದ, ಆದರೆ ತನಗಿಂತ ದುಪ್ಪಟ್ಟು ವಯಸ್ಸಿನ ಮತ್ತು ಆಗಲೇ ವಿವಾಹಿತನೂ ಆಗಿದ್ದವನ ಹೆಂಡತಿಯಾದರು. ಆ ಹುಡುಗನನ್ನು ಆಕೆ ಮೋಹಿಸಿದ್ದು ಇನ್ನೂ 12 ವರ್ಷದವಳಿದ್ದಾಗ. 21ನೇ ವಯಸ್ಸಿನಲ್ಲಿ ಆತನೊಂದಿಗೆ ಮದುವೆಯಾಯಿತು. ಆತ ಜೈಪುರದ ಸವಾಯಿ ಮಾನ್ ಸಿಂಗ್ ಬಹಾದ್ದೂರ್. ಇಬ್ಬರು ರಾಣಿಯರಿದ್ದ ಆತನ ಮೂರನೇ ರಾಣಿಯಾಗಿ ಜೈಪುರ ಅರಮನೆ ಸೇರಿದರು ಗಾಯತ್ರಿ. ಎಷ್ಟೆಲ್ಲ ವಿರೋಧಗಳ ನಡುವೆಯೂ ಇಂಥದೊಂದು ಪ್ರೇಮಸಂಬಂಧ ಏರ್ಪಟ್ಟಿದ್ದು 1940ರಲ್ಲಿ.

ಜೈಪುರ ಮಹಾರಾಜನ ಮೂರನೇ ಪತ್ನಿಯಾಗಿ ಹೋದ ಗಾಯತ್ರಿದೇವಿ, ಆ ರಾಜಮನೆತನದ ಶಿಷ್ಟಾಚಾರ ಮತ್ತು ಕಟ್ಟುಪಾಡುಗಳಿಗೆ ಹೊಂದಿಕೊಂಡು ಕಳೆದುಹೋಗಲು ಬಯಸಲಿಲ್ಲ. ಇತರ ಪತ್ನಿಯರಂತೆ ಅವಕುಂಠನದೊಳಗೆ ಮುಖ ಅಡಗಿಸಿಕೊಂಡು ಬದುಕಲು ಒಪ್ಪಲಿಲ್ಲ. ಬದಲಿಗೆ ತನ್ನ ಪಟ್ಟದ ಅಧಿಕಾರ ಬಳಸಿ, ರಾಜಮನೆತನದ ಎಲ್ಲ ಹೆಣ್ಣುಮಕ್ಕಳು ತಮ್ಮ ನಿರ್ಬಂಧಿತ ಬದುಕಿನಿಂದ ಆಚೆ ಬರುವಂತೆ ಮಾಡಿದರು. ಎಲ್ಲವೂ ಒಪ್ಪಿತವಾಗಿರುವ ಈ ಕಾಲಕ್ಕಿಂತ ಆ ದಿನಗಳು ಅದೆಷ್ಟು ರೋಚಕವಾಗಿದ್ದವು ಎಂಬುದನ್ನು ಗಾಯತ್ರಿದೇವಿ ನೆನೆದಿರುವುದು ಹೀಗೆ: “ಹಿರಿಯರನ್ನು ಎದುರುಹಾಕಿಕೊಳ್ಳುವುದು, ಗುಟ್ಟಾಗಿ ಪ್ರೇಮಿಯನ್ನು ಭೇಟಿಯಾಗುವುದು, ಆತನೊಡನೆ ಡ್ರೈವ್ ಹೋಗುವುದು, ಔತಣದ ಖುಷಿಯನುಭವಿಸುವುದು, ದೋಣಿವಿಹಾರ ಹೀಗೆ ಅದು ಸುಂದರ ಮತ್ತು ಮಾದಕವೆನ್ನಿಸಿದ ಕಾಲವಾಗಿತ್ತು.”

ಅವಕುಂಠನದ ಮರೆಯಲ್ಲೇ ಮಹಿಳೆಯರು ಕಳೆದುಹೋಗುವುದನ್ನು, ಅವರನ್ನು ಬಹಿಷ್ಕೃತರಂತೆ ಸಮಾಜ ನಡೆಸಿಕೊಳ್ಳುವುದನ್ನು ವಿರೋಧಿಸಿದ ಗಾಯತ್ರಿದೇವಿ, 1943ರಲ್ಲಿ ಹೆಣ್ಣುಮಕ್ಕಳಿಗೆಂದೇ ಶಾಲೆ ತೆರೆದರು. 40 ವಿದ್ಯಾರ್ಥಿಗಳು ಮತ್ತು ಒಬ್ಬ ಇಂಗ್ಲಿಷ್ ಶಿಕ್ಷಕಿಯೊಂದಿಗೆ ಆರಂಭವಾದ ಗಾಯತ್ರಿದೇವಿ ಸ್ಕೂಲ್ ಫಾರ್ ಗರ್ಲ್ಸ್ ಇವತ್ತು ದೇಶದ ಅತ್ಯುತ್ತಮ ಶಾಲೆಗಳಲ್ಲಿ ಒಂದು.

ಅಂತಃಪುರವನ್ನು ದಾಟಿದ ಗಾಯತ್ರಿದೇವಿ, ಆಗ ರಾಷ್ಟ್ರೀಯ ಕಾಂಗ್ರೆಸ್‍ಗೆ ಪ್ರತಿಪಕ್ಷವಾಗಿದ್ದ ಸಿ ರಾಜಗೋಪಾಲಾಚಾರಿ ಸ್ಥಾಪಿಸಿದ್ದ ಸ್ವತಂತ್ರ ಪಕ್ಷವನ್ನು ಸೇರಿದ್ದು ರಾಜಸ್ಥಾನ ರಾಜ್ಯ ರಚನೆಯಾದಾಗ. 1962ರಲ್ಲಿ ಲೋಕಸಭೆ ಚುನಾವಣೆಗೆ ಸ್ಪರ್ಧಿಸಿ 2.46.516 ಮತಗಳಲ್ಲಿ 1,92,909 ಮತಗಳನ್ನು ಪಡೆದು ಗೆದ್ದದ್ದಂತೂ ಭಾರತದ ಇತಿಹಾಸದಲ್ಲೊಂದು ಮೈಲಿಗಲ್ಲು. ಅದು ಗಿನ್ನಿಸ್ ದಾಖಲೆಯಾಯಿತು. ಅವರ ಈ ಸಾಧನೆ ಬಗ್ಗೆ ಕೇಳಿದೊಡನೆ ಜಾನ್ ಎಫ್ ಕೆನಡಿ, “ಚುನಾವಣೆಯಲ್ಲಿ ಯಾರೊಬ್ಬರೂ ಎಂದೂ ಗಳಿಸಿರದ ಅತಿ ಬೆರಗಿನ ಬಹುಮತ ಪಡೆದ ಮಹಿಳೆ” ಎಂದು ಬಣ್ಣಿಸಿದ್ದರು.

1967ರಲ್ಲಿ ಮತ್ತೆ ಲೋಕಸಭೆಗೆ ಆಯ್ಕೆಯಾದರು ಗಾಯತ್ರಿದೇವಿ. ಆದರೆ ಆಕೆಯ ಕುಟುಂಬಕ್ಕಿದ್ದ ಸವಲತ್ತುಗಳನ್ನು ತೆಗೆದುಹಾಕುವ ಮಸೂದೆಯನ್ನು ಕಾಂಗ್ರೆಸ್ ಸರ್ಕಾರ ಪಾಸು ಮಾಡಿದಾಗ ಎಲ್ಲ ಅಧೋಗತಿ ಶುರುವಾಯಿತು. ಆಕೆಯ ಕುಟುಂಬ ಲಂಡನ್ನಿಗೆ ಪರಾರಿಯಾಗಬೇಕಾಯಿತು. ಮಾನ್‍ ಸಿಂಗ್ ಮೊದಲ ಪತ್ನಿಯ ಹಿರಿಯ ಮಗ ಮಹಾರಾಜನಾಗಿ, ಗಾಯತ್ರಿದೇವಿ ರಾಜಮಾತೆಯಾಗಿ ಒಂದೇ ತಿಂಗಳಲ್ಲಿ ಮಾನ್‍ ಸಿಂಗ್ ಸಾವಿಗೀಡಾದ ಮೇಲೆ ಸ್ಥಿತಿ ಮತ್ತಷ್ಟು ದುರಂತ ಮುಟ್ಟಿತು. ಇದೆಲ್ಲದರ ನಡುವೆಯೇ 1971ರಲ್ಲಿ ಮೂರನೇ ಬಾರಿಗೆ ಮತ್ತೆ ಲೋಕಸಭೆಗೆ ಗೆದ್ದರು. ಅದೇ ವರ್ಷ ರಾಜತ್ವವೆನ್ನುವುದು ಸಂವಿಧಾನಾತ್ಮಕವಾಗಿ ಇಲ್ಲವಾಯಿತು. ಬದುಕು ಕಠಿಣವಾಯಿತು. ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ 1975ರಲ್ಲಿ ಗಾಯತ್ರಿದೇವಿ ಮತ್ತು ಮಲಮಗನ ಬಂಧನವಾಗಿ ಆರು ತಿಂಗಳು ತಿಹಾರ್ ಜೈಲಿನಲ್ಲಿ ಕಳೆಯಬೇಕಾಯಿತು.

ಜೈಲಿನಿಂದ ಬಂದ ಬಳಿಕ, ಜೈಲೊಳಗೆ ಹೀನಾಯ ಬದುಕು ಬದುಕುತ್ತಿದ್ದ ಹಂತಕರು, ವೇಶ್ಯೆಯರು ಮತ್ತು ಪಿಕ್ ಪಾಕೆಟರುಗಳ ಹಕ್ಕುಗಳಿಗಾಗಿ ಗಾಯತ್ರಿದೇವಿ ಹೋರಾಟಕ್ಕೆ ನಿಂತರು. ಸಮಾಜದಲ್ಲಿ ಯಾರಿಗೂ ಬೇಡವಾದ ಅಂಥವರ ಪರ ದನಿ ಎತ್ತಿದ್ದರು. ತಾನು ಈ ಸಮಾಜದಲ್ಲಿ ಒಬ್ಬ ಹೆಣ್ಣಾಗಿ ಬಯಸಿದ್ದ ಸ್ವಾತಂತ್ರ್ಯ ಇತರ ಮಹಿಳೆಯರಿಗೂ ಸಿಗಬೇಕೆಂಬ ಹಂಬಲದಲ್ಲೇ ರಾಜಸ್ಥಾನದ ಪರ್ದಾ ಪದ್ಧತಿ ಕೊನೆಗಾಣಿಸುವಲ್ಲೂ ಗಾಯತ್ರಿದೇವಿ ಗೆದ್ದರು. ರಾಜತ್ವದ ಸುಪ್ಪತ್ತಿಗೆ ಮಧ್ಯೆಯೂ ಈ ಸಮಾಜದ ದಮನಿತರ ಕಡೆಗೆ ನೋಡುವ ಮಿಡಿತವೊಂದು ಕಿರುದಾರಿಯಲ್ಲಿ ನಡೆದುಬಂದಿತ್ತೆಂಬುದನ್ನು ಗಮನಿಸಲೇಬೇಕೆನ್ನಿಸುತ್ತದೆ; ಚುನಾವಣೆ ಗೆಲ್ಲುವ ಇರಾದೆಯನ್ನೂ ದಾಟಿದ್ದ ಹೊತ್ತಲ್ಲಿನ ಮಿಡಿತ ಅದಾಗಿತ್ತಲ್ಲ ಎಂಬುದಕ್ಕಾಗಿ.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 1 week ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 3 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...