Share

ಆ ರಕ್ಕಸ ಶಾರ್ಕ್‍ಗೆ ಕೂಡ ಅವಳ ಕನಸು ಕಸಿಯಲಾಗಲಿಲ್ಲ!

ಬೆಥನಿಯವರ ಜೀವನಪ್ರೀತಿಯು ಎಷ್ಟೆಂದರೆ ತಾನು ಗರ್ಭಿಣಿಯಾಗಿದ್ದಾಗಲೂ ಕೂಡ ಸರ್ಫ್ ಮಾಡುವ ಹುಮ್ಮಸ್ಸಿನಲ್ಲಿ ಅಲೆಗಳನ್ನಪ್ಪಿಕೊಂಡ ಸಾಹಸಿ ಈಕೆ. ಅಷ್ಟೇ ಅಲ್ಲದೆ ತನ್ನ ಮಗನಾದ ಟೋಬಿಯಾಸ್ ನನ್ನು ಆರು ತಿಂಗಳ ವಯಸ್ಸಿಗೇ ಆಕೆ ಸಮುದ್ರಕ್ಕೆ ಪರಿಚಯಿಸಿಯಾಗಿತ್ತು.

ಬಾಲಕಿಗೆ ಸರ್ಫಿಂಗ್ ಹೊಸದಲ್ಲ. ಸಾಗರದ ದೈತ್ಯ ಅಲೆಗಳು ಅವಳಲ್ಲಿ ಭಯವನ್ನು ಹುಟ್ಟಿಸುವುದಿಲ್ಲ. ತನ್ನನ್ನು ಅಕ್ಷರಶಃ ನುಂಗಿಹಾಕುವಂತೆ ಮೇಲೆರಗುವ ಸಾಗರದಲೆಗಳೊಂದಿಗೆ ಮುಖಾಮುಖಿಯಾಗುವುದು ಅವಳಿಗೆ ಸಲೀಸು. ಐದು ವರ್ಷಕ್ಕೇ ಸರ್ಫಿಂಗ್ ಕಲಿಯಲು ಆರಂಭಿಸಿದ ಈ ಹುಡುಗಿ ಏಳು ದಾಟುವಷ್ಟರಲ್ಲಿ ಅಬ್ಬರದ ಅಲೆಗಳನ್ನು ಸರ್ಫಿಂಗ್ ಬೋರ್ಡೆಂಬ ಪುಟ್ಟ ಹಲಗೆಯ ಮೇಲೆ ನಿಂತು ಸ್ವತಂತ್ರವಾಗಿ ಸಂಭಾಳಿಸುತ್ತಿದ್ದಳು. ಎಂಟರ ಹಂತಕ್ಕೆ ಬಂದಾಗ ತಾನು ವೃತ್ತಿಪರ ಸರ್ಫಿಂಗ್ ನಲ್ಲೇ ಭವಿಷ್ಯವನ್ನು ಕಂಡುಕೊಳ್ಳಬೇಕು ಎಂದು ಅವಳು ನಿರ್ಧರಿಸಿಯಾಗಿತ್ತು. ಆ ಬಾಲಕಿಯ ಹೆಸರು ಬೆಥನಿ ಹ್ಯಾಮಿಲ್ಟನ್.

ಆದರೆ ಶೀಘ್ರದಲ್ಲೇ ಅವಳ ಜೀವನದ ಗತಿಯನ್ನು ಬದಲಿಸುವಂತಹ ಭಯಾನಕ ತಿರುವೊಂದು ಬರಲಿದೆಯೆಂಬ ಸುಳಿವು ಯಾರಿಗಾದರೂ ಇತ್ತು?

ಅದು 2003ರ ಹಾಲೋವಿನ್ ಮುಂಜಾನೆ. ಅಕ್ಟೋಬರ್ 31, 2003. ಬೆಥನಿಗೆ ಆಗ ಹದಿಮೂರರ ಪ್ರಾಯ. ಅವಳು ತನ್ನ ಗೆಳತಿ ಅಲನಾ ಬ್ಲಾಂಕರ್ಡ್ ಮತ್ತು ಆಕೆಯ ತಂದೆಯೊಂದಿಗೆ ಸರ್ಫಿಂಗ್ ಮಾಡಲು ಹವಾಯಿಯ ಸಮುದ್ರತೀರಕ್ಕೆ ತೆರಳಿದ್ದಾಳೆ. ಎಂದಿನಂತೆ ಅಲೆಗಳೊಂದಿಗೆ ಆಟವಾಡುತ್ತಲೇ ಏಕಾಏಕಿ ದೊಡ್ಡ ಅನಾಹುತವೊಂದು ನಡೆದುಹೋಗಿದೆ. ಅನಿರೀಕ್ಷಿತವಾಗಿ ಬೆಥನಿಯ ಮೇಲೆರಗುವ ಟೈಗರ್ ಶಾರ್ಕ್ ಮೀನೊಂದು ಬೆಥನಿಯ ಎಡಗೈಯನ್ನು ಆಟಿಕೆಯ ಬೊಂಬೆಯಿಂದ ಕೈಯನ್ನು ತೆಗೆದುಹಾಕಿದಂತೆ ಮುರಿದು ಹಾಕುತ್ತದೆ. ಹದಿಮೂರು ವರ್ಷದ ಬಾಲಕಿಯ ಎಡಗೈ ಈಗ ಹಠಾತ್ತನೆ ಕಳಚುವಂತಿದ್ದು ಭುಜದಿಂದ ತೆಳುದಾರದಂತೆ ನೇತಾಡುತ್ತಿದೆ. ಎಡೆಬಿಡದೆ ಸ್ರವಿಸುತ್ತಿರುವ ರಕ್ತವು ಉಪ್ಪುನೀರಿನೊಂದಿಗೆ ಸೇರಿಹೋಗುತ್ತಿದೆ. ತಕ್ಷಣವೇ ಪಕ್ಕದ ಹೋಟೇಲಿನಲ್ಲಿದ್ದ ಒಬ್ಬ ವೈದ್ಯ ಮತ್ತು ಅಲನಾಳ ತಂದೆಯ ಸಹಾಯದಿಂದ ಬೆಥನಿಯನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗುತ್ತದೆ.

ವಿಚಿತ್ರವೆಂದರೆ ಆಸ್ಪತ್ರೆಯಲ್ಲಿ ಬೆಥನಿಯ ತಂದೆ ಆಗಲೇ ಇದ್ದಿರುತ್ತಾನೆ. ಅಸಲಿಗೆ ಆತ ತನ್ನ ಮೊಣಕಾಲಿನ ಶಸ್ತ್ರಚಿಕಿತ್ಸೆಯೆಂದು ಅಲ್ಲಿಗೆ ಬಂದಿದ್ದ. ವೈದ್ಯರ ಕೊರತೆಯ ಕಾರಣದಿಂದಾಗಿ ಆತನ ಶಸ್ತ್ರಚಿಕಿತ್ಸೆಯು ರದ್ದಾಗಿ ತಂದೆಯ ಬದಲು ಮಗಳು ಶಸ್ತ್ರಚಿಕಿತ್ಸೆಗೆ ಸಜ್ಜಾಗುತ್ತಾಳೆ. ವಿಪರೀತ ರಕ್ತಸ್ರಾವ ಮತ್ತು ತತ್ಸಂಬಂಧಿ ಆಘಾತದಿಂದಾಗಿ ಬೆಥನಿಯ ಸ್ಥಿತಿಯು ಗಂಭೀರವಾಗಿರುತ್ತದೆ. ಆದರೂ ಹರಸಾಹಸಪಟ್ಟು ವೈದ್ಯರು ಅವಳನ್ನು ಬದುಕಿಸುತ್ತಾರೆ. ಆದರೆ ಅಂದು ಬೆಥನಿ ತನ್ನ ಎಡಗೈಯನ್ನು ಶಾಶ್ವತವಾಗಿ ಕಳೆದುಕೊಳ್ಳುತ್ತಾಳೆ. ಆ ಮೂಲಕವಾಗಿ ಭವಿಷ್ಯದ ಒಂದೊಳ್ಳೆಯ ಸರ್ಫರ್ ಆಗಲಿದ್ದ ಬೆಥನಿಯ ಕನಸು ನುಚ್ಚುನೂರಾದಂತೆ ಕಾಣುತ್ತದೆ.
ಅಥವಾ ಜಗತ್ತಿಗೆ ಹಾಗನ್ನಿಸುತ್ತದೆ, ಅಷ್ಟೇ!

*

ಇತ್ತ ರಾಲ್ಫ್ ಯಂಗ್ ಎಂಬ ಮೀನುಗಾರನ ತಂಡವೊಂದು ಮೈಲುದೂರದಲ್ಲೇ ಟೈಗರ್ ಶಾರ್ಕ್ ಒಂದನ್ನು ಕೊಂದಿರುತ್ತದೆ. ಅದರ ಬಾಯಿಯಲ್ಲಿ ಸಿಲುಕಿದ್ದ ಬೋರ್ಡೊಂದರ ತುಂಡನ್ನು ತನಿಖೆಗೊಳಪಡಿಸುವಾಗ ಅದು ಬೆಥನಿಯ ಸರ್ಫಿಂಗ್ ಬೋರ್ಡಿನದ್ದೇ ಎಂಬುದು ಸಾಬೀತಾಗುತ್ತದೆ. ಹಾಗೆ ನೋಡಿದರೆ ಸರ್ಫರ್ ಗಳ ಮೇಲೆ ಇಂಥಾ ಶಾರ್ಕ್ ದಾಳಿಗಳಾಗಿರುವುದು ತೀರಾ ಅಪರೂಪವೆಂದು ಹೇಳಲಾಗುತ್ತದೆ. ಆದರೆ ಜುಲೈ 2015ರ ವಿಶ್ವ ಸರ್ಫ್ ಲೀಗ್ ಕ್ರೀಡಾಕೂಟದಲ್ಲಿ ವಿಶ್ವಚಾಂಪಿಯನ್ ಸರ್ಫರ್ ಮಿಕ್ ಫಿನ್ನಿಂಗ್ ಮೇಲೆ ಶಾರ್ಕ್ ಏಕಾಏಕಿ ದಾಳಿಯನ್ನು ನಡೆಸಿ ಹುಟ್ಟಿಸಿದ ಆತಂಕವು ಮರೆಯುವಂಥದ್ದಲ್ಲ. ಮಿಕ್ ಅಂದು ಕೂದಲೆಳೆಯ ಅಂತರದಲ್ಲಿ ಸಾವಿನ ದವಡೆಯಿಂದ ಪಾರಾಗಿ ಬಂದಿದ್ದರು.

ಈ ಸ್ಥಿತಿಯಲ್ಲಿ ಬೇರೆ ಯಾರಾದರೂ ಇದ್ದರೆ ಏನಾಗುತ್ತಿತ್ತೋ. ಆದರೆ ಶಸ್ತ್ರಚಿಕಿತ್ಸೆಯು ನಡೆದ ತಿಂಗಳೊಳಗೇ ಬೆಥನಿ ಮತ್ತೆ ಸರ್ಫಿಂಗ್ ಲೋಕಕ್ಕೆ ಮರಳಿದ್ದಳು. ಹೌದು, ಈ ಬಾರಿ ಒಂದೇ ಕೈಯೊಂದಿಗೆ! ಶಸ್ತ್ರಚಿಕಿತ್ಸೆಯಾದ ಒಂದು ತಿಂಗಳೊಳಗೇ ಅವಳ ಸರ್ಫಿಂಗ್ ದಿನಚರಿಯು ಮತ್ತೆ ಶುರುವಾಗಿತ್ತು. ಇಲ್ಲದ ಕೈಯೊಂದಿಗೆ ಸರ್ಫಿಂಗ್ ಮಾಡಲು ಹೊರಟಿದ್ದ ಅವಳನ್ನು ಸಾಗರದಲೆಗಳು ಪದೇ ಪದೇ ಮುಳುಗಿಸುತ್ತಾ, ಹೊರಕ್ಕೆಸೆಯುತ್ತಾ ಅಣಕಿಸುತ್ತಿದ್ದರೆ ಅವುಗಳಿಗೇ ಸಡ್ಡುಹೊಡೆಯುವಂತೆ ಮರಳಿ ಮುನ್ನುಗ್ಗಿ ಬರುತ್ತಿದ್ದಳು ಬೆಥನಿ. ಕಣ್ಣೀರು, ಹತಾಶೆಗಳು ಅಲ್ಲಿ ಇರಲಿಲ್ಲವೆಂದಲ್ಲ. ಆದರೆ ಅವುಗಳು ಅವಳ ಛಲವನ್ನು ಕೊಲ್ಲುವಷ್ಟಿರಲಿಲ್ಲ. ನಾನು ಹೀಗೆಯೇ ಸಾಯುವವರೆಗೂ ದುಃಖದಲ್ಲಿ ಮುಳುಗಿರಲಾರೆ, ಅಂತಾರಾಷ್ಟ್ರೀಯ ಮಟ್ಟದ ಸರ್ಫರ್ ಆಗುವ ಕನಸನ್ನು ಅಷ್ಟು ಸುಲಭವಾಗಿ ಬಿಟ್ಟುಕೊಡಲಾರೆ ಎಂದು ಲೆಕ್ಕಹಾಕಿದ್ದ ಬೆಥನಿ ಅದೆಷ್ಟೇ ಕಷ್ಟವಾದರೂ ರಚ್ಚೆಹಿಡಿದು ಪ್ರಯತ್ನಿಸುತ್ತಿದ್ದಳು. ಅವಳು ಸಾಧಿಸುವುದು ಇನ್ನೂ ಸಾಕಷ್ಟಿತ್ತು.

ಸರ್ಫಿಂಗ್ ನಂತಹ ಮೈನವಿರೇಳಿಸುವ ರೋಚಕ ಆಟದಲ್ಲಿ ಕೈಯನ್ನು ಕಳೆದುಕೊಂಡ ಬಾಲಕಿಯೊಬ್ಬಳು ಇಷ್ಟು ಬೇಗ ಮತ್ತದೇ ಲೋಕಕ್ಕೆ ಮರಳಿ ಬರುವುದೆಂದರೆ? ಇಡೀ ಜಗತ್ತು ಬೆರಗಿನಿಂದ ಬೆಥನಿಯತ್ತ ಕಣ್ಣುಹಾಯಿಸಿದ್ದೇ ಆಗ. ದುರ್ಘಟನೆಯಾದ ಒಂದು ವರ್ಷದೊಳಗೇ ಬೆಥನಿ ಪ್ರತಿಷ್ಠಿತ ಸರ್ಫಿಂಗ್ ಕ್ರೀಡಾಕೂಟವೊಂದರಲ್ಲಿ ಭಾಗವಹಿಸುವುದಕ್ಕೆಂದು ಬಂದಾಗಿರುತ್ತದೆ. ಇದು ಎಲ್ಲೆಡೆ ಭಾರೀ ಸುದ್ದಿಯಾಗುವುದಲ್ಲದೆ ESPY (Excellence in Sports Performance Yearly) ಬೆಥನಿಗೆ ಪ್ರತಿಷ್ಠಿತ ‘ಬೆಸ್ಟ್ ಕಮ್-ಬ್ಯಾಕ್ ಅಥ್ಲೀಟ್’ ಮತ್ತು ‘ಕರೇಜ್ ಟೀನ್ ಚಾಯ್ಸ್ ಅವಾರ್ಡ್’ಗಳಿಂದ ಸನ್ಮಾನಿಸುತ್ತದೆ. ಇದರ ಬೆನ್ನಿಗೇ ಎಮ್.ಟಿ.ವಿ. ಬುಕ್ಸ್ 2004ರಲ್ಲಿ ಬೆಥನಿಯ ಆತ್ಮಕಥನವಾದ ‘ಸೋಲ್ ಸರ್ಫರ್’ ಅನ್ನು ಪ್ರಕಟಿಸುತ್ತದೆ. ಹೀಗೆ ವರ್ಷದ ಹಿಂದಷ್ಟೇ ಭೀಕರ ಅವಘಡದಿಂದಾಗಿ ತನ್ನ ಎಡಗೈಯನ್ನು ಕಳೆದುಕೊಂಡಿದ್ದ ಬಾಲಕಿಯೊಬ್ಬಳು ಈಗ ಅಂತಾರಾಷ್ಟ್ರೀಯ ಮಟ್ಟದ ಸೂಪರ್ ಸ್ಟಾರ್ ಆಗಿ ಹೊರಹೊಮ್ಮಿರುತ್ತಾಳೆ. ಖ್ಯಾತ ಓಪ್ರಾ ವಿನ್ಫ್ರೇ ಶೋ ಸೇರಿದಂತೆ ಎಲ್ಲಾ ಪ್ರಮುಖ ಟೆಲಿವಿಷನ್ ಶೋಗಳಲ್ಲೂ, ತರಹೇವಾರಿ ಪತ್ರಿಕೆಗಳ ಮುಖಪುಟಗಳಲ್ಲೂ ಬೆಥನಿಯದ್ದೇ ಮುಖಾರವಿಂದವು ರಾರಾಜಿಸುತ್ತದೆ.

2011ರಲ್ಲಿ ಬೆಥನಿಯ ಸಾಹಸಗಾಥೆಯು ‘ಸೋಲ್ ಸರ್ಫರ್’ ಎಂಬ ಹೆಸರಿನಲ್ಲೇ ಚಲನಚಿತ್ರವಾಯಿತು. ಚಿತ್ರದಲ್ಲಿ ನಟಿಯಾದ ಆನಾ ಸೋಫಿಯಾ ರಾಬ್ ಪೆಥನಿಯ ಪಾತ್ರವನ್ನು ನಿರ್ವಹಿಸಿದರಾದರೂ ಶಾರ್ಕ್ ದಾಳಿಯ ನಂತರದ ಭಾಗದ ಸ್ಟಂಟ್ ಗಳನ್ನು ಬೆಥನಿಯವರು ಖುದ್ದಾಗಿ ನಿರ್ವಹಿಸಿದ್ದರು ಎಂಬುದು ವಿಶೇಷ. ಅಂದಹಾಗೆ 2004ರಿಂದ 2011ರವರೆಗೆ ಬೆಥನಿಯವರ ವೃತ್ತಿಪರ ಸರ್ಫಿಂಗ್ ಪಯಣದಲ್ಲಿ ಏಳುಬೀಳುಗಳಿದ್ದರೂ ಅದು ನಿರಾಶಾದಾಯಕವೇನೂ ಆಗಿರಲಿಲ್ಲ. ಅದರಲ್ಲೂ 2011ರ ಪೈಪ್ಲೈನ್ ವುಮನ್ಸ್ ಪ್ರೊ ಕ್ರೀಡಾಕೂಟವನ್ನು ಬೆಥನಿ ಗೆದ್ದಿದ್ದರು. ಈ ಅದ್ಭುತ ಗೆಲುವಿನ ಸಂಪೂರ್ಣ ಶ್ರೇಯಸ್ಸನ್ನು ಆಕೆ ಸಲ್ಲಿಸಿದ್ದು ತನ್ನ ಪತಿಯಾದ ಆಡಂ ಡಿಕ್ಸ್ ಗೆ. ಬೆಥನಿ ಈ ಕ್ರೀಡಾಕೂಟವು ಆರಂಭವಾಗುವ ಕೆಲವೇ ತಿಂಗಳುಗಳ ಹಿಂದಷ್ಟೇ ಆಡಂರನ್ನು ಬಾಳಸಂಗಾತಿಯಾಗಿ ಆರಿಸಿಕೊಂಡಿದ್ದರು. ಬೆಥನಿ ನಟಿಸಿದ್ದ ‘ಡಾಲ್ಫಿನ್ – 2’ ಚಿತ್ರದ ಚಿತ್ರೀಕರಣದ ಕೆಲ ದಿನಗಳ ಹಿಂದೆ ಆಡಂ-ಬೆಥನಿ ಜೋಡಿಯ ವಿವಾಹವು ಪ್ರೀತಿಪಾತ್ರರ ಉಪಸ್ಥಿತಿಯಲ್ಲಿ ಸಾಂಗವಾಗಿ ನೆರವೇರಿತ್ತು.

ಬೆಥನಿಯವರ ಜೀವನಪ್ರೀತಿಯು ಎಷ್ಟೆಂದರೆ ತಾನು ಗರ್ಭಿಣಿಯಾಗಿದ್ದಾಗಲೂ ಕೂಡ ಸರ್ಫ್ ಮಾಡುವ ಹುಮ್ಮಸ್ಸಿನಲ್ಲಿ ಅಲೆಗಳನ್ನಪ್ಪಿಕೊಂಡ ಸಾಹಸಿ ಈಕೆ. ಅಷ್ಟೇ ಅಲ್ಲದೆ ತನ್ನ ಮಗನಾದ ಟೋಬಿಯಾಸ್ ನನ್ನು ಆರು ತಿಂಗಳ ವಯಸ್ಸಿಗೇ ಆಕೆ ಸಮುದ್ರಕ್ಕೆ ಪರಿಚಯಿಸಿಯಾಗಿತ್ತು. ಹೆರಿಗೆಯಾದ ಮೂರು ತಿಂಗಳಲ್ಲೇ ಡಬ್ಲ್ಯೂ.ಎಸ್.ಎಲ್ ಸ್ವಾಚ್ ಮಹಿಳಾ ಕ್ರೀಡಾಕೂಟದಲ್ಲಿ ವೈಲ್ಡ್ ಕಾರ್ಡ್ ಆಯ್ಕೆಯಿಂದ ಪ್ರವೇಶ ಪಡೆದಿದ್ದ ಬೆಥನಿ ಹದಿಮೂರನೇ ಸ್ಥಾನವನ್ನು ಗಳಿಸಿ ಉತ್ತಮ ಪ್ರದರ್ಶನವನ್ನು ನೀಡಿದ್ದರು. ಮುಂದೆ 2016ರ ನಂತರವಂತೂ ಮತ್ತಷ್ಟು ಶಕ್ತಿಶಾಲಿಯಾಗಿ ಸ್ಪರ್ಧೆಗಿಳಿದಿದ್ದ ಬೆಥನಿ, ಫಿಜಿಯ ಕ್ರೀಡಾಕೂಟದಲ್ಲಿ ಘಟಾನುಘಟಿಗಳಿಗೂ ಬೆವರಿಳಿಸಿ ಮೂರನೇ ಸ್ಥಾನವನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ‘ಕ್ಲೌಡ್-ಬ್ರೇಕ್’ ಹೆಸರಿನಲ್ಲಿ ಆಯೋಜಿಸಲಾಗಿದ್ದ ಈ ಫಿಜಿ ಕ್ರೀಡಾಕೂಟದ ಪಟ್ಟುಗಳು ಅತ್ಯಂತ ಅಪಾಯಕಾರಿಯಾಗಿದ್ದುದಲ್ಲದೆ ಅವುಗಳನ್ನು ಸಾಧಿಸಲು ದೊಡ್ಡಮಟ್ಟಿನ ದೈಹಿಕ ಫಿಟ್ನೆಸ್ ಮತ್ತು ಅಪಾರವಾದ ಧೈರ್ಯದ ಅವಶ್ಯಕತೆಯಿತ್ತು. ಆಗಸ್ಟ್ 2017ರಲ್ಲಿ ಸರ್ಫರ್ಸ್ ಹಾಲ್ ಆಫ್ ಫೇಮ್ ನಲ್ಲೂ ಮಿಕ್ ಫಿನ್ನಿಂಗ್ ನಂತಹ (ಮೂರು ಬಾರಿ) ವಿಶ್ವಚಾಂಪಿಯನ್ ಗಳ ಜೊತೆ ಬೆಥನಿಯವರ ಹೆಸರು ಸೇರಿಯಾಗಿತ್ತು.

ನಿಕ್ ಮತ್ತೆ ಬೆಥನಿ

“ಅಷ್ಟು ಸವಾಲುಗಳಿದ್ದರೂ ಆಕೆಯ ಸರ್ಫಿಂಗ್ ಪ್ರದರ್ಶನದ ಮಟ್ಟವನ್ನು ನೋಡಿದರೆ ಅಚ್ಚರಿಯಾಗುತ್ತದೆ. ಬೆಥನಿಯ ಅತ್ಯದ್ಭುತ ಪಟ್ಟುಗಳನ್ನು ಪ್ರಯತ್ನಿಸಲೂ ಭಯವಾಗುತ್ತದೆ ನನಗೆ. ಆಕೆಯ ಪ್ರತಿಭೆಯು ನಿಜಕ್ಕೂ ನನ್ನನ್ನು ಆಕೆಯ ಬಹುದೊಡ್ಡ ಅಭಿಮಾನಿಯಾಗುವಂತೆ ಮಾಡಿದೆ” ಎಂದು ಬೆಥನಿಯವರ ಫಿಜಿ ಪ್ರದರ್ಶನವನ್ನು ನೆನಪಿಸಿಕೊಳ್ಳುತ್ತಾ ಹೇಳುತ್ತಾರೆ ಸರ್ಫಿಂಗ್ ಲೋಕದ ತಾರೆಯಾಗಿರುವ ಕೆಲಿ ಸ್ಲೇಟರ್. ಖ್ಯಾತ ಭಾಷಣಕಾರನೂ, ಲೇಖಕರೂ ಆಗಿರುವ ನಿಕ್ ವೋಯಚಿಚ್ ಕೂಡ ಎರಡೂ ಕೈಕಾಲುಗಳಿಲ್ಲದ ತನಗೆ ಸರ್ಫಿಂಗ್ ಕಲಿಸಿದ ಬೆಥನಿಯವರ ಬಗ್ಗೆ ತನ್ನ ಆತ್ಮಕಥನದಲ್ಲಿ ನೆನಪಿಸಿಕೊಳ್ಳುತ್ತಾ ಮೆಚ್ಚುಗೆಯ ಮಾತನ್ನಾಡುತ್ತಾರೆ. “ಕೈಯನ್ನು ಕಳೆದುಕೊಂಡ ಕಟುಸತ್ಯವನ್ನು ಒಪ್ಪಿಕೊಳ್ಳುವ ಜೊತೆಜೊತೆಗೇ ಆಕೆ ಧೈರ್ಯದಿಂದ ಮುಂದುವರೆಯಲು ನಿರ್ಧರಿಸುತ್ತಾಳೆ. ನಂತರ ನಡೆಯುವ ಕ್ರೀಡಾಕೂಟದಲ್ಲಿ ಜಗತ್ತಿನ ಅತ್ಯುತ್ತಮ ಮಹಿಳಾ ಸರ್ಫರ್ ಗಳು ಸ್ಪರ್ಧೆಯಲ್ಲಿದ್ದರೂ ಆಕೆ ಮೂರನೇ ಸ್ಥಾನವನ್ನು ಅಲಂಕರಿಸುತ್ತಾಳೆ. ಹೌದು, ಒಂದು ಕೈಯಿಂದಲೇ! ಬೆಥನಿ ಈ ಘಟನೆಯನ್ನು ಭಗವಂತನು ತನಗೆ ಅನುಗ್ರಹಿಸಿದ ವರದಂತೆ ಬಳಸಿಕೊಂಡಿದ್ದಾಳೆ. ಏಕೆಂದರೆ ಪ್ರತೀಬಾರಿಯೂ ಅವಳು ಉತ್ತಮ ಪ್ರದರ್ಶನವನ್ನು ನೀಡಿದಾಗಲೆಲ್ಲಾ ಜಗತ್ತಿನಾದ್ಯಂತ ಅದೆಷ್ಟೋ ಜೀವಗಳು ತಮ್ಮ ಜೀವನವು ಮಿತಿಯಿಲ್ಲದ್ದು ಎಂಬ ಸತ್ಯವನ್ನು ಕಂಡುಕೊಳ್ಳುತ್ತಾರೆ” ಎಂದು ದಾಖಲಿಸುತ್ತಾರೆ ನಿಕ್. ಆತ ತನ್ನ ಎಂದಿನ ತಮಾಷೆಯ ಶೈಲಿಯಲ್ಲಿ ದಾಖಲಿಸಿರುವುದು ಹೀಗಿದೆ: “ಅಂದು ಲೆಕ್ಕ ಹಾಕಿದ್ದರೆ ನಮ್ಮಿಬ್ಬರಲ್ಲಿ ಒಟ್ಟು ಕೈಕಾಲುಗಳಿದ್ದದ್ದು ಮೂರು ಮಾತ್ರ. ಆ ಮೂರೂ ಕೂಡಾ ಬೆಥನಿಯದ್ದೇ ಆಗಿದ್ದವು.” ಹವಾಯಿಯ ವೈಕೀಕಿ ಸಾಗರದ ದೈತ್ಯ ಅಲೆಗಳು ಈ ಇಬ್ಬರು ಮಹಾ ಸಾಧಕರ ಅಪರಿಮಿತ ಧೈರ್ಯಕ್ಕೆ ಅಂದು ತಲೆದೂಗಿದ್ದವು ಎಂದರೆ ಅತಿಶಯೋಕ್ತಿಯಾಗಲಿಕ್ಕಿಲ್ಲ.

ಇಂದು ಬೆಥನಿ ಹ್ಯಾಮಿಲ್ಟನ್ ಎಂದರೆ ಸರ್ಫಿಂಗ್ ಜಗತ್ತಿನಲ್ಲಿ ಒಂದು ದೊಡ್ಡ ಹೆಸರು. ಆ ಕರಾಳ ದಿನದಂದು ಶಾರ್ಕ್ ದಾಳಿಗೊಳಗಾಗಿ ಜಖಂಗೊಂಡ ಬೋರ್ಡ್ ಮತ್ತು ಅಂದು ಆಕೆ ಧರಿಸಿದ್ದ ಈಜುಡುಗೆಯು ಪ್ರಸ್ತುತ ಕ್ಯಾಲಿಫೋರ್ನಿಯಾದ ಸರ್ಫರ್ಸ್ ವಸ್ತುಸಂಗ್ರಹಾಲಯದಲ್ಲಿದ್ದು ಎಲ್ಲರಲ್ಲೂ ಒಂದು ಪ್ರೇರಣಾತ್ಮಕ ಶಕ್ತಿಯನ್ನು ತುಂಬುತ್ತಿದೆ. ಇತ್ತ ಬೆಥನಿಯವರು ಸರ್ಫಿಂಗ್, ಕುಟುಂಬ, ಚಲನಚಿತ್ರ, ಸಾಕ್ಷ್ಯಚಿತ್ರ, ಟೆಲಿವಿಷನ್, ಸಂಸ್ಥೆ, ಸಮಾಜಸೇವೆ ಅಂತೆಲ್ಲಾ ಎಂದಿನಂತೆ ವ್ಯಸ್ತರಾಗಿದ್ದಾರೆ. ಖ್ಯಾತ ಹಾಲ್ ಆಫ್ ಫೇಮ್ ನ ಒದ್ದೆ ಸಿಮೆಂಟಿನ ನೆಲದಲ್ಲಿ ಅಂದು ಬೆಥನಿ ಬರೆದ ವಾಕ್ಯವೆಂದರೆ: ‘Always Hope’. ‘ಭಗವಂತನ ಮೇಲಿನ ನಂಬಿಕೆ ಮತ್ತು ಸ್ವಸಾಮರ್ಥ್ಯದ ಮೇಲಿರುವ ಭರವಸೆಗಳೇ ನಮ್ಮನ್ನು ಗೆಲುವಿನತ್ತ ಕರೆದೊಯ್ಯಬಲ್ಲದು’ ಎಂಬುದು ಆಕೆಯ ಮನದಾಳದ ಮಾತು.

ಭಯವೆಂಬ ಪದದ ಪರಿಚಯವೇ ಇಲ್ಲದಂತಿರುವ ಬೆಥನಿಯಂಥಾ ಬೆಥನಿಗೂ ಭಯವಿರಬಹುದೇ? “ಹೌದು, ಜೇಡಗಳೆಂದರೆ ನನಗೆ ಭಾರೀ ಭಯ” ಎಂದು ನಗುತ್ತಾ ‘ಎಕ್ಸ್ಪೀರಿಯನ್ಸ್ ಲೈಫ್’ನ ಸಂಪಾದಕರಾದ ಲೇಯ್ನ್ ಬೆರ್ಗಸನ್ ರಿಗೆ ಹೇಳಿದ್ದಾರೆ ಬೆಥನಿ.

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 21 hours ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 1 day ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 2 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    2 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...