Share

ಅಧಿಕ ಪ್ರಸಂಗ | ನ್ಯೂಸ್ ರೂಮಿನಲ್ಲಿ ‘ಹಾದಿ ತಪ್ಪಿದವರು’

ಕೆದರಿದ ಕೂದಲು, ಬೆವರಿದಂತಿದ್ದ ಮುಖ, ಆಗತಾನೆ ಬಾಡಿ ಸ್ಪ್ರೇ ಮೊರೆಹೋಗಿದ್ದುದರ ಕುರುಹಾಗಿ ಮೂಗಿಗೆ ಬಡಿಯುತ್ತಿದ್ದ ಅಸಾಧ್ಯ ಘಾಟು ಹೀಗೆ ಪರಿಪರಿಯಾಗಿ ವಿಜೃಂಭಿಸುತ್ತ ದುಡುಗುಟ್ಟಿಕೊಂಡು ಆ ಸೀನಿಯರ್ ರಿಪೋರ್ಟರ್ ಹೊಕ್ಕಿದಾಗ, ನ್ಯೂಸ್ ರೂಮಿನೊಳಗಿನ ಮಾಮೂಲಿ ಗದ್ದಲಕ್ಕೆ ಇನ್ನಷ್ಟು ಗದ್ದಲ ಸೇರಿತು. ‘ಏನಾದ್ರೂ ಬ್ರೇಕಿಂಗ್ ನ್ಯೂಸ್ ಇದೆಯಾ?’ ಎಂಬ ಪ್ರಶ್ನೆಯೂ ಎದ್ದಿತು. ‘ಬ್ರೇಕಿಂಗ್ ಏನು, ಶಾಕಿಂಗೇ ಕೊಡ್ತೀನಿ. ಟೈಪ್ ಮಾಡಿಟ್ಟುಕೊಳ್ಳಿ. ಕನ್ಫರ್ಮ್ ಮಾಡಿ ಹೇಳಿದ ಮೇಲೆ ತೆಗೆದುಕೊಳ್ಳುವಿರಂತೆ’ ಎಂದ. ‘ಏನ್ರೀ ಅದು ಶಾಕಿಂಗು?’ ಎಂದು ಮತ್ತೆ ಪ್ರಶ್ನೆಗಳೆದ್ದವು. ‘ಹಿರಿಯ ಸಾಹಿತಿಯೊಬ್ಬರು ಗೊಟಕ್ ಅಂದಿರೋ ಹಾಗಿದೆ’ ಎಂದು ಭಾರೀ ಗುಟ್ಟಿನಲ್ಲೆಂಬಂತೆ ಹೇಳಿದ. ಇನ್ನೊಂದು ಚಾನೆಲ್ಲಿನ ಆಫೀಸಿಗೆ ಕೇಳಿಸಿಬಿಟ್ಟೀತು ಎಂಬ ಆತಂಕ ಅವನ ಅ ದನಿಯಲ್ಲಿತ್ತು.

ಇಂತಿಂಥಾ ಹೆಸರಿನ ಹಿರಿಯ ಸಾಹಿತಿ ನಿಧನ; ಅವರಿಗೆ 60 ವರ್ಷ ವಯಸ್ಸು; ಬೆಳಗ್ಗೆ ಎದ್ದು ವಾಕಿಂಗ್‍ಗೆ ಅಂತ ಹೋಗಿದ್ದರು; ಇಂತಿಂಥಾ ಪುಸ್ತಕಗಳನ್ನು ಬರೆದಿದ್ದರು; ಅವರ ಇಂಥಾ ಪುಸ್ತಕಕ್ಕೆ ಇಂಥಾ ಪ್ರಶಸ್ತಿ ಬಂದಿತ್ತು; ಅಕಾಡೆಮಿ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು; ಈಗಲೂ ಹದಿನೈದು ದಿನಗಳಿಗೊಮ್ಮೆ ಸಲೂನಿಗೆ ಹೋಗಿ ಇರುವ ಕೆಲವೇ ಕೂದಲುಗಳನ್ನು ಟ್ರಿಮ್ ಮಾಡಿಸಿಕೊಂಡು ಬರುವುದು ಅವರ ಇಷ್ಟದ ರೂಢಿಯಾಗಿತ್ತು; ಅದ್ಯಾವುದೋ ಬಳ್ಳಿಯ ಕಷಾಯ ಕುಡಿಯುತ್ತಿದ್ದುದು ಅವರ ಆರೋಗ್ಯದ ಗುಟ್ಟಾಗಿತ್ತು; ಪತ್ನಿಯು ಅವರನ್ನು ಮೊದಲೇ ಅಗಲಿದ್ದರಿಂದ ಇವರು ಪತ್ನಿಯನ್ನು ಅಗಲುವ ಸಂದರ್ಭ ಬರಲಿಲ್ಲ… ಹೀಗೆಲ್ಲಾ ಟೈಪು ಮಾಡಿಸಲು ಇದ್ದಬಿದ್ದ ಶ್ರಮವನ್ನೆಲ್ಲಾ ಹಾಕಿ ಅರ್ಧ ತಾಸು ತಕ್ಕೊಂಡ.

‘ಇದು ಬ್ರೇಕಿಂಗ್ ಅಲ್ರೀ, ಗಜಪ್ರಸವ’ ಎಂದು ಜೋರುದನಿಯಲ್ಲೇ ಹಾಸ್ಯ ಮಾಡಿ, ಇಡೀ ಡೆಸ್ಕೇ ನಗುವಂತೆ ಮಾಡಿದ ನ್ಯೂಸ್ ಎಡಿಟರು, ‘ಕನ್ಫರ್ಮ್ ಆಯ್ತೇನ್ರಿ? ಬೇಗ ಹಾಕೋಣ’ ಎಂದು ಗಡಿಬಿಡಿ ಮಾಡಿದರು. ‘ಇಲ್ಲ ಇಲ್ಲ, ಈಗ ವಿಚಾರಿಸಿ ಹೇಳ್ತೀನಿ. ಎಲ್ಲ ರೆಡಿ, ಹೌದಾದರೆ ನಮ್ಮದೇ ಬ್ರೇಕಿಂಗ್. ಯಾರಿಗೂ ಸಿಕ್ಕಿಲ್ಲ’ ಎಂದ. ‘ಕನ್ಫರ್ಮ್ ಆಗಿಲ್ಲ, ಜಾಗೃತೆ. ತಗೊಂಡುಬಿಟ್ಟೀರಿ ಮತ್ತೆ. ಆಮೇಲೆ ನಮ್ಮ ತಲೆ ಹೋಗುತ್ತೆ’ ಅಂತ ಮತ್ಯಾರೋ ಒಬ್ಬ ಸೀನಿಯರ್ ಕೂಗಿ ಹೇಳಿದ. ‘ಇವ್ನಿಗೆ ತಲೆ ಇದ್ರೆ ತಾನೆ ಹೋಗೋಕೆ’ ಅಂತ ದೂರದಲ್ಲಿ ಕೂತಿದ್ದ ಅವರಿಗಾಗದ ಮತ್ತೊಬ್ಬ ತನ್ನ ಬಾಜೂ ಇದ್ದ ಹುಡುಗಿಯರ ಜೊತೆ ಪಿಸುಗುಟ್ಟಿದ್ದಕ್ಕೆ ಅಲ್ಲಿ ಕಿಸಕಿಸ ಸಮೂಹಗಾನವೇ ಆಯಿತು.

ಸ್ವಲ್ಪ ಹೊತ್ತಾದ ಮೇಲೆ ಆ ರಿಪೋರ್ಟರ್ ಸೀದಾ ನ್ಯೂಸ್ ಎಡಿಟರ್ ಬಳಿ ಬಂದು ಬಾಲಾಪರಾಧಿಯ ಥರ ನಿಂತ. ಕಥೆ ಏನಾಗಿತ್ತೆಂದರೆ, ಬೆಳಗ್ಗೆ ಯಾವುದೋ ಇವೆಂಟ್ ಕವರೇಜಿಗೆ ಹೋಗಿದ್ದಾಗ ಐದಾರು ಮಂದಿ ಸೀನಿಯರ್ ಸಿಟಿಜನ್ಸು ಸಣ್ಣಗೆ ಮಾತಾಡ್ತಾ ನಿಂತಿದ್ದುದು ಈ ರಿಪೋರ್ಟರ್ ಗಮನಕ್ಕೆ ಬಂತು. ಅವರ ಗಮನಕ್ಕೆ ಬಾರದ ಹಾಗೆ ದೂರವೇ ನಿಂತು, ಆದರೆ ಕಿವಿಯನ್ನು ಮಾತ್ರ ಅವರ ಮಾತಿಗೆ ಅಂತ ತೆರೆದಿಟ್ಟಾಗ, ಆ ಹಿರಿಯ ಸಾಹಿತಿಯ ಹೆಸರು, ವಯಸ್ಸು, ಬೆಳಗ್ಗೆ ವಾಕಿಂಗ್‍ಗೆ ಅಂತ ಹೋಗಿದ್ದುದು, ಪತ್ನಿ ಈಗಾಗಲೇ ತೀರಿಕೊಂಡಿದ್ದು ಇಷ್ಟು ವಿಚಾರ ಕಿವಿಮೇಲೆ ಬಿತ್ತು. ಮತ್ತೆ ಹಿಂದೆಮುಂದೆ ಯೋಚಿಸದೆ, ಇನ್ನಾವ ರಿಪೋರ್ಟರಿಗೂ ಗೊತ್ತಾಗಬಾರದೆಂದು ಅಸಾಧಾರಣ ಗುಟ್ಟು ಹೊತ್ತವನ ಭಾರದಲ್ಲಿ, ಕ್ಯಾಬ್ ಡ್ರೈವರ್‍ನನ್ನು ‘ಬೇಗ ಬೇಗ’ ಎಂದು ತಿವಿಯುತ್ತ ಅಂತೂ ಆಫೀಸಿಗೆ ಬಂದು ಬ್ರೇಕಿಂಗ್ ಅಲ್ಲ ಶಾಕಿಂಗೇ ಅಂದಿದ್ದ. ನಿಜ ಗೊತ್ತಾದ ಬಳಿಕ ಹೀಗೆ ನ್ಯೂಸ್ ಎಡಿಟರ್ ಎದುರು ಬಂದು ಪೂರ್ತಿ ಗಾಳಿ ಹೋದವನಾಗಿ ನಿಂತಿದ್ದ.

‘ಸರಿ ಬಿಡ್ರಿ, ಆಯ್ತು. ಈಗೇನು ತಲೆ ಹೋಗಿಲ್ಲ ತಾನೆ?’ ಎಂದು ಅವನನ್ನು ಸಮಾಧಾನ ಮಾಡಿದ ನ್ಯೂಸ್ ಎಡಿಟರು, ‘ಅವ್ರಿಗೇನೂ ಆಗಿಲ್ಲರಿ, ವಾಕಿಂಗ್‍ಗೆ ಹೋಗಿದ್ದರಂತೆ. ಹೋದವ್ರು ಇನ್ನೂ ಬಂದಿಲ್ವಲ್ಲ ಅಂತ ಮನೆಯವರು, ನೆರೆಯವ್ರು ಗಾಬರಿಯಾಗಿದ್ರಂತೆ. ಆಮೇಲೆ ಬಂದ್ರಂತೆ. ದಾರಿ ತಪ್ಪಿಬಿಟ್ಟಿದ್ದರಂತೆ’ ಎಂದರು, ಎಲ್ಲರೂ ಕೇಳಿಸಿಕೊಳ್ಳುವ ಹಾಗೆ. ಅದಕ್ಕೆ ತಕ್ಷಣ, ಸಾಹಿತ್ಯವನ್ನು ಲಿಟರೇಚರು ಎಂದೇ ಹೇಳುತ್ತಿದ್ದ ಕೊಂಚ ಬುದ್ಧಿಜೀವಿ ಆಕಾರದ ಒಬ್ಬ ಕಾಪಿ ಎಡಿಟರ್, ‘ಅವ್ರು ಆಗ್ಲೇ ನವ್ಯದ ಟೈಮಲ್ಲೇ ಹಾದಿ ತಪ್ಪಿದ್ದ್ರಲ್ಲ ಸರ್’ ಎಂದ. ಕೆಲವರು ನಕ್ಕರು. ‘ಜೋಕು ಕಣ್ರೀ, ನಗ್ರೀ’ ಎಂದು ಇತರರನ್ನೂ ನಗಿಸಿದ ನ್ಯೂಸ್ ಎಡಿಟರು, ‘ಇವತ್ತು ಹಾದಿ ತಪ್ಪಿದ್ದು ನಮ್ಮ ರಿಪೋರ್ಟರು’ ಎಂದರು. ಡೆಸ್ಕಿನಲ್ಲಿ ಮತ್ತೆ ಕುಕ್ಕುಕ್ಕು.

ಅದೆಲ್ಲದರ ಮಧ್ಯೆ, ಆ ಸಾಹಿತಿಯ ಪ್ರೊಫೈಲು ಬರೆಯುವ ಅಸೈನ್‍ಮೆಂಟು ತನಗೆ ಬಂದು ಗಂಟುಬಿದ್ದದ್ದರಿಂದ ಸಾಹಿತ್ಯದ ತುದಿಬುಡ ಗೊತ್ತಿಲ್ಲದೆ ಒದ್ದಾಡುತ್ತ ಕೂತಿದ್ದ ಮತ್ತೊಬ್ಬ ಕಾಪಿ ಎಡಿಟರ್, ಸದ್ಯ ತಾನು ಬಚಾವಾದೆ ಎಂದು ದೊಡ್ಡದಾಗಿ ನಿಟ್ಟುಸಿರು ಬಿಟ್ಟದ್ದು ಯಾರ ಗಮನಕ್ಕೂ ಬರಲೇ ಇಲ್ಲ. ತನ್ನನ್ನು ಯಾರೂ ಗಮನಿಸಲೇ ಇಲ್ಲವಲ್ಲ ಎಂದು ಒಳಗೊಳಗೇ ಕುದ್ದುಹೋದ ಅವನು, ಆ ಸಾಹಿತಿ ನಿಜವಾಗಿಯೂ ಸತ್ತಿದ್ದಿದ್ದರೆ ಇವರೆಲ್ಲ ಇವತ್ತು ನನ್ನನ್ನು ಬದುಕಲು ಬಿಡುತ್ತಿದ್ದರಾ ಎಂದು ಮತ್ತಷ್ಟು ಉರಿಯತೊಡಗಿದ.

*

ಓ ಮೈ ಗಾಡ್!

ರ್ನಾಟಕದಲ್ಲಿ ಎಲೆಕ್ಷನ್ ಟೈಮು ಎಂದು ಗೊತ್ತಾಗಿ ಹೊಸ ಹೊಸ ಗಿಮಿಕ್ಕು ಕಲ್ತುಕೊಳ್ಳೋಕೆ ಸರಿಯಾದ ಸಂದರ್ಭ ಇದು, ಬರೀ ಮಹಾಭಾರತ ಕಾಲದ್ದೇ ಇನ್ನೂ ಇಟ್ಟುಕೊಂಡು ಒದ್ದಾಡ್ತಿದ್ದೇನಲ್ಲ ಎನ್ನಿಸಿತು ದೇವರಿಗೆ. ಸರಿ, ವಿಧಾನಸೌಧದೆದುರಿಗೆ ಇಳಿದೇಬಿಟ್ಟ. ಆಗ ಗೊತ್ತಾಯ್ತು: ಯಾರೂ ಇಲ್ಲಿಲ್ಲ; ಕೃಷ್ಣಾ, ಕ್ವೀನ್ಸು, ರೇಸ್‍ಕೋರ್ಸು, ಮಲ್ಲೇಶ್ವರಮ್ಮು, ಪದ್ಮನಾಭನಗರ ಹೀಗೆ ಪೊಲಿಟೀಷಿಯನ್ನುಗಳೆಲ್ಲ ಚದುರಿಹೋಗಿದ್ದಾರೆ.

ಇನ್ನೇನು ಮಾಡೋದಪ್ಪ ಎಂದು ತಲೆಕೆರೆದುಕೊಳ್ಳುತ್ತ ನಿಂತಿದ್ದಾಗ, ಅಷ್ಟೊತ್ತಿಗೆ ಮೀಡಿಯಾದವರೆಲ್ಲ ದೇವರು ಬಂದ ವಾಸನೆ ಸಿಕ್ಕಿ ತಪ್ಪಿಸಿಕೊಳ್ಳಲಾರದ ಹಾಗೆ ಸುತ್ತುವರಿದುಬಿಟ್ಟರು. ಅಷ್ಟೊಂದು ಲೋಗೋ ಮೈಕುಗಳನ್ನು ನೋಡಿ ಭಯವೂ ಬೆರಗೂ ಏಕಕಾಲಕ್ಕೇ ಆಗುತ್ತಿರಲು ದೇವರಿಗೆ ಒಂದೇ ಸಮನೆ ಪ್ರಶ್ನೆಗಳ ಮೊಳೆಗಳು ಎಲ್ಲಾ ದಿಕ್ಕಿನಿಂದಲೂ ಬಂದು ನಾಟತೊಡಗಿದವು.

ಹೀಗೆ ತೀರಾ ಅಷ್ಟೊಂದು ಹಳೇ ದಡ್ಡನ ಥರ ಇದ್ದರೆ ಇವರ ಮುಂದೆ ಆಟ ಸಾಗದು ಎಂದು ಹೊಳೆದದ್ದೇ ದೇವರು, ‘ಸೈಲೆನ್ಸ್ ಪ್ಲೀಸ್’ ಎಂದು ಪಾಂಚಜನ್ಯದ ಸ್ವರವನ್ನು ಹೃಸ್ವಗೊಳಿಸಿದರೆ ಯಾವ ಪ್ರೆಷರಿನಲ್ಲಿ ಹೊಮ್ಮಿ ಕಿವಿಗಡಚಿಕ್ಕಬಹುದೋ ಅಂಥ ವಾಯ್ಸಿನಲ್ಲಿ ಗುಡುಗಿದ. ಮತ್ತು ಈಗ ದೇವರು ಥೇಟ್ ದೇವೇಗೌಡರು, ಸಿದ್ದರಾಮಯ್ಯ, ಯಡಿಯೂರಪ್ಪ, ಕುಮಾರಸ್ವಾಮಿ ಇತ್ಯಾದಿ ಇತ್ಯಾದಿಗಳಂತೆಯೇ ಕಂಡ.

ಬರೀ ಕಾಣುತ್ತಿರುವನೊ ಅಥವಾ ಹಾಗೆಯೇ ಆಗಿಬಿಟ್ಟನೊ ಎಂಬುದನ್ನು ವಿಶ್ಲೇಷಕರು ವಿಷದೀಕರಿಸಬೇಕಿದೆ.

*

ಒಂಚೂರು ಬೇತಾಳ

ಥಾಪ್ರಕಾರ ರಾಜ ವಿಕ್ರಮಾದಿತ್ಯನ ಭುಜದ ಮೇಲಿಂದ ಇಳಿಬಿದ್ದು ಜೋತಾಡತೊಡಗಿದ ಬೇತಾಳ, ಯಕಶ್ಚಿತ್ ಇರುವೆಯೊಂದು ಕಚ್ಚಿದ್ದಕ್ಕೆ ಪ್ರಾಣವೇ ಹೋದವನಂತೆ ಚೀರಾಡಿದ ರಾಜನೊಬ್ಬನ ಕಥೆ ಹೇಳಿತು; ಎಲ್ಲಿಯೂ ಅವನ ಹೆಸರನ್ನು ಬಹಿರಂಗಪಡಿಸದೆ. ಪೊಲಿಟೀಷಿಯನ್ನುಗಳು, ಪತ್ರಕರ್ತರ ಥರ ಶೈಲಿಯನ್ನು ಕಲಿತುಕೊಂಡ ಬೇತಾಳದ ಬಗ್ಗೆ ವಿಕ್ರಮಾದಿತ್ಯನಿಗೆ ಒಳಗೊಳಗೇ ಭಯವಾಯಿತು. ಇನ್ನು ಆ ರಾಜ ಯಾರೆಂದು ಕೇಳಿದರೆ ಏನು ಹೇಳಲಿ ಎಂದು ಬೆವರತೊಡಗಿದ. ಆದರೆ ಬೇತಾಳ ಏನನ್ನೂ ಕೇಳದೆ ಅವನ ಭುಜದ ಮೇಲಿಂದ ಹಾರಿ ಗಾಳಿಯಲ್ಲಿ ತೇಲಾಡುತ್ತ, ‘ಅವನಾದರೊ ಇರುವೆ ಕಚ್ಚಿದ್ದಕ್ಕೆ ಚೀರಾಡಿದ್ದ, ನೀನು ಮಾತ್ರ ಯಾವುದೂ ಕಚ್ಚದೆ ಇಷ್ಟೊಂದು ಭಯಬೀಳುತ್ತಿದ್ದಿಯಲ್ಲೊ’ ಎಂದು ಹೀಗಳೆದು ಕಿಕ್ಕಿಕ್ಕಿಕ್ಕೀ ನಗುತ್ತ ಹೋಗಿ ಎದುರಿಗಿದ್ದ ಹುಣಸೆಮರದ ರೆಂಬೆಗೆ ನೇತಾಡತೊಡಗಿತು.

Share

Leave a comment

Your email address will not be published. Required fields are marked *

Recent Posts More

  • 21 hours ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 1 day ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 2 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    2 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...