Share

ಇಂಗ್ಲೆಂಡಿನಲ್ಲಿ ಕಂಡ ‘ಬೆಳದಿಂಗಳ ಬಾಲೆ’
ಡಾ. ಪ್ರೇಮಲತ ಬಿ

1993ರಿಂದಲೂ ಕನ್ನಡ ಚಿತ್ರರಂಗದ ಆಗುಹೋಗುಗಳನ್ನು ಗಮನಿಸುತ್ತಿರುವವರು ಸುಮನ್ ನಗರ್ಕರ್. ಇಷ್ಟೂ ವರ್ಷಗಳಿಂದ ಚಿತ್ರರಂಗದ ಸಂಪರ್ಕವಿಟ್ಟುಕೊಂಡು ಬಂದವರು. 2001ರಲ್ಲಿ ‘ಪ್ರೀತ್ಸು ತಪ್ಪೇನಿಲ್ಲ’ ಚಿತ್ರದಲ್ಲಿ ರವಿಚಂದ್ರನ್ ತಂಗಿಯಾಗಿ ಅಭಿನಯಿಸಿದ ನಂತರ ಇವರು ಎಲ್ಲಿಗೆ ಹೋದರು ಎಂಬುದೇ ಹಲವರಿಗೆ ತಿಳಿದಿರಲಿಲ್ಲ. ಆದರೆ ಮದುವೆಯಾಗಿ ಹಾರಿದ್ದು ಅಮೆರಿಕಾಕ್ಕೆ ಹಾರಿದ್ದರು ಸುಮನ್. ಮತ್ತೆ ನಟಿಸುವ ಅವಕಾಶ ಅವರಿಗೂ, ತೆರೆಯ ಮೇಲೆ ಅವರನ್ನು ಕಾಣುವ ಅವಕಾಶ ನಮಗೂ ಬಂದಿರಲೇ ಇಲ್ಲ.

‘ಮೇಷ್ತ್ರು’ ನಾಗತಿಹಳ್ಳಿ ಚಂದ್ರಶೇಖರ್ ಅಮೆರಿಕಾದಲ್ಲಿದ್ದ ತಮ್ಮ ಶಿಷ್ಯೆಯ ಮನೆಗೆ ಕಾಲಿಟ್ಟಿದ್ದೇ ಕಾರಣವಾಯ್ತು ಸುಮನ್ ಮತ್ತೆ ತೆರೆಮೇಲೆ ಮಿಂಚುವಂತಾಯಿತು. ಅವರಿಗೆ 2016ರ ‘ಇಷ್ಟಕಾಮ್ಯ’ ಚಿತ್ರದಲ್ಲಿ ಒಂದು ಪಾತ್ರ ದೊರಕಿತು. ‘ಗ್ರೇ’ ಎನ್ನುವ ಅಂತರ್ಜಾಲ ಕಿರುಚಿತ್ರದಲ್ಲಿಯೂ ದ್ವಿ-ಪಾತ್ರ ದಕ್ಕಿತು. ‘ಜೀರ್ಜಿಂಬೆ’ ಎನ್ನುವ ಕಾರ್ತಿಕ್ ಸರಗೂರರ ಚಿತ್ರದಲ್ಲಿಯೂ ನಟಿಸಿದರು.

ತಮ್ಮ ಮೊದಲ ಇನ್ನಿಂಗ್ಸಿನಂತೆಯೇ ಎರಡನೆಯ ಬಾರಿಯೂ ಮನಸ್ಸಲ್ಲಿ ಉಳಿಯುವ ಪಾತ್ರಗಳನ್ನೇ ಆಯ್ಕೆ ಮಾಡಿಕೊಂಡು ಅಮೆರಿಕಾ-ಭಾರತದ ನಡುವೆ ಓಡಾಡಿಕೊಂಡು ಸುಮನ್, ಪ್ರಬುದ್ಧ ಮತ್ತು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. 2017ರಲ್ಲಿ 4 ರಾಜ್ಯಪ್ರಶಸ್ತಿಗಳನ್ನು ದೋಚಿಕೊಂಡ ‘ಜೀರ್ಜಿಂಬೆ’ ಚಿತ್ರವನ್ನು ಬೆಂಬಲಿಸುತ್ತ ಆ ಚಿತ್ರವನ್ನು ಇಂಗ್ಲೆಂಡಿನ ಡಾನ್ಕ್ಯಾಸ್ಟರ್ ನಗರಕ್ಕೆ ತಂದಾಗ ಅವರನ್ನು ಭೇಟಿಮಾಡುವ ಸಂದರ್ಭ ಒದಗಿಬಂತು.

‘ಜೀರ್ಜಿಂಬೆ’ ಚಿತ್ರ ಪ್ರಶಸ್ತಿಗಾಗಿ ಸ್ಪರ್ಧೆಗಳಲ್ಲಿ ಇರುವ ಕಾರಣ, ಇನ್ನೂ ಕರ್ನಾಟಕದಲ್ಲೇ ವಾಣಿಜ್ಯ ಮಟ್ಟದಲ್ಲಿ ಪ್ರದರ್ಶನ ಕಂಡಿಲ್ಲ. ಆದರೆ ಅಮೆರಿಕಾ–ಇಂಗ್ಲೆಂಡಿನಲ್ಲಿ ಈಗಾಗಲೇ ಕನ್ನಡಿರಿಗರ ಅಪಾರ ಮೆಚ್ಚುಗೆ ಪಡೆದುಬಿಟ್ಟಿದೆ ಈ ಚಿತ್ರ. ಇದರಲ್ಲಿ ಸುಮನ್ ಅವರದು ಸಣ್ಣ ಪಾತ್ರ. ಅತ್ಯುತ್ತಮ ಮಕ್ಕಳ ಚಿತ್ರ, ಅತ್ಯುತ್ತಮ ಸಂಗೀತ (ಚರಣ್ ರಾಜ್), ಅತ್ಯುತ್ತಮ ಹಾಡುಗಳು ((ಕಾರ್ತಿಕ್ ಸರಗೂರು) ಮತ್ತು ಅತ್ಯುತ್ತಮ ಬಾಲ ಕಲಾವಿದೆ (ಸಿರಿ ವಾನಳ್ಳಿ) ಪ್ರಶಸ್ತಿಗಳನ್ನು ಗೆದ್ದುಕೊಂಡಿದೆ.

ಸಾಫ್ಟ್ ವೇರ್ ಇಂಜಿನಿಯರಿಂಗ್ ಮಾಡಿದರೆ ಸಾಕು ಸಿನಿಮಾ ನಿರ್ಮಾಣ ಸಾದ್ಯವಿರುವ ಕಾಲವಿದು ಎನ್ನುತ್ತಾರೆ ಸುಮನ್. ಪತಿ ಗುರುದೇವ್ ಜೊತೆ ತಮ್ಮದೇ ಹೆಸರಿನ ಪ್ರೊಡಕ್ಷನ್ ಶುರುಮಾಡಿರುವ ಇವರು, ಅಮೆರಿಕಾದ ಹಲವು ಸಮಾನ ಆಸಕ್ತರ ಜೊತೆಗೂಡಿ ಸಿನಿಮಾ ನಿರ್ಮಾಣ ಮತ್ತು ನಿರ್ದೇಶನಕ್ಕೂ ಕೈ ಹಾಕಿದ್ದಾರೆ. ನೂರಕ್ಕೆ ನೂರು ಪಾಲು ಅಮೆರಿಕಾದಲ್ಲೇ ಚಿತ್ರೀಕರಣ ನಡೆಸಿ ಮುಗಿಸಿರುವ ‘ಬಬ್ರೂ’ ಎನ್ನುವ ಪೂರ್ಣ ಪ್ರಮಾಣದ ಚಲನಚಿತ್ರವನ್ನು ಇದೇ ವರ್ಷ ಹೊರತರುತ್ತಿದ್ದಾರೆ. ಈಗ ಕರ್ನಾಟಕದಲ್ಲಿ ಎಲೆಕ್ಷನ್, ಐಪಿಎಲ್ ಭರಾಟೆ. ಇದು ಕಳೆದ ನಂತರ ‘ಜೀರ್ಜಿಂಬೆ’ಯಂಥ ಚಿತ್ರವನ್ನು ಜನರಿಗೆ ಮುಟ್ಟಿಸಲು ಸಕಾಲ ಎನ್ನುವ ಈ ದಂಪತಿ, ಕನ್ನಡ ಸಿನಿಮಾದಲ್ಲಿ ಒಂದೆಡೆ ಮಾಮೂಲಿ ಫಾರ್ಮುಲಾದ ಚಿತ್ರಗಳು ಹೊರಬರುತ್ತಿದ್ದರೆ ಇನ್ನೊಂದೆಡೆ ನವೀನ ಮಾದರಿಯ ವಿಚಾರ ಧಾರೆಯಿರುವ, ವಿಭಿನ್ನ ಚಿತ್ರಗಳಿಗೆ ಯುವ ಜನತೆ ತೆರೆದುಕೊಳ್ಳುತ್ತಿದೆ ಎಂದು ನಂಬಿದ್ದಾರೆ.

‘ಭೀಮಸೇನ ನಳಮಹಾರಾಜ’, ‘ಮೇಕಿಂಗ್ ಆಫ್ ವಿವೇಕಾನಂದ’ ಇತ್ಯಾದಿ ಚಿತ್ರಗಳ ನಿರ್ದೇಶನದೊಂದಿಗೆ ತಮ್ಮ ಹಾಡುಗಳ ರಚನೆಗಾಗಿ ವೈಯಕ್ತಿಕವಾಗಿ ರಾಜ್ಯಪ್ರಶಸ್ತಿ ಪಡೆದಿರುವ ಕಾರ್ತಿಕ್ ಕೂಡ ಕಿರುಚಿತ್ರಗಳನ್ನು ಮಾಡುವ ಮೂಲಕ ಚಿತ್ರರಂಗ ಪ್ರವೇಶಿದವರು. ‘ಶುದ್ಧಿ’ ಕಿರುಚಿತ್ರ ತಂಡವನ್ನು ಕೂಡ ನೆನೆವ ಇವರು, ಇಂಟರ್ನೆಟ್ ಕನ್ನಡ ಸಿನಿಮಾಗಳನ್ನು ಮಾಡುತ್ತಿರುವ ಹೊಸ ಪೀಳಿಗೆ ಕನ್ನಡ ಚಿತ್ರರಂಗಕ್ಕೆ ನಿಸ್ಸಂದೇಹವಾಗಿ ಹೊಸ ಆಯಾಮವನ್ನು ನೀಡಿ ಹೊಸ ಅಲೆಗಳನ್ನು ಸೃಷ್ಟಿಸಿರುವುದು ಹೊಸ ಭರವಸೆ ಎನ್ನುತ್ತಾರೆ.

ಅವಾರ್ಡ್ ಮೂವಿಗಳೆಂದರೆ ಅಳಲು ಹೋಗಬೇಕು ಎನ್ನುವ ನಂಬಿಕೆಯಿದ್ದ ಕಾಲವೊಂದಿತ್ತು. ಆರ್ಟ್ ಮೂವಿ, ಕಮರ್ಷಿಯಲ್ ಮೂವಿಗಳ ನಡುವೆ ದೊಡ್ಡ ಕಂದಕವಿತ್ತು. ಇದೀಗ, ಇವೆರಡರ ನಡುವೆ ಹೊಸ ಬಗೆಯ, ಸಕಾರಾತ್ಮಕ ಸಂದೇಶ ಹೊತ್ತ, ಯುವ ಜನರ ಬದುಕಿಗೆ ಹತ್ತಿರವಾಗುತ್ತಿರುವ, ಗೋಳೇ ಪ್ರಧಾನವಾಗಿರದ, ಯುವಜನತೆಗಾಗಿ ಯುವಜನತೆಯಿಂದಲೇ ಸಿನಿಮಾಗಳು ನಿರ್ಮಾಣವಾಗುತ್ತಿದ್ದು, ಇದು ‘ನಾನ್ ಲೀನಿಯರ್’ ಸಿನಿಮಾಯುಗ ಎನ್ನುತ್ತಾರೆ.

ಕಡಿಮೆ ಬಜೆಟ್, ಹೊಸ ಮುಖಗಳು, ತಾಜಾ ಕಥೆಗಳು, ನವಿರು ಸಂವೇದನೆಗಳು, ನಾಜೂಕಾದ ಸಾಮಾಜಿಕ ತಲ್ಲಣಗಳನ್ನು ಸುಂದರವಾಗಿ ಕಡಿಮೆ ಅವಧಿಯಲ್ಲಿ ನಮ್ಮ ಮನೆಯ ಕೋಣೆಗಳಿಗೇ ತಲುಪಿಸಬಲ್ಲ ಹೊಸ ಟ್ರೆಂಡಿನ ಚಿತ್ರಗಳು ಕನ್ನಡ ಚಿತ್ರರಂಗದ ಹೊಸಬೆಳವಣಿಗೆಯೆನ್ನುವುದು ಅವರ ನಂಬುಗೆ. ಇಂಟರ್ನೆಟ್ ಕೆದಕಿದರೆ ಕನ್ನಡ ಕಿರುಚಿತ್ರಗಳ ದೊಡ್ಡ ಪಟ್ಟಿಯೇ ನಿಮ್ಮ ಕಣ್ಣೆದುರು ತೆರೆದುಕೊಳ್ಳುವುದು ಕೂಡ ಸುಳ್ಳಲ್ಲ. ಇಂತಹ ಚಿತ್ರಗಳಿಗೆ ಸ್ಪರ್ಧೆ, ಪ್ರಶಸ್ತಿಗಳ ಮನ್ನಣೆ ಎಲ್ಲವೂ ಇರುವ ಕಾರಣ ಇದು ಆಕರ್ಷಕ ಕೂಡ. ಆರ್ಟ್ ಮೂವಿಗಳ ಮೂಲಕ ಹೇಳುವ ತತ್ವಗಳು, ವಿಚಾರಗಳು, ಪ್ರಚೋದನೆಗಳನ್ನು ಹೊಸತನದ ತಳುಕಿನೊಂದಿಗೆ ಉತ್ತಮಗೊಳಿಸಲು ಸಾದ್ಯವಿದೆ ಎನ್ನುತ್ತಾರೆ ಸುಮನ್. ಹೊರನಾಡ ಕನ್ನಡಿಗರು ಹಣ ಹೂಡಿ, ಅನಿವಾಸೀ ಭಾರತೀಯರ ಸಂವೇದನೆಗಳನ್ನು, ಬದುಕನ್ನು ಹಾಸ್ಯಾತ್ಮಕವಾಗಿ ಉಣಬಡಿಸುವ ಯೋಜನೆಗಳಿರುವ ಬಗ್ಗೆ ಹೇಳಿದ್ದು ಸುಮನ್ ಪತಿ ಗುರುದೇವ್.

15 ವರ್ಷಗಳಿಂದ ಕ್ಯಾಲಿಫೋರ್ನಿಯಾ ಪ್ರಾಂತ್ಯದಲ್ಲಿರುವ ಈ ದಂಪತಿ, ಭಾರತ, ಅಮೆರಿಕಾ, ಇಂಗ್ಲೆಂಡ್, ಆಸ್ಟ್ರೇಲಿಯಾಗಳಿಗೆ ತಮ್ಮ ನೆಟ್ವರ್ಕ್ ಬೆಳೆಸುವ ಪ್ರಯತ್ನದಲ್ಲಿದ್ದಾರೆ. ಸ್ನೇಹಿತರೊಡನೆ ಹೊಸ ಭರವಸೆಯೊಂದಿಗೆ ಮರಳಿದ್ದಾರೆ.

ಡಾ. ಪ್ರೇಮಲತ ಬಿ

ದಂತವೈದ್ಯೆ. ಕಳೆದ 15 ವರ್ಷಗಳಿಂದ ಇಂಗ್ಲೆಂಡಿನಲ್ಲಿ ವಾಸ. ಬಾಲ್ಯದಿಂದಲೇ ಸಾಹಿತ್ಯದಲ್ಲಿ ಆಸಕ್ತಿ. ಹಲವಾರು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ. ಕಥೆ, ಕಾವ್ಯ ಸ್ಪರ್ಧೆಗಳಲ್ಲಿ ಬಹುಮಾನಿತರು.

Share

Leave a comment

Your email address will not be published. Required fields are marked *

Recent Posts More

  • 6 days ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 week ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...

  • 2 weeks ago No comment

    ಕಲರವ | ಒಂದು ಸಿನಿಮಾ ನೋಡಿದ ಕಥೆ…

        ಕಲರವ           “ಎರಡು ವರ್ಷಕ್ಕೊಮ್ಮೆ ಬರ್ತೀಯ, ಈ ಬಾರಿಯಾದರೂ ಒಂದು ಸಿನಿಮಾ ನೋಡು” ಎಂದಳು ಭಾರತದ ನನ್ನ ಅಕ್ಕ. “ಹೌದಲ್ಲವಾ” ಅಂತ ನಮ್ಮೂರಿನಲ್ಲಿ ನಡೆಯುತ್ತಿದ್ದ ಸಿನಿಮಾ ಪಟ್ಟಿ ನೋಡಿದೆ. ಪ್ರೀತಿ –ಪ್ರೇಮ, ಫೈಟಿಂಗ್ ಗಳ ಚಲನಚಿತ್ರವನ್ನು ನೋಡುವುದೆಂದರೆ, ‘ನೋಡಿದ್ದನ್ನೇ ನೋಡುವ’ ಕಷ್ಟ. ವೈಚಾರಿಕ ಸಿನಿಮಾಗಳು ಜಾಸ್ತಿ ಓಡದ ಕಾಲವಿದು. ಇನ್ನು ಸಾಂಸಾರಿಕ ಚಿತ್ರಗಳು ಬರುವುದು ನಿಂತ ಮೇಲೆ ಸಂಸಾರಗಳು ಒಟ್ಟಿಗೆ ...

  • 2 weeks ago No comment

    ಕವಿಸಾಲು | ಅಲೆಗಳೆದ್ದ ಕೊಳ…

        ಕವಿಸಾಲು         ಅಲೆಗಳೆದ್ದ ಕೊಳವಿದು, ಕಲ್ಲು ತೂರಿದ ಕಾಯಕವಷ್ಟೇ ನಿನ್ನದು ಎದ್ದ ಅಲೆಗಳ ಮೇಲಿಲ್ಲ ನಿನಗೆ ಇನಿತು ಅಧಿಕಾರವು ದೂರಿಲ್ಲ ನನ್ನಲ್ಲಿ, ಬೇಡಿಕೆ ತಾನೇ ಏಕೆ? ತುಂಬಿದ ಮನದಿ ಹೊಕ್ಕ ಹರ್ಷಕೆ ಪುರಾವೆಗಳ ಹಂಗಿಲ್ಲ, ನಕ್ಕ ನಗುವಿನಲಿ ನೋವಿಲ್ಲ, ತುಂಬಿವೆ ನೂರು ಭಾವಾರ್ಥ ಮುಚ್ಚಟೆಯಿಂದ ಬಚ್ಚಿಟ್ಟುಕೊಂಡು ಬೇಕಾದ ಪರಿಭಾಷೆಯಲಿ ದಿರಿಸಿಟ್ಟು ಸಿಂಗರಿಸಿ ನೋಡುತ್ತ ನಿನ್ನ ಅನುಪಸ್ಥಿತಿಯಲ್ಲೂ ಸಿಗುವ ಅನುಪಮ ಭಾವದಿ ದೊರಕಿದ್ದು ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...


Editor's Wall

  • 31 August 2018
    3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 weeks ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 weeks ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    3 weeks ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    4 weeks ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...