Share

ಸವಿತಾ ನಾಗಭೂಷಣ ಪ್ರವಾಸ ಕಥನ | ಗಂಗೆಯ ಒಡಲಲ್ಲಿ, ಕಾಳಿಯ ಮಡಿಲಲ್ಲಿ

 

ಪ್ರವಾಸಿ ಸವಿತಾ ಕಂಡ ಇಂಡಿಯಾ

 

 

 

ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ಸಂಚಿಕೆಯಿಂದ ‘ಹೊಸ ಮನುಷ್ಯ’ ಎಂದು ಪುನರ್ನಾಮಕರಣಗೊಂಡಿತು) 2011ರ ಸೆಪ್ಟಂಬರಿನಿಂದ 2012ರ ಆಗಸ್ಟ್ ಸಂಚಿಕೆಗಳವರೆಗೆ ಧಾರಾವಾಹಿಯಾಗಿ ಪ್ರಕಟವಾಗಿತ್ತು.

-ಸವಿತಾ ನಾಗಭೂಷಣ, ಶಿವಮೊಗ್ಗ

 

ಭಾಗ-3

ನಾವು ರಾತ್ರಿಯೆಲ್ಲಾ ಬಸ್ಸಿನಲ್ಲಿ ಪಯಣಿಸಿ ಬೆಳಿಗ್ಗೆ ಸುಮಾರು ಏಳೂವರೆ ಗಂಟೆಗೆ ಕೊಲ್ಕೊತ್ತಾ ಪ್ರವೇಶಿಸಿದೆವು. ಕೊಲ್ಕೊತ್ತಾ ಕೊಲ್ಕೊತ್ತಾ ಎಂದು ಹುರುಪಿನಿಂದ ಕಿಟಿಕಿಯಲ್ಲಿ ಕಣ್ಣು ಹಾಕಿ ಕುಳಿತೆವು. ಪ್ರತಿಯೊಬ್ಬ ಭಾರತೀಯನ ಮನಸ್ಸಿನಲ್ಲಿ ಕೊಲ್ಕೊತ್ತಾಗೆ ವಿಶಿಷ್ಟ ಸ್ಥಾನ ಇದೆಯಷ್ಟೆ. ಆದರೆ ಪುರಾತನ ಕಾಲದ ಪಾಳುಬಿದ್ದ ಮನೆಗಳು, ಇಕ್ಕಟ್ಟಾದ ಬೀದಿಗಳು, ಧೂಳು, ಕೊಳಕು ನೋಡಿ ಗಾಬರಿಯಾದೆವು. ಟ್ರಾಫಿಕ್ ಭರಾಟೆ ಎಷ್ಟಿತ್ತೆಂದರೆ, ನಮ್ಮ ಬಸ್ಸು ಆಮೆ ವೇಗದಲ್ಲಿ ಮುಂದುವರೆಯುತ್ತಿತ್ತು. ಕೊಲ್ಕತ್ತೆಯ ಬಗ್ಗೆ ನನ್ನ ಮನಸ್ಸಿನಲ್ಲಿ ಏನೆಲ್ಲ ಕಲ್ಪನಾ ಚಿತ್ರಗಳಿದ್ದವೋ ಅವೆಲ್ಲ ಒಂದು ಚಣ ಚಿಂದಿಯಾದರೂ, ಹೂಗ್ಲಿ ನದಿ, ಹೌರಾ ಸೇತುವೆ, ಮೆಟ್ರೋ, ಜೀವನೋತ್ಸಾಹದಿಂದ ಓಡಾಡುತ್ತಿದ್ದ ಜನತೆ ಗುಂಪು ಗುಂಪಾಗಿ ಗೂಡಂಗಡಿಗಳ ಮುಂದೆ ನೆರೆದು ಬೆಳಗಿನ ಚಹಾ ಸವಿಯುತ್ತಿದ್ದ ದೃಶ್ಯ ನೋಡುತ್ತಿರುವಂತೆಯೇ ರಾಮಕೃಷ್ಣ ಪರಮಹಂಸ, ಮಾಸ್ಟರ್ ಮಹಾಶಯ, ವಿವೇಕಾನಂದ, ಟಾಗೋರ್, ಶರಶ್ಚಂದ್ರ, ಮದರ್ ತೆರೇಸಾ, ಸತ್ಯಜಿತ್ ರಾಯ್, ಜ್ಯೋತಿ ಬಸು, ಮಮತಾ ದೀದಿ ಯಾರೆಲ್ಲ ನೆನಪಿಗೆ ಬಂದು ಚೇತರಿಸಿಕೊಂಡೆನು.

‘ಈಗ ನಮ್ಮ ಪಯಣ ಬೇಲೂರು ಮಠದೆಡೆಗೆ, ರಾಮಕೃಷ್ಣ ಪರಮಹಂಸರ ನೆನಪಿನಲ್ಲಿ ವಿವೇಕಾನಂದರು ಸ್ಥಾಪಿಸಿದ ಮಠವಿದು. ಇಲ್ಲಿಯೇ ಸ್ನಾನ. ಗಂಗೆಯ ಘಾಟಿದೆ, ಸ್ನಾನಗೃಹಗಳಿವೆ. ಸ್ನಾನ ಮುಗಿಸಿ ಮಠ ನೋಡಿಕೊಂಡು ಸರಿಯಾಗಿ ಹತ್ತು ಘಂಟೆಗೆ ತಿಂಡಿಗೆ ಬನ್ನಿ. ಅಲ್ಲಿಯವರೆಗೂ ನೀವು ಫ್ರೀ!’ ಎಂದು ಟೂರ್ ಮ್ಯಾನೇಜರ್ ಉದ್ಘೋಷಿಸಿ ನಮ್ಮನ್ನು ಬಸ್ಸಿನಿಂದ ಇಳಿಸಿದ. ನೀರು ಕಂಡಲ್ಲಿ ಮುಳುಗುವ ಹವ್ಯಾಸವಿದ್ದ ನಾವು ಲಗುಬಗೆಯಿಂದ ಘಾಟಿನತ್ತ ಹೆಜ್ಜೆ ಹಾಕಿದೆವು. ಘಾಟಿನ ಮೆಟ್ಟಿಲುಗಳಿಂದ ಇಳಿದು ನದಿ ಪ್ರವೇಶಿಸಲು ಕಣ್ಣು ಹಾಯಿಸಿದರೆ, ಹೆಜ್ಜೆ ಹಾಕಲು ಸಾದ್ಯವಿಲ್ಲ; ಅಷ್ಟು ಕೊಚ್ಚೆ-ಕೆಸರು. ಗಂಗೆ ಅದೆಷ್ಟು ಕಪ್ಪಗೆ ಹರಿಯುತ್ತಿದ್ದಳೆಂದರೆ, ‘ಥೂ ಕೊಚ್ಚೆ!’ ಎಂದು ಎಲ್ಲರೂ ಹಿಂದೆಗೆದರು. ‘ಈ ಕೆಸರಿನಲ್ಲಿ ಮೀಯುವುದೇ? ಸಾಧ್ಯವೇ ಇಲ್ಲ!’ ಎಂದು ಹಲವರು ಸ್ನಾನಗೃಹದತ್ತ ತೆರಳಿದರು.

ನನ್ನ ಸಹಯಾತ್ರಿ ಮನೋರಮಾ ‘ನನಗೆ ನೀರೆಂದರೆ ಭಯ!’ ಎಂದು ಮೆಟ್ಟಿಲುಗಳ ಮೇಲೇ ಕುಳಿತರು. ನಮ್ಮ ಗುಂಪಿನ ರುಕ್ಮಿಣಿ, ಗೌರಿ, ಲಲಿತಾ ಮುಂದೇನು ಎನ್ನುವಂತೆ ನನ್ನತ್ತ ನೋಡಿದರು. ನಾನಂತೂ ಈ ನೀರಿನಲ್ಲಿ ಮೀಯುವವಳೇ ಎಂದು ಬಾಯ್ದುಂಬಿ ಹೇಳಿದೆನಾದರೂ, ಮುಂದೆ ಒಂದು ಹೆಜ್ಜೆಯೂ ಇಡಲಾರದವಳಾಗಿ, ಘಾಟಿನ ಮೆಟ್ಟಿಲುಗಳ ಮೇಲೆ ಚಿಂತಾಕ್ರಾಂತಳಾಗಿ ನಿಂತೇ ಇರಲು, ನನ್ನ ದೃಷ್ಟಿ ಶುಭ್ರವಾದ ಕೊಕ್ಕರೆಬಿಳಿ ಸೀರೆಯನ್ನುಟ್ಟು ಘಾಟಿನ ಮೆಟ್ಟಿಲುಗಳ ಮೇಲೆ ಅಪಾರ ಪ್ರೀತಿಯಿಂದ ಗಂಗೆಯನ್ನು ನೋಡುತ್ತಾ ಕುಳಿತಿದ್ದ ವೃದ್ಧ ಮಹಿಳೆಯತ್ತ ಹರಿಯಿತು. ನಾನಿದ್ದ ಆವರಣದ ಪ್ರಭಾವದಿಂದ ನನ್ನ ಯೋಚನಾ ಲಹರಿಯೂ ನಿಲುಗಡೆಯಿಲ್ಲದ ನದಿಯಂತೆಯೇ ಹರಿಯುತ್ತಿತ್ತು.

ದೇಹದಲ್ಲಿ-ಮನಸ್ಸಿನಲ್ಲಿ ಮಲಸಂಚಯ ಮಾಡಿಕೊಂಡ ಮನುಷ್ಯ ಒಳಗಣ ಮಲಿನತೆಗಿಂತ ಹೊರಗಣ ಮಲಿನತೆಯನ್ನು ಕಂಡು ಅಂಜುವ ಪರಿ ವಿಚಿತ್ರದ್ದಾಗಿದೆ ಎಂದು ನನಗೆ ನಾನೇ ಹೇಳಿಕೊಂಡೆನು. ಅರ್ಧ ರಾತ್ರಿಯಲ್ಲಿ ಎದ್ದು ಚಾಂಡಾಲನ ಮನೆಯನ್ನು ಯಾರಿಗೂ ತಿಳಿಯದಂತೆ ಪ್ರವೇಶಿಸಿ, ಅವನ ಕಕ್ಕಸ್ಸು ಮನೆಯನ್ನು ಗುಡಿಸಿ ಕೇಶರಾಶಿಯಿಂದ ಅದನ್ನು ಒರೆಸಿದ ದೀನರಲ್ಲಿ ದೀನರಾಗಬೇಕೆಂದು ಇಚ್ಛಿಸಿದ ಪರಮಹಂಸ ಮತ್ತು ಅವರ ಪಾದಗಳನ್ನು ಶಿರದಲ್ಲಿ ಧರಿಸಿ ‘ನಾನು ಹೊಲೆಯನಾಗಿದ್ದರೆ ಇನ್ನೂ ಹೆಚ್ಚು ಸಂತೋಷಪಡುತ್ತಿದ್ದೆ’ ಎಂದ ವಿವೇಕಾನಂದ ಇವರನ್ನೆಲ್ಲ ಎದೆಯಲ್ಲಿಟ್ಟುಕೊಂಡಿರುವೆ ಎಂದು ನಂಬಿರುವ ನನ್ನ ಬಗ್ಗೆಯೇ ನನಗೆ ನಾಚಿಕೆಯೆನಿಸಿತು.

ಈ ಮಹಾ ಕೊಚ್ಚೆಯನ್ನು ನೊಡಿ ಹೇಗಪ್ಪಾ ಇದನ್ನು ದಾಟುವುದು ಎಂದು ಯೋಚನೆಯಲ್ಲೇ ಮುಳುಗಿರಲು, ತಮಗಾದ ಅನ್ಯಾಯವನ್ನು ಪ್ರತಿಭಟಿಸಲು ದಾರಿಗಾಣದೆ ಮೈಮೇಲೆ ಮಲವನ್ನು ಸುರಿದುಕೊಂಡ ಸವಣೂರಿನ ಭಂಗಿಗಳ ನೆನಪೂ ಕಲೆಸಿಕೊಂಡು ಕಕ್ಕಾಬಿಕ್ಕಿಯಾಗಿ ನಿಂತೇ ಇರಲು, ಕೊಕ್ಕರೆಬಿಳಿ ಸೀರೆಯನ್ನುಟ್ಟ ಆ ವೃದ್ಧ ಮಹಿಳೆ ಪರಮ ಭಕ್ತಿಯಿಂದ ನನ್ನ ಕಣ್ಮುಂದೆಯೇ ಕೊಚ್ಚೆಯ ಮೇಲೆ ಹಂಸದಂತೆ ನಡೆದು ಗಂಗೆಯಲ್ಲಿ ಮುಳುಗಿದಳು. ಇನ್ನೂ ಮೆಟ್ಟಿಲುಗಳ ಮೇಲೆಯೇ ಹೊಯ್ದಾಡುತ್ತಾ ನಿಂತಿದ್ದ ನನ್ನನ್ನು ಉದ್ದೇಶಿಸಿ ಆ ವೃದ್ಧ ಮಹಿಳೆ ಬಂಗಾಳಿಯಲ್ಲಿ, ‘ನೀರು ಕಪ್ಪಗೆ ಕಾಣುತ್ತದೆಯಷ್ಟೆ. ಇಲ್ಲಿನ ಮಣ್ಣು ಕಪ್ಪು ಹಾಗೂ ಅಂಟಿನದು. ಕಪ್ಪು ಮಣ್ಣು ಕಲೆಸಿಕೊಂಡು ರಾಡಿಯಾಗಿದೆ. ಕೊಚ್ಚೆಯಲ್ಲ… ನೀರು ಒಳಹೋದಂತೆ ಸೊಂಪಾಗಿದೆ, ಶುಭ್ರವಾಗಿದೆ. ಮೀಯದೆ ಹೋಗದಿರಿ. ಬನ್ನಿ, ನೀರು ತಂಪಾಗಿದೆ’ ಎಂದು ಅಕ್ಕರೆಯಿಂದ ಕರೆದಳು. ಸುಮಾರು ಎಪ್ಪತ್ತರ ಅಂಚಿನಲ್ಲಿದ್ದ ಆ ವೃದ್ಧೆ ಮಹಿಳೆಯ ಮಾತಿಗೆ ತಲೆದೂಗಿ, ಈ ನೀರಿನಲ್ಲಿ ಅದೆಷ್ಟು ಸಲ ಇವಳು ಮಿಂದಿರುವಳೋ ಎಂದು ಮನಸ್ಸಿನೊಳಗೆ ಅಂದುಕೊಳ್ಳುತ್ತಾ ನಾನೂ ನೀರಿಗಿಳಿದೆ. ಕುರಿಯ ಹಿಂದೆ ಮಂದೆ ಎನ್ನುವಂತೆ ಈಗ ನನ್ನ ಸಹಯಾತ್ರಿಕರು ಒಬ್ಬರ ಹಿಂದೆ ಒಬ್ಬರು ನೀರಿಗೆ ಬಿದ್ದರು.

ನಾವೆಲ್ಲ ಅದೆಷ್ಟೋ ಹೊತ್ತು ನೀರಿನಲ್ಲಿ ಬಿದ್ದುಕೊಂಡಿದ್ದೆವು. ಊರ ದೇವತೆ ಕಾಳಿಯಾಗಿರುವುದರಿಂದ, ನೀರೂ ಕಪ್ಪಗಿದ್ದುದರಿಂದ ನಾನು ಕಾಳಿಯ ಮಡಿಲಲ್ಲಿ ಇರುವಂತೆ ಕಲ್ಪಿಸಿಕೊಂಡು ಸಂತೋಷಪಟ್ಟೆನು. ನಾವೆಲ್ಲ ನೀರಿನಲ್ಲಿ ಮುಳುಗಿಕೊಂಡೇ ದಡದ ಮೇಲಿದ್ದ ಸ್ವಾಮಿ ವಿವೇಕಾನಂದರ ಕೂಸಾದ ಬೇಲೂರು ಮಠವನ್ನು ಕಣ್ಣು ತುಂಬಿಕೊಂಡೆವು. ರಾಮಕೃಷ್ಣರ ನಿಧನಾನಂತರ ಅನಾಥರಾದ ಅವರ ಶಿಷ್ಯರು ವಿವೇಕಾನಂದರ ನೇತೃತ್ವದಲ್ಲಿ ರಾಮಕೃಷ್ಣರ ಆಧ್ಯಾತ್ಮಿಕ ಪರಂಪರೆಯನ್ನು ಮುಂದುವರೆಸಲು ಸಂಘಟಿತರಾಗಿ ಸ್ಥಾಪಿಸಿಕೊಂಡ ಮಠದ ಕಟ್ಟಡವಿದು. ಸ್ವಾಮಿ ವಿವೇಕಾನಂದರ ವಿದೇಶಿ ಶಿಷ್ಯೆಯರೂ ಕೈಸ್ತಮತ ಅನುಯಾಯಿಗಳೂ ಆಗಿದ್ದ ಮಿಸ್ ಹೆನ್ರಿಟಾ ಮುಲ್ಲರ್ ಮತ್ತು ಶ್ರೀಮತಿ ಸಾರಾಬುಲ್ ಅವರ ಹಣಕಾಸಿನ ಸಹಾಯದಿಂದ ಕಟ್ಟಲ್ಪಟ್ಟ ಭವ್ಯ ಕಟ್ಟಡವದು.

‘ಸಮಯವಾಯಿತು. ಮಠದ ಬಾಗಿಲು ಹಾಕುತ್ತಾರೆ’ ಎಂದು ಸಹ ಯಾತ್ರಿಕರೊಬ್ಬರು ನಮ್ಮನ್ನು ಎಚ್ಚರಿಸಿದಾಗ ಲಗುಬಗೆಯಿಂದ ನೀರಿನಿಂದ ಹೊರಬಂದು ಸನಿಹದಲ್ಲೇ ಇದ್ದ ಸ್ವಾಮಿ ವಿವೇಕಾನಂದರು ಮಹಾ ಸಮಾಧಿ ಹೊಂದಿದ ಕೊಠಡಿ ಮತ್ತು ಶಾರದಾ ದೇವಿ ಆಗಾಗ್ಗೆ ಬಂದು ಉಳಿದುಕೊಳ್ಳುತ್ತಿದ್ದ ಕೊಠಡಿ ಎಲ್ಲವನ್ನೂ ನೋಡಿಕೊಂಡು ರಾಮಕೃಷ್ಣ ಪೂಜಾಗೃಹ ಹೊಕ್ಕಾಗ ನಮ್ಮನ್ನು ಕಪ್ಪು ಗಂಗೆಯಲ್ಲಿ ಮೀಯಿಸಿದ ಆ ವೃದ್ಧ ಮಹಿಳೆ ಪರಮಹಂಸರ ಪಟದ ಮುಂದೆ ಧ್ಯಾನಸ್ಥಳಾಗಿ ಕುಳಿತಿದ್ದಳು.

ಬೇಲೂರು ಮಠ ಹೊರನೋಟಕ್ಕೆ ಭವ್ಯ ಅನಿಸಿದರೂ, ಒಳಗೆ ತುಂಬಾ ಸರಳವಾಗಿದ್ದು, ಮೈಸೂರಿನ ರಾಮಕೃಷ್ಣಾಶ್ರಮದಂತೆಯೇ ಇತ್ತು. ಮೈಸೂರಿನ ಆಶ್ರಮದ ದಟ್ಟ ಹೂದೋಟ ಕಣ್ಣ ಮುಂದೆ ಬಂದು ಇದಕ್ಕಿಂತ ಅದೇ ಚೆಂದ ಎಂದು ಮನ ತರ್ಕಿಸಿತು. ಅದರೂ ಅದು ವಿವೇಕಾನಂದ ಮತ್ತು ಅವರ ಸಹ ಸನ್ಯಾಸಿಗಳು ನಡೆದಾಡಿದ, ಚರ್ಚಿಸಿದ, ಧ್ಯಾನ ಮಾಡಿದ, ಹೊಸ ಭಾರತದ ಕನಸು ಕಂಡ ಜಾಗ. ಅಲ್ಲಿನ ಆ ಘನವಾದ ಮೌನದಲ್ಲಿ ಕರಗುತ್ತಾ ಇನ್ನೂ ಅಲ್ಲೇ ಇರಬೇಕೆಂದು ಹೃದಯ ಬಯಸುತ್ತಿರುವಂತೆಯೇ ‘ಹೊರಡು, ಹೊತ್ತಾಯಿತು’ ಎಂದು ಮಠದ ಘಂಟೆ ಎಚ್ಚರಿಸಿತು.

 

Share

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 week ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 2 weeks ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...

  • 2 weeks ago No comment

    ಕಲರವ | ಒಂದು ಸಿನಿಮಾ ನೋಡಿದ ಕಥೆ…

        ಕಲರವ           “ಎರಡು ವರ್ಷಕ್ಕೊಮ್ಮೆ ಬರ್ತೀಯ, ಈ ಬಾರಿಯಾದರೂ ಒಂದು ಸಿನಿಮಾ ನೋಡು” ಎಂದಳು ಭಾರತದ ನನ್ನ ಅಕ್ಕ. “ಹೌದಲ್ಲವಾ” ಅಂತ ನಮ್ಮೂರಿನಲ್ಲಿ ನಡೆಯುತ್ತಿದ್ದ ಸಿನಿಮಾ ಪಟ್ಟಿ ನೋಡಿದೆ. ಪ್ರೀತಿ –ಪ್ರೇಮ, ಫೈಟಿಂಗ್ ಗಳ ಚಲನಚಿತ್ರವನ್ನು ನೋಡುವುದೆಂದರೆ, ‘ನೋಡಿದ್ದನ್ನೇ ನೋಡುವ’ ಕಷ್ಟ. ವೈಚಾರಿಕ ಸಿನಿಮಾಗಳು ಜಾಸ್ತಿ ಓಡದ ಕಾಲವಿದು. ಇನ್ನು ಸಾಂಸಾರಿಕ ಚಿತ್ರಗಳು ಬರುವುದು ನಿಂತ ಮೇಲೆ ಸಂಸಾರಗಳು ಒಟ್ಟಿಗೆ ...

  • 3 weeks ago No comment

    ಕವಿಸಾಲು | ಅಲೆಗಳೆದ್ದ ಕೊಳ…

        ಕವಿಸಾಲು         ಅಲೆಗಳೆದ್ದ ಕೊಳವಿದು, ಕಲ್ಲು ತೂರಿದ ಕಾಯಕವಷ್ಟೇ ನಿನ್ನದು ಎದ್ದ ಅಲೆಗಳ ಮೇಲಿಲ್ಲ ನಿನಗೆ ಇನಿತು ಅಧಿಕಾರವು ದೂರಿಲ್ಲ ನನ್ನಲ್ಲಿ, ಬೇಡಿಕೆ ತಾನೇ ಏಕೆ? ತುಂಬಿದ ಮನದಿ ಹೊಕ್ಕ ಹರ್ಷಕೆ ಪುರಾವೆಗಳ ಹಂಗಿಲ್ಲ, ನಕ್ಕ ನಗುವಿನಲಿ ನೋವಿಲ್ಲ, ತುಂಬಿವೆ ನೂರು ಭಾವಾರ್ಥ ಮುಚ್ಚಟೆಯಿಂದ ಬಚ್ಚಿಟ್ಟುಕೊಂಡು ಬೇಕಾದ ಪರಿಭಾಷೆಯಲಿ ದಿರಿಸಿಟ್ಟು ಸಿಂಗರಿಸಿ ನೋಡುತ್ತ ನಿನ್ನ ಅನುಪಸ್ಥಿತಿಯಲ್ಲೂ ಸಿಗುವ ಅನುಪಮ ಭಾವದಿ ದೊರಕಿದ್ದು ...


Editor's Wall

  • 31 August 2018
    3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 weeks ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    4 weeks ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    4 weeks ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    1 month ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...