Share

ಚಿಟ್ಟೆಬಣ್ಣ | ‘ಮಿಲಿಯನೇರ್’ಗಳ ಮೃಗಾಲಯ ಭೇಟಿ
ಡಾ. ಪ್ರೇಮಲತ ಬಿ

ಈಗ ನಾವು ಮೂರು ಜನ ಭಾರತ, ಕತಾರ್ ಮತ್ತು ಇಂಗ್ಲೆಂಡುಗಳಲ್ಲಿ ನೆಲೆಸಿದ್ದೇವೆ. ಆಗೀಗ ಭೇಟಿಯಾಗಿತ್ತೇವೆ. ಅಂದಿನ ದಿನಗಳ ಸವಿ ನೆನಪುಗಳಲ್ಲಿ ತೇಲುತ್ತೇವೆ.

ಕಾಲೇಜಿನಲ್ಲಿ ಓದುತ್ತಿದ್ದ ದಿನಗಳು. ಬೆಂಗಳೂರು ಮೆಡಿಕಲ್ ಕಾಲೇಜಿನ ಹಾಸ್ಟೆಲಿನಲ್ಲಿದ್ದ ಸಮಯ. ಒಂದೇ ಕೋಣೆಯಲ್ಲಿ ಹಿಂದೂ, ಮುಸಲ್ಮಾನ ಮತ್ತು ಕ್ರಿಶ್ಚಿಯನ್ ಹುಡುಗಿಯರಿದ್ದೆವು. ಕೇರಳ, ತುಮಕೂರು, ಚಿಕ್ಕಮಗಳೂರು ಮತ್ತು ಮೈಸೂರುಗಳ ಸಂಗಮ! ಮುಸಲ್ಮಾನಳು ನಮ್ಮನ್ನು ಬಾಬಾ ಬುಡನ್ ಗಿರಿಯ ದರ್ಗಾಕ್ಕೆ ಕರೆದೊಯ್ದರೆ, ನಾವವಳನ್ನು ಹಿರೇಮಗಳೂರಿನ ದೇವಾಲಯಕ್ಕೂ, ಸೇಂಟ್ ಫಿಲೋಮಿನ ಚರ್ಚಿಗೂ ಕರೆದೊಯ್ಯುತ್ತಿದ್ದೆವು. ಇವತ್ತಿಗೂ ಧರ್ಮಗಳ ಯಾವ ಹಂಗೂ ಇಲ್ಲದ ಅದೇ ಗೆಳೆತನ ಉಳಿದಿದೆ.

ಕೇರಳದವಳದು ಅಂತರ್ಮುಖಿ ಸ್ವಭಾವ. ಹಾಗಾಗಿ ಅವಳು ನಮ್ಮೊಡನೆ ಯಾವತ್ತೂ ಕೂಡಿ ನಲಿಯಲಿಲ್ಲ.

ಇನ್ನುಳಿದ ನಮ್ಮದು ಹುಡುಗಾಟದ ಬುದ್ಧಿ. ಇದ್ದಿದ್ದರಲ್ಲಿ ಶ್ರೀಮದ್ಗಾಂಭೀರ್ಯ ಮತ್ತು ಅಧೈರ್ಯ ಅಂತಿದ್ದರೆ ಎಲ್ಲರೆದುರು ಧೈರ್ಯಸ್ಥೆಯಾಗಿ ಓಡಾಡುತ್ತಿದ್ದ ನನಗೇ! ನಮ್ಮ ಮುಖ್ಯ ಹವ್ಯಾಸ 8-10 ಜನರೊಡಗೂಡಿ ಚಾರಣಗಳಿಗೆ ಹೋಗುತ್ತಿದ್ದುದು. ಆದರೆ ಅದಕ್ಕೆ ಮಳೆಗಾಲ ಮುಗಿವವರೆಗೆ ಕಾಯಬೇಕಿತ್ತು. ಪರೀಕ್ಷೆಗಳು ಮುಗಿದಾಗ, ಕಾಲೇಜಿಗೆ ರಜೆ ಇದ್ದಾಗ ಏನಾದರೂ ಮಾಡುವ ಹಂಬಲ. ಹಾಗಾಗಿ ಮೂವರೂ ಇತರರ ಊರುಗಳಿಗೆ ಭೇಟಿಕೊಟ್ಟು ಆಯಾ ಜಿಲ್ಲೆಗಳ ಪ್ರೇಕ್ಷಣೀಯ ಸ್ಥಳಗಳನ್ನು ನೋಡಲು ನಿರ್ಧರಿಸಿದೆವು.

ಮೈಸೂರಿನ ಗೆಳತಿಯದು ತುಂಬು ಹೃದಯ. ಧಾರಾಳವಾಗಿ ತಿನ್ನಿಸಿ, ನಗಿಸಿ, ನಕಾರಾತ್ಮಕ ಯೋಚನೆಗಳನ್ನು ಹಗುರವಾಗಿಸುತ್ತಿದ್ದವಳು ಅವಳು. ನಮಗಾಗಿ ಯಾವ ಹಿಂಜರಿಕೆಯೂ ಇಲ್ಲದೆ ತೊಂದರೆಗಳನ್ನು ತೆಗೆದುಕೊಳ್ಳುವ ಜಾಯಮಾನ. ಅತ್ಯಂತ ಸುಂದರಿ ಕೂಡ. ಅವಳ ಊರಿಗೆ ಹೋದಾಗ, ಅರಮನೆ, ಬೃಂದಾವನ, ಚಾಮುಂಡೇಶ್ವರಿ ಬೆಟ್ಟ, ಮೈಸೂರು ಮೃಗಾಲಯ ಅಂತ ಓಡಾಡದಿರಲು ಸಾಧ್ಯವೇ? ಇದ್ದ 3-4 ದಿನಗಳಲ್ಲಿ ತಿರುಗಿದ್ದೇ ತಿರುಗಿದ್ದು, ನಕ್ಕಿದ್ದೇ ನಕ್ಕಿದ್ದು. ನನ್ನ ಇನ್ನೊಬ್ಬ ಗೆಳತಿಯೂ ಸುಂದರಿಯೇ ಆಗಿದ್ದಳು.

ಅವತ್ತು ಮೃಗಾಲಯ ನೋಡಲು ಹೋದೆವು. ಇವತ್ತಿನಂತೆ ಆಗಿನ ದಿನಗಳಲ್ಲಿ ಮೈಸೂರು ಮೃಗಾಲಯ ಜನರಿಂದ ಗಿಜಿಗುಡುತ್ತಿರಲಿಲ್ಲ. ಆರಾಮವಾಗಿ ಓಡಾಡಿಕೊಂಡು ಸಾವಕಾಶವಾಗಿ ಹಿಂತಿರುಗಬಹುದಿತ್ತು. ಸುಂದರವಾದ ಎಳೆಬಿಸಿಲಿನ ದಿನಗಳವು. ಮೃಗಾಲಯದಲ್ಲಿ ನಾವು ಕಾಲಿಟ್ಟದ್ದೇ ತಡ ಪಂಜರಗಳು, ಗೇಟುಗಳು ತೆರೆದುಕೊಂಡು ಹೆಬ್ಬಾವು ಮೈಮೇಲೆ ಬೀಳಬಹುದೆಂದೂ, ಆನೆಯ ಸೊಂಡಿಲಲ್ಲಿ ಕೂತು ತೂಗಬಹುದೆಂದೂ, ಚಿರತೆಯ ಮರಿಗಳನ್ನು ಮುದ್ದಿಸಬಹುದೆಂದು ನಾವು ಅಂದುಕೊಂಡಿರಲೇ ಇಲ್ಲ. ಅದೆಲ್ಲ ಮಿಲಿಯನ್ನೇರುಗಳ, ಸೆಲೆಬ್ರಿಟಿಗಳ ಭೇಟಿಯಲ್ಲಿ ಮಾತ್ರ ಸಾಧ್ಯವಾಗಬಹುದಿತ್ತೇನೋ. ಆದರೆ ಆ ದಿನಗಳಲ್ಲಿ ನಮಗದು ಅನಿರೀಕ್ಷಿತವಾಗಿ ಒದಗಿಬಿಟ್ಟಿತು.

ಆದದ್ದಿಷ್ಟೆ. ಹರೆಯದ ಮೂವರು ಹುಡುಗಿಯರು ಬಂದದ್ದೇ ತಡ ಮೃಗಾಲಯದಲ್ಲಿ ವಿದ್ಯುತ್ಸಂಚಾರವಾಗಿತ್ತು. ಅಲ್ಲಿನ ಇಬ್ಬರು ತರುಣ ಇಂಜಿನಿಯರುಗಳು ಖುದ್ದಾಗಿ ನಮ್ಮ ಸೇವೆಗೆ ನಿಂತಿದ್ದರು. ಅವರೊಡನೆ ಪ್ರಾಣಿಗಳನ್ನು ನೋಡಿಕೊಳ್ಳಲು ಇದ್ದ ಜೂ ಕೀಪರುಗಳಿಗೆಲ್ಲ ನಮಗೆ ಪ್ರಾಣಿ-ಪಕ್ಷಿಗಳನ್ನು ತೋರಿಸುವ ಕಾತುರ ಮೂಡಿಬಿಟ್ಟಿತ್ತು. ಅವರಿಗಿದ್ದ ಲಾಭವೆಂದರೆ ನಮ್ಮೊಡನೆ ನಡೆದಾಡುವ ಸೌಭಾಗ್ಯವಷ್ಟೆ. ನಮಗೆ ಮಾತ್ರ, ಪ್ರತಿ ಪ್ರಾಣಿಯೊಡನೆ ಒಡನಾಡುವ ಅವಕಾಶ. ಇಬ್ಬರಿಗೂ ಅವರವರ ಲಾಭಗಳು ಸಾಕಾಗಿತ್ತು ಎನಿಸುತ್ತದೆ!

ಮಿಕ್ಕಿದ್ದನ್ನೆಲ್ಲ ಪೋಟೋಗಳಲ್ಲಿ ಸೆರೆಹಿಡಿದೆವು.

ಚಿರತೆಯ ಮರಿಗಳನ್ನು ಹಿಡಿದು ಮುದ್ದಿಸಿದೆವು. ಆನೆಗಳ ದಂತದ ಮೇಲೆ ಕುಳಿತು ತೂಗಿದೆವು. ಎಂಭತ್ತು ಕೆ.ಜಿ. ತೂಕದ ಹೆಬ್ಬಾವುಗಳನ್ನು ಹೆಗಲ ಮೇಲೆ ಹೇರಿಕೊಂಡು ನಲಿದೆವು. ಚಿಂಪಾಂಜಿಗಳನ್ನು ಕಂಕುಳಲ್ಲಿ ಎತ್ತಿಕೊಂಡು ನಡೆದಾಡಿದೆವು. ಮೊಸಳೆಯ ಮರಿಗಳನ್ನು ಹಿಡಿದು ಆಡಿದೆವು. ಉದ್ದ ಕತ್ತಿನ ಹಕ್ಕಿಗಳ ಜೊತೆ ನಿಂತು ಆನಂದಿಸಿದೆವು. ಜಿಂಕೆಗಳಿಗೆ ಸೊಪ್ಪು ತಿನ್ನಿಸಿ, ನವಿಲುಗಳ ಜೊತೆ ಒಡನಾಡಿದೆವು. ಜನಸಾಮಾನ್ಯರಿಗೆ ದೊರಕದ ಮಿಲಿಯನ್ ಡಾಲರ್ ಅನುಭವವಿದು.

ಮೊದಲೇ ಕಾಡುಗಳಲ್ಲಿ ಸುತ್ತುವ ಅಭ್ಯಾಸವಿದ್ದ ನಮಗೆ ಈಗ ಪ್ರಾಣಿಗಳನ್ನು ಮುಟ್ಟುವ ಅವಕಾಶ. ಪ್ರತಿಯೊಂದು ಕ್ಷಣವನ್ನೂ ಸೆರೆ ಹಿಡಿದೆವು. ಆಗೆಲ್ಲ ನಮ್ಮ ಬಳಿ ಮೊಬೈಲು ಫೋನುಗಳಾಗಲೀ, ಸಾಮಾಜಿಕ ಜಾಲ ತಾಣಗಳ ಬಗ್ಗೆ ಅರಿವಾಗಲೀ ಇರಲಿಲ್ಲ. ನಮ್ಮ ಬಳಿ ಅವತ್ತು ಕೆಲವೇ ನೂರು ರುಪಾಯಿಗಳಿದ್ದವಷ್ಟೆ. ಆ ದಿನಗಳಲ್ಲಿ ನನ್ನ ಬಳಿಯಷ್ಟೇ ಒಂದು ಸುಮಾರಾದ ಕ್ಯಾಮೆರಾವಿದ್ದದ್ದು.

ಇವತ್ತಿನಂತೆ ಆವತ್ತು ಸರಿ-ತಪ್ಪುಗಳನ್ನು ತೂಗುವ ತರ್ಕವೂ ಇರಲಿಲ್ಲ, ಸಂತೋಷವೇ ಪ್ರಧಾನವಾಗಿದ್ದ ದಿನಗಳವು.

ಈಗ ನಾವು ಮೂರು ಜನ ಭಾರತ, ಕತಾರ್ ಮತ್ತು ಇಂಗ್ಲೆಂಡುಗಳಲ್ಲಿ ನೆಲೆಸಿದ್ದೇವೆ. ಆಗೀಗ ಭೇಟಿಯಾಗಿತ್ತೇವೆ. ಅಂದಿನ ದಿನಗಳ ಸವಿ ನೆನಪುಗಳಲ್ಲಿ ತೇಲುತ್ತೇವೆ.

ಆ ಒಂದು ದಿನದ ಮೃಗಾಲಯ ಭೇಟಿಯ ಫೋಟೋಗಳನ್ನು ನೋಡಿದರೆ ಇವತ್ತಿಗೂ ಧುತ್ತನೆ ನಗು ಉಕ್ಕಿ ಬರುತ್ತದೆ. ಮುಂದಿನ ವರ್ಷಗಳಲ್ಲಿ ಲಂಡನ್ನಿನ, ಸ್ಕಾಟ್ಲ್ಯಾಂಡಿನ, ಸ್ಪೇನಿನ, ಕ್ಯಾಲಿಫೋರ್ನಿಯಾದ ಮೃಗಾಲಯಗಳಿಗೆ ಭೇಟಿಕೊಟ್ಟಿದ್ದೇನೆ. ಅದೇ ಮೈಸೂರು ಮೃಗಾಲಯಕ್ಕೆ ಮಕ್ಕಳನ್ನು ಬಹುಬಾರಿ ಕರೆದುಕೊಂಡು ಹೋಗಿದ್ದೇನೆ. ಯಾವ ಭೇಟಿಯೂ ಆ ಒಂದು ದಿನದ ವೈಭವದ ಭೇಟಿಗೆ ಸರಿ ಸಮನಾಗಿ ಇಂದಿಗೂ ತೂಗಿಲ್ಲ.

ಹರೆಯಕ್ಕೆ ಮಿಲಿಯನೇರ್ ಗಳ ಗಮ್ಮತ್ತಿರುತ್ತದೆ ಎನ್ನುವುದು ಸುಳ್ಳಲ್ಲ!

ಡಾ. ಪ್ರೇಮಲತ ಬಿ

ದಂತವೈದ್ಯೆ. ಕಳೆದ 15 ವರ್ಷಗಳಿಂದ ಇಂಗ್ಲೆಂಡಿನಲ್ಲಿ ವಾಸ. ಬಾಲ್ಯದಿಂದಲೇ ಸಾಹಿತ್ಯದಲ್ಲಿ ಆಸಕ್ತಿ. ಹಲವಾರು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ. ಕಥೆ, ಕಾವ್ಯ ಸ್ಪರ್ಧೆಗಳಲ್ಲಿ ಬಹುಮಾನಿತರು.

Share

2 Comments For "ಚಿಟ್ಟೆಬಣ್ಣ | ‘ಮಿಲಿಯನೇರ್’ಗಳ ಮೃಗಾಲಯ ಭೇಟಿ
ಡಾ. ಪ್ರೇಮಲತ ಬಿ
"

  1. ಪುನರ್ವಸು
    26th April 2018

    ಸುಂದರವಾದ ಆಪ್ತ ಬರಹ.
    ಕೊನೆಯ ಸಾಲು ಎಷ್ಟೊಂದು ನಿಜ..

    Reply
  2. Aravind Kulkarni
    26th April 2018

    Excellent article Premalatha.A true friendship. I have been so lucky to meet my childhood friends during my annual visit to Dharwad for the past 46 years.
    I am not a doctor,others too don’t talk about their profession when we a meet. We just enjoy those few hours of meeting . Nowly few of us are alive .We are determined to carry this tradition till the last wicket falls.
    Aravind

    Reply

Leave a comment

Your email address will not be published. Required fields are marked *

Recent Posts More

  • 15 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...