Share

ಸವಿತಾ ನಾಗಭೂಷಣ ಪ್ರವಾಸ ಕಥನ | 30, ಜನವರಿ ಮಾರ್ಗದಲ್ಲಿ…

 

ಪ್ರವಾಸಿ ಸವಿತಾ ಕಂಡ ಇಂಡಿಯಾ

 

 

 

ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ಸಂಚಿಕೆಯಿಂದ ‘ಹೊಸ ಮನುಷ್ಯ’ ಎಂದು ಪುನರ್ನಾಮಕರಣಗೊಂಡಿತು) 2011ರ ಸೆಪ್ಟಂಬರಿನಿಂದ 2012ರ ಆಗಸ್ಟ್ ಸಂಚಿಕೆಗಳವರೆಗೆ ಧಾರಾವಾಹಿಯಾಗಿ ಪ್ರಕಟವಾಗಿತ್ತು.

-ಸವಿತಾ ನಾಗಭೂಷಣ, ಶಿವಮೊಗ್ಗ

 

ಭಾಗ – 5

ಪ್ರಶಾಂತಿಯೇ ಮೈವೆತ್ತಂತೆ ಇದ್ದ ದೆಹಲಿಯ ಬಿರ್ಲಾ ಮಂದಿರದಲ್ಲಿ ಕಲ್ಲು ಬೆಂಚಿನ ಮೇಲೆ ಕುಳಿತು, ಇದ್ದರೆ ಊರಿಗೊಂದು ಇಂತಹ ವಿಶಾಲವಾದ ಗಾಳಿ ಬೆಳಕಿರುವ ದೇಗುಲವಿದ್ದರೆ ಎಷ್ಟು ಚೆಂದ ಎಂದುಕೊಂಡೆನು. ದೀಪವಿಲ್ಲ, ಧೂಪವಿಲ್ಲ, ಶಂಖ ಜಾಗಟೆಗಳಿಲ್ಲ. ಸರ್ವಶಕ್ತನ ಮುಂದೆ ಅವನ ಪ್ರೀತಿಪಾತ್ರ ಭಕ್ತ ಮಾತ್ರ… ಶಾಂತಿಯೇ ದೇವರಾಗಿ ಅಲ್ಲಿ ನೆಲೆಸಿದಂತಿತ್ತು. ಬೆಳ್ಳಂಬೆಳಿಗ್ಗೆಯಾದ್ದರಿಂದ ದೇವರನ್ನು ಭೇಟಿಯಾಗಲು ಬರುವ ಭಕ್ತರ ಸಂಖ್ಯೆ ವಿರಳವಾಗಿತ್ತು. ನನ್ನ ಸಹಯಾತ್ರಿಗಳು ಒಬ್ಬೊಬ್ಬರೇ ಬಂದು ಅಲ್ಲಿದ್ದ ನೂರಾರು ದೇವರುಗಳನ್ನು ಭೆಟ್ಟಿಯಾಗುವುದು ನಿರಂತರವಾಗಿ ನಡೆದೇ ಇತ್ತು. ಸೊಂಟ ಹಿಡಿದಿದೆಯೆಂದೋ, ಮಂಡಿನೋವು ಎಂದೋ ಒಂದು ಹೆಜ್ಜೆ ಮುಂದಿಡಲೂ ಸಾಧ್ಯವಿಲ್ಲ ಎಂದು ರಾತ್ರಿ ಗೋಳಾಡುತ್ತಿದ್ದವರೆಲ್ಲ ನಡುಗುವ ಚಳಿಯಲ್ಲಿ ಶುಚಿರ್ಭೂತರಾಗಿ ಬಂದು ದೇವರ ಮುಂದೆ ಪ್ರಾರ್ಥನೆಗೈಯುತ್ತಿದ್ದುದು ನನ್ನಲ್ಲಿ ಸೋಜಿಗ ಉಂಟುಮಾಡಿತ್ತು. ಎಲ್ಲಿಂದಲೋ ಇದ್ದಕ್ಕಿದ್ದಂತೆ ಪ್ರತ್ಯಕ್ಷನಾದ ನನ್ನ ಸಹಯಾತ್ರಿಯೊಬ್ಬ ‘ಕನ್ನಡಿ ದೇವರ ನೋಡಬನ್ನಿ!’ ಎಂದು ಸ್ವಲ್ಪ ಒತ್ತಾಯಪೂರ್ವಕವಾಗಿಯೇ ದೇಗುಲದ ಮೂಲೆಯಲ್ಲಿದ್ದ ಕೊಠಡಿಯೊಂದಕ್ಕೆ ಕರೆದೊಯ್ದು ಅಲ್ಲಿ ಕನ್ನಡಿಯಲ್ಲಿ ಮೂಡುತ್ತಿದ್ದ ಸಾವಿರ ಸಾವಿರ ದೇವರುಗಳ ಪ್ರತಿಬಿಂಬಗಳನ್ನು ತೋರಿಸಿದ. ‘ಏನು ವಿಚಿತ್ರವಪ್ಪ… ತಲೆ ಅಂದ್ರೆ ತಲೆ! ದೇವರೊಬ್ಬನೇ ಆದರೂ ಎಷ್ಟೊಂದು ಸಾವಿರ ಮುಖಗಳು!’ ಎಂದು ಕನ್ನಡಿ ದೇವರನ್ನು ಸೃಷ್ಟಿಸಿದ ಕರ್ತೃವಿನ ಸೃಜನಶೀಲತೆಯನ್ನು ಶ್ಲಾಘಿಸಿದ. ಅವನ ಸಂತೋಷದಲ್ಲಿ ನಾನೂ ಭಾಗಿಯಾಗಿ, ‘ಇದನ್ನ ತಪ್ಪಿಸ್ಕೋತಾ ಇದ್ದೆ. ಈ ವಿಶ್ವರೂಪ ದರ್ಶನ ಮಾಡಿಸಿದ್ದಕ್ಕೆ ಧನ್ಯವಾದ!’ ಎಂದು ಹೇಳಿದೆ. ‘ಎಲ್ಲೋ ಮೂಲೆಯಲ್ಲಿ ಇರುವುದರಿಂದ ಇದು ಇರುವುದೇ ಗೊತ್ತಾಗುವುದಿಲ್ಲ. ಎಲ್ಲರಿಗೂ ಹೇಳಿ, ನಾನೂ ಹೇಳುವೆ’ ಎಂದು ನನ್ನ ಕಲ್ಲು ಬೆಂಚಿಗೆ ಮರಳಿದೆ.

ಇಡೀ ವಿಶ್ವದಲ್ಲಿ ದೇವರ ರಾಜ್ಯವೆಂಬುದು ಇರುವುದಾದರೆ ಅದು ಭಾರತದಲ್ಲಿಯೇ ಇರಬೇಕು! ಈ ದೇಶದಲ್ಲಿ ಏನಿಲ್ಲವೆಂದರೂ ಪ್ರತಿಯೊಬ್ಬನಿಗೂ ಒಬ್ಬ ದೇವರಂತೂ ಇದ್ದೇ ಇರುವನು. ಕೆಲವರಿಗೆ ಐದು-ಆರು, ಅದಕ್ಕಿಂತ ಹೆಚ್ಚು ದೇವರುಗಳು… ಕಲ್ಲಿನ ಮುಂದೆ ತಲೆಬಾಗುವ, ನೀರಿನಲ್ಲಿ ಮುಳುಗುವ, ಕೋತಿಯಲ್ಲೂ ದೇವರ ರೂಪ ಕಾಣುವ…ಸಾವಿರ ಜಾತಿ, ನೂರು ಭಾಷೆ, ಲಕ್ಷ ಆಶೆ… ಈ ದೇಶವನ್ನು ದೇವರಲ್ಲದೆ ಮನುಷ್ಯ ಆಳಲು ಅಸಾಧ್ಯ ಎಂದೆನಿಸಿತು. ಈ ದೇಶದ ಜನರನ್ನು ಒಡೆಯಲೂ ಸಾಧ್ಯವಿಲ್ಲ, ಒಂದುಗೂಡಿಸಲೂ ಸಾಧ್ಯವಿಲ್ಲ. ಬಹುಶಃ ಜಗತ್ತಿನಲ್ಲೇ ಈ ನನ್ನ ಭಾರತ ವಿಶಿಷ್ಟ ದೇಶವಿರಬೇಕು ಎಂದೆನ್ನಿಸಿ ನಕ್ಕೆನು.

ಹೀಗೆ ನಾನು ದೇವರ ರಾಜ್ಯದಲ್ಲಿ ವಿಹರಿಸುತ್ತಿರುವಾಗ ‘ಬಸ್ ಹೊರಟಿದೆ ಬನ್ನಿ’ ಎಂಬ ಕರೆ ಬಂತು. ಸತ್ಯ-ಅಹಿಂಸೆಯೇ ದೇವರೆಂದು ನಂಬಿದ್ದ, ದೇವರಲ್ಲಿ ಅಪಾರ-ಶ್ರದ್ಧೆ-ಪ್ರೀತಿ ಉಳ್ಳವರಾಗಿ ಪ್ರಾರ್ಥನೆಗೆ ತೆರಳುತ್ತಿದ್ದ ಸಮಯದಲ್ಲೇ ಮತಾಂಧ ದೇಶಭಕ್ತನೊಬ್ಬನ ಗುಂಡೇಟಿಗೆ ಈಡಾಗಿ ‘ಹೇ ರಾಮ್!’ ಎನ್ನುತ್ತಲೇ ನೆಲಕ್ಕೊರಗಿದ ತೀಸ್ ಜನವರಿ ಮಾರ್ಗದೆಡೆಗೆ ನಮ್ಮ ಬಸ್ ಸಾಗಿತ್ತು. ನಾವೆಲ್ಲ ಬಸ್ಸಿಂದ ಇಳಿದು, ಗಾಂಧಿ ಭಕ್ತಿಯಿಂದ ಮುಕ್ತಿಯೆಡೆಗೆ ಸಾಗಿದ ಹಾದಿಯಲ್ಲೇ, ಅಲ್ಲಿ ಕಲ್ಲಿನಲ್ಲಿ ಮೂಡಿಸಿದ್ದ ಹೆಜ್ಜೆಗಳ ಜೊತೆ ಹೆಜ್ಜೆ ಹಾಕುತ್ತಾ ‘ಹೇರಾಮ್’ ಸ್ಮಾರಕದೆಡೆಗೆ ಸಾಗಿ ಶ್ರದ್ಧಾಂಜಲಿ ಅರ್ಪಿಸಿದೆವು. ಗಿಡ-ಮರ-ಹೂವು-ಬಳ್ಳಿ-ಹಸಿರು ಹುಲ್ಲುಹಾಸು, ನಡುನಡುವೆ ತೂಗಿಬಿಟ್ಟ ಬಿಳಿ ಹಲಗೆಗಳ ಮೇಲೆ ಗಾಂಧೀಜಿಯ ಅಮರ ವಾಕ್ಯಗಳು. ಅಕ್ಷರ ಬಾರದ ನನ್ನ ಸಹಯಾತ್ರಿಯೊಬ್ಬಳಿಗೆ ಈ ಕೆಲವು ನುಡಿಮುತ್ತುಗಳನ್ನು ನಾನು ಓದಿ ಹೇಳಿದೆನು: ‘ಭಗವಂತನ ಪ್ರತ್ಯಕ್ಷ ದರ್ಶನದ ಹಂಬಲ ನನ್ನದು. ನನ್ನ ಪಾಲಿಗೆ ಭಗವಂತನನ್ನು ಕಾಣಲು ಇರುವ ಒಂದೇ ಒಂದು ನಿಶ್ಚಿತ ಮಾರ್ಗವೆಂದರೆ, ಅಹಿಂಸೆ-ಪ್ರೇಮ’, ‘ಯಾರೋ ಇನ್ನೊಬ್ಬರು ಸಾಮಾಜಿಕ ಸುಧಾರಣೆಯನ್ನು ಆರಂಭ ಮಾಡಲಿಲ್ಲವೆಂದು, ಇಡೀ ಸಮಾಜ ಪರಿವರ್ತನೆಗೆ ಸಿದ್ಧವಾಗುವವರೆಗೂ ಕಾಯಬೇಕೆಂಬ ವಾದ ಸಲ್ಲದು. ಧೀರ ವ್ಯಕ್ತಿಗಳು ಅಮಾನವೀಯ ಪದ್ಧತಿಗಳನ್ನು ಅಥವಾ ಆಚಾರಗಳನ್ನು ಉಲ್ಲಂಘಿಸಿದ ಹೊರತು ಎಂದೂ ಯಾವ ಸುಧಾರಣೆಯೂ ಕಾರ್ಯರೂಪಕ್ಕೆ ಬರದು’ ಒಂದೊಂದನ್ನೇ ಓದುತ್ತಾ ಓದುತ್ತಾ ನಾನು ಮುಂದೆ ಸಾಗಿ ಗಾಂಧೀಜಿ ಕೊನೆ ದಿನಗಳು ಕಳೆದ (ಬಿರ್ಲಾ)ಅತಿಥಿಗೃಹಕ್ಕೆ ಬಂದೆನು. ಅವರು ಬಳಸುತ್ತಿದ್ದ ವಸ್ತುಗಳು- ಕನ್ನಡಕ, ಕೋಲು, ಚರಕ, ಗಡಿಯಾರ, ಲೇಖನಿ, ನೀರಿನ ದಾನಿ, ಕರವಸ್ತ್ರ, ನೂಲಿನುಂಡೆ, ಹಸ್ತಾಕ್ಷರವಿದ್ದ ಹೊತ್ತಿಗೆ ನೋಡುತ್ತಾ, ನೋಡುತ್ತಾ, ಪುಟ್ಟ ದೇಹದೊಳಗೆ ಬಂದಿಯಾದ ಜೀವ ‘ಹೇರಾಮ್’ ಎನ್ನುತ್ತಾ ಹಾರಿ ಹೋಗುವಾಗ ಎಷ್ಟು ಸಂತಸಪಟ್ಟಿದೆಯೋ ಅಂದುಕೊಳ್ಳುತ್ತಾ ಆ ಜಾಗೆಯನ್ನು ಬಿಟ್ಟು ಬರಲು ಮನಸ್ಸಿಲ್ಲದವಳಾಗಿ ಅಲ್ಲೇ ನಿಂತಿರಲು ನಮ್ಮ ಪ್ರವಾಸಿ ಬಸ್ಸು ನನ್ನನ್ನೂ, ನನ್ನೊಂದಿಗಿದ್ದ ಇನ್ನೋರ್ವ ಸಹಯಾತ್ರಿಯನ್ನೂ ಅಲ್ಲೇ ಬಿಟ್ಟು ಮುಂದೆ ಸಾಗಿತ್ತು! ಬೇರೆ ದಾರಿ ಇಲ್ಲದೆ ನಾನು ಮತ್ತು ನನ್ನ ಸಹಯಾತ್ರಿ ಆಟೋ ಮಾಡಿಕೊಂಡು ನಮ್ಮ ಪ್ರವಾಸದ ಮುಂದಿನ ನಿಲುಗಡೆಯಾಗಿದ್ದ ಇಂದಿರಾ ಗಾಂಧಿ ಸ್ಮಾರಕದ ಹತ್ತಿರ ಅವರನ್ನು ಸೇರಿಕೊಂಡೆವು.

ನಮ್ಮನ್ನು ಸ್ವಲ್ಪ ಗಾಬರಿಯಿಂದಲೇ ಸ್ವಾಗತಿಸಿದ ನಮ್ಮ ಸಹಯಾತ್ರಿಕರಿಗೆ ನಾವು ಬಸ್ ಮರೆತು ಏನೆಲ್ಲ ನೋಡಿದೆವು ಎಂದು ಬಣ್ಣಿಸಿದಾಗ ಅವರು ‘ಅಯ್ಯೋ ನಾವು ಗಾಂಧಿ ಸ್ಮಾರಕ-ಮ್ಯೂಸಿಯಂ ಏನನ್ನೂ ನೋಡಲಿಲ್ಲ. ಈ ಟೂರ್ ಮ್ಯಾನೇಜರ್ ಅವಸರಿಸಿ ಬಸ್ಸು ಹತ್ತಿಸಿದ’ ಎಂದು ಹಲುಬಿದರು. ‘ದೇಗುಲಗಳಲ್ಲಿ ಗಂಟೆಗಟ್ಟಲೆ ನಮ್ಮನ್ನು ಕೊಳೆ ಹಾಕುವಿರಿ. ದೇವರಂಥ ಮನುಷ್ಯ ಬಾಳಿದ ಜಾಗ ನೋಡಲು ಹದಿನೈದು ನಿಮಿಷ ಮಾತ್ರ ನೀಡುವಿರಿ. ಇದು ನ್ಯಾಯವೇ?’ ಎಂದು ಟೂರ್ ಮ್ಯನೇಜರ್ ನನ್ನು ನಾವು ಕೇಳಲು, ಆತ ‘ಸೆಕ್ಯೂರಿಟಿ ಕಾಟ ಮೇಡಂ. ಅಲ್ಲಿ ಬಸ್ ಪಾರ್ಕಿಂಗ್ ಇಲ್ಲ…’ ಎಂದು ನಮಗೆ ಅರ್ಥವಾಗದ ಏನೇನೋ ಸಬೂಬುಗಳನ್ನು ಹೇಳತೊಡಗಿದ.

ಗಾಂಧಿಯ ತತ್ವಗಳಿಗೆ ತಿಲಾಂಜಲಿ ಇತ್ತು, ಗಾಂಧಿ ಬದುಕಿದ್ದಾಗಲೇ ಅವರನ್ನು ಮೂಲೆಗುಂಪು ಮಾಡಿದ್ದ ಮಂದಿಯ ಸಂತತಿ ಈಗಲೂ ನಿರಾಳವಾಗಿ ಮುಂದುವರೆದುದರಿಂದಲೇ ಈ ಉಪೇಕ್ಷೆ, ಔದಾಸೀನ್ಯವೇನೋ ಎಂದು ನಾನು ನೊಂದೆನು. ಗಾಂಧಿಯ ಸಮಕ್ಷಮದಲ್ಲಿ ನಿಂತ ನನ್ನನ್ನು ಮತ್ತು ನನ್ನ ಸಹಯಾತ್ರಿಯನ್ನು ತ್ಯಜಿಸಿ ಬಸ್ ಹೊರಟುಹೋದದ್ದು, ಕೇವಲ ಆಕಸ್ಮಿಕವಾಗಿದ್ದಿರಲಾರದು ಎಂದೂ ಮನದ ಮೂಲೆಯಲ್ಲೊಂದು ಶಂಕೆ ಮೂಡಿತು.

Share

Leave a comment

Your email address will not be published. Required fields are marked *

Recent Posts More

  • 4 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    3 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...