Share

ಸವಿತಾ ನಾಗಭೂಷಣ ಪ್ರವಾಸ ಕಥನ | ಗಂಗೆಯ ತಟದಲ್ಲಿ, ‘ಮಾಯೆ’ಯ ಪಟದಲ್ಲಿ…

ಪ್ರವಾಸಿ ಸವಿತಾ ಕಂಡ ಇಂಡಿಯಾ

 

ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ಸಂಚಿಕೆಯಿಂದ ‘ಹೊಸ ಮನುಷ್ಯ’ ಎಂದು ಪುನರ್ನಾಮಕರಣಗೊಂಡಿತು) 2011ರ ಸೆಪ್ಟಂಬರಿನಿಂದ 2012ರ ಆಗಸ್ಟ್ ಸಂಚಿಕೆಗಳವರೆಗೆ ಧಾರಾವಾಹಿಯಾಗಿ ಪ್ರಕಟವಾಗಿತ್ತು.

-ಸವಿತಾ ನಾಗಭೂಷಣ, ಶಿವಮೊಗ್ಗ

 

 

ಭಾಗ-8

ನಾವು ಜಗತ್ತಿನ ಅತ್ಯಂತ ಪ್ರಾಚೀನ ನಗರಗಳಲ್ಲೊಂದಾದ ಕಾಶಿಯಲ್ಲಿದ್ದೆವು. ಕಾಶಿಯನ್ನು ನಿರಂತರವಾಗಿ ಪೊರೆದಿರುವ ಗಂಗೆ ಬಹುಶಃ ಭೂಮಿ ಹುಟ್ಟಿದ ದಿನವೇ ಹುಟ್ಟಿದವಳಿರಬಹುದು. ಇವಳು ಭೇದವೆಣಿಸದೆ ಕೋಟಿ ಕೋಟಿ ಮನುಜರ ಮೈತೊಳೆದು, ಕೊಳೆ ಕಳೆದು, ನೀರುಣಿಸಿ ಹರಸಿದವಳು. ನಾನು ಗಂಗೆಯ ಸ್ನಾನಘಟ್ಟದ ಮೇಲೆ ನಿಂತು ಹೀಗೆ ಯೋಚಿಸುತ್ತಿದ್ದೆನು. ಜನರ ಭಕ್ತಿ ಹೆಚ್ಚಾದಷ್ಟೂ ನದಿಗಳು ಹೆಚ್ಚು ಮಲಿನಗೊಳ್ಳುವುದು ಸಾಬೀತಾಗಿದೆ. ಜಪ-ತಪ-ಯೋಗ-ಧ್ಯಾನ-ಪೂಜೆ-ಪುನಸ್ಕಾರ-ಸ್ನಾನಗಳ ನೆಪದಲ್ಲಿ ಪ್ರತಿ ದಿನವೂ ಹೂವಿನಿಂದ ಹೆಣದ ಬೂದಿಯವರೆಗೆ ಅಪರಿಮಿತ ಕಸ-ಕಡ್ಡಿ-ಕೊಳಚೆ ನದಿಯೊಳಗೆ ಬಂದು ಸೇರುತ್ತದೆ. ಸ್ನಾನಘಟ್ಟ ಎಂದು ಹೇಳುವುದಕ್ಕಿಂತ ನಾವು ನರಕ ಸದೃಶವಾದ ತಿಪ್ಪೆಯ ಮೇಲೆ ನಿಂತಿದ್ದೇವೆ ಎಂದು ಹೇಳಿದರೆ ತಿಪ್ಪೆಗೂ ಅವಮಾನ ಮಾಡಿದಂತೆ ಎನಿಸೀತು ಎನಿಸುವಷ್ಟು ಕೊಳಕು ತುಂಬಿತ್ತು ಅಲ್ಲಿ!

ನನ್ನೂರಿನ ಕೊಳಚೆ ತುಂಬಿದ ಚರಂಡಿಗಳು, ಪ್ಲಾಸ್ಟಿಕ್ ತ್ಯಾಜ್ಯಗಳಿಂದ ತುಂಬಿ ತುಳುಕುವ ಧೂಳು ತುಂಬಿದ ರಸ್ತೆಗಳು, ಗಬ್ಬು ವಾಸನೆ ಸೂಸುವ ಕಸದ ತೊಟ್ಟಿಗಳು ನಮ್ಮ ಕಣ್ಣ ಮುಂದೆ ನಿಂದು ನಾನು ಶಿವಮೊಗ್ಗೆಯಲ್ಲಿರುವೆನೋ ಎಂಬಂತೆ ಭಾಸವಾಗಿ ನನ್ನ ಹೋಮ್ ಸಿಕ್ನೆಸ್ ಕರಗಿ ಹೋಯಿತು. ನನ್ನೂರಿನ ತುಂಗಾ ನದಿಯ ಬದಿಯ ಸೋಪಾನ ಘಟ್ಟಗಳು ಇಷ್ಟೇ ಕೊಳಕಿನಿಂದ ತುಂಬಿದ್ದು ಬಹುಶಃ ನದಿಗಳಿರುವುದೇ ಮಲಿನಗೊಳ್ಳುವುದಕ್ಕೇ ಎಂದು ನಾವು ನಂಬಿಟ್ಟಿದ್ದೇವೇನೋ ಎನಿಸಿತು.

ಆದರೆ ಕೊಳಕು ಕೊಳಕು ಎಂದೆನ್ನುತ್ತಲೇ ನಾವು ತುಂಬಿ ಹರಿಯುತ್ತಿದ್ದ ಗಂಗೆಯ ಆಕರ್ಷಣೆಯನ್ನು ತಡೆಯಲಾಗದೆ ನೀರಿಗಿಳಿದೆವು. ತಾಯಿಯನ್ನು ಅಪ್ಪಿಕೊಂಡ ಕೂಸಿನಂತೆ ಆಕೆಯನ್ನು ಆತುಕೊಂಡು ಅದೆಷ್ಟೋ ಹೊತ್ತು ಅವಳ ಮಡಿಲಿನಲ್ಲಿ ಈಸಿಕೊಂಡು ಬೆಚ್ಚನೆಯ ಪ್ರೀತಿ ಉಂಡೆವು. ನಮ್ಮ ಮಾಯಾವತಿ, ಈ ಪವಿತ್ರ ಗಂಗೆಯ ಮಗಳು, ಬೃಹದಾಕಾರದ ಕಲ್ಲಿನ ಆನೆಗಳನ್ನೂ, ಎತ್ತರೆತ್ತರವಾದ ಸ್ವಂತ ಮೂರ್ತಿಗಳನ್ನೂ ನಿಲ್ಲಿಸುವುದಕ್ಕಿಂತ ಈ ಗಂಗೆಯ ಸೋಪಾನಗಳನ್ನೂ, ಸೊಂಪಾದ ನೀರನ್ನೂ ಮಲಿನಗೊಳಿಸದಂತಹ ರೀತಿಯಲ್ಲಿ ಒಂದು ವ್ಯವಸ್ಥಿತ ಕಾರ್ಯಾಚರಣೆ ಕೈಗೊಂಡಿದ್ದಲ್ಲಿ ಇಡೀ ಭಾರತವೇ ಅವರಿಗೆ ಋಣಿಯಾಗಿರುತ್ತಿತ್ತೇನೋ ಎಂದೆನಿಸದಿರಲಿಲ್ಲ. ನಮ್ಮ ದೇಶದ ಜನರು ಸಂಪಾದಿಸಿ ಕೂಡಿಟ್ಟಿರುವ ಕಪ್ಪು ಹಣದ ಒಂದು ಸಾಸಿವೆಯಷ್ಟು ಪಾಲು ಖರ್ಚು ಮಾಡಿದರೂ ಈ ಗಂಗಾ ನದಿಯನ್ನು ಕೊಳೆಯಿಂದ ಮುಕ್ತಗೊಳಿಸಬಹುದು. ನಮ್ಮ ಮಾಲಿನ್ಯವನ್ನು ಸ್ವೀಕರಿಸಿ ತಾನು ಮಲಿನಗೊಂಡರೂ ಅಮಾಯಕಳಂತೆ ಹರಿದೇ ಹರಿಯುತ್ತಿರುವ ಗಂಗೆಯನ್ನು ನೋಡಿ ನನಗಂತೂ ಅಳುವೇ ಬಂದಿತು. ಪ್ರತಿಯೊಬ್ಬ ಭಾರತೀಯನಿಗೂ ತನ್ನೂರಿನ ಪ್ರತಿಯೊಂದು ಹಳ್ಳವೂ ಬಸಿದ ಬೆವರ ತುಂಬಿಕೊಟ್ಟ ಗಂಗೆ. ಹೀಗೆಲ್ಲ ಯೋಚಿಸುತ್ತಾ ಎರಡು ಹನಿ ಕಣ್ಣೀರನ್ನು ಅವಳ ಪ್ರೀತಿ ಪ್ರವಾಹದಲ್ಲಿ ಬೆರೆಸಿ ಧನ್ಯತೆಯ ಭಾವ ಅನುಭವಿಸಿದೆನು.

ಒಂದು ಹನಿ ನೀರನ್ನೂ ಒಂದು ಕಣ ಮಣ್ಣನ್ನೂ ಉತ್ಪತ್ತಿ ಮಾಡಲು ಸಾಧ್ಯವಿಲ್ಲದ ಮನುಷ್ಯ ಇಡೀ ಜೀವ ಸಂಕುಲದಲ್ಲಿ ಅತ್ಯಂತ ಹೀನ ಬುದ್ಧಿ ಪಡೆದವನು. ಬೆಟ್ಟ-ನದಿ-ಗುಡ್ಡ-ಕಾಡುಗಳನ್ನು ಕರಗಿಸುವ, ಬತ್ತಿಸುವ, ಸುಡುವ ಹೀನ ಬುದ್ಧಿಯನ್ನು ಅವನು ಅದೆಲ್ಲಿಂದ ಮತ್ತು ಯಾಕೆ ಪಡೆದು ಬಂದನೋ ಎಂದು ಯೋಚಿಸುತ್ತಾ ವಿಷಾದದಿಂದ ಕುಗ್ಗಿ ಹೋದೆನು.

ಕಾಶಿಯ ಇಕ್ಕಟ್ಟಾದ ಬೀದಿಗಳು, ಲಗುಬಗೆಯಿಂದ ಓಡಾಡುತ್ತಿದ್ದ ಮಹಂತರು-ಪೂಜಾರಿಗಳು, ಇವರನ್ನು ಹೇಗೆ ಸುಲಿಯುವುದು ಎಂದು ಹೊಂಚು ಹಾಕುತ್ತಿದ್ದ ವ್ಯಾಪಾರಿಗಳು -ಇವರ ನಡುವೆ ಕಂಗೆಟ್ಟಿರುವ ಕಾಶಿಯ ವಿಶ್ವನಾಥ, ಅವನೆದುರು ಎಲ್ಲಿಂದಲೋ ಬಂದ ನಾವು ಭಕ್ತರು ಇದಲ್ಲವೆ ವಿಚಿತ್ರ ಮಾಯೆ ಎಂದುಕೊಂಡೆ. ಕಾಶಿ ವಿಶ್ವನಾಥನ ದರುಶನ ಪಡೆಯಲು ಏನಿಲ್ಲವೆಂದರೂ ಎರಡು ತಾಸು ಕಾಯಬೇಕಾಯಿತು. ದೇವಾಲಯಕ್ಕೆ ಅಪಾರ ಭದ್ರತೆ ಒದಗಿಸಿದ್ದು, ನೀರಿನ ಬಾಟಲಿಗಳನ್ನು ಕೂಡ ಒಯ್ಯುವಂತಿರಲಿಲ್ಲ. ಹೀಗಾಗಿ ಏರು ಬಿಸಿಲಿನಲ್ಲಿ ಕಾದೂ ಕಾದೂ ಸಕ್ಕರೆ ಕಾಯಿಲೆ ಇದ್ದ ಇಬ್ಬರು ನನ್ನ ಸಹಯಾತ್ರಿಕರು ತೇಲುಗಣ್ಣು ಮೇಲುಗಣ್ಣಾಗಿ ಅವರಿಗೆ ತುರ್ತು ಚಿಕಿತ್ಸೆ ನೀಡಬೇಕಾಯಿತು. ಕೊನೆಗೆ ವಿಶ್ವನಾಥನನ್ನು ಸಮೀಪಿಸಿ ಜ್ಯೋರ್ತಿಲಿಂಗವನ್ನು ಸ್ಪರ್ಶಿಸಿದೆವು. ದೇಗುಲದಲ್ಲಿ ನೂಕು-ತಾಕು ಎಷ್ಟಿತ್ತೆಂದರೆ, ಸಾವಿರಾರು ರೂಪಾಯಿ ನೀಡಿ ಪ್ರಸಾದದ ಚೀಟಿ ಪಡೆದು ವಿಶ್ವನಾಥನಿಗೆ ಅಭಿಷೇಕ ಮಾಡಿಸಿ ಹೂವಿನ ಪ್ರಸಾದಕ್ಕಾಗಿ ಕಾದು ನಿಂತಿದ್ದ ಭಕ್ತರೋರ್ವರಿಗೆ ಸಲ್ಲಬೇಕಾಗಿದ್ದ ಹೂವಿನ ಪ್ರಸಾದ ಅವರಿಗೆ ತಪ್ಪಿ ಆಕಸ್ಮಿಕವಾಗಿ ನನ್ನ ಕೊರಳಿಗೆ ಬಿತ್ತು! ಅಂತೂ ಇಂತೂ ನುಗ್ಗಾಡಿ ಏದುಸಿರು ಬಿಡುತ್ತಾ ಭೋಜನಾಲಯದಲ್ಲಿ ಜಾಗ ಹಿಡಿದು ಊಟ(ಪ್ರಸಾದ) ಪಡೆದದ್ದಾಯಿತು. ಊಟದ ಕೊನೆಯಲ್ಲಿ ಬಡಿಸಿದ್ದ ಗಟ್ಟಿಯಾದ, ಸಿಹಿಯಾದ ಕೆನೆ ಮೊಸರು ಎಷ್ಟು ರುಚಿಕಟ್ಟಾಗಿತ್ತೆಂದರೆ, ಬಹುಶಃ ಅದೇ ನಮ್ಮ ಕಾಶಿ ಯಾತ್ರೆಯ ಸಿಹಿ ನೆನಪು!

ಹೆಚ್ಚೆಚ್ಚು ದೇಗುಲಗಳನ್ನು ಸಂದರ್ಶಿಸಿದಷ್ಟೂ ದೇವರ ಬಗ್ಗೆ ಭಕ್ತನಿಗೆ ಇರುವ ಅಷ್ಟಿಷ್ಟು ಶ್ರದ್ಧೆಯೂ ಕಡಿಮೆಯಾಗುತ್ತಾ ಹೋಗುವುದೇನೋ ಎನಿಸಿತು. ಸುತ್ತಿ ಸುಳಿದು, ಬಸವಳಿದು ಈ ಎಲ್ಲ ನಾಟಕಗಳಿಂದ ಅಂತೂ ಇಂತೂ ಪಾರಾಗಿ ಕಾಶಿಯ ಗಲ್ಲಿಯ ಒಂದು ಮೂಲೆ ಮನೆಯ ಜಗುಲಿಯ ಮೇಲೆ ದಣಿವಾರಿಸಿಕೊಳ್ಳಲು ಕುಳಿತೆ. ಒಂದಾನೊಂದು ಕಾಲದಲ್ಲಿ ಭಾರತದ ಅತ್ಯಂತ ಪ್ರತಿಷ್ಠಿತ ಮಹಾನಗರಿಯಾಗಿದ್ದ ಈ ಕಾಶಿಯ ವೈಭವ ಹೇಗಿತ್ತೋ ಎಂದು ಯೋಚಿಸುತ್ತಾ ಕುಳಿತಿರಲು, ಮಾಯಾವತಿ, ಕಾನ್ಶಿರಾಂ, ಅಂಬೇಡ್ಕರ್, ಬುದ್ಧ ಇವರ ಭಾವಚಿತ್ರಗಳನ್ನು ಒಳಗೊಂಡ ಪೋಸ್ಟರ್ ಒಂದು ನನ್ನ ಕಣ್ಣ ಸೆಳೆಯಿತು. ಸರ್ಕಾರಿ ಕಛೇರಿಗಳಲ್ಲಿ ಪ್ರತಿ ದಿನವೂ ಬಂದು ಬೀಳುವ ಸಾವಿರ ಸಾವಿರ ಅರ್ಜಿಗಳು, ಕೋರ್ಟುಗಳಲ್ಲಿ ಬಾಕಿ ಇರುವ ಲಕ್ಷಾಂತರ ಮೊಕದ್ದಮೆಗಳು ನಮ್ಮ ರಾಜಕಾರಣಿಗಳು ಪ್ರತಿ ನಿಮಿಷವೂ ನೀಡುವ ಕೋಟಿ ಕೋಟಿ ಭರವಸೆಗಳು -ಏನೆಲ್ಲವನ್ನು ನೆನೆದು ನಮ್ಮ ಜನತೆ ಪ್ರಜಾಪ್ರಭುತ್ವದಲ್ಲಿ ಇಟ್ಟಿರುವ ಅಸೀಮ ನಂಬುಗೆಯ ಬಗ್ಗೆ ಹೆಮ್ಮೆ ಎನಿಸಿತು. ಸಂವಿಧಾನವೇ ಧರ್ಮ. ಅದನ್ನು ರೂಪಿಸಿದ ಅಂಬೇಡ್ಕರರೇ ಧರ್ಮಗುರು. ಗೊತ್ತಿದ್ದೋ ಗೊತ್ತಿಲ್ಲದೆಯೋ ಭಾರತದ ಈ ಕಟ್ಟ ಕಡೆಯ ಮನುಷ್ಯನಿಗೇ ನಮ್ಮ ಜನತೆ ಶರಣು ಬಂದಿರುವರಲ್ಲವೇ?

ಇದೆಲ್ಲ ಇಲ್ಲೇಕೆ ಹೀಗೇಕೆ ಹೊಳೆಯುತ್ತಿದೆ? ಅದೂ ಪ್ರಪಂಚದ ಅತ್ಯಂತ ಕಲುಷಿತ ನದಿಯಾದ ಗಂಗೆಯ ತೀರದಲ್ಲಿರುವ ಕರ್ಮಠ ಕಾಶಿಯಲ್ಲಿ…. ತಿಳಿಯದಾಯಿತು!

Share

Leave a comment

Your email address will not be published. Required fields are marked *

Recent Posts More

  • 1 day ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 6 days ago One Comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 1 week ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 2 weeks ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...


Editor's Wall

  • 11 May 2018
    1 month ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...