Share

ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

ಪ್ರವಾಸಿ ಸವಿತಾ ಕಂಡ ಇಂಡಿಯಾ

 

ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ಸಂಚಿಕೆಯಿಂದ ‘ಹೊಸ ಮನುಷ್ಯ’ ಎಂದು ಪುನರ್ನಾಮಕರಣಗೊಂಡಿತು) 2011ರ ಸೆಪ್ಟಂಬರಿನಿಂದ 2012ರ ಆಗಸ್ಟ್ ಸಂಚಿಕೆಗಳವರೆಗೆ ಧಾರಾವಾಹಿಯಾಗಿ ಪ್ರಕಟವಾಗಿತ್ತು.

-ಸವಿತಾ ನಾಗಭೂಷಣ, ಶಿವಮೊಗ್ಗ

 

ಭಾಗ-12

ನಾವು ಜಮ್ಮು ತಲುಪಿ ಕಟ್ರಾದ ಛತ್ರದಲ್ಲಿ ವೈಷ್ಣೋದೇವಿ ಯಾತ್ರೆಗೆ ಸಿದ್ಧರಾಗುತ್ತಿದ್ದೆವು. ‘ಹೆಲಿಕಾಪ್ಟರ್, ಡೋಲಿ, ಕುದುರೆ, ಕಾಲ್ನಡಿಗೆ… ವೈಷ್ಣೋದೇವಿಯ ದರ್ಶನಕ್ಕೆ ಯಾವುದನ್ನು ಆಯ್ದುಕೊಳ್ಳುವಿರಿ? ನಿಮ್ಮ ನಿಮ್ಮಲ್ಲೇ ಚರ್ಚಿಸಿ ಒಮ್ಮತಕ್ಕೆ ಬನ್ನಿ’ ಎಂದು ಟೂರ್ ಮ್ಯಾನೇಜರ್ ಹೇಳಿದ. ವೈಷ್ಣೋದೇವಿ ಭಾರತದ ಸುಪ್ರಸಿದ್ಧ ಶಕ್ತಿದೇವತಾ ಕೇಂದ್ರಗಳಲ್ಲೊಂದಾಗಿದ್ದು, ಅದು ತ್ರಿಕೂಟ ಪರ್ವತದ ತುದಿಯಲ್ಲಿದ್ದು, ಅದನ್ನೇರುವುದೇ ಒಂದು ಸಾಹಸ ಎಂದು ಕೇಳಿದ್ದೆನಾದ್ದರಿಂದ, ನಾನು ಕಾಲ್ನಡಿಗೆ ಆಯ್ದುಕೊಂಡೆ.

ಇಪ್ಪತ್ತು ವರ್ಷಗಳ ಹಿಂದೆ ಹಿಮಾಲಯದ ಕೇದಾರಕ್ಕೆ ಹದಿನಾಲ್ಕು ಕಿ.ಮೀ. ಕಾಲ್ನಡಿಗೆಯಲ್ಲೇ ಕ್ರಮಿಸಿದ್ದರಿಂದ ನಡೆದೇ ವೈಷ್ಣೋದೇವಿಯನ್ನು ಮುಟ್ಟುವ ಹಂಬಲ ಇತ್ತಾದರೂ, ಈ ಮಧ್ಯವಯಸ್ಸಿನಲ್ಲಿ 13 ಕಿ.ಮೀ ನಡೆಯಲು ಸಾಧ್ಯವೇ ಎಂಬ ಅಳುಕು ಇದ್ದೇ ಇತ್ತು. ‘ನಾನಂತೂ ನಡೆದೇ ಹೋಗುವುದು!’ ಅಂತ ರೈತಾಪಿ ಜನರ ಜೊತೆ ಸೇರಿದಾಗ ಕಷ್ಟ ಆಗುತ್ತೆ; ಯೋಚನೆ ಮಾಡಿ ಎಂದು ಟೂರ್ ಮ್ಯಾನೇಜರ್ ಎಚ್ಚರಿಸಲು ಮರೆಯಲಿಲ್ಲ.

ನಾವೆಲ್ಲ ಬೆಳಗಿನ ಉಪಾಹಾರ ಮುಗಿಸಿ ಹತ್ತು ಘಂಟೆಗೆ ಹುರುಪಿನಿಂದ ನಡಿಗೆ ಶುರು ಮಾಡಿದೆವು. ದಾರಿಯುದ್ದಕ್ಕೂ ಸಾಲು ಸಾಲು ಪರ್ವತ ಶ್ರೇಣಿಗಳು, ಚಲಿಸುವ ಮೋಡಗಳು, ಕಣಿವೆಗಳ ಇಳಿಜಾರುಗಳ ತುಂಬಾ ಛತ್ರಿಗಳಂತೆ ಹರಡಿಕೊಂಡ ಹಸಿರು ರಾಶಿ, ನಸು ಬೆಚ್ಚಗಿನ ಸೂರ್ಯರಶ್ಮಿ, ಮಧ್ಯೆ ಮಧ್ಯೆ ತುಂತುರು ಮಳೆ, ಕಾಮನ ಬಿಲ್ಲು, ಆಗಾಗ್ಗೆ ಬೀಸಿ ಮುದಗೊಳಿಸುವ ತಂಗಾಳಿ, ‘ಜೈ ಮಾತಾ ದೀ!’ ಎಂಬ ಜಯಘೋಷ ನಮಗರಿವಿಲ್ಲದಂತೆಯೇ ನಮ್ಮ ಕಾಲುಗಳಿಗೆ ಕಸುವು ತುಂಬಿದ್ದವು. ಮುದುಕರು, ಮಕ್ಕಳು. ಸಾಧು-ಸಂತರಿಂದ ಹಿಡಿದು ಸಾಮಾನ್ಯ ಭಕ್ತರು ದೇವಿಯೆಡೆಗೆ ಇರುವೆಯೋಪಾದಿಯಲ್ಲಿ ಸಾಗುತ್ತಿದ್ದು ದೂರದವರೆಗೆ ಕಾಣುತ್ತಿತ್ತು.

ಬಲು ಉತ್ಸಾಹದಿಂದ ನಮ್ಮ ನಡಿಗೆಯನ್ನು ಆರಂಭಿಸಿದೆವಾದರೂ, ಏರು ಪರ್ವತವಾದ್ದರಿಂದ ಮೂರು ಕಿ.ಮೀ. ನಡೆಯುವಷ್ಟರಲ್ಲೇ ಸುಸ್ತಾಗಿ ಇನ್ನುಳಿದ ಹಾದಿ ಹೇಗಪ್ಪಾ ಸವೆಸುವುದು ಎನಿಸತೊಡಗಿತು. ಏದುಸಿರು ಬಿಡುತ್ತಾ ‘ದೇವಿ! ದೇವಿ!’ ಎಂದು ಚೀರುತ್ತಾ, ಒಂದೊಂದು ಹೆಜ್ಜೆಯನ್ನೂ ಪ್ರಯಾಸದಿಂದ ಕೀಳುತ್ತಾ ದಾರಿ ಮಧ್ಯೆಯಿದ್ದ ತಂಗುದಾಣಗಳಲ್ಲಿ ಕೆಲ ನಿಮಿಷ ಕೂತು, ಮಲಗಿ, ‘ಯಾಕಪ್ಪಾ ಈ ನಡಿಗೆಯ ಪರೀಕ್ಷೆ!’ ಎಂದು ಕೇಳಿಕೊಳ್ಳುತ್ತಾ, ಕೊನೆ ಕೊನೆಗೆ ಕೆಲವರು ತೆವಳಿಕೊಂಡು ಮುನ್ನೆಡೆದವು. ಇಷ್ಟೂ ಆಗದವರು ಅರ್ಧ ದಾರಿಯಲ್ಲಿ ಸಿಕ್ಕ ಕುದುರೆಗಳನ್ನು ಏರಿ ಸಾಗಿದರೆ, ಕೆಲವರು ಕೇಳಿದಷ್ಟು ಬೆಲೆ ನೀಡಿ ಡೋಲಿಗಳನ್ನು ಆಶ್ರಯಿಸಿದರು.

ಹೀಗೆ ನಾವು ಅಂತೂ ಇಂತೂ ರಾತ್ರಿ ಎಂಟು ಗಂಟೆಗೆ ವೈಷ್ಣೋದೇವಿಯ ಮಹದ್ವಾರ ತಲುಪಿದೆವು. ಅಲ್ಲಿ ಮತ್ತೆ ಸರತಿಯ ಸಾಲಿನಲ್ಲಿ ಒಂದು ತಾಸು ನಿಂತು ಹಿಮಪರ್ವತದ ಜಲಧಾರೆಯಲ್ಲಿ ನಮ್ಮ ಕಾಲು ತೋಯಿಸಿಕೊಂಡು ದೇವಿಯ ತಾಣ ತಲುಪಿದಾಗ ನಮಗೆ ಆಶ್ಚರ್ಯ ಕಾದಿತ್ತು. ಗರ್ಭಗುಡಿಯೆಂದರೆ ಮತ್ತೇನೂ ಅಲ್ಲ. ಪ್ರಾಕೃತಿಕವಾಗಿ ರೂಪುಗೊಂಡ ಹಿಮಗುಹೆಗಳು. ಕೊರಕಲು ಕಿಂಡಿಯೊಳಗೆ ದೇವಿ ವಿರಾಜಮಾನಳಾಗಿದ್ದಳು. ದುಂಡನೆಯ ದಿವಿ ಹಲಸಿನ ಗಾತ್ರದ ಮೂರು ಕಲ್ಲುಗಳೇ ದೇವಿಯರು! ನಾವು ಮೂಕವಿಸ್ಮಿತರಾಗಿ ಆ ಕಲ್ಲುಗಳಿಗೇ ನಮಿಸಿದೆವು. ಇದನ್ನು ನೋಡಲು ಇಷ್ಟು ಕಷ್ಟಪಟ್ಟು ಇಲ್ಲಿಗೆ ಬರಬೇಕೇ! ಎಂದು ನನಗಂತೂ ಅನಿಸಿತು.

ಅದಾಗಲೇ ರಾತ್ರಿ ಒಂಭತ್ತು ಘಂಟೆಯಾದ್ದರಿಂದ ಹಸಿವೆಯಿಂದ ಹಾದಿ ಬದಿಯ ಹೋಟೆಲಿಗೆ ಎಡತಾಕಿದೆವು. ಊಟದಲ್ಲಿ ಸಾಸಿವೆ ಎಣ್ಣೆ ಬಳಸಿದ್ದುದರಿಂದ ಒಂದು ತುತ್ತೂ ಗಂಟಲಿಗೆ ಇಳಿಯದೆ, ಕೊನೆಗೆ ಬಾಳೆಹಣ್ಣು ಖರೀದಿಸಿ ತಿಂದು ಹೊಟ್ಟೆ ತುಂಬಿಸಿಕೊಂಡೆವು. ಈಗ ಪರ್ವತದ ಕೆಳಗಿನ ನಮ್ಮ ಬಿಡಾರಕ್ಕೆ ವಾಪಸಾಗುವುದು ಹೇಗೆ ಎಂಬ ಚಿಂತೆ ಆರಂಭವಾಯಿತು. ಕಾಲುಗಳು ಬಾತಿದ್ದುದರಿಂದ ಒಂದು ಹೆಜ್ಜೆಯೂ ಮುಂದಿಡಲಾರದವರಾಗಿ ಸತ್ತೆನೋ ಕೆಟ್ಟೆನೋ ಎಂದು ಹಲವರು ಬೆಟ್ಟದ ಮೇಲಣ ಯಾತ್ರಿ ನಿವಾಸಗಳನ್ನು ಆಶ್ರಯಿಸಿದರು. ಕೆಲವರು ಕುದುರೆ ಹತ್ತಿದರು. ನಮ್ಮ ಅಸಹಾಯಕತೆಯ ಲಾಭ ಪಡೆಯಲು ಕುದುರೆಯ ಮಾಲೀಕರು ಮನಸೋ ಇಚ್ಛೆ ಬೆಲೆ ಹೇಳಿದಾಗ ಆರಂಭವಾದ ಚೌಕಾಶಿಯಿಂದ ನಾನು ರೋಸಿಹೋಗಿ ನನ್ನ ಪಾಡಿಗೆ ನಾನು ಕಾಲ್ನಡಿಗೆಯಲ್ಲಿ ಪರ್ವತ ಇಳಿಯತೊಡಗಿದೆ.

ಹಾಸನದ ಕಡೆಯ ಇಬ್ಬರು ರೈತಾಪಿ ಮಹಿಳೆಯರು ನನ್ನ ಬೆನ್ನ ಹಿಂದೆಯೇ ಇದ್ದುದರಿಂದ ಧೈರ್ಯದಿಂದ ಹೆಜ್ಜೆ ಹಾಕಿದೆನಾದರೂ, ಸ್ವಲ್ಪ ಹೊತ್ತಿಗೇ ಬಲವಾದ ಗಾಳಿ ಬೀಸಿ ಗುಡುಗು-ಮಿಂಚು ಶುರುವಾಗಿ ಪಟ ಪಟ ಮಳೆಯೂ ಸುರಿಯತೊಡಗಿದಾಗ ನಿಜವಾಗಿಯೂ ಭೀತಳಾದೆನು. ಬೆಳಗ್ಗಿಂದ ನಡೆದೂ ನಡೆದೂ ಸುಸ್ತಾದ್ದರಿಂದ ರೈತಾಪಿ ಮಹಿಳೆಯರ ಸಮ ನಡೆಯಲಾರದೆ ನಾನು ಕೊಂಚ ಹಿಂದೆ ಬಿದ್ದೆ. ನಾಲ್ವರು ಪುರುಷ ರೈತರು ಬೀಸುಗಾಲು ಹಾಕುತ್ತಾ ಅದಾಗಲೇ ಎಷ್ಟೋ ಮುಂದೆ ಹೋಗಿದ್ದರು. ಒಬ್ಬಳೇ ಒಂಟಿಯಾಗಿ ಕಗ್ಗತ್ತಲಿನಲ್ಲಿ ಅತಿ ಪ್ರಯಾಸದಿಂದ ಹೆಜ್ಜೆ ಇಡುವ ಹೊತ್ತಿನಲ್ಲಿ ಆಗಸ ಮಿಂಚಿದಂತೆಲ್ಲ ಏನೋ ಒಂದು ರೀತಿ ರೋಮಾಂಚನವಾಗುತ್ತಿತ್ತೆಂಬುದೂ ನಿಜವೇ. ಆಗ ಗುಡುಗು-ಮಿಂಚು-ಮಳೆ-ಗಾಳಿ ಈ ಪ್ರಕೃತಿ ಇವಳೇ ಅಲ್ಲವೇ ವೈಷ್ಣೋದೇವಿ ಎಂದು ಹೊಳೆದಂತಾಗಿ ಅಪಾರ ಚೈತನ್ಯ ಒದಗಿ ಬಂದು ‘ದೇವಿ ಈ ರೀತಿಯಾಗಿ ದರುಶನ ನೀಡಿದಳಲ್ಲ!’ ಎಂದು ಪರಮ ಸಂತೋಷದಿಂದ ನಿರಾಳವಾಗಿ ಅಂಜಿಕೆಯಿಲ್ಲದೆ ಒಂದೊಂದೇ ಹೆಜ್ಜೆ ಇಡುತ್ತಾ ಇಳಿಯತೊಡಗಿದೆನು.

ಸ್ವಲ್ಪ ದೂರ ಕ್ರಮಿಸಿದಂತೆ ರಾತ್ರಿಯ ಹೊತ್ತು ದೇವಿಯ ದರ್ಶನ ಪಡೆಯಲು ಬೆಟ್ಟ ಹತ್ತಲು ತೊಡಗಿದ್ದ ಭಕ್ತರ ಗುಂಪು ಎದುರಾಯಿತು. ಅಪರಾತ್ರಿಯಲ್ಲಿ ಒಬ್ಬಂಟಿಗಳಾಗಿ ಬೆಟ್ಟ ಇಳಿಯುತ್ತಿದ್ದ ನನ್ನನ್ನು ಕಂಡು ‘ಜೈ ಮಾತಾ ದೀ!’ ಎಂದು ಕೂಗಿ ಹುರಿದುಂಬಿಸಿದರಷ್ಟೆ. ಇದೀಗ ನನ್ನ ಸಹಯಾತ್ರಿ ರೈತಾಪಿ ಮಹಿಳೆಯರು ದಾರಿ ಬದಿಯ ತಂಗುದಾಣದಲ್ಲಿ ಕಾಲು ಚಾಚಿ ಕೂತು ವಿಶ್ರಮಿಸಿಕೊಳ್ಳುತ್ತಿರುವುದು ಕಂಡುಬಂತು. ನಾನವರಿಗೆ ಕೈಬೀಸಿ ಅಲ್ಲೇ ಸನಿಹದಲ್ಲಿದ್ದ ಟೀ ಅಂಗಡಿಯ ಬೆಂಚಿನ ಮೇಲೆ ಕೂತುಕೊಂಡೆ. ಇನ್ನು ಅರ್ಧ ಕಿ.ಮೀ. ನಡೆದರೆ ಬೆಟ್ಟದ ಬುಡದ ನಮ್ಮ ಛತ್ರ ತಲುಪಬಹುದಿತ್ತು. ಆದರೆ ನಾನು ಎಷ್ಟು ಸೋತಿದ್ದೆನೆಂದರೆ ‘ಒಂದು ಲೋಟ ಟೀ’ ಎಂದು ಕೇಳುವಷ್ಟೂ ಚೈತನ್ಯವಿರಲಿಲ್ಲ. ಜೋಲು ಮೋರೆ ಹಾಕಿಕೊಂಡು ಕುದಿಯುತ್ತಿದ್ದ ಚಹಾ ನೋಡುತ್ತಿದ್ದ ನನ್ನ ಸ್ಥಿತಿಯನ್ನು ಅಂಗಡಿಯಾತ ಅರ್ಥ ಮಾಡಿಕೊಂಡವನಂತೆ ಬಿಸಿ ಬಿಸಿಯಾಗಿ ರುಚಿ ರುಚಿಯಾಗಿದ್ದ ಚಹಾ ನೀಡಿದ. ತೃಪ್ತಿಯಿಂದ ಕುಡಿದು ಸಾವರಿಸಿಕೊಂಡು ಆ ಇಬ್ಬರು ಮಹಿಳೆಯರಿಗೂ ಚಹಾ ನೀಡಿ ಎಂದು ಅಂಗಡಿಯವನನ್ನು ಕೋರಿದೆ.

ಆಗ ಬೆಳಗಿನ ಜಾವ ನಾಲ್ಕೂವರೆ ಘಂಟೆ. ಸುತ್ತಲೂ ಬೆಳಗಿನ ರೋಮಾಂಚನ ಆರಂಭವಾಗಿತ್ತು. ಮೆಲ್ಲಗೆ ಟಕ್ ಟಕ್ ಟಕ್ ಸದ್ದು ಕೇಳತೊಡಗಿತು. ಓಹ್! ಅದು ಕುದುರೆಯ ನಡಿಗೆಯ ಸದ್ದು. ನಮ್ಮ ಸಹಯಾತ್ರಿಕರು ಒಬ್ಬೊಬ್ಬರೇ ಕುದುರೆಯ ಮೇಲೆ ಕುಳಿತು ಬರುತ್ತಿದ್ದುದು ಮಸುಕಾಗಿ ಕಾಣತೊಡಗಿತು.

(ಮುಗಿಯಿತು)

Share

Leave a comment

Your email address will not be published. Required fields are marked *

Recent Posts More

  • 4 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    3 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...