Share

ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?
ಜೊಸ್ಸಿ ಸಿದ್ಧಕಟ್ಟೆ

 

 

 

ಕವಿಸಾಲು

 

 

 

 

 

ತಿರುಕನ ಕನಸಲ್ಲ ನನ್ನದು

ತಿರುಕನಲ್ಲ ಕಣ್ರಿ ನಾನು
ನಿಮ್ಮ ಮರುಕ ಗಿರುಕ ಎಲ್ಲಾ
ನನಗೆ ಹಿಡಿಸಲ್ಲ
ಅವ್ರು ಕೋಟೆ ಕಟ್ಟಿ
ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು
ಒಳಗೆ ಬೆಚ್ಚಗೆ ಕೂತಿರಬಹುದು
ನ್ಯಾಯಕ್ಕೆ ಕನ್ನ ಹಾಕೋ ನಾನು
ತಿರುಕ ಹೇಗೆ ಆಗಬೇಕು?
ತಿರುಕನದೇನೋ ಕನಸಿತ್ತು
ನನ್ನದು ಕೂಡಾ ಕನಸೆಂದು ಆ ಕೋಟೆ
ಒಳಗಿರುವವರು ಕನವರಿಸುತ್ತಿರಬಹುದು
ಬೂದಿ ಮುಚ್ಚಿದ ಕೆಂಡವಷ್ಟೇ ನಾನು
ಹೊತ್ತಿ ಉರಿಯಲು ಕಾಯುತ್ತಿದ್ದೇನೆ.
ಕೋಟೆ ಕಟ್ಟಿಕೊಂಡವರು ರಾತ್ರಿಯಿಡೀ ಮಲಗಿಲ್ಲ ಒಳಗೆ
ಗೊತ್ತು ನನಗೆ
ದೇಹವೆನ್ನದು ಇಲ್ಲಿ ಮಲಗಿರಬಹುದು
ನನ್ನ ಹೋರಾಟದ ಕಿಡಿ
ಅವರ ಮಂಚದಡಿಯಲ್ಲೇ ಉರಿಯುತ್ತಿರುವಾಗ
ನಿದ್ರೆ ಅವರಿಗೆಲ್ಲಿ?
ರಾತ್ರಿಯಿಡೀ ಸಮಾಲೋಚನೆ ನಡೆಸಿರಬಹುದು
ಇಂದು ಬೆಳಗ್ಗೆ ನನ್ನ ಬಳಿ ಧಾವಿಸಲೂಬಹುದು
ಆಮಿಷಗಳೊಡ್ಡಲೂ ಬಹುದು
ನಾನೋ
ಕಾಮನಬಿಲ್ಲನೇ ಮುಡಿದುಕೊಂಡವನು
ಅವರ ಕಪ್ಪು ಬಿಳುಪು ಕನಸುಗಳ
ನಾನೇಕೆ ಕೊಳ್ಳುವೆನು?
ಇದೂ ಒಂದು ತಿರುಕನದೇ ಕನಸು
ಎಂದು ನಕ್ಕು ಸುಮ್ಮನಾಗದಿರಿ
ನಿಮಗೆ ಅದಷ್ಟೇ ಗೊತ್ತು
ನೀವು ಕನಸನ್ನು ಬಿಟ್ಟು ಬೇರೆ ಕಂಡವರಲ್ಲ.
ಹಾಗಂತ ಕನ್ನ ಹಾಕಲು ಕೂತಿರುವ
ನನ್ನ ಮೇಲೆ ನಿಮ್ಮ ಕನಸು ಕೂರಿಸುವ ಚಪಲವೂ ಬೇಡ
ಇದು ಕನಸ್ಸೇ ಎಂದು
ವಾದಿಸುತ್ತಿರುವಿರಾದರೆ ಕೇಳಿ;
ಎಲ್ಲಾ ಯಶಸ್ಸು
ಒಂದಿನ ಕನಸ್ಸಾಗಿತ್ತೆಂಬ
ನಂಬಿಕೆ ಕಾಯ್ದುಕೊಳ್ಳಿ, ಆಷ್ಟೇ!

~

ಮುಗುದೆ

ನು ಮಾಡುವೆ ನಗದೆ!
ಪುಣ್ಯ, ಒಂಚೂರು ಬೆಳಕಿಂಡಿ
ತೆರೆದಿಟ್ಟಿದ್ದಾರೆ ನೋಡು ನಿನಗೆ
ತನ್ನೊಳಗಿದ್ದ ಕತ್ತಲ್ಲನ್ನೆಲ್ಲಾ ಕೋಣೆಗೆ ಸುರಿದು
ನಿನ್ನ ಕೂಡಿ ಹಾಕಿ
ಯಾವ ಆತ್ಮ ನಿಧಿಯ ಹುಡುಕಿ ಹೊರಟಿರುವರೋ ಭೂಪರು,
ಮುಗುದೆ
ಏನು ಮಾಡುವೆ ನಗದೆ!
ಮನೆಯಂಗಳದ ಕಳೆಕೀಳಲಷ್ಟೇ
ನೀನು ಲಾಯಕ್ಕು ಅಂದುಕೊಂಡಿರುವ ಅವರಿಗೇನು ಗೊತ್ತು
ನಿನ್ನ ಕೈಯಾರೆ ಅರಳಿ ನಿಂತ ಹಿಂಬಾಗಿಲ ತೋಟದಲಿ
ಸ್ವರ್ಗ ಗೂಡು ಕಟ್ಟಿದೆಯೆಂದು?
ಮುಗುದೆ,
ಏನು ಮಾಡುವೆ ನಗದೆ!
ತಂತಮ್ಮ ದಿವಾಳಿತನವ ನಿನ್ನ ಮೇಲೆ
ಜೋಡಿಸಿ ಜೋಪಾನ ಮಾಡಹೊರಟವರು
ಗುರಿಯನ್ನೇಂದೂ ಮುಟ್ಟರು
ಬಂಧಿಸಲಾರರು ಮುಕ್ತಾತ್ಮ ಸುಟ್ಟರು
ಹುಂಬರಂತೆ ದೋಚಿಕೊಳ್ಳುವುದರಲ್ಲೇ ನಿರತ ಇವರ ಕಂಡು
ಮುಗುದೆ,
ಏನು ಮಾಡುವೆ ನಗದೆ?
ಅವರ ಸೋಂಕು ಒಂಚೂರು ಸೋಕದೆ
ಉಳಿದ ಹೂವು ನೀನು
ಹೊಸಕಿ ಹಾಕಿದ ಪಾದದಡಿ
ಕಂಪ ಸವರಿ ಬಿಡುವೆಯಲ್ಲ,
ಮುಗುದೆ
ಏನು ಮಾಡುವೆ ನಗದೆ!

~

ಎಂದೋ ಒಮ್ಮೆ ದಾರಿ ಹೋಗುವುದು

ದರಷ್ಟಕೆ ಮುಂದೆ
ನಾನೇ ಸರಿಯುವೆ ಪಕ್ಕಕೆ
ಮುಗಿಸಿ ದಿನದ ದಂಧೆ
ಹೋಗುತಿದೆ ಅಲ್ಲಿ ನೋಡು
ಪರಸ್ಪರ ಮೂಸುತ ಕುರಿಮಂದೆ
ನೋಡ ನೋಡುತ್ತಿರೆ ಅವು ಕಣ್ಮರೆ;
ಕಣ್ಣಗಳು ಆದವು ಒದ್ದೆ
ಸೋಮಾರಿ ದಾರಿಗೇನು ಕೆಲಸ?
ಕಾಲು ಚಾಚಿ ಉದ್ದಕೆ ಮಲಗಿದೆ
ಚಿಂತೆಯ ಚಿತೆಯಲಿ ಬೆಂದವನ
ಮಧ್ಯದಲೇ ಕೆಡವಿದೆ ಕೊನೆಯ ನಿದ್ದೆ
ದಾರಿಯುದ್ದಕೂ ಯುದ್ಧಾಯುಧಗಳ ಮೊರೆತ
ಪರಸ್ಪರ ಮುಗಿಸುವ ಹುನ್ನಾರ ಕದ್ದಾಲಿಸಿದೆ
ಬೆನ್ನಲ್ಲೊಂದು ವಿಷಮುಳ್ಳ ಮುಡಿದ ದಾರಿ
ಅಹಂಗೊಂದು ಪಾಠ ಕಲಿಸಿದೆ
ಎಂದೋ ಒಮ್ಮೆ ದಾರಿ ಹೋಗುವುದು
ಅದರಷ್ಟಕೆ ಮುಂದೆ… ಮುಂದೆ..

~

ನನ್ನೀ ಚೀಲ

ಗುರಾಗುತ್ತಿದೆ, ಅನ್ನಿಸುತ್ತಿದೆ
ಹೊರಡುವಾಗ ಭಾರ ಇತ್ತು
ರಸ್ತೆಮಧ್ಯೆ ಅಷ್ಟಿಷ್ಟು ಕಳಕೊಂಡಿರಬೇಕು
ಗೊತ್ತಾಗಲಿಲ್ಲ..
ಬಹುಶಃ ಮನೆ ತಲುಪುವಷ್ಟರಲ್ಲಿ
ಖಾಲಿ ಚೀಲ ಇರುತ್ತೋ ಏನೊ!

ಅಯ್ಯೋ, ನಿಮ್ಮ ಚೀಲವನ್ನೊಮ್ಮೆ
ಮುಟ್ಟಿ ನೋಡಿದ್ರಾ?
ಸರಿ, ಎಷ್ಟಿದೆ ಒಳಗೆ?
ವಿಪರೀತ ಖರ್ಚು ಮಾಂಡ್ಕೊಂಡಿರಬೇಕಲ್ಲ?
ಖರ್ಚು ನಿಮಗಾಗಿ ಮಾಡಿರಲಿಕ್ಕಿಲ್ಲ
ಒಂದೋ ಮಗನಿಗಾಗಿ ಇಷ್ಟು
ಮಗಳಿಗಾಗಿ ಇಷ್ಟು
ಸಂಗಾತಿಗಾಗಿ ಇಷ್ಟು..
ಇಷ್ಟಿಷ್ಟೇ ಕಳೆದು ಈಗ ನಿಮಗಾಗಿ ಏನಾದರು
ಉಳಿದಿರಬಹುದೆ?
ಚರ್ಚಿಗಿಷ್ಟು, ವಾಳೆಗಿಷ್ಟು
ಮಕ್ಕಳು ಕಲಿಯುವ ಶಾಲೆಗಿಷ್ಟು
ನಲಿದು ಬಾಳುವ ಸಮಾಜಕ್ಕಿಷ್ಟು
ಕೊಟ್ಟು ನೀವು ಹಗುರಾಗಿರಬೇಕಲ್ಲ?
ನಿನ್ನೆ ಯಾರೋ ಸ್ಮಶಾನದ ದಾರಿಯಲ್ಲಿ
ಪೆಟ್ಟಿಗೆಗೆ ಹೆಗಲು ಕೊಟ್ಟವರು ತಂತಮ್ಮೊಳಗೆ
ಮಾತಾಡಿಕೊಂಡದ್ದು ಕೇಳಿಬಂತು
‘ಇಂವ ಹತ್ತಿಯ ಹಾಗೆ ಹಗುರನಪ್ಪಾ..
ಆದರೆ ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?’

~

ಹೊ! ನೀನು ದಾವಿದನಲ್ಲವೆ

ಮಾರಾಯಾ?
ಕುರಿಮಂದೆಗೆ ಸಂಗೀತ
ನುಡಿಸುತ್ತಾ ಅವುಗಳ ಬಾಲಗಳ
ಚಟಪಟಿಕೆಗೆ ಚಪ್ಪಾಳೆ ಎಂದು
ಖುಶಿಗೊಳ್ಳುತ್ತಿದ್ದ ನಿನ್ನ ಕಂಗಳಲ್ಲಿ
ಏನೋ ಕನಸಿತ್ತು ಅಲ್ಲವೆ?
ಗೊಲಿಯತ್’ನ ಹಣೆಗೆ ಕಲ್ಲು ಜಡಿದದ್ದೇ,
‘ಸಾವ್ಲನು ಸಾವಿರ ಕೊಂದ
ದಾವಿದ ಹತ್ತು ಸಾವಿರ’ ಎಂದ ಹೆಂಗಳೆಯರ
ಕುಣಿತಕ್ಕೆ ಸಾವ್ಲ ಕಂಗಾಲಾದ
ನೀನು ಕನಸೇರಿ ಕೂತೆ
ಕುರಿಮಂದೆ ಬಿಟ್ಟು ಮಂದ ಜನರ
ಒಡೆಯನಾದಾಗ ನೀನು ಮಾತ್ರ ಕೆಟ್ಟೆ
ಸೈನಿಕರು ಯುದ್ದ ಭೂಮಿಯಲ್ಲಿ
ಎದೆಗೊಟ್ಟು ನಿಂತಾಗ
ನೀನು ಮಾತ್ರ ಬಾಲ್ಕನಿಯಲಿ ಸುತ್ತಾಡುತ್ತಾ
ಬೆತ್ಶೆಬಾಳ ಎದೆಯೊಳಗೆ ಸೆರೆಯಾದೆ!
ಥತ್ತ್!
ಏನೇನೋ ನೆನಪಿಸುತ್ತೀಯಾ
ಸದನದಲ್ಲಿ ಅದೆಷ್ಟು ದಾವಿದರನ್ನು ಕಂಡಿಲ್ಲ!
ಮಂದಮತಿಯ ಕುರಿಮಂದೆ ನಾವೇ
ನೀವುಗಳ ಎಲ್ಲಾ ‘ಸುಕೃತಿ’ಗಳಿಗೆ
ನಮ್ಮ ಬಾಲಗಳ ಚಟಪಟಿಕೆ ಇದ್ದೇ ಇರುತ್ತದೆ.

ಜೊಸ್ಸಿ ಸಿದ್ಧಕಟ್ಟೆ

ಕೊಂಕಣಿ ಕವಿ. ಕನ್ನಡದಲ್ಲಿಯೂ ಅಷ್ಟೇ ಸೊಗಸಾಗಿ ಬರೆಯುತ್ತಾರೆ. ಕಾವ್ಯ, ನಾಟಕ ಪ್ರಕಾರಗಳಲ್ಲಿ ಮಾತ್ರವಲ್ಲದೆ, ಅಂಕಣ ಬರಹಗಳಿಗಾಗಿಯೂ ಹೆಸರಾದವರು. ‘ಪಾವ್ಸಾಧೊಣು’, ‘ಮೊರಾನ್ ಸಾಂಡ್ಲೆಲಿಂ ಪಾಕಾಂ’ (ಕಾವ್ಯ), ‘ಯು ಟರ್ನ್’ (ಅಂಕಣ ಬರಹಗಳು), ‘ಪಿಟ್ಟಾಸಿ ಸಂಸಾರ್’, ‘ಖಂಯ್ ತುಜಿ ಸವಾರಿ?’, ‘ಸಾಂತಾ ಖುರ್ಸಾಚೆ ಕುರ್ವೆನ್ ಕುದ್ರೊ’, ‘ಸಂಸಾರಾಕ್ ಜಾಗಯ್ ಜುವಾಂವ್’, ‘ಸಾಳಿಯೊ’, ‘ದೋನ್ ಶಿಂಗಾಂ’ (ನಾಟಕ) ಮೊದಲಾದವು ಇವರ ಕೃತಿಗಳು. ಕಿಟಾಳ್ ಯುವ ಪುರಸ್ಕಾರ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಕ್ಕೆ ಪಾತ್ರರಾಗಿದ್ದಾರೆ. kallzagaaz.blogspot.in ಇವರ ಬ್ಲಾಗ್.

Share

Leave a comment

Your email address will not be published. Required fields are marked *

Recent Posts More

  • 4 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    3 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...