Share

ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು
ದ್ರವಿಡ

 

ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.

 

 

ಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ.

ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ಹೆಣ್ಣುಮಕ್ಕಳ ವಿಚಾರದಲ್ಲಿ ದನಿಯೆತ್ತುತ್ತಿದ್ದಂತೆ ದೊಡ್ಡ ಸಂಚಲನವೇ ಆಯಿತು. ಪತ್ರಕರ್ತರಾಗಿದ್ದಾಗ ಲೈಂಗಿಕ ಕಿರುಕುಳ ಕೊಟ್ಟಿದ್ದರೆಂಬ ಗಂಭೀರ ಆರೋಪಕ್ಕೆ ತುತ್ತಾದ ಎಂ ಜೆ ಅಕ್ಬರ್ ಸಚಿವ ಹುದ್ದೆಯಿಂದ ಕೆಳಗಿಳಿಯಬೇಕಾಯಿತು. ಇದೇ ಹೊತ್ತಲ್ಲಿ, ರಫೇಲ್ ಹಗರಣದ ವಿಚಾರ ಮರೆಮಾಚುವ ಹುನ್ನಾರವಾಗಿ #MeToo ಅಭಿಯಾನವನ್ನು ಮುನ್ನೆಲೆಗೆ ತರಲಾಗಿದೆ ಎಂಬ ಆರೋಪವೂ ಸುತ್ತಿಕೊಂಡಿತು.

ಯಾವುದೇ ಅಸಾಂಪ್ರದಾಯಿಕ ನಡೆಯು ಬಲಗೊಂಡಾಗ, ಅದರ ಹಿಂದೆ ರಾಜಕಾರಣ ಇದ್ದಿರಬಹುದೇ ಎಂಬ ಅನುಮಾನ ಆಕ್ಷೇಪಾರ್ಹವಲ್ಲವಾದರೂ, ಆ ಅನುಮಾನವು ದಮನಿತ ದನಿಯನ್ನೇ ಮತ್ತೆ ಅದುಮುವ, ಅದನ್ನು ಅವಮಾನಿಸುವ ಅಪಾಯವೂ ಇಂಥಲ್ಲಿ ಇರಬಹುದಾದ ಸೂಕ್ಷ್ಮವನ್ನು ಕಡೆಗಣಿಸಲಾಗದು.

ಕನ್ನಡ ಚಿತ್ರರಂಗದಲ್ಲೂ ಈಗ ದೊಡ್ಡ ಬೆಳವಣಿಗೆಯಾಗಿರುವ #MeToo ಆರೋಪ, ಇದುವರೆಗೂ ಬಹುಶಃ ಅನೂಚಾನವೆಂಬಂತೆ ನಡೆದುಕೊಂಡು ಬಂದಿದ್ದಿರಬಹುದಾದ ‘ವ್ಯವಸ್ಥೆ’ಯೊಂದಕ್ಕೆ ಬಲವಾದ ಪೆಟ್ಟನ್ನೇ ಕೊಟ್ಟಿದೆ. ಹಾಗಾಗಿಯೇ ಅದು ಹಲವರಿಗೆ ಮುಜುಗರವನ್ನು ಉಂಟುಮಾಡಿರುವಂತೆಯೇ ಹಲವರ ವಿರೋಧವನ್ನೂ ಎದುರಿಸುತ್ತಿದೆ. #MeToo ಆರೋಪದ ಹಿಂದೆ ಯಾವುದೋ ಒಂದು ಸಂಚು ಇದೆಯೆಂಬ ಶಂಕೆ ಎದ್ದಿರುವಂತೆಯೇ, ಈ ವಿರೋಧದ ಹಿಂದೆಯೂ ಹಿತಾಸಕ್ತಿಯೊಂದು ಕೆಲಸ ಮಾಡುತ್ತಿರಬಹುದಲ್ಲವೇ ಎಂಬ ಪ್ರಶ್ನೆಯೂ ಇನ್ನೊಂದೆಡೆ ಇದೆ. ಇದೆಲ್ಲವೂ ಕಳೆದುಕೊಂಡಿರುವ ಪ್ರಾಮುಖ್ಯತೆಯನ್ನು ಮರಳಿ ಗಳಿಸಿ ಚಾಲ್ತಿಯಲ್ಲಿರುವುದಕ್ಕಾಗಿ ಎಂಬ ಇರಿತವನ್ನೂ #MeToo ಆರೋಪ ಮಾಡುತ್ತಿರುವವರು ಸಹಿಸಬೇಕಾಗಿದೆ. ಹೆಸರು ಬರುವವರೆಗೆ ಏನೆಲ್ಲಾ ಮಾಡಿದವರು ಈಗೇಕೆ ಆರೋಪ ಮಾಡುತ್ತಿದ್ದಾರೆ ಎಂದು ಪ್ರಶ್ನಿಸುವ ಮೂಲಕ ಅವರ ಚಾರಿತ್ರ್ಯಕ್ಕೇ ಕಳಂಕ ಹಚ್ಚುವುದಕ್ಕೇ ಮತ್ತೆ ಕೆಲ ಮಹಿಳೆಯರೇ ಮುಂದಾಗಿರುವುದೂ ಅಚ್ಚರಿ ಹುಟ್ಟಿಸಿದೆ. ಆದರೆ ಹೀಗೆ ಹೆಣ್ಣಿಗೆ ಕಳಂಕ ಹಚ್ಚುತ್ತಿರುವವರು ಬೇಕೆಂದೇ ಅಲಕ್ಷಿಸುತ್ತಿರುವ ಪ್ರಶ್ನೆಯೊಂದಿದೆ. ಏನೆಂದರೆ, ಇವತ್ತು ಲೈಂಗಿಕ ಕಿರುಕುಳದ ಆರೋಪ ಮಾಡುತ್ತಿರುವವರು ಒಂದು ಕಾಲದಲ್ಲಿ ಹೆಸರು ಪಡೆಯುವುದಕ್ಕಾಗಿ ಏನೆಲ್ಲಾ ಮಾಡಿದ್ದೇ ಹೌದಾಗಿದ್ದಲ್ಲಿ ಈಗಲೂ ಅದನ್ನೇ ಮಾಡಿ ತಮ್ಮ ಸ್ಥಾನ ಭದ್ರಪಡಿಸಿಕೊಳ್ಳಬಹುದಿತ್ತಲ್ಲವೇ? ಆದರೆ ಅವರೇಕೆ ತಾವು ಎದುರಿಬೇಕಾಗಿ ಬರಬಹುದಾದ ಮಾನಸಿಕ ಸಂಕಟ ಎಂಥದೆಂಬುದನ್ನು ತಿಳಿದೂ ತಮಗಾಗಿದ್ದ ಕಿರುಕುಳದ ಬಗ್ಗೆ ಹೇಳಲು ಮುಂದಾಗಿದ್ದಾರೆ ಎಂಬುದು.

ಇನ್ನೂ ಒಂದು ವಿಚಾರ #MeToo ಅಭಿಯಾನದ ವಿಚಾರದಲ್ಲಿ ಕಾಡುತ್ತಿದೆ. ಹೆಣ್ಣಿನ ದನಿಗೆ ಬಲ ಕೊಡುವಲ್ಲಿ ಸಹಕಾರಿಯಾಗುತ್ತಿದೆ ಎಂದುಕೊಳ್ಳುತ್ತಿದ್ದರೂ ಇದಕ್ಕೂ ಹಿಂದಿನ ತಲೆಮಾರಿನ ಅನೇಕ ಮಹಿಳೆಯರೇ ಈ ಅಭಿಯಾನವನ್ನು ಅನುಮಾನದಿಂದ ಕಾಣುತ್ತಿರುವುದನ್ನು ಗಮನಿಸಬೇಕು. ತವ್ಲೀನ್ ಸಿಂಗ್ ಅವರಂಥ ಹಿರಿಯ ಪತ್ರಕರ್ತೆ ಕೂಡ, ಎಂದೋ ಆಗಿರುವುದನ್ನು ಈಗ ಬಹಿರಂಗಗೊಳಿಸುವುದಕ್ಕಿಂತ ಆಗಲೇ ಅದರ ವಿರುದ್ಧ ಧ್ವನಿಯೆತ್ತಬೇಕಿತ್ತು; ಸಂತ್ರಸ್ತರಾಗುವ ಬದಲು ಹೋರಾಟಗಾರ್ತಿಯರಾಗಿ ನಿಲ್ಲಬೇಕಿತ್ತು ಎಂಬಂರ್ಥದ ಮಾತುಗಳನ್ನಾಡಿದ್ದಾರೆ. ಸ್ವಾವಲಂಬಿ ಮಹಿಳೆಯರೇ ದನಿಯೆತ್ತುತ್ತಿದ್ದಾರೆಯೇ ಹೊರತು ಈ ಅಭಿಯಾನ ದುರ್ಬಲ ವರ್ಗದ ಮಹಿಳೆಯರ ದನಿಗೆ ವೇದಿಕೆಯಾಗಿಲ್ಲ ಎಂಬುದೂ ತವ್ಲೀನ್ ತಕರಾರು. ಆದರೆ ತವ್ಲೀನ್ ಅವರು ಹೇಳುವಷ್ಟು ಸರಳ ಸಂಗತಿ ಇದೆಂದು ಅನ್ನಿಸುತ್ತದೆಯೇ?

ಹೆಣ್ಣೊಬ್ಬಳು ತನಗಾದ ಲೈಂಗಿಕ ಕಿರುಕುಳದ ಬಗ್ಗೆ ಆ ಕ್ಷಣದಲ್ಲೇ ಧ್ವನಿಯೆತ್ತುವುದಕ್ಕೆ ಸಾಕಷ್ಟು ಪೂರಕ ವಾತಾವರಣ ನಮ್ಮಲ್ಲಿದೆಯೇ ಎಂಬುದನ್ನು ಯೋಚಿಸಬೇಕಾಗುತ್ತದೆ. ಪ್ರತಿಭಟಿಸಿ ನಿಲ್ಲುವ ಯಾರನ್ನೇ ಆದರೂ ಹೇಗೆ ಈ ಸಮಾಜ ಒಬ್ಬಂಟಿಯಾಗಿಸಿಬಿಡಬಲ್ಲುದು ಎಂಬ ಸತ್ಯ ಗೊತ್ತಿರುವಾಗ, ಅಂಥ ಸಂದರ್ಭವು ಹೆಣ್ಣೊಬ್ಬಳ ವಿಚಾರದಲ್ಲಿ ಇನ್ನೆಷ್ಟು ಕರಾಳವಾಗಿರಬುದೆಂಬುದನ್ನು ಊಹಿಸುವುದು ಕಷ್ಟವಲ್ಲ. ಪ್ರಜ್ಞಾವಂತ ಹೆಣ್ಣೇ ಈ ವ್ಯವಸ್ಥೆಯ ಎದುರು ನಿಲ್ಲಲು ಎದೆಗುಂದುವಾಗ, ಅನಕ್ಷರಸ್ಥ ಬಡ ಹೆಣ್ಣಿನೆದುರಿನ ಕಟು ವಾಸ್ತವ ಇನ್ನೆಂಥದ್ದಿರಬಹುದು ಎಂಬುದನ್ನು ಅರ್ಥ ಮಾಡಿಕೊಳ್ಳಬೇಕು.

ಈ ಯಾವ ಸಂಗತಿಗಳೂ ತೀರಾ ಉಡಾಫೆಯಿಂದಾಗಲಿ, ತೀರಾ ತೇಲಿಸಿಯಾಗಲಿ ಮಾತಾಡುವಂಥವಲ್ಲ. ಯಾರೋ ಎಲ್ಲೋ ಕೂತು ಯಾವುದೇ ಹೆಣ್ಣಿನ ಚಾರಿತ್ರ್ಯವನ್ನು ಅಳೆಯುವುಕ್ಕೆ, ಹೀಗೇ ಎಂದು ಷರಾ ಬರೆಯುವುದಕ್ಕೆ ಹಕ್ಕು ಪಡೆದಿರುವುದಿಲ್ಲ. ಒಳ್ಳೆಯವರಿರುವಂತೆಯೇ ಕೆಟ್ಟವರೂ ಇರಬಹುದೆಂಬುದನ್ನೂ ತೀರಾ ಸರಳೀಕರಿಸಿ ಹೇಳಲಿಕ್ಕೂ ಸಾಧ್ಯವಿಲ್ಲ.

ಮುಖ್ಯ ಸಂಗತಿಯೇನೆಂದರೆ, ಹೆಣ್ಣಿನ ಹಲವು ಕಾಲದ ನೋವು, ಅಸಹನೆ ಇದೀಗ ಆಸ್ಫೋಟಗೊಳ್ಳಲು ದಾರಿ ಹುಡುಕಿಕೊಂಡಿದೆ. ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು. ಮಾತಾಡಕೂಡದೆಂಬ ಅಲಿಖಿತ ಕಟ್ಟು ಕಟ್ಟಳೆಯನ್ನು ಯಾರೋ ಮೀರಿದಾಗ ಪೋಷಿತ ವ್ಯವಸ್ಥೆಗೆ ಆಗುವ ಭಯ ಇದು. ಈ ಬಿಕ್ಕಟ್ಟನ್ನು ಮೀರಿ ಪ್ರಾಮಾಣಿಕ ಮಾತು ನ್ಯಾಯ ಗಳಿಸುವಲ್ಲಿ ಗೆದ್ದರೆ ಅದು ದೊಡ್ಡ ಜಯ. ಇಂಥ ಅಭಿಯಾನವನ್ನೂ ಈಗ ಕೆಲವರು ಅನುಮಾನಿಸುತ್ತಿರುವಂತೆ ಯಾರದೋ ಸಂಚಿಗಾಗಿ ಇಲ್ಲವೆ ಸ್ವಾರ್ಥಕ್ಕಾಗಿ ಬಲಿ ಕೊಡುವವರಿದ್ದರೆ, ಶತ್ರುಗಳು ಒಳಗೇ ಇರುವ ವ್ಯಂಗ್ಯದ ಕಟುತನಕ್ಕೆ ಮದ್ದಿರಲಾರದು.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 1 week ago No comment

    ಇತಿಹಾಸ ತಿರುಚಿ ವಿಷಬೀಜ ಬಿತ್ತುವವರ ಮಧ್ಯೆ…

          ಪ್ರಸ್ತಾಪ           ಕೋಮುವಾದಿಗಳ ಆಳ್ವಿಕೆಯು ರಾಜಕೀಯವನ್ನು ಧರ್ಮದ ಜೊತೆ ಬೆರೆಸುತ್ತ ಹಾಳು ಮಾಡಿದ್ದಾಗಿದೆ. ಕಲಿಕೆಯ ವಾತಾವರಣವನ್ನೂ ಕೇಸರೀಕರಣದಿಂದ ಕಲುಷಿತಗೊಳಿಸುತ್ತಿರುವುದು ಮಾತ್ರ ಅಕ್ಷಮ್ಯ. ತಿರುಚಲಾದ ಇತಿಹಾಸವನ್ನು ಮಾತ್ರ ಹೇಳುತ್ತ ಇದು ಮಾಡುತ್ತಿರುವುದು ಹೊಸ ಪೀಳಿಗೆಯ ಮನಸ್ಸುಗಳಲ್ಲಿ ವಿಷಬೀಜವನ್ನು ಬಿತ್ತುವ ಕರಾಳ ಕೃತ್ಯ.   ಇತ್ತೀಚೆಗೆ ಮಕ್ಕಳ ಶೈಕ್ಷಣಿಕ ಹೊರೆಯನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ಪಠ್ಯ ಪುಸ್ತಕಗಳ ಪರಿಶೀಲನೆ, ಮುದ್ರಣ ಹಾಗೂ ಮತ್ತಿತರ ...

  • 1 week ago No comment

    ‘ಸೂಜಿದಾರ’ದಲ್ಲಿ ಚೈತ್ರಾ ಕೋಟೂರ್ ಹಾಡು

    ತಮ್ಮ ಸಾಧನೆಯ ಬಗ್ಗೆ ಅಹಮಿಕೆ ತೋರದವರಲ್ಲಿ ಚೈತ್ರಾ ಕೋಟೂರ್ ಖಂಡಿತವಾಗಿಯೂ ಒಬ್ಬರು. ಅವರ ಕನಸುಗಳ ದಾರಿಯಲ್ಲಿ ಈ ನಿರ್ಲಿಪ್ತ ಸಡಗರದ ಚಂದಿರ ಎಂದೆಂದೂ ಜೊತೆಗಿರಲಿ.   ಇವತ್ತು ಕನ್ನಡ ರಂಗಭೂಮಿ, ಸಿನಿಮಾ, ಸಾಹಿತ್ಯ ಕ್ಷೇತ್ರಗಳಲ್ಲಿ ಹೊಸಬರ ಪಡೆಯೊಂದು ಜಾದೂವನ್ನೇ ಮಾಡುತ್ತಿದೆ. ಬೆರಗು ಹಚ್ಚುವಂಥ ಸೃಜನಾತ್ಮಕತೆ, ಶ್ರದ್ಧೆ ಮತ್ತು ಅದಕ್ಕೆಲ್ಲ ಪೂರಕವಾದ ಪರಿಣತಿಯೊಂದಿಗೆ ಇರುವವರು ಇವರೆಲ್ಲ. ಇಂಥವರ ಸಾಲಿನಲ್ಲಿ ಚೈತ್ರಾ ಕೋಟೂರ್ ಅವರದೂ ಪ್ರಮುಖ ಹೆಸರು. ಚೈತ್ರಾ ಅವರ ಹೆಚ್ಚುಗಾರಿಕೆಯೆಂದರೆ, ...

  • 2 weeks ago No comment

    ಉಷಾ ಚಿತ್ತ | ಮೊಲದ ಮರಿ ಗಿಫ್ಟ್

          ‘ಚಲಿತ ಚಿತ್ತ’ದಲ್ಲಿ ಕವಿಸಾಲು       ಮೇರು ಸದೃಶ್ಯವಾಗಿ ಕಂಡದ್ದು ಬರಬರುತ್ತಾ ಕಾಲಕೆಳಗಿನ ಗುಡ್ಡವಾಯಿತು. ಹೋಗ ಹೋಗುತ್ತಾ ಚುಕ್ಕಿಯಾಗಿ, ಆಕಾಶದ ನೀಲಿಯಲಿ ಲೀನವಾಯಿತು. ನೆನಪಿನ ಕೋಶ ಸೇರಿದಾಗ, ಅಂತರಾಳದಲಿ ಕಡಲಾಯಿತು. ಅಲ್ಲೀಗ ಕನಸುಗಳ ಸರಕು ಹೊತ್ತ ದೋಣಿಯೊಂದು ತೇಲುತ್ತಿದೆ. ನಿರ್ಜನ ರಾತ್ರಿ, ಹುಟ್ಟು ಕೈಯ್ಯಲ್ಲಿದೆ; ದಡದಿಂದ ಕೇಳುತಿದೆ ಮೋಹಕ ಕೊಳಲ ಗಾನ. ಮನ ಕಂಪಿಸುತಿದೆ, ಬಾರೆನ್ನ ಪೂರ್ಣಚಂದಿರ. ಕಡಲು ಅಬ್ಬರಿಸುತ್ತರಲಿ, ನನ್ನ ಕೈಗಳಿಗೆ ...

  • 2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...


Editor's Wall

  • 14 April 2019
    1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 04 April 2019
    2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...

  • 29 March 2019
    3 weeks ago One Comment

    ಕಾದಂಬಿನಿ ಕಾಲಂ | ಹಕ್ಕಿ ಸಾಕಬೇಕೆಂದರೆ ಹುಳಗಳನ್ನೂ ಸಾಕಬೇಕು

                      ನಾವು ಯಾರನ್ನು ಪ್ರೀತಿಸುತ್ತೇವೆಯೋ ಅವರ ಆಹಾರವನ್ನೂ ಪ್ರೀತಿಸಬೇಕು. ಪ್ರತಿಯೊಂದು ಜೀವಿಯ ಆಹಾರದ ಹಕ್ಕನ್ನೂ ಗೌರವಿಸುವುದು ಎಲ್ಲರೂ ಮೊದಲು ಕಲಿತುಕೊಳ್ಳಬೇಕಾದ ಸಜ್ಜನಿಕೆ. ಅದು ಹಕ್ಕಿಯದಿರಲಿ, ಮನುಷ್ಯನದಿರಲಿ. ಕಾರ್ಕೋಟಕ ಸರ್ಪವೋ, ಹುಲಿಯೋ ಎದುರಾದರೂ ಅಷ್ಟು ಹೆದರುತ್ತೇನೋ ಇಲ್ಲವೋ ಆದರೆ ಅಕ್ಕಿ ಆರಿಸುವಾಗಲೋ ಬದನೆಕಾಯಿ ಹೆಚ್ಚುವಾಗಲೋ, ಹೂ ಗಿಡಗಳಲ್ಲಿರುವಾಗಲೋ ಚಿಕ್ಕ ಹುಳ ಕಂಡರೂ ಕಿರುಚಿ ಊರು ಒಂದು ಮಾಡಿಬಿಡುತ್ತೇನೆ. ಹಾಗೆಂದು ...

  • 26 March 2019
    4 weeks ago No comment

    ಬೆಂದರೆ ಬೇಂದ್ರೆ…ನೊಂದರೆ ಕಾದಂಬಿನಿ

    ಪುಸ್ತಕ ಪ್ರಸ್ತಾಪ     ಕಾದಂಬಿನಿ ಅವರ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಕವನ ಸಂಕಲನದ ಬಗ್ಗೆ ಹಿರಿಯರಾದ ಚಂದ್ರಶೇಖರ ನಂಗಲಿಯವರು ತಮ್ಮ ಫೇಸ್ಬುಕ್ ವಾಲ್ ನಲ್ಲಿ ಬರೆದಿದ್ದಾರೆ. ಅದನ್ನು ಇಲ್ಲಿ ಎತ್ತಿಕೊಡಲಾಗಿದೆ.   ಪ್ರೀತಿ ಪ್ರೇಮ ಮಾನವಜೀವನದ ಚಾಲಕ ಶಕ್ತಿ. ಈ ಸ್ಟೇರಿಂಗ್ ಹಿಡಿದು ಸಮತಲ, ತಗ್ಗು ದಿಣ್ಣೆ , ಹೇರ್ ಪಿನ್ ಕರ್ವ್ಸ್, ಡೆಡ್ ಎಂಡ್ ಮುಂತಾದ ಬಗೆ ಬಗೆಯ ರಸ್ತೆಗಳಲ್ಲಿ , ಒಮ್ಮೊಮ್ಮೆ ರಸ್ತೆಯಿಲ್ಲದ ...

  • 12 March 2019
    1 month ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...