Share

ನಿತ್ಯವೂ ನೂರಾರು ಬಲಿ ಕೇಳುವ ಅತ್ಯಾಚಾರ!
ಸಂಪಾದಕ

ಗತಾನೆ ನಡೆಯಲು ಕಲಿತಿದ್ದ 21 ತಿಂಗಳ ಬಾಲೆ ನೆರೆಹೊರೆಯಲ್ಲೇ ಇದ್ದ ಕಾಮುಕನ ತುತ್ತಾಗಿಬಿಡುತ್ತಾಳೆ (ದಿಲ್ಲಿ).

ಬಯಲಿಗೆ ಶೌಚಕ್ಕೆಂದು ಹೋದವಳ ಮೇಲೆ ಒಬ್ಬಿಬ್ಬರಲ್ಲ, ಎಂಟು ಜನರಿಂದ ಸಾಮೂಹಿಕ ಅತ್ಯಾಚಾರ ನಡೆಯುತ್ತದೆ (ಬಿಹಾರ್).

ಐದು ವರ್ಷದ ಕಂದಮ್ಮನನ್ನು ಅತ್ಯಾಚಾರ ಮಾಡಿ, ಗುಪ್ತಾಂಗವನ್ನು ಕೋಲಿನಿಂದ ಇರಿದು ಸಾಯಿಸಿ ಸಂಭ್ರಮಿಸುತ್ತಾರೆ ನೀಚರು (ಹರ್ಯಾಣ).

ಮದುವೆಯಾಗಲು ಒಪ್ಪದ ಯುವತಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿ ಕೊಲ್ಲಲಾಗುತ್ತದೆ (ರೋಹ್ಟಕ್, ಹರ್ಯಾಣ).

ಸಲಿಂಗಕಾಮಿ 16ರ ಯುವತಿಯನ್ನು ಆತನ ಅಪ್ಪನೇ ಅತ್ಯಾಚಾರ ಮಾಡಿ, ಗಂಡಸರೊಂದಿಗೆ ಸೆಕ್ಸ್ ಎಷ್ಟು ಚೆನ್ನಾಗಿರುತ್ತದೆ ಎಂದು ಅವಳಿಗೆ ಗೊತ್ತಾಗಲಿ ಎನ್ನುತ್ತಾನೆ (ದಿಲ್ಲಿ).

ಏಳು ವರ್ಷದ ಬಾಲೆ ಅವಳ ಶಾಲೆಯ ಆವರಣದಲ್ಲೇ ಅತ್ಯಾಚಾರಕ್ಕೊಳಗಾಗಿ ಹೆಣವಾಗುತ್ತಾಳೆ (ಆಗ್ರಾ).

ಓಡುತ್ತಿರುವ ಕಾರಿನಲ್ಲಿ ಯುವತಿಯ ಮೇಲೆ ಅತ್ಯಾಚಾರವೆಸಗಿ ಬಳಿಕ ಕಾರಿನಿಂದ ಆಕೆಯನ್ನು ಎಸೆಯಲಾಗುತ್ತದೆ (ಗುರ್‍ಗಾಂವ್).

ಯುವತಿಯೊಬ್ಬಳ ಮೇಲೆ ಆಕೆಯ ಪ್ರಿಯಕರ ಅವಳ ಮನೆಯೊಳಗೇ ಅತ್ಯಾಚಾರ ನಡೆಸಿ, ಬಳಿಕ ಬೆಂಕಿ ಹಚ್ಚಿ ಕೊಲ್ಲುತ್ತಾನೆ (ಬಿಹಾರ್).

ಹದಿನೈದು ವರ್ಷದ ಹುಡುಗಿಯ ಮೇಲೆ ಬಸ್ಸಿನಲ್ಲೇ ಆತ್ಯಾಚಾರ ನಡೆಯುತ್ತದೆ (ತಮಿಳ್ನಾಡು).

ಅಪ್ರಾಪ್ತೆಯೊಬ್ಬಳು ದೊಡ್ಡ ಅಣ್ಣನಿಂದಲೇ ಅತ್ಯಾಚಾರಕ್ಕೊಳಗಾಗುತ್ತಾಳೆ (ಗುಜರಾತ್).

ಏಳು ವರ್ಷದ ಬಾಲೆಯೊಬ್ಬಳನ್ನು 46 ವರ್ಷದ ಚಿಕ್ಕಪ್ಪನೇ ಅತ್ಯಾಚಾರವೆಸಗಿ ಕೊಂದುಹಾಕುತ್ತಾನೆ (ಕೊಲ್ಲಂ, ಕೇರಳ).

ಇಬ್ಬರು ಮಕ್ಕಳ ತಂದೆ ನೆರೆಮನೆಯ 18 ತಿಂಗಳ ಮಗುವಿನ ಮೇಲೆ ಮಕ್ಕಳ ಎದುರಲ್ಲೆ ಅತ್ಯಾಚಾರ ಮಾಡುತ್ತಾನೆ (ದಿಲ್ಲಿ).

8 ವರ್ಷದ ಬಾಲಕಿಯ ಮೇಲೆ ಅವನೊಬ್ಬ ತನ್ನ ಹದಿನಾರರ ಹರೆಯದ ಮಗಳ ಎದುರಲ್ಲೇ ಕಾಮತೃಷೆ ತೀರಿಸಿಕೊಳ್ಳುತ್ತಾನೆ (ದಿಲ್ಲಿ).

ಅಪ್ಪನ ಎದುರಲ್ಲೇ ಇಬ್ಬರು ಅಪ್ರಾಪ್ತೆಯರ ಮೇಲೆ ಸಾಮೂಹಿಕ ಅತ್ಯಾಚಾರವಾಗುತ್ತದೆ (ಗುಜರಾತ್).

ಸಲಹಬೇಕಾದ ಅಪ್ಪನೇ ತನ್ನ ಮಗಳ ಮೇಲೆ ಮತ್ತೆ ಮತ್ತೆ ಅತ್ಯಾಚಾರವೆಸಗುತ್ತಾನೆ (ವಡೋದರಾ).

ಕಾಲೇಜು ಯುವತಿ ಮೇಲೆ ನಾಲ್ವರಿಂದ ಮೂರು ತಾಸುಗಳತನಕ ಅತ್ಯಾಚಾರ ನಡೆಯುತ್ತದೆ (ಭೋಪಾಲ್).

ಹನ್ನೆರಡರ ಹುಡುಗಿಯ ಮೇಲೆ ಆಕೆಯ ಶಾಲೆಯಲ್ಲೇ ಪ್ರಿನ್ಸಿಪಾಲ್ ಮತ್ತು ಉಳಿದ ಶಿಕ್ಷಕರಿಂದ ಸಾಮೂಹಿಕ ಅತ್ಯಾಚಾರವಾಗುತ್ತದೆ (ಬಿಹಾರ್).

ಅದೊಂದು ಅನಾಥಾಶ್ರಮದಲ್ಲಿ ಏಳು ವರ್ಷದವಳ ಮೇಲೆ ಎರಡು ತಿಂಗಳಿಗೂ ಹೆಚ್ಚು ಕಾಲ ಅತ್ಯಾಚಾರ ನಡೆಯುತ್ತಿರುತ್ತದೆ (ಕೇರಳ).

ಪ್ರೇಮಿಯ ಜೊತೆ ಓಡಿಹೋದದ್ದಕ್ಕೆ ಶಿಕ್ಷೆಯಾಗಿ ಯುವತಿ ಮೇಲೆ ಆಕೆಯ ಅಪ್ಪ ಮತ್ತು ಅಣ್ಣನೇ ಅತ್ಯಾಚಾರವೆಸಗುತ್ತಾರೆ (ಮೀರತ್).

ಶಾಲೆಯೊಂದರಲ್ಲಿ ಐದು ವರ್ಷದ ಮಗುವಿನ ಮೇಲೆ ಪ್ಯೂನ್ ಅತ್ಯಾಚಾರ ಮಾಡುತ್ತಾನೆ (ದಿಲ್ಲಿ).

ಅಂಗವಿಕಲೆಯೊಬ್ಬಳ ಮೇಲೆ ದೇವಸ್ಥಾನದೊಳಗೆ ಅತ್ಯಾಚಾರ ನಡೆಯುತ್ತದೆ (ಪುರಿ).

ಬುಡಕಟ್ಟು ಹುಡುಗಿಯೊಬ್ಬಳ ಮೇಲೆ ಆಕೆಯ ಗೆಳೆಯನೆದುರೇ ಎಂಟು ಜನ ಸಾಮೂಹಿಕವಾಗಿ ಅತ್ಯಾಚಾರ ಮಾಡುತ್ತಾರೆ (ಜಾರ್ಖಂಡ್).

ಮಾನಸಿಕ ಅಸ್ವಸ್ಥ ಬಾಲಕಿ ಮೇಲೆ ಕಾಮುಕರು ತೃಷೆ ತೀರಿಸಿಕೊಳ್ಳುತ್ತಾರೆ (ಬೆಂಗಳೂರು).

ಏಳು ವರ್ಷದ ಹುಡುಗಿಯ ಮೇಲೆ ಶಿಕ್ಷಕನಿಂದಲೇ ಅತ್ಯಾಚಾರ ನಡೆಯುತ್ತದೆ (ರಾಜಸ್ತಾನ).

ಅಂಧ ಬಾಲಕಿಯೊಬ್ಬಳನ್ನು ಅತ್ಯಾಚಾರವೆಸಗಿ ಕತ್ತು ಸೀಳಿ ಕೊಲ್ಲಲಾಗುತ್ತದೆ (ಬೆರ್‍ಹಾಂಪುರ್, ಒಡಿಶಾ).

ಯುವತಿಯೊಬ್ಬಳು ತನ್ನನ್ನು ಬೆಂಬತ್ತಿರುವವನೊಬ್ಬನ ಕಾಟ ತಡೆಯಲಾರದೆ ಓದನ್ನು ಅರ್ಧಕ್ಕೇ ಬಿಟ್ಟು ಆ ನಗರವನ್ನೇ ತೊರೆಯುತ್ತಾಳೆ (ಮುಂಬೈ).

ಚಲಿಸುತ್ತಿದ್ದ ಆಟೋದಲ್ಲೇ ಮಹಿಳೆಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಯುತ್ತದೆ (ಚಂಡೀಘಡ).

ಅಪ್ರಾಪ್ತೆಯೊಬ್ಬಳ ಮೇಲೆ ಸತತ ಎರಡು ತಿಂಗಳ ಕಾಲ ಅತ್ಯಾಚಾರ ನಡೆಸಿ ಕಡೆಗೆ ಬೆಂಕಿ ಹಚ್ಚಿ ಕೊಲ್ಲಲಾಗುತ್ತದೆ (ಮಣಿಪುರಿ, ಉತ್ತರಪ್ರದೇಶ).

ಹತ್ತು ವರ್ಷದವಳೊಬ್ಬಳ ಮೇಲೆ ತಿಂಗಳುಗಳ ಕಾಲ ಅತ್ಯಾಚಾರ ನಡೆಸುತ್ತಾರೆ (ಭೋಪಾಲ್).

ಸೆಕ್ಸ್ ನಿರಾಕರಿಸಿದ್ದಕ್ಕೆ ಹೆಂಡತಿಯ ಗುಪ್ತಾಂಗಗಳ ಮೇಲೆ ಆ್ಯಸಿಡ್ ಸುರಿಯುತ್ತಾನೆ ಅವನೊಬ್ಬ (ಲಖ್ನೌ).

15 ವರ್ಷದ ಕ್ಯಾನ್ಸರ್ ರೋಗಿ ಹುಡುಗಿ ಇಬ್ಬರಿಂದ ಅತ್ಯಾಚಾರಕ್ಕೊಳಗಾಗಿ ದಾರಿಹೋಕನೊಬ್ಬನನ್ನು ನೆರವಿಗೆ ಅಂಗಲಾಚಿದಾಗ ಅವನಿಂದಲೂ ಅತ್ಯಾಚಾರ ನಡೆಯುತ್ತದೆ (ಲಖ್ನೌ).

ಡ್ರಗ್ಸ್ ತೆಗೆದುಕೊಳ್ಳಲು ದುಡ್ಡು ಬೇಕೆಂದು ಹೆಂಡತಿಯ ಮೇಲೆಯೇ ಸಾಮೂಹಿಕ ಅತ್ಯಾಚಾರವೆಸಗಲು ಏಳು ಮಂದಿ ಗೆಳೆಯರಿಗೆ ಅವಕಾಶ ಮಾಡಿಕೊಡುತ್ತಾನೆ ಒಬ್ಬ ಗಂಡ (ಪಂಜಾಬ್).

ನೂರು ವರ್ಷದ ವೃದ್ಧೆಯೊಬ್ಬಳ ಮೇಲೆ ಅತ್ಯಾಚಾರ ನಡೆದು, ಆಕೆ ಸತ್ತೇಹೋಗುತ್ತಾಳೆ (ಉತ್ತರಪ್ರದೇಶ).

ಹಾಡಹಗಲೇ ಮಹಿಳೆಯ ಮೇಲೆ ಫುಟ್‍ಪಾತ್‍ನಲ್ಲೇ ಅತ್ಯಾಚಾರ ನಡೆಯುತ್ತದೆ; ದುರಂತವೆಂದರೆ ಯಾರೊಬ್ಬರೂ ಅವಳ ನೆರವಿಗೆ ಧಾವಿಸುವುದೇ ಇಲ್ಲ (ವೈಜಾಗ್, ವಿಶಾಖಪಟ್ಣಂ).

ಮಹಿಳೆಯೊಬ್ಬಳನ್ನು ಅಪಹರಿಸಿ 23 ಗಂಡಸರು ಅವಳ ಮೇಲೆ ಎರಗುತ್ತಾರೆ (ಬಿಕಾನೇರ್, ರಾಜಸ್ತಾನ).

16 ವರ್ಷದ ಕಿವುಡ ಮೂಗ ಹುಡುಗಿಯೊಬ್ಬಳ ಮೇಲೆ ಅವನೊಬ್ಬ ತಿಂಗಳುಗಳ ಕಾಲ ಅತ್ಯಾಚಾರ ನಡೆಸುತ್ತಾನೆ (ಪುಣೆ).

ಅತ್ಯಾಚಾರಿಗಳಿಂದ ಪಾರಾಗಲು ಚಲಿಸುತ್ತಿದ್ದ ವ್ಯಾನಿನಿಂದ ಹೊರಗೆ ಹಾರಿದ ಗರ್ಭಿಣಿಯೊಬ್ಬಳು ಮಗಳು ನೋಡನೋಡುತ್ತಿರುವಾಗಲೇ ಸಾಯುತ್ತಾಳೆ (ಮೇದಕ್, ತೆಲಂಗಾಣ).

ಅತ್ಯಾಚಾರಕ್ಕೊಳಗಾಗಿ ಬದುಕುಳಿದವಳ ಮೇಲೆ ಒಂದೆರಡಲ್ಲ, ನಾಲ್ಕು ಬಾರಿ ಆ್ಯಸಿಡ್ ದಾಳಿಯಾಗುತ್ತದೆ (ಉತ್ತರಪ್ರದೇಶ).

*

ಈ ವರ್ಷ (2017) ಈ ದೇಶದಲ್ಲಿ ಹೆಣ್ಣಿನ ಮೇಲೆ ನಡೆದ ಭಯಂಕರ ಪೌರುಷಗಳ ಅತ್ಯಂತ ಸಣ್ಣ ಪಟ್ಟಿ ಮಾತ್ರ ಇದು. ಮೊನ್ನೆಯಷ್ಟೇ ವಿಜಯಪುರದಲ್ಲಿ ದಲಿತ ಹೆಣ್ಣುಮಗಳ ಮೇಲೆ ಅತ್ಯಾಚಾರ ನಡೆಸಿ ಕೊಲ್ಲಲಾಗಿದೆ. ಅದು ಸುದ್ದಿಯಾಯಿತು. ಸುದ್ದಿಯಾಗದೇ ಹೋಗುವ ಅದೆಷ್ಟು ಇಂಥ ಘಟನೆಗಳಿವೆಯೊ. ವರದಿಯೇ ಆಗದವುಗಳ ಅಂದಾಜು ಮಾಡಿಕೊಳ್ಳುವುದೂ ಬೇಡ. ಅದು ಅಸಹನೀಯ. ಯಾಕೆಂದರೆ ಒಂದೊಂದು ರಾಜ್ಯದಲ್ಲೂ ವರ್ಷವೂ ಸಾವಿರ ಸಾವಿರಗಳ ಲೆಕ್ಕದಲ್ಲಿ ಹೆಣ್ಣಿನ ಮೇಲೆ ಅತ್ಯಾಚಾರ ನಡೆಯುತ್ತದೆ.

ಈ ಘಟನೆಗಳ ಬಗ್ಗೆ ಒಂದು ಕ್ಷಣ ಯೋಚಿಸಿದರೆ ಮನಸ್ಸು ಕಲಕಿಹೋಗುತ್ತದೆ. ಅದೆಂಥ ರಕ್ಕಸರ ನೆಲದಲ್ಲಿ ಹೆಣ್ಣು ತನ್ನನ್ನು ತಾನು ಕಾಯ್ದುಕೊಂಡೇ ತನ್ನವರನ್ನೂ ಕಾಯಬೇಕಾಗಿದೆಯಲ್ಲ ಎನ್ನಿಸುತ್ತದೆ. ಅತ್ಯಾಚಾರ, ಅತ್ಯಾಚಾವೆಸಗಿ ಕೊಲೆ ಮಾಡುವುದು, ಸ್ಟಾಕಿಂಗ್, ಇರಿದು ಕೊಲ್ಲುವುದು, ಗುಂಡಿಟ್ಟು ಸಾಯಿಸುವುದು, ಆ್ಯಸಿಡ್ ದಾಳಿ ಒಂದೆರಡಲ್ಲ. ಅತ್ಯಾಚಾರ ಪ್ರಕರಣಗಳದ್ದಂತೂ ಕರಾಳ ಮಟ್ಟ.

2016ರ ಅಂಕಿ ಅಂಶಗಳನ್ನು ಗಮನಿಸಿದರೆ, ಆ ವರ್ಷ ದೇಶದಲ್ಲಿ ದಿನಕ್ಕೆ 106ರಂತೆ ಅತ್ಯಾಚಾರಗಳು ನಡೆದಿವೆ. ಇಲ್ಲಿಯೂ ದಿಲ್ಲಿಯೇ ತನ್ನ ರಾಜಧಾನಿ ಪಟ್ಟ ಉಳಿಸಿಕೊಂಡಿದೆಯೆಂಬುದು ಆತಂಕದ ವಿಚಾರ. ದಿಲ್ಲಿಯೊಂದರಲ್ಲೇ ವರದಿಯಾದ ಅತ್ಯಾಚಾರ ಪ್ರಕರಣಗಳು 2 ಸಾವಿರ. ನಂತರದ ಸ್ಥಾನದಲ್ಲಿದ್ದ ಮುಂಬೈನಲ್ಲಿ ನಡೆದ ಅತ್ಯಾಚಾರ ಪ್ರಕರಣಗಳ ಸಂಖ್ಯೆ ಏಳುನೂರಕ್ಕೂ ಹೆಚ್ಚು. ಇಲ್ಲೊಂದು ಗಮನಿಸಲೇಬೇಖಾದ ಮತ್ತು ಅತ್ಯಂತ ಆತಂಕಕಾರಿ ಸತ್ಯವಿದೆ. 2016ರಲ್ಲಿ ದಾಖಲಾದ ಮಹಿಳೆಯರ ವಿರುದ್ಧ ನಡೆದ ಎಲ್ಲ ಬಗೆಯ ಅಪರಾಧ ಪ್ರಕರಣಗಳು 3 ಲಕ್ಷ 38 ಸಾವಿರದ 954. ಅವುಗಳಲ್ಲಿ ಹೆಚ್ಚಿನವು ಗಂಡಂದಿರು ಮತ್ತು ಪರಿಚಿತ ಪುರುಷರಿಂದಲೇ ನಡೆದವುಗಳು. ದಾಖಲಾದ ಒಟ್ಟು 38 ಸಾವಿರದ 947 ಅತ್ಯಾಚಾರ ಪ್ರಕರಣಗಳಲ್ಲಿ ಬಹುತೇಕ ಅಂದರೆ ಶೇ. 95ರಷ್ಟು ಪ್ರಕರಣಗಳಲ್ಲಿ ಸಂತ್ರಸ್ತ ಯುವತಿ ಅಥವಾ ಮಹಿಳೆಯರಿಗೆ ಗೊತ್ತಿರುವವರಿಂದಲೇ ಅತ್ಯಾಚಾರ ನಡೆದದ್ದು. ಮತ್ತು ಇದು 2016ರ ಪ್ರಕರಣಗಳ ಸ್ವರೂಪ ಮಾತ್ರವಲ್ಲ. ನ್ಯಾಷನಲ್ ಕ್ರೈಂ ರೆಕಾರ್ಡ್ ಬ್ಯೂರೋ (ಎನ್‍ಸಿಆರ್‍ಬಿ) ಹೇಳುವುದೂ ಇದನ್ನೇ. ನೆರೆಹೊರೆಯವರು, ಕುಟುಂಬದವರು, ಸಂಬಂಧಿಗಳು, ಅಪ್ಪಂದಿರು, ಗಂಡಂದಿರು ಅಥವಾ ಲೈವ್ ಇನ್ ಸಂಬಂಧದಲ್ಲಿದ್ದವರು, ಕೆಲಸ ಮಾಡುವ ಕಂಪನಿಯ ಮಾಲೀಕ ಅಥವಾ ಸಹೋದ್ಯೋಗಿಗಳು ಹೀಗೆ ಗೊತ್ತಿರುವವರೇ ಅಂದರೆ ಜೊತೆಜೊತೆಗಿರುವವರೇ ಅತ್ಯಾಚಾರದ ಮನಃಸ್ಥಿತಿ ಹೊತ್ತವರಾಗಿರುತ್ತಾರೆ ಎಂಬುದು ಪ್ರತಿಯೊಬ್ಬ ಹೆಣ್ಣಿನ ಪಾಲಿಗೆ ಬಹುದೊಡ್ಡ ಕಠೋರ ಸತ್ಯ.

ಮನೆಯೊಳಗೂ ಹೊರಗೂ ಅತ್ಯಾಚಾರಿಗಳೇ ಇದ್ದಾರೆಂಬುದೇ ಕರಾಳ. ಅವರಿಗೆ ಶಿಶುವೂ ಒಂದೇ, ಮೂರು ವಷದ ಮಗುವೂ ಒಂದೇ, ನೂರು ವರ್ಷದ ವೃದ್ಧೆಯೂ ಒಂದೇ. ಇದೆಂಥ ರಾಕ್ಷಸತ್ವ? ಯಾವ ಯುಗದಲ್ಲಿದ್ದೇವೆ ನಾವು?

ಹೀಗೆ ಅತ್ಯಾಚಾರ ಪ್ರಕರಣಗಳಾದಾಗಲೆಲ್ಲ ಹೆಣ್ಣುಮಕ್ಕಳು ಪ್ರಚೋದನಕಾರಿ ಉಡುಪು ಧರಿಸುತ್ತಾರೆ, ನಡುರಾತ್ರಿಯಲ್ಲಿ ಮನೆಯಿಂದ ಹೊರಗಡೆ ಅವರಿಗೇನು ಕೆಲಸ ಎಂಬಿತ್ಯಾದಿ ತಕರಾರುಗಳೇ ಏಳುತ್ತವೆ. ಹೆಣ್ಣುಮಕ್ಕಳ ಉಡುಪಿನ ಬಗ್ಗೆ ತಕರಾರೆತ್ತುವ ಮತ್ತು ನಡುರಾತ್ರಿ ಅವರು ಹೊರಗೆ ಕಾಣಿಸಿಕೊಳ್ಳಬಾರದೆನ್ನುವ ಸಂಪ್ರದಾಯವಾದಿ ಮನಃಸ್ಥಿತಿಗಳಿಗೆ ಮೈತುಂಬ ಬಟ್ಟೆಯಿರುವ ಮುಗ್ಧೆ ಅತ್ಯಾಚಾರಕ್ಕೆ ತುತ್ತಾದಾಗಲಾಗಲೀ, ಹಾಡಹಗಲಲ್ಲೇ ಅತ್ಯಾಚಾರ ನಡೆದಾಗಲಾಗಲೀ ಬಾಯೇ ಬರುವುದಿಲ್ಲ. ಯಾವ ಅತ್ಯಾಚಾರಿಯ ತಾಯ್ತಂದೆಯರೂ ತಮ್ಮ ಮಗನನ್ನು ಬೆಳೆಸುವಲ್ಲಿ ಎಲ್ಲಿ ಎಡವಿದೆವು ಎಂದು ಯೋಚಿಸುವುದಿಲ್ಲ. ತನ್ನ ಅತ್ಯಾಚಾರಿ ಮಗನನ್ನು ರಕ್ಷಿಸಿಕೊಳ್ಳಲು ಚಡಪಡಿಸುವ ತಾಯಿಗೆ, ಅತ್ಯಾಚಾರಕ್ಕೊಳಗಾದ ಹೆಣ್ಣುಮಗಳು ಅನುಭವಿಸುವ ನರಕವಾಗಲಿ, ಅವಳ ಕೊಲೆಯಾದರೆ ಆ ಸಾವಾಗಲೀ ಕೊಂಚವೂ ಕಾಡುವುದಿಲ್ಲವೆ?

ಮಧುಮಿತಾ ಪಾಂಡೆ

2012ರ ನಿರ್ಭಯಾ ಪ್ರಕರಣದ ನಂತರ, ಲಂಡನ್ನಿನಲ್ಲಿ ಕ್ರಿಮಿನಾಲಜಿ ಓದುತ್ತಿದ್ದ ದಿಲ್ಲಿಯ ಹುಡುಗಿ ಮಧುಮಿತಾ ಪಾಂಡೆ ತಮ್ಮ ಥೀಸಿಸ್‍ಗಾಗಿ ಅತ್ಯಾಚಾರಿಗಳ ಮನಃಸ್ಥಿತಿ ಅಧ್ಯಯನಿಸಲು ಅತ್ಯಾಚಾರ ಆರೋಪ ಹೊತ್ತ 100 ಕೈದಿಗಳನ್ನು ತಿಹಾರ್ ಜೈಲಿನಲ್ಲಿ ಕಂಡು ಮಾತನಾಡಿಸುತ್ತಾರೆ. ಆಕೆ ಮಾತನಾಡಿಸಿದವರಲ್ಲಿ ಬಹುತೇಕರು ಅಶಿಕ್ಷಿತರು. ಮೂರು ನಾಲ್ಕನೇ ಇಯತ್ತೆಯನ್ನೂ ಮುಗಿಸದೆ ಶಾಲೆಯಿಂದ ಹೊರಬಿದ್ದವರು. ಅವರಿಗೆ ತಾವು ಮಾಡಿರುವುದು ಅತ್ಯಾಚಾರ ಎಂದಾಗಲೀ, ಹೆಣ್ಣನ್ನು ಕೂಡುವಾಗ ಆಕೆಯ ಸಮ್ಮತಿ ಬೇಕಿರುತ್ತದೆ ಎಂಬುದರ ಬಗ್ಗೆಯಾಗಲೀ ಗೊತ್ತಿಲ್ಲ ಎಂಬುದರೊಂದಿಗೆ, ಹೆಣ್ಣಿನ ವಿರುದ್ಧ ನಡೆಯುವ ಅಪರಾಧಗಳ ಹಿನ್ನೆಲೆ ಕುರಿತ ಸತ್ಯದ ಬಹುದೊಡ್ಡ ಭಾಗದ ಮೇಲೆ ನೆರಳು ಆವರಿಸಿಕೊಳ್ಳುತ್ತದೆ. ಇವರೇನೂ ರಕ್ಕಸರಲ್ಲ, ತೀರಾ ಸಾಮಾನ್ಯರು ಎನ್ನುವ ಆಕೆ, ಅವರೊಳಗೆ ತಪ್ಪು ಮಾಡಿರುವ ಬಗ್ಗೆ ಬೇಸರವಿದೆ ಎನ್ನುತ್ತ ಕೊಡುವ ಉದಾಹರಣೆಯೊಂದನ್ನು ಗಮನಿಸಬೇಕು: ಅವನು 49 ವರ್ಷದವನು. 5 ವರ್ಷದ ಹಸುಳೆಯನ್ನು ಅತ್ಯಾಚಾರ ಮಾಡಿ ಜೈಲು ಸೇರಿದವನು. ತಾನವಳ ಬದುಕನ್ನು ಹಾಳು ಮಾಡಿದೆ, ಅವಳನ್ನು ಯಾರೂ ಮದುವೆಯಾಗದ ಹಾಗೆ ಮಾಡಿದೆ ಎಂದು ಪರಿತಪಿಸುವ ಆತ ತಾನೇ ಅವಳನ್ನು ಸ್ವೀಕರಿಸಲು ಸಿದ್ಧ, ಜೈಲಿನಿಂದ ಬಿಡುಗಡೆಯಾದ ಮೇಲೆ ಅವಳನ್ನು ಮದುವೆಯಾಗುವೆ ಎನ್ನುತ್ತಾನೆ. ಅವನ ಪಶ್ಚಾತ್ತಾಪದ ಮುಂದೆ, ಆಗಲೂ ಮುಂದೆಯೂ ನರಕವೇ ಆದ ಆ ಹಸುಳೆಯ ಸ್ಥಿತಿ ಮರೆತೇಹೋಗುತ್ತದಲ್ಲ?

ಮನಃಶಾಸ್ತ್ರೀಯ ತೀರ್ಮಾನ ಕೊಡುವ ಇಂಥ ಅಧ್ಯಯನಗಳು ಭಾವನಾತ್ಮಕವಾಗಿದ್ದರೆ ಮಾತ್ರ ಸಾಲದು. ಅದು ಸಿಲುಕಿಕೊಂಡ ಮಿತಿಯ ಬಗ್ಗೆಯೂ ಎಚ್ಚರವಿರಬೇಕು. ಮೂರು ವರ್ಷಗಳಲ್ಲಿ ಈ ವಿದ್ಯಾರ್ಥಿನಿಯ ಸಂದರ್ಶನಕ್ಕೆ ಒಳಪಡುವವರು ಪಾಪದವರು ಮಾತ್ರ. ದೊಡ್ಡ ಸಮಾಜದ ಅತ್ಯಾಚಾರಿಗಳ್ಯಾರೂ ಈ ಸಂದರ್ಶನದ ವ್ಯಾಪ್ತಿಗೆ ಬರಲಿಲ್ಲ; ಅಥವಾ ಅಂಥವರು ಜೈಲಿನೊಳಗೇ ಇಲ್ಲ. ಅತ್ಯಾಚಾರವೆಂದರೇನೆಂದು ಗೊತ್ತೇ ಇಲ್ಲದವರಿಂದ ಮಾತ್ರವಲ್ಲ; ಅದರ ಬಗ್ಗೆ ಚೆನ್ನಾಗಿಯೇ ತಿಳಿದವರಿಂದಲೂ, ಕಾನೂನಿನ ಎಲ್ಲ ಕಟ್ಟುಗಳಿಂದ ತಪ್ಪಿಸಿಕೊಳ್ಳಲು ರಂಗೋಲಿಯ ಅಡಿ ನುಸುಳಬಲ್ಲ ಚಾಣಾಕ್ಷರಿಂದಲೂ ಅತ್ಯಾಚಾರಗಳಾಗುತ್ತಿವೆ ಎಂಬುದನ್ನು ಇಂಥ ಅಧ್ಯಯನಗಳು ಮರೆತುಬಿಡುವುದೇ ಇಂಥವುಗಳು ಉಳಿಸಿಬಿಡುವ ಬಹುದೊಡ್ಡ ಕತ್ತಲು. ಇವುಗಳಿಂದ ಉತ್ಪತ್ತಿಯಾಗುವ ತೀರ್ಮಾನಗಳು, ಹೆಣ್ಣುಮಕ್ಕಳ ಮೇಲಿನ ಅತ್ಯಾಚಾರಕ್ಕೆ ಹೆಣ್ಣುಮಕ್ಕಳತ್ತಲೇ ಬೊಟ್ಟು ಮಾಡುವಂಥದೇ ತಪ್ಪನ್ನು ಮತ್ತೊಂದು ದಿಕ್ಕಿನಿಂದ ಮಾಡುವ ಅಪಾಯವೇ ಜಾಸ್ತಿ.

ಅತ್ಯಾಚಾರಗಳು ದಿನದಿನವೂ ಹೆಚ್ಚುತ್ತಲೇ ಇರುವುದರಲ್ಲಿ ಅತ್ಯಾಚಾರಿಗಳದ್ದಷ್ಟೇ ಅಲ್ಲ, ನಮ್ಮೆಲ್ಲರ ಪಾಲೂ ಇದೆಯೆನ್ನಿಸುತ್ತದೆ. ಪ್ರತಿ ಮನೆಯೊಳಗೂ ಹೆಣ್ಣುಮಗಳನ್ನು ಪ್ರೀತಿ ಗೌರವ ಮತ್ತು ವಿಶ್ವಾಸದ ಆಪ್ತತೆ ಮತ್ತು ಅವಳ ಸ್ವಾತಂತ್ರ್ಯದ ಕುರಿತ ತಿಳಿವಿನೊಂದಿಗೆ ಕಾಣುವುದು ಸಾಧ್ಯವಾಗುವುದಾದರೆ, ನೆರೆಮನೆಯ ಹೆಣ್ಣುಮಗಳ ಬಗ್ಗೆಯೂ ಇದೇ ಭಾವನೆ ಹುಟ್ಟುವುದಾದರೆ ಕಾನೂನಿನಿಂದ ಸಿಗುವುದಕ್ಕಿಂತಲೂ ದೊಡ್ಡ ಸುರಕ್ಷತೆ ನಿಜಗೊಳ್ಳುವುದು ಸಾಧ್ಯ.

ಆದರೆ, ಕಲ್ಪನೆಗೂ ವಾಸ್ತವಕ್ಕೂ ಎಷ್ಟೊಂದು ಅಂತರ?

ಇದನ್ನೂ ಓದಿ: ಕಾದಂಬಿನಿ ಕಾಲಂ – ಇಲ್ಲಿಗೆ ಕಥೆಯ ಮುಗಿಸಲಾಗಿದೆ

@VenkatramanaG

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 2 weeks ago No comment

    ಇತಿಹಾಸ ತಿರುಚಿ ವಿಷಬೀಜ ಬಿತ್ತುವವರ ಮಧ್ಯೆ…

          ಪ್ರಸ್ತಾಪ           ಕೋಮುವಾದಿಗಳ ಆಳ್ವಿಕೆಯು ರಾಜಕೀಯವನ್ನು ಧರ್ಮದ ಜೊತೆ ಬೆರೆಸುತ್ತ ಹಾಳು ಮಾಡಿದ್ದಾಗಿದೆ. ಕಲಿಕೆಯ ವಾತಾವರಣವನ್ನೂ ಕೇಸರೀಕರಣದಿಂದ ಕಲುಷಿತಗೊಳಿಸುತ್ತಿರುವುದು ಮಾತ್ರ ಅಕ್ಷಮ್ಯ. ತಿರುಚಲಾದ ಇತಿಹಾಸವನ್ನು ಮಾತ್ರ ಹೇಳುತ್ತ ಇದು ಮಾಡುತ್ತಿರುವುದು ಹೊಸ ಪೀಳಿಗೆಯ ಮನಸ್ಸುಗಳಲ್ಲಿ ವಿಷಬೀಜವನ್ನು ಬಿತ್ತುವ ಕರಾಳ ಕೃತ್ಯ.   ಇತ್ತೀಚೆಗೆ ಮಕ್ಕಳ ಶೈಕ್ಷಣಿಕ ಹೊರೆಯನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ಪಠ್ಯ ಪುಸ್ತಕಗಳ ಪರಿಶೀಲನೆ, ಮುದ್ರಣ ಹಾಗೂ ಮತ್ತಿತರ ...

  • 2 weeks ago No comment

    ‘ಸೂಜಿದಾರ’ದಲ್ಲಿ ಚೈತ್ರಾ ಕೋಟೂರ್ ಹಾಡು

    ತಮ್ಮ ಸಾಧನೆಯ ಬಗ್ಗೆ ಅಹಮಿಕೆ ತೋರದವರಲ್ಲಿ ಚೈತ್ರಾ ಕೋಟೂರ್ ಖಂಡಿತವಾಗಿಯೂ ಒಬ್ಬರು. ಅವರ ಕನಸುಗಳ ದಾರಿಯಲ್ಲಿ ಈ ನಿರ್ಲಿಪ್ತ ಸಡಗರದ ಚಂದಿರ ಎಂದೆಂದೂ ಜೊತೆಗಿರಲಿ.   ಇವತ್ತು ಕನ್ನಡ ರಂಗಭೂಮಿ, ಸಿನಿಮಾ, ಸಾಹಿತ್ಯ ಕ್ಷೇತ್ರಗಳಲ್ಲಿ ಹೊಸಬರ ಪಡೆಯೊಂದು ಜಾದೂವನ್ನೇ ಮಾಡುತ್ತಿದೆ. ಬೆರಗು ಹಚ್ಚುವಂಥ ಸೃಜನಾತ್ಮಕತೆ, ಶ್ರದ್ಧೆ ಮತ್ತು ಅದಕ್ಕೆಲ್ಲ ಪೂರಕವಾದ ಪರಿಣತಿಯೊಂದಿಗೆ ಇರುವವರು ಇವರೆಲ್ಲ. ಇಂಥವರ ಸಾಲಿನಲ್ಲಿ ಚೈತ್ರಾ ಕೋಟೂರ್ ಅವರದೂ ಪ್ರಮುಖ ಹೆಸರು. ಚೈತ್ರಾ ಅವರ ಹೆಚ್ಚುಗಾರಿಕೆಯೆಂದರೆ, ...

  • 2 weeks ago No comment

    ಉಷಾ ಚಿತ್ತ | ಮೊಲದ ಮರಿ ಗಿಫ್ಟ್

          ‘ಚಲಿತ ಚಿತ್ತ’ದಲ್ಲಿ ಕವಿಸಾಲು       ಮೇರು ಸದೃಶ್ಯವಾಗಿ ಕಂಡದ್ದು ಬರಬರುತ್ತಾ ಕಾಲಕೆಳಗಿನ ಗುಡ್ಡವಾಯಿತು. ಹೋಗ ಹೋಗುತ್ತಾ ಚುಕ್ಕಿಯಾಗಿ, ಆಕಾಶದ ನೀಲಿಯಲಿ ಲೀನವಾಯಿತು. ನೆನಪಿನ ಕೋಶ ಸೇರಿದಾಗ, ಅಂತರಾಳದಲಿ ಕಡಲಾಯಿತು. ಅಲ್ಲೀಗ ಕನಸುಗಳ ಸರಕು ಹೊತ್ತ ದೋಣಿಯೊಂದು ತೇಲುತ್ತಿದೆ. ನಿರ್ಜನ ರಾತ್ರಿ, ಹುಟ್ಟು ಕೈಯ್ಯಲ್ಲಿದೆ; ದಡದಿಂದ ಕೇಳುತಿದೆ ಮೋಹಕ ಕೊಳಲ ಗಾನ. ಮನ ಕಂಪಿಸುತಿದೆ, ಬಾರೆನ್ನ ಪೂರ್ಣಚಂದಿರ. ಕಡಲು ಅಬ್ಬರಿಸುತ್ತರಲಿ, ನನ್ನ ಕೈಗಳಿಗೆ ...

  • 3 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...


Editor's Wall

  • 14 April 2019
    1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 04 April 2019
    3 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...

  • 29 March 2019
    4 weeks ago One Comment

    ಕಾದಂಬಿನಿ ಕಾಲಂ | ಹಕ್ಕಿ ಸಾಕಬೇಕೆಂದರೆ ಹುಳಗಳನ್ನೂ ಸಾಕಬೇಕು

                      ನಾವು ಯಾರನ್ನು ಪ್ರೀತಿಸುತ್ತೇವೆಯೋ ಅವರ ಆಹಾರವನ್ನೂ ಪ್ರೀತಿಸಬೇಕು. ಪ್ರತಿಯೊಂದು ಜೀವಿಯ ಆಹಾರದ ಹಕ್ಕನ್ನೂ ಗೌರವಿಸುವುದು ಎಲ್ಲರೂ ಮೊದಲು ಕಲಿತುಕೊಳ್ಳಬೇಕಾದ ಸಜ್ಜನಿಕೆ. ಅದು ಹಕ್ಕಿಯದಿರಲಿ, ಮನುಷ್ಯನದಿರಲಿ. ಕಾರ್ಕೋಟಕ ಸರ್ಪವೋ, ಹುಲಿಯೋ ಎದುರಾದರೂ ಅಷ್ಟು ಹೆದರುತ್ತೇನೋ ಇಲ್ಲವೋ ಆದರೆ ಅಕ್ಕಿ ಆರಿಸುವಾಗಲೋ ಬದನೆಕಾಯಿ ಹೆಚ್ಚುವಾಗಲೋ, ಹೂ ಗಿಡಗಳಲ್ಲಿರುವಾಗಲೋ ಚಿಕ್ಕ ಹುಳ ಕಂಡರೂ ಕಿರುಚಿ ಊರು ಒಂದು ಮಾಡಿಬಿಡುತ್ತೇನೆ. ಹಾಗೆಂದು ...

  • 26 March 2019
    4 weeks ago No comment

    ಬೆಂದರೆ ಬೇಂದ್ರೆ…ನೊಂದರೆ ಕಾದಂಬಿನಿ

    ಪುಸ್ತಕ ಪ್ರಸ್ತಾಪ     ಕಾದಂಬಿನಿ ಅವರ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಕವನ ಸಂಕಲನದ ಬಗ್ಗೆ ಹಿರಿಯರಾದ ಚಂದ್ರಶೇಖರ ನಂಗಲಿಯವರು ತಮ್ಮ ಫೇಸ್ಬುಕ್ ವಾಲ್ ನಲ್ಲಿ ಬರೆದಿದ್ದಾರೆ. ಅದನ್ನು ಇಲ್ಲಿ ಎತ್ತಿಕೊಡಲಾಗಿದೆ.   ಪ್ರೀತಿ ಪ್ರೇಮ ಮಾನವಜೀವನದ ಚಾಲಕ ಶಕ್ತಿ. ಈ ಸ್ಟೇರಿಂಗ್ ಹಿಡಿದು ಸಮತಲ, ತಗ್ಗು ದಿಣ್ಣೆ , ಹೇರ್ ಪಿನ್ ಕರ್ವ್ಸ್, ಡೆಡ್ ಎಂಡ್ ಮುಂತಾದ ಬಗೆ ಬಗೆಯ ರಸ್ತೆಗಳಲ್ಲಿ , ಒಮ್ಮೊಮ್ಮೆ ರಸ್ತೆಯಿಲ್ಲದ ...

  • 12 March 2019
    1 month ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...