Share

ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು
ಕನೆಕ್ಟ್ ಕನ್ನಡ

ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.

 

ನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ದೋಣಿಯ ಹಾಗೆ ಒಂಟಿಯೆಂದರೆ ಒಂಟಿಯಾಗಿ ಪತರುಗುಡಬೇಕಾಗುತ್ತದೆ ಎಂಬುದಕ್ಕೆ ಅಸಾರಾಂ ಎಂಬ (ಅವನಿಗೆ ‘ಬಾಪು’ ಎಂದು ತುದಿಯಲ್ಲೊಂದು ಹೆಸರು ಬೇರೆ ಕೇಡು!) ಸ್ವಯಂಘೋಷಿತ ದೇವಮಾನವ ಮಾಡಿದ ಅನಾಚಾರ ಎಂಥದಾಗಿತ್ತು ಎಂದು ಈ ಲೋಕಕ್ಕೆ ಕಾಣಿಸಿದ ಆ 16 ವರ್ಷದ ಬಾಲಕಿ ಮತ್ತವಳ ಕುಟುಂಬವೇ ಸಾಕ್ಷಿ. ಮತ್ತು ಇಂಥದೊಂದು ಬಹುದೊಡ್ಡ ಯುದ್ಧಕ್ಕೆ ಅವರು ನಿರ್ಧರಿಸಿಬಿಡುವಾಗ ಅವರಿಗೆ ಗೊತ್ತಿತ್ತು, ತಾವೆಲ್ಲ ಪ್ರಾಣವನ್ನೇ ಪಣವಾಗಿಡುತ್ತಿದ್ದೇವೆ ಎಂಬುದು.

ಐದು ವರ್ಷಗಳ ಬಳಿಕ ಈ ಯುದ್ಧದಲ್ಲಿ ಗೆಲುವು ಕಂಡಾಗಲೂ, ಅವರನ್ನು ಕಾಡುತ್ತಿರುವುದು ಆ ಐದು ವರ್ಷಗಳು ಅದೆಂಥ ತಲ್ಲಣದಲ್ಲಿ ಬೇಯಿಸಿಹಾಕಿದವಲ್ಲ ಎಂಬುದೇ. ನಿರಂತರ ಬೆದರಿಕೆಗಳು, ಹೊರಹೋದರೆ ಎಲ್ಲಿ ಜೀವವನ್ನೇ ಕಳೆದುಕೊಳ್ಳಬೇಕಾಗುವುದೋ ಎಂಬ ಆತಂಕ, ದೂರ ಸರಿದ ಬಂಧುಬಳಗ ಮತ್ತು ಸಂಬಂಧಿಗಳು, ಕಣ್ಣಿಗೇ ಕಾಣಿಸಿಕೊಳ್ಳದೆ ಹೋದ ಗೆಳೆಯರು… ತಮ್ಮದು ಏಕಾಂಗಿ ಹೋರಾಟ ಎಂಬ ಕಟುಸತ್ಯ ಕೆಲವೇ ದಿನಗಳಲ್ಲಿ ಅವರಿಗೆ ತಿಳಿದುಬಿಟ್ಟಿತ್ತು.

ಜೋಧ್ಪುರದ ಅಸಾರಾಂ ಆಶ್ರಮದಿಂದ ಮನೆಗೆ ಮರಳಿದ್ದ ದಿವಸ (2013ರ ಆಗಸ್ಟ್ 18) ಮಗಳು ಪ್ರಾರ್ಥನೆಯನ್ನಾಗಲೀ ತಾವು ಬಾಪು ಎಂದು ಕರೆಯುತ್ತಿದ್ದ ಆ ದೊಡ್ಡ ಮನುಷ್ಯನ ಹೆಸರಿನ ಪಠಣೆಯನ್ನಾಗಲೀ ಮಾಡದಿದ್ದುದನ್ನು, ಊಟಕ್ಕೂ ಮನಸ್ಸಿಲ್ಲದವಳಂತೆಯೂ ಹೆಚ್ಚು ಮಾತೂ ಆಡದೆಯೂ ಇದ್ದುದನ್ನು ಗಮನಿಸಿದ್ದ ತಾಯಿ ಅದಾದ ಮೂರು ದಿನಗಳ ಬಳಿಕ ಮಗಳನ್ನು ಕೇಳುತ್ತಾಳೆ, ಯಾಕೆ ಮಗಳೆ ಹೀಗೆ ಎಂದು?

‘ಹೇಗೆ ಮಾಡಲಮ್ಮ? ಅವನೊಬ್ಬ ವಂಚಕ, ಬದ್ಮಾಷ್. ಅವನು ನನಗೇನು ಮಾಡಿದ ಅನ್ನುವುದು ನಿಮಗೆ ಗೊತ್ತಿಲ್ಲ.’ ಇಷ್ಟು ಹೇಳಿದವಳ ದುಃಖ ಕಟ್ಟೆಯೊಡೆಯುತ್ತದೆ. ಆ ಹೊತ್ತಲ್ಲಿ ಪಕ್ಕದ ಕೋಣೆಯಲ್ಲಿ 11 ವರ್ಷಗಳಿಂದ ತಾವು ಪೂಜಿಸಿಕೊಂಡು ಬಂದಿದ್ದ ಅದೇ ದೊಡ್ಡ ಮನುಷ್ಯನ ಚಿತ್ರದೆದುರು ಆರತಿಯೆತ್ತುತ್ತಿದ್ದ ಆ 16ರ ಬಾಲೆಯ ತಂದೆ ಸಿಡಿಲೆರಗಿದಂಥ ಅನುಭವಕ್ಕೆ ಸಿಕ್ಕು ತತ್ತರಿಸಿಬಿಡುತ್ತಾರೆ. ಆ ತಂದೆಗೆ ಆಗ 51 ವರ್ಷ.

ಒಂದು ಯುದ್ಧಕ್ಕೆ ಸಜ್ಜಾಗುವ ನಿರ್ಧಾರವನ್ನು ತೆಗೆದುಕೊಂಡೇಬಿಡುತ್ತದೆ ಆ ಪುಟ್ಟ ಕುಟುಂಬ. ಮರುದಿನವೇ ಆ ಹುಡುಗಿ ಮತ್ತು ಅಪ್ಪ ಅಮ್ಮ ಉತ್ತರಪ್ರದೇಶದ ಶಹಜಾನ್ ಪುರದ ತಮ್ಮ ಮನೆಯಿಂದ ದೆಹಲಿಯತ್ತ ಹೊರಡುತ್ತಾರೆ. ದೇಶ, ಹೊರದೇಶಗಳಲ್ಲಿ 400ಕ್ಕೂ ಹೆಚ್ಚು ಆಶ್ರಮಗಳನ್ನು ಹೊಂದಿದ್ದ 10 ಸಾವಿರ ಕೋಟಿಗಳ ಅಧ್ಯಾತ್ಮ ಸಾಮ್ರಾಜ್ಯದ ಒಡೆಯನನ್ನು ‘ಏನಪ್ಪಾ ದೊಡ್ಡ ಮನುಷ್ಯನೆ, ಹೀಗೆಲ್ಲ ಮಾಡಬಹುದಾ ನೀನು?’ ಎಂದು ಕೇಳಬೇಕಿರುತ್ತದೆ ಅವರಿಗೆ.

ಆ ಕುಟುಂಬ ದೆಹಲಿ ಮುಟ್ಟಿದಾಗ, ರಾಮ್ ಲೀಲಾ ಮೈದಾನದಲ್ಲಿ ತನ್ನ ಸತ್ಸಂಗವನ್ನು ಕೊನೆಗೊಳಿಸುವ ಹಂತದಲ್ಲಿರುತ್ತಾನೆ ಅಸಾರಾಂ. ಎಂದಿನಂತೆ ಅನುಯಾಯಿಗಳ ಸಮೂಹದ ಮಧ್ಯೆ ಕಂಗೊಳಿಸುತ್ತಿರುತ್ತಾನೆ. ಅವನ ಒಂದು ಮಾತಿಗಾಗಿ ಹೀಗೆ ಮುಗಿಬೀಳುವ ಈ ಮಂದಿಯ ಮಧ್ಯೆ ನೀನು ಹೋಗಿ ಆ ಮನುಷ್ಯನ ಮೇಲೆ ಆರೋಪ ಹೊರಿಸುವುದು ಸಾಧ್ಯವೇನಪ್ಪಾ ಎಂದು ಕೇಳುವ ಮಗಳು, ಸೀದಾ ಪೊಲೀಸ್ ಸ್ಟೇಷನ್ನಿಗೆ ಹೋಗೋಣವೆನ್ನುತ್ತಾಳೆ.

ಪೊಲೀಸ್ ಅಧಿಕಾರಿಣಿಗೆ ಹುಡುಗಿಯ ದೂರಿನಲ್ಲಿರುವ ಹೆಸರಿನ ಬಗ್ಗೆ ನಂಬಿಕೆಯೇ ಬರುವುದಿಲ್ಲ. ಈ ಅಸಾರಾಂ ಬಗ್ಗೆಯಾ ನೀನು ಹೇಳುತ್ತಿರುವುದು ಎಂದು ರಾಮ್ ಲೀಲಾ ಮೈದಾನದ ಕಡೆಗೆ ಬೆರಳು ಮಾಡಿ ಕೇಳಿ ಮತ್ತೊಮ್ಮೆ ಖಚಿತಪಡಿಸಿಕೊಳ್ಳುತ್ತಾರೆ. ‘ದೇವಮಾನವ’ ಅತ್ಯಾಚಾರಿ ಎಂದು ನಂಬುವುದಕ್ಕೇ ಮೊದಲು ನಿರಾಕರಿಸುವ ಪೊಲೀಸರು, ಕಡೆಗೆ ಜೋಧ್ಪುರದಲ್ಲಿ ಆದುದಕ್ಕೆ ಇಲ್ಲೇಕೆ ದೂರು ದಾಖಲಿಸಿಕೊಳ್ಳೋಣ ಎಂದು ತಕರಾರೆತ್ತುತ್ತಾರೆ. ಆದರೆ ಹುಡುಗಿಯ ಅಚಲ ನಿಲುವಿನ ಮುಂದೆ ಮಣಿಯುವ ಪೊಲೀಸರು ಕೇಸು ದಾಖಲಿಸಿಕೊಳ್ಳಬೇಕಾಗುತ್ತದೆ. ಕಡೆಗೆ ಅದು ಜೋಧ್ಪುರ ಪೊಲೀಸರಿಗೆ ವರ್ಗಾವಣೆಯಾಗುತ್ತದೆ.

ಅದಾಗಿ ನಾಲ್ಕೂವರೆ ವರ್ಷಗಳ ಬಳಿಕ ಮೊನ್ನೆ ಏಪ್ರಿಲ್ 25ರಂದು 77 ವರ್ಷದ ಅಸಾರಾಂಗೆ ಜೀವಾವಧಿ ಕಾರಾಗೃಹ ಶಿಕ್ಷೆಯನ್ನು ಘೋಷಿಸಿತು ಜೋಧ್ಪುರ ನ್ಯಾಯಾಲಯ. ಆದರೆ ಈ ಅವಧಿಯಲ್ಲಿ, ಈಗ 21 ವರ್ಷದವಳಾಗಿರುವ ಆ ಹುಡುಗಿ ಮತ್ತವಳ ಕುಟುಂಬದ ಪಾಲಿಗೆ ಸಂದರ್ಭ ಸುಲಭದ್ದಾಗಿರಲಿಲ್ಲ.

ಅದೇ ಮೊದಲ ಬಾರಿಗೆ ಆ ಹುಡುಗಿ ಮತ್ತವಳ ತಂದೆ ಪೊಲೀಸ್ ಠಾಣೆಯೊಳಗೆ ಹೋಗಬೇಕಾಗಿ ಬಂದಿತ್ತು. ವ್ಯವಸ್ಥೆ ಹೇಗೆಲ್ಲಾ ಇರುತ್ತದೆ ಎಂಬುದರ ಮರ್ಮ ಗೊತ್ತಿರಲಿಲ್ಲ. ಮಾತ್ರವಲ್ಲ, ಒಬ್ಬ ಮಗಳ ತಂದೆಯ ಮನಸ್ಸು ದ್ವಂದ್ವದಲ್ಲಿ ಹೊಯ್ದಾಡುತ್ತಿತ್ತು. ಮಗಳಿಗೆ ಅನ್ಯಾಯ ಮಾಡಿದವನಿಗೆ ಶಿಕ್ಷೆಯಾಗಬೇಕೆಂದು ಬಯಸುವಾಗಲೇ, ಮಗಳ ಭವಿಷ್ಯದ ಬಗ್ಗೆಯೂ ಯೋಚಿಸಬೇಕಾದ ಅನಿವಾರ್ಯತೆಯಿತ್ತು. ಹಾಗಾಗಿಯೇ ದೂರು ದಾಖಲಿಸಿ ಹತ್ತು ದಿನ ಕಳೆದರೂ ಅದನ್ನು ಎಲ್ಲಿಯೂ ಬಹಿರಂಗಗೊಳಿಸುವ ಸ್ಥಿತಿಯಲ್ಲಿರಲಿಲ್ಲ ಆ ತಂದೆ. ಆದರೆ ಯಾವುದು ಆಗಬಾರದೆಂದು ಅಂದುಕೊಂಡಿದ್ದಿತ್ತೋ ಅದೇ ಆಗತೊಡಗಿತ್ತು. ಅಸಾರಾಂನ ಮಂದಿ ತಂದೆ ಮಗಳ ತೇಜೋವಧೆ ಮಾಡಲು ಎಲ್ಲ ದಾರಿಗಳನ್ನೂ ಬಳಸತೊಡಗಿತು. ಆ ಹುಡುಗಿಗೆ ಮಾನಸಿಕ ಅಸ್ವಸ್ಥೆ ಪಟ್ಟವನ್ನೂ ಕಟ್ಟಿತು. ಕಡೆಗೆ ಎಲ್ಲವನ್ನೂ ಈ ಸಮಾಜದೆದುರು ಹೇಳಿಕೊಳ್ಳಲೇಬೇಕಾಯಿತು ಆಕೆಯ ಕುಟುಂಬ. 2013ರ ಆಗಸ್ಟ್ 31ರಂದು ಅಸಾರಾಂನನ್ನು ಪೊಲೀಸರು ಬಂಧಿಸಿದರು.

ಇದಾದ ಮೇಲೆ ಇನ್ನಷ್ಟು ಬಿಗಡಾಯಿಸಿತ್ತು ಪರಿಸ್ಥಿತಿ. ವಿಚಾರಣೆ ಪ್ರಕ್ರಿಯೆ ನಡೆಯುತ್ತಿದ್ದ ಹೊತ್ತಲ್ಲಿ 2014ರ ಮೇನಲ್ಲಿ ಪ್ರಕರಣದ ಪ್ರಮುಖ ಸಾಕ್ಷಿಯಾಗಿದ್ದ ಮತ್ತು ಅಸಾರಾಂ ಸಹಾಯಕ ಅಮೃತ್ ಪ್ರಜಾಪತಿಗೆ ಗುಂಡಿಕ್ಕಲಾಯಿತು. ಆತ ಜೂನ್ ನಲ್ಲಿ ತೀರಿಕೊಂಡ. 2015ರ ಫೆಬ್ರವರಿಯಲ್ಲಿ ಮತ್ತೊಬ್ಬ ಸಾಕ್ಷಿ ರಾಹುಲ್ ಸಚನ್ ಗೆ ಕೋರ್ಟಿನ ಹೊರಗಡೆ ಚೂರಿಯಿಂದ ಇರಿಯಲಾಯಿತು. ಆತ ಅದೇ ನವೆಂಬರ್ ನಲ್ಲಿ ನಾಪತ್ತೆಯಾದ. 2015ರ ಮೇನಲ್ಲಿಯೇ ಈ ಮುಂಚೆ ಅಸಾರಾಂ ಆಶ್ರಮದಲ್ಲಿ ಕೆಲಸ ಮಾಡಿದ್ದ ಮತ್ತು ಈ ಪ್ರಕರಣದಲ್ಲಿ ಸಾಕ್ಷ್ಯ ಹೇಳಬೇಕಿದ್ದ ಮಹೇಂದ್ರ ಚಾವ್ಲಾನನ್ನು ಆತನ ಮನೆಯಲ್ಲಿಯೇ ಗುಂಡಿಕ್ಕಿ ಕೊಲ್ಲಲಾಯಿತು. ಇನ್ನೊಂದೆಡೆ ಹುಡುಗಿಯ ಶಿಕ್ಷಕಿ, ಪ್ರಿನ್ಸಿಪಾಲ್, ತನಿಖೆ ನಡೆಸುತ್ತಿದ್ದ ಪೊಲೀಸ್ ಅಧಿಕಾರಿಗಳು ಮತ್ತು ಹುಡುಗಿಯ ತಂದೆಗೆ ಬೆದರಿಕೆಗಳು ಬರುತ್ತಲೇ ಇದ್ದವು. ತಂದೆ ವಿರುದ್ಧ ಏನೇನೋ ಸುಳ್ಳು ಕೇಸುಗಳನ್ನು ಹಾಕುತ್ತ ಬಳಲಿಸುವ ಯತ್ನಗಳೂ ನಡೆದವು. ಇವೆಲ್ಲದರ ನಡುವೆಯೇ ಆ ಕುಟುಂಬವನ್ನು ಅಸಹನೀಯ ಒಬ್ಬಂಟಿತನ ಮುತ್ತಿಕೊಂಡಿತ್ತು.

ಅವೆಂಥ ದಿನಗಳೆಂದರೆ, ಅದೆಷ್ಟೋ ಸಲ ಆ ಬಾಲೆಯ ತಂದೆ ಅತ್ಯಂತ ದಾರುಣವೆನ್ನಿಸುವ ಅಸಹಾಯಕ ಭಾವನೆಯಲ್ಲಿ ಅತ್ತುಬಿಡುತ್ತಿದ್ದುದಿತ್ತು. ಆಗ ಮಗಳೇ ತಂದೆಯನ್ನು ಬಿಗಿದಪ್ಪಿಕೊಂಡು ಸಮಾಧಾನಿಸಬೇಕಿತ್ತು. ಈ ಯುದ್ಧದಲ್ಲಿ ನಾವೇ ಗೆಲ್ಲುತ್ತೇವಪ್ಪ ಎಂದು ಧೈರ್ಯ ತುಂಬಬೇಕಿತ್ತು. ಅದೆಷ್ಟೋ ಸಲ ಆಕೆ ತನ್ನ ಕೋಣೆ ಸೇರಿಕೊಂಡು ಮಾತಿಲ್ಲದೆ ಕಳೆದುಬಿಡುತ್ತಿದ್ದಳು. ಆಗ ಅವಳ ಅಪ್ಪ ಅಮ್ಮನೇ ಅವಳ ಮನಸ್ಸು ಹಗುರಾಗುವಂತೆ ಮಾಡಬೇಕಿತ್ತು.

ನ್ಯಾಯಾಲಯದಲ್ಲಿ ಗೆಲುವು ಸಿಕ್ಕ ಬಳಿಕ ಶಹಜಾನ್ ಪುರದ ಮನೆಯಲ್ಲಿ ಆ ಕುಟುಂಬವನ್ನು ‘ಲೈವ್ ಮಿಂಟ್’ ಮಾತನಾಡಿಸಿದಾಗ ಹೊರಬಿದ್ದ ನೋವಿನ ಕಥೆ ಇದು. ‘ಅಸಾರಾಂ ಜೈಲುಪಾಲಾಗಿದ್ದಾನೆ ಎಂದು ಜನ ಹೇಳುತ್ತಾರೆ. ಆದರೆ ನಾನವರಿಗೆ ಹೇಳುತ್ತೇನೆ, ನಾವು ಜೈಲಲ್ಲಿದ್ದೇವೆ. ನನ್ನ ಮಗಳು ಕಳೆದೈದು ವರ್ಷಗಳಿಂದ ಜೈಲಿನಲ್ಲಿದ್ದಾಳೆ.’ ಎನ್ನುವಾಗಿನ ತಂದೆಯ ಸಂಕಟ ಕರುಳನ್ನೇ ಕತ್ತರಿಸಿಬಿಡುವಂಥದ್ದು.

ಅಸಾರಾಂನ ಮಂದಿಯಿಂದ ಜೀವಬೆದರಿಕೆಯಿದ್ದ ಕಾರಣ, ಈ ಐದು ವರ್ಷಗಳಲ್ಲಿ ಆಕೆ ಕಾಲೇಜು ಪರೀಕ್ಷೆಗಳನ್ನು ಬರೆಯುವುದಕ್ಕೆ ಮತ್ತು ಕೋರ್ಟಿಗೆ ಹಾಜರಾಗುವುದಕ್ಕೆ ಮಾತ್ರವೇ ಮನೆಯಿಂದ ಹೊರಹೋಗುತ್ತಿದ್ದುದು. ತನ್ನ ಕುಟುಂಬದ ಉದ್ಯಮಕ್ಕೆ ನೆರವಾಗಲು ಚಾರ್ಟರ್ಡ್ ಅಕೌಂಟಂಟ್ ಆಗಬೇಕೆಂದುಕೊಂಡಿದ್ದ ಆಕೆಯ ಕನಸೂ ಈಗ ಸೋರಿಹೋಗಿದೆ. ಅವಳೀಗ ದೂರಶಿಕ್ಷಣದ ಮೂಲಕ ಬಿಎ ಮಾಡುತ್ತಿದ್ದಾಳೆ. ಒಬ್ಬ ಯಶಸ್ವೀ ಸಾರಿಗೆ ಉದ್ಯಮಿಯಾಗಿದ್ದ ತಂದೆ ಗಳಿಸಿದ್ದರಲ್ಲಿ ಬಹುಪಾಲನ್ನು ಕಾನೂನು ಹೋರಾಟಕ್ಕೇ ಕಳೆದಿದ್ದರೆ, ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು ಎಂದು ವಿವರಿಸುತ್ತದೆ ವರದಿ.

ಬೆದರಿಕೆಗಳಿಂದ ಕಂಗೆಟ್ಟ ಕುಟುಂಬದ ಮುಂದೆ ಆತಂಕದ ಕರಿಛಾಯೆ ಇನ್ನೂ ಕರಗಿಲ್ಲ. ತನ್ನ ಪಾಡಿಗೆ ತಾನು ಬದುಕಿಕೊಂಡಿದ್ದ ಅಮಾಯಕರ ಪುಟ್ಟ ಗೂಡನ್ನು ಅತ್ಯಾಚಾರಿಯೊಬ್ಬ ಹೇಗೆ ಅಲ್ಲೋಲಕಲ್ಲೋಲ ಮಾಡಿಬಿಟ್ಟನಲ್ಲ.

ಯುದ್ಧ ಎಲ್ಲಿ ಮುಗಿಯುತ್ತದೆ ಹೇಳಿ?

Share

Leave a comment

Your email address will not be published. Required fields are marked *

Recent Posts More

  • 6 days ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 7 days ago No comment

    ಇತಿಹಾಸ ತಿರುಚಿ ವಿಷಬೀಜ ಬಿತ್ತುವವರ ಮಧ್ಯೆ…

          ಪ್ರಸ್ತಾಪ           ಕೋಮುವಾದಿಗಳ ಆಳ್ವಿಕೆಯು ರಾಜಕೀಯವನ್ನು ಧರ್ಮದ ಜೊತೆ ಬೆರೆಸುತ್ತ ಹಾಳು ಮಾಡಿದ್ದಾಗಿದೆ. ಕಲಿಕೆಯ ವಾತಾವರಣವನ್ನೂ ಕೇಸರೀಕರಣದಿಂದ ಕಲುಷಿತಗೊಳಿಸುತ್ತಿರುವುದು ಮಾತ್ರ ಅಕ್ಷಮ್ಯ. ತಿರುಚಲಾದ ಇತಿಹಾಸವನ್ನು ಮಾತ್ರ ಹೇಳುತ್ತ ಇದು ಮಾಡುತ್ತಿರುವುದು ಹೊಸ ಪೀಳಿಗೆಯ ಮನಸ್ಸುಗಳಲ್ಲಿ ವಿಷಬೀಜವನ್ನು ಬಿತ್ತುವ ಕರಾಳ ಕೃತ್ಯ.   ಇತ್ತೀಚೆಗೆ ಮಕ್ಕಳ ಶೈಕ್ಷಣಿಕ ಹೊರೆಯನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ಪಠ್ಯ ಪುಸ್ತಕಗಳ ಪರಿಶೀಲನೆ, ಮುದ್ರಣ ಹಾಗೂ ಮತ್ತಿತರ ...

  • 7 days ago No comment

    ‘ಸೂಜಿದಾರ’ದಲ್ಲಿ ಚೈತ್ರಾ ಕೋಟೂರ್ ಹಾಡು

    ತಮ್ಮ ಸಾಧನೆಯ ಬಗ್ಗೆ ಅಹಮಿಕೆ ತೋರದವರಲ್ಲಿ ಚೈತ್ರಾ ಕೋಟೂರ್ ಖಂಡಿತವಾಗಿಯೂ ಒಬ್ಬರು. ಅವರ ಕನಸುಗಳ ದಾರಿಯಲ್ಲಿ ಈ ನಿರ್ಲಿಪ್ತ ಸಡಗರದ ಚಂದಿರ ಎಂದೆಂದೂ ಜೊತೆಗಿರಲಿ.   ಇವತ್ತು ಕನ್ನಡ ರಂಗಭೂಮಿ, ಸಿನಿಮಾ, ಸಾಹಿತ್ಯ ಕ್ಷೇತ್ರಗಳಲ್ಲಿ ಹೊಸಬರ ಪಡೆಯೊಂದು ಜಾದೂವನ್ನೇ ಮಾಡುತ್ತಿದೆ. ಬೆರಗು ಹಚ್ಚುವಂಥ ಸೃಜನಾತ್ಮಕತೆ, ಶ್ರದ್ಧೆ ಮತ್ತು ಅದಕ್ಕೆಲ್ಲ ಪೂರಕವಾದ ಪರಿಣತಿಯೊಂದಿಗೆ ಇರುವವರು ಇವರೆಲ್ಲ. ಇಂಥವರ ಸಾಲಿನಲ್ಲಿ ಚೈತ್ರಾ ಕೋಟೂರ್ ಅವರದೂ ಪ್ರಮುಖ ಹೆಸರು. ಚೈತ್ರಾ ಅವರ ಹೆಚ್ಚುಗಾರಿಕೆಯೆಂದರೆ, ...

  • 1 week ago No comment

    ಉಷಾ ಚಿತ್ತ | ಮೊಲದ ಮರಿ ಗಿಫ್ಟ್

          ‘ಚಲಿತ ಚಿತ್ತ’ದಲ್ಲಿ ಕವಿಸಾಲು       ಮೇರು ಸದೃಶ್ಯವಾಗಿ ಕಂಡದ್ದು ಬರಬರುತ್ತಾ ಕಾಲಕೆಳಗಿನ ಗುಡ್ಡವಾಯಿತು. ಹೋಗ ಹೋಗುತ್ತಾ ಚುಕ್ಕಿಯಾಗಿ, ಆಕಾಶದ ನೀಲಿಯಲಿ ಲೀನವಾಯಿತು. ನೆನಪಿನ ಕೋಶ ಸೇರಿದಾಗ, ಅಂತರಾಳದಲಿ ಕಡಲಾಯಿತು. ಅಲ್ಲೀಗ ಕನಸುಗಳ ಸರಕು ಹೊತ್ತ ದೋಣಿಯೊಂದು ತೇಲುತ್ತಿದೆ. ನಿರ್ಜನ ರಾತ್ರಿ, ಹುಟ್ಟು ಕೈಯ್ಯಲ್ಲಿದೆ; ದಡದಿಂದ ಕೇಳುತಿದೆ ಮೋಹಕ ಕೊಳಲ ಗಾನ. ಮನ ಕಂಪಿಸುತಿದೆ, ಬಾರೆನ್ನ ಪೂರ್ಣಚಂದಿರ. ಕಡಲು ಅಬ್ಬರಿಸುತ್ತರಲಿ, ನನ್ನ ಕೈಗಳಿಗೆ ...

  • 2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...


Editor's Wall

  • 14 April 2019
    6 days ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 04 April 2019
    2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...

  • 29 March 2019
    3 weeks ago One Comment

    ಕಾದಂಬಿನಿ ಕಾಲಂ | ಹಕ್ಕಿ ಸಾಕಬೇಕೆಂದರೆ ಹುಳಗಳನ್ನೂ ಸಾಕಬೇಕು

                      ನಾವು ಯಾರನ್ನು ಪ್ರೀತಿಸುತ್ತೇವೆಯೋ ಅವರ ಆಹಾರವನ್ನೂ ಪ್ರೀತಿಸಬೇಕು. ಪ್ರತಿಯೊಂದು ಜೀವಿಯ ಆಹಾರದ ಹಕ್ಕನ್ನೂ ಗೌರವಿಸುವುದು ಎಲ್ಲರೂ ಮೊದಲು ಕಲಿತುಕೊಳ್ಳಬೇಕಾದ ಸಜ್ಜನಿಕೆ. ಅದು ಹಕ್ಕಿಯದಿರಲಿ, ಮನುಷ್ಯನದಿರಲಿ. ಕಾರ್ಕೋಟಕ ಸರ್ಪವೋ, ಹುಲಿಯೋ ಎದುರಾದರೂ ಅಷ್ಟು ಹೆದರುತ್ತೇನೋ ಇಲ್ಲವೋ ಆದರೆ ಅಕ್ಕಿ ಆರಿಸುವಾಗಲೋ ಬದನೆಕಾಯಿ ಹೆಚ್ಚುವಾಗಲೋ, ಹೂ ಗಿಡಗಳಲ್ಲಿರುವಾಗಲೋ ಚಿಕ್ಕ ಹುಳ ಕಂಡರೂ ಕಿರುಚಿ ಊರು ಒಂದು ಮಾಡಿಬಿಡುತ್ತೇನೆ. ಹಾಗೆಂದು ...

  • 26 March 2019
    3 weeks ago No comment

    ಬೆಂದರೆ ಬೇಂದ್ರೆ…ನೊಂದರೆ ಕಾದಂಬಿನಿ

    ಪುಸ್ತಕ ಪ್ರಸ್ತಾಪ     ಕಾದಂಬಿನಿ ಅವರ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಕವನ ಸಂಕಲನದ ಬಗ್ಗೆ ಹಿರಿಯರಾದ ಚಂದ್ರಶೇಖರ ನಂಗಲಿಯವರು ತಮ್ಮ ಫೇಸ್ಬುಕ್ ವಾಲ್ ನಲ್ಲಿ ಬರೆದಿದ್ದಾರೆ. ಅದನ್ನು ಇಲ್ಲಿ ಎತ್ತಿಕೊಡಲಾಗಿದೆ.   ಪ್ರೀತಿ ಪ್ರೇಮ ಮಾನವಜೀವನದ ಚಾಲಕ ಶಕ್ತಿ. ಈ ಸ್ಟೇರಿಂಗ್ ಹಿಡಿದು ಸಮತಲ, ತಗ್ಗು ದಿಣ್ಣೆ , ಹೇರ್ ಪಿನ್ ಕರ್ವ್ಸ್, ಡೆಡ್ ಎಂಡ್ ಮುಂತಾದ ಬಗೆ ಬಗೆಯ ರಸ್ತೆಗಳಲ್ಲಿ , ಒಮ್ಮೊಮ್ಮೆ ರಸ್ತೆಯಿಲ್ಲದ ...

  • 12 March 2019
    1 month ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...