Share

ಸಂವೇದನೆ..!? ಹಾಗಂದ್ರೆ ಏನ್ರೀ..!? ಅದ್ಯಾವ ಆ್ಯಂಡ್ರಾಯ್ಡ್ ಆ್ಯಪ್..!?
ಆದಿತ್ಯ

 

ಚಿಟ್ಟೆಬಣ್ಣ

 

 

 

ಹಾಗೊಂದು, ಸುಮಾರು ೬-೭ ವರ್ಷಗಳ ಹಿಂದಿನ ಘಟನೆ. ಅಂದು ಅಪ್ಪ ಕಿವಿಗೆ ಫೋನನ್ನು ಹಚ್ಚಿಕೊಂಡು ಕುಳಿತುಬಿಟ್ಟಿದ್ದರು. ಒಬ್ಬರ ನಂತರ ಒಬ್ಬರಿಗೆ ಕರೆ ಮಾಡಿ ಜೋರು ದನಿಯಲ್ಲಿ ಒಂದೇ ಸಂಗತಿಯನ್ನು ಹೇಳುತ್ತಿದ್ದರು, “ಹಲೋ, ಕೇಳ್ತಾ ಇದ್ಯಾ..!? ಒಂದು ಒಳ್ಳೆ ಸುದ್ದಿ ಇದೆ ಮಾರಾಯ್ರೇ. ರಾಯರ ಮನೆಯವರು ನಮ್ಮ ರಾಮಮಂದಿರಕ್ಕೆ ದೊಡ್ಡ ಮೊತ್ತದ ದೇಣಿಗೆಯನ್ನು ನೀಡಿದ್ದಾರೆ. ನಿನ್ನೆ ತಡರಾತ್ರಿ ಫೋನ್ ಮಾಡಿ ತಿಳಿಸಿದರು. ತುಂಬಾ ಸಂತೋಷದ ಸಂಗತಿ ಅಲ್ವಾ!?” ಈ ಒಂದು ಸಂಗತಿಯನ್ನು ಹಂಚಿಕೊಳ್ಳಲು ಅಂದು ಅದೆಷ್ಟು ಜನರಿಗೆ ಕರೆ ಮಾಡಿದರೋ. ನನಗೆ ಅನಿಸಿತ್ತು, ಇಷ್ಟೆಲ್ಲಾ ಜನರಿಗೆ ಕರೆ ಮಾಡಿಯೇ ಹೇಳುವ ಅಗತ್ಯವಾದರೂ ಏನು..? ಅಪ್ಪನ ಹತ್ತಿರ ಕೇಳಿಯೇಬಿಟ್ಟೆ, “ಅಲ್ಲ ಅಪ್ಪ ನಿಮಗೆ ಫ್ರೀ ಎಸ್.ಎಮ್.ಎಸ್. ಇದೆ ತಾನೆ..? ಮತ್ತೆ ಅಷ್ಟೊಂದು ಜನರಿಗೆ ಕರೆ ಮಾಡುವ ಬದಲು ವಿಷಯ ಹೀಗೆ ಅಂತ ಒಂದು ಟೆಕ್ಸ್ಟ್ ಮೆಸೇಜ್ ಫಾರ್ ವರ್ಡ್ ಮಾಡಿದ್ದರೆ ಆಗುತ್ತಿತ್ತಲ್ಲಾ..!? ಎಲ್ಲರಿಗೂ ಕರೆ ಮಾಡುತ್ತಾ ಕೂರುವ ಅಗತ್ಯವಿರಲಿಲ್ಲ”. ಆಗ ಅಪ್ಪ ಹೇಳಿದ ಮಾತುಗಳನ್ನು ನಾನು ಯಾವ ಕಾಲಕ್ಕೂ ಮರೆಯದಂತೆ ನನ್ನ ಮನಸ್ಸು ಮತ್ತು ಮೆದುಳಿನಲ್ಲಿ ಅಚ್ಚೊತ್ತಿ ನಿಂತುಬಿಟ್ಟವು. ಅವರು ಹೇಳಿದರು: “ಮಗಾ, ಮನುಷ್ಯನಿಗೆ ಭಾವನೆ, ಸಂವೇದನೆ ಅನ್ನುವ ಸಂಗತಿಗಳುಂಟು, ಅವುಗಳನ್ನು ಇನ್ನೊಬ್ಬರೊಂದಿಗೆ ಹೇಗೆ ಹಂಚಿಕೊಳ್ಳಬೇಕೋ ಹಾಗಯೇ ನಡೆದುಕೊಳ್ಳಬೇಕು ಈ ಸಂತಸದ ಸುದ್ದಿಗೆ ಬಹಳಷ್ಟು ಜನ ಕಾರಣರಾಗಿದ್ದಾರೆ ಅವರೆಲ್ಲರಿಗೂ ನಾನೇ ಸ್ವತಃ ಕರೆ ಮಾಡಿ ವಿಷಯ ತಿಳಿಸುವುದು ಸೌಜನ್ಯವೆನಿಸಿಕೊಳ್ಳುತ್ತದೆ. ಟೆಕ್ಸ್ಟ್ ಮೆಸೇಜ್ ನಿಂದ ಕೇವಲ ವಿಷಯ ವಿನಿಮಯವಾಗುತ್ತದಷ್ಟೇ. ಭಾವನೆಗಳ, ಸಂವೇದನೆಗಳ ಅನುಭವವಾಗುವುದಿಲ್ಲ. ಅದಿಲ್ಲದೇ ಮನುಷ್ಯ-ಮನುಷ್ಯರ ನಡುವೆ ಬಾಂಧವ್ಯ ಉಳಿಯುವುದಿಲ್ಲ..!”

ಹೀಗೊಂದು, ಬರ್ತ್ ಡೇ ದಿನ ಸ್ನೇಹಿತನೊಬ್ಬನ ವಾಟ್ಸ್ ಆ್ಯಪ್ ಮೆಸೇಜ್. “Hey many many happy returns of the day, happy birthday!” ಪಕ್ಕದಲ್ಲಿ ನಗುತ್ತಿರುವ, ಬರ್ತ್ ಡೇ ಟೊಪ್ಪಿಯ, ಗಿಫ್ಟ್ ಬಾಕ್ಸ್ ನ ಸ್ಮೈಲಿಗಳು, “thank you so much” ನಾನು ಉತ್ತರಿಸಿದೆ. “ಪಾರ್ಟಿ ಎಲ್ಲಿ..? ಯಾವಾಗ..?” ಆತ ಕೇಳಿದ, ನಾನು ಒಡನೆಯೇ ಡ್ರಿಂಕ್ಸ್, ಬರ್ಗರ್, ಚಾಕ್ಲೇಟ್ ಗಳೆಲ್ಲವುಗಳ ಸ್ಮೈಲಿಗಳನ್ನು ಕಳಿಸಿದೆ. “ಹೇಯ್, ಇದೆಂಥಾ ಪಾರ್ಟಿ.!?” “ಆನ್ಲೈನ್ ವಿಷ್ ಗೆ ಆನ್ಲೈನ್ ಪಾರ್ಟಿ” ನಾನು ತರ್ಕ ಹೇಳಿದೆ. “ನೋಡು ಪಾರ್ಟಿ ಎಲ್ಲಾ ಹೊಟ್ಟೆಯ ವಿಷಯ ಮಾರಾಯ” ಆತ ಪ್ರತಿಕ್ರಿಯಿಸಿದ. “ಅಂತೆಯೇ ಶುಭಾಶಯ ಕೂಡ ಹೃದಯದ ವಿಷಯ ಮಾರಾಯ” ನಾನು ಉತ್ತರಿಸಿದೆ.

ಕೇವಲ ೬-೭ ವರ್ಷಗಳಲ್ಲಿ ಏನೆಲ್ಲಾ ಬದಲಾವಣೆಯಾಗಿ ಹೋಗಿದೆ. ಅಷ್ಟೇಕೆ ತೀರಾ ಕಳೆದೊಂದು ವರ್ಷದಲ್ಲೇ ಜಗತ್ತು ಬಿಡಿ ಜನರು ಅದೆಷ್ಟು ಚೇಂಜ್ ಆಗಿದ್ದಾರೆ.! ಹೋದ ವರ್ಷ ಕರೆ ಮಾಡಿ ಹುಟ್ಟುಹಬ್ಬದ ಶುಭಾಶಯಗಳನ್ನು ಹೇಳಿದವರು ಈ ಸಲ ವಾಟ್ಸ್ ಆ್ಯಪ್ ಮೆಸೇಜ್ ಗಳಲ್ಲೇ ವಿಷ್ ಮಾಡಿದರು. ಹಿಂದಿನ ಬಾರಿ “happy B’day may all your dreams come true” ಎಂದವರು ಈ ಬಾರಿ “WHB!” ಎಂದಷ್ಟೇ ಟೈಪ್ ಮಾಡಿದರು. ಇನ್ನು ಕೆಲವರು ನೀನು ಫೇಸ್ಬುಕ್ ನಲ್ಲಿ ಇಲ್ಲ ಇಲ್ಲದಿದ್ದರೆ ನೋಟಿಫಿಕೇಶನ್ ಬರುತ್ತಿತ್ತು, ಹಾಗಾಗಿಯೇ ನನಗೆ ಮರೆತು ಹೋಯಿತು ಎಂದರು..! ಅಯ್ಯೋ ಕರ್ಮವೇ..! ಇವರಿಗೆಲ್ಲಾ ಏನು ಹೇಳುವುದು ಮಾರಾಯ್ರೇ..!? ಹುಟ್ಟುಹಬ್ಬದ ಶುಭಾಶಯವೊಂದರಿಂದಾಗಿ ಹೇಳಿದವರಿಗೆ, ಹೇಳಿಸಿಕೊಂಡವರಿಗೆ ದೊರೆಯುವ ಆನಂದದ ಅರಿವೇ ಇವರಿಗಿಲ್ಲವೇ..!? ಅಥವಾ ಆ್ಯಂಡ್ರಾಯ್ಡ್ ಫೋನ್ ಬಂದ ಮರುಕ್ಷಣವೇ ಭಾವನೆ, ಸಂವೇದನೆಗಳು ಹಾರಿ ಹೋದವೇ..!? ಇನ್ನು ಬರ್ತ್ ಡೇ ನೆನಪಿಟ್ಟುಕೊಳ್ಳಲು ಒಂದು ನೋಟಿಫಿಕೇಶನ್ ಅನಿವಾರ್ಯವೇ..!? ಫೇಸ್ಬುಕ್ ಸೇರುವ ಮೊದಲು ಎಲ್ಲರ ಬರ್ತ್ ಡೇಟ್ಸ್ ನೆನಪಿರುತ್ತಿದ್ದವಲ್ಲ..! ಈಗ ಮತ್ತೇನು, ಮೆದುಳನ್ನು ಫೇಸ್ಬುಕ್ಕಿಗೆ ಮಾರಿಕೊಂಡಿರಾ..!? ಹೀಗೆಲ್ಲಾ ಹೇಳಿದರೆ, ಅಯ್ಯೋ ಇವತ್ತು ಎಲ್ಲಾ ಹಾಗೆ ಕಾಲಕ್ಕೆ ತಕ್ಕ ಹಾಗೆ ಅಪ್ಡೇಟ್ ಆಗ್ಬೇಕಪಾ, ಮೊದಲಿನ ಹಾಗೆ ಇರಬೇಕಂದ್ರೆ ಹೇಗಾಗುತ್ತೆ ಅಂತ ಮೂಗು ಮುರಿವವರೇ ಇಂದು ಜಾಸ್ತಿ., ಸ್ವಾಮಿ.! ಅಪ್ಡೇಟ್ ಅನ್ನೋದು ನಮ್ಮ ಚಿಂತನೆ, ಯೋಚನೆಗಳಲ್ಲಿ ಅದು ಬಿಟ್ಟು ಮನುಷ್ಯನ ಮೂಲಸ್ವಭಾವವನ್ನೇ ಅಪ್ಡೇಟ್ ಹೆಸರಿನಲ್ಲಿ ಮರೆತು ಕೂರುವುದಲ್ಲ.., ಆಗ ಸಂಬಂಧಗಳೆಂಬ ಸಿಸ್ಟಮ್ ಕ್ರ್ಯಾಷ್ ಆಗುತ್ತದಷ್ಟೆ..!

ತಾಂತ್ರಿಕ ಅಭಿವೃದ್ಧಿಯ ಲಾಭ ಉಣ್ಣುತ್ತಿರುವ ಇವತ್ತಿನ ಮನುಷ್ಯನಿಗೆ ತನ್ನ ಮೂಲ ಗುಣಗಳೇ ಮರೆತು ಹೋಗಿವೆ. ಕೆಲವರಿಗಂತೂ ತಾಂತ್ರಿಕತೆಯ ಉಗಮಕ್ಕಿಂತಲೂ ಮೊದಲಿನಿಂದ ಮನುಷ್ಯನ ಅಸ್ತಿತ್ವವಿದೆ ಎನ್ನುವ ಸರಳ ಸತ್ಯವೇ ಗೊತ್ತಿಲ್ಲ..! ಇಂದಿನ ದಿನ ಎಲೆಕ್ಟ್ರಾನಿಕ್ ಗ್ಯಾಜೆಟ್ಟುಗಳಿಗೂ, ಅಪ್ಲಿಕೇಶನ್ ಪ್ರೋಗ್ರಾಮುಗಳಿಗೂ ಮನುಷ್ಯನೆಂಬ ಅತೀ ಬುದ್ದಿವಂತ ಸೃಷ್ಟಿಗೂ ವ್ಯತ್ಯಾಸವೇ ಇಲ್ಲ..! ಮೊದಲಿನವೆರಡು ಮನುಷ್ಯನ ಮೇಲೆ ಅವಲಂಬಿತವಾಗುವುದು ಒಪ್ಪುವ ಮಾತು. ಯಾಕೆಂದರೆ ಅವುಗಳನ್ನು ನಾವೇ ಸೃಷ್ಟಿಸಿದ್ದು ತಾನೇ!? ಆದರೆ ಮನುಷ್ಯನೇ ಉಳಿದವುಗಳ ಮೇಲೆ ಅವಲಂಬಿತನಾಗುವುದು ಎಷ್ಟರ ಮಟ್ಟಿಗೆ ಸರಿ..!? ಟೆಕ್ನಾಲಜಿಯ ಹೆಸರು ಬಳಸುತ್ತಾ ಮನುಷ್ಯ ತನ್ನನ್ನು ತಾನೇ ಮಾರಿಕೊಳ್ಳುತ್ತಾ ಸಾಗುತ್ತಿಲ್ಲವೇ..? ತಾನೇ ಸಂಶೋಧಿಸಿದ, ಆವಿಷ್ಕರಿಸಿದ ಸಂಗತಿಗಳ ಕೈಗೊಂಬೆಯಾಗಿ ಅದ್ಭುತ ಮತ್ತು ಅಮೂಲ್ಯವಾದ ತನ್ನ ಭಾವನಾ ಶಕ್ತಿ, ವಿವೇಚನಾ ಶಕ್ತಿಗಳನ್ನು ಕಳೆದುಕೊಳ್ಳುತ್ತಿಲ್ಲವೇ.? Freedom of speech, expression, belief, worship, ಎಂದೆಲ್ಲಾ ದೊಡ್ಡ ದೊಡ್ಡ ಮಾತನಾಡುವ ಇಪ್ಪತ್ತೊಂದನೇ ಶತಮಾನದ ಮನುಷ್ಯ ತನ್ನತನವೆನ್ನುವುದನ್ನೇ ದಾಸ್ಯದ ಅಡಿಯಲ್ಲಿಟ್ಟುಕೊಂಡು ಬದುಕುತ್ತಲ್ಲವೇ..!? ಹೀಗೆ ಸಾಗಿದರೆ ಮುಂದೊಂದು ದಿನ ಮನುಷ್ಯನಿಗೂ ಮಷಿನುಗಳಿಗೂ ವ್ಯತ್ಯಾಸವೇನೂ ಉಳಿಯುವುದಿಲ್ಲ ಸಾಮಾನ್ಯವಾಗಿ ಮನೆಯಲ್ಲಿ ಅಜ್ಜ-ಅಜ್ಜಿಯರು “ನಮ್ಮ ಕಾಲದಲ್ಲಿ ಹೀಗಿರ್ಲಿಲ್ಲಪ” ಅಂತ ಹೇಳುವುದನ್ನು ನಾವೆಲ್ಲರೂ ಕೇಳಿಯೇ ಇರುತ್ತೇವೆ. ನಮಗೂ ಅವರಿಗೂ ಒಂದು ಜನರೇಷನ್ ಗ್ಯಾಪ್ ಇದೆ ಅನ್ನುವ ಸತ್ಯದಿಂದ ಅವರು ಹೇಳಿದ್ದನ್ನು ಒಪ್ಪಬಹುದು. ಆದರೆ ಈಗ ಸ್ವತಃ ನಾವೇ ನಮಗಿಂತ ಮೂರ್ನಾಲ್ಕು ವರ್ಷಕ್ಕೆ ಸಣ್ಣವರನ್ನು ನೋಡಿ ಇದೇ ಮಾತನ್ನು ಹೇಳುವಂತೆ ಆಗುತ್ತದಲ್ಲಾ.!? ಇದು ಅರಗಿಸಿಕೊಳ್ಳಲಾಗದಂಥ ಸಂಗತಿ. ಅಂಥದ್ದೇನಾಗಿದೆ ಈಗಿನ ಕಾಲದಲ್ಲಿ ..!? ಶರವೇಗದಲ್ಲಿ ಸಾಗುತ್ತಿರುವ ತಾಂತ್ರಿಕ ಅಭಿವೃದ್ಧಿಯಿಂದಾಗಿ ನಮ್ಮೆಲ್ಲರ ಬದುಕು ಸುಲಭವೇನೋ ಆಗಿದೆ, ಆದರೆ ಮೊದಲಿದ್ದ ಸುಂದರತೆ ಈಗಿಲ್ಲ. ಅದನ್ನು ತಾಂತ್ರಿಕತೆಯೇ ಹಂತಹಂತವಾಗಿ ಕಿತ್ತುಕೊಳ್ಳುತ್ತಾ ಸಾಗಿದೆ…!

ಕೊನೆಯಲ್ಲಿ ಒಂದು ಮಾತು, “ಸಂವೇದನೆ..!? ಹಾಗಂದ್ರೆ ಏನ್ರೀ..!? ಅದ್ಯಾವ ಆ್ಯಂಡ್ರಾಯ್ಡ್ ಆ್ಯಪ್..!? ಯಾವುದಕ್ಕೆ ಯೂಸ್ ಮಾಡ್ತಾರೆ ಅದನ್ನ..!?” ಅಂತ ಹೇಳೋ ಕಾಲ ಮುಂದೊಂದು ದಿನ ಬರದೇ ಇದ್ರೆ ಸಾಕು..!

ಆದಿತ್ಯ

ಸಾಗರ ಬಳಿಯ ಆನಂದಪುರ ಎಂಬ ಪುಟ್ಟ ಊರಿನ ಅಷ್ಟೇ ಪುಟ್ಟ ಹುಡುಗ. ಮೈಸೂರಿನ ಸರ್ಕಾರಿ ಸಿಪಿಸಿ ಪಾಲಿಟೆಕ್ನಿಕ್ ನಲ್ಲಿ ಆಟೋಮೊಬೈಲ್ ಇಂಜಿನಿಯರಿಂಗ್ ಮುಗಿಸಿ ಪ್ರಸ್ತುತ ಕುಂಬಳಗೋಡಿನ ಡಾನ್ ಬಾಸ್ಕೋ ಕಾಲೇಜಿನಲ್ಲಿ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ. ಚಿತ್ರಕಲೆಯಲ್ಲೂ ಸುಮಾರಷ್ಟು ಕೃಷಿ ಮಾಡಿದ ಇವರ ಆಸಕ್ತಿಯ ಇತರ ಮಾಧ್ಯಮ ಓದು ಮತ್ತು ವಾದ್ಯ ಸಂಗೀತ. ತುಂಬಾ ಬರೆದಿಲ್ಲವಾದರೂ ಬರೆದರೆ ತುಂಬಾ ಚಂದ!

Share

One Comment For "ಸಂವೇದನೆ..!? ಹಾಗಂದ್ರೆ ಏನ್ರೀ..!? ಅದ್ಯಾವ ಆ್ಯಂಡ್ರಾಯ್ಡ್ ಆ್ಯಪ್..!?
ಆದಿತ್ಯ
"

  1. ಸಂವೇದನಾಶೀಲ ಬರಹ …. ತುಂಬಾ ಚೆನ್ನಾಗಿ ಬರೆದಿದ್ದೀರಿ.

    Reply

Leave a comment

Your email address will not be published. Required fields are marked *

Recent Posts More

  • 5 days ago No comment

    ಕಾದಂಬಿನಿ ಕವಿತೆಗಳ ಇನ್ನೊಂದು ಕಟ್ಟು: ಫಸ್ಟ್ ಲುಕ್

    ಹೊಸ ಪುಸ್ತಕ       ಕಾದಂಬಿನಿ ಅವರ ಎರಡನೇ ಕಾವ್ಯ ಸಂಕಲನ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಪ್ರಕಟಗೊಂಡಿದೆ. 100 ಕವಿತೆಗಳಿವೆ ಈ ಸಂಕಲನದಲ್ಲಿ. ಸಂಕಲನಕ್ಕೆ ವಿಮರ್ಶಕ, ರಂಗಕರ್ಮಿ ವಸಂತ ಬನ್ನಾಡಿ ಅವರ ಮುನ್ನುಡಿ, ಕವಿ ಹೆಚ್ ಎಸ್ ಶಿವಪ್ರಕಾಶ್ ಅವರ ಬೆನ್ನುಡಿ ಇದೆ. “ಜನಸಾಮಾನ್ಯರ ಸಂಕಟಗಳಿಗೆ ಮಾತು ಕೊಡಬೇಕು ಎಂಬುದು ಕಾದಂಬಿನಿ ಕಾವ್ಯದ ಕೇಂದ್ರಪ್ರಜ್ಞೆ. ಸಾಮಾಜಿಕ ಹಾಗೂ ರಾಜಕೀಯ ವಿಷಯಗಳನ್ನು ಮುಟ್ಟಿದರೆ ಮನಸ್ಸು ಕೊಳಕಾಗುವುದೆಂಬ ಮನೋಭಾವ ...

  • 1 week ago No comment

    ಕಾಲದ ಬೆವರಿನ ಬಡಿತಗಳು

    ಕವಿಸಾಲು   ಹುಲ್ಲಿನೆಳೆಗಳಲಿ ಬಿದಿರ ಕೊಂಬಿಗೆ ಆತುಗೊಂಡ ಜೋಪಡಿಯೊಳಗ ಚುಕ್ಕಿಗಳ ದಿಂಬಾಗಿಸಿದ ಹೊಂಗೆಯ ನೆರಳಿನ ಗುರುತುಗಳು ಸಗಣಿಯಿಂದ ಸಾರಿಸಿದ ಪಡಸಾಲಿ ಮದುವಣಗಿತ್ತಿಯಂತೆ ವಳ್ಳು ಬೀಸುಕಲ್ಲುಗಳ ಹೊಕ್ಕಳಲಿ ದಕ್ಕಿಸಿಕೊಂಡ ಅವಳು ನಡುಮನೆಯ ಮೈದಾನದಾಗ ನಡುಗಂಬದ ನೆಲೆ ಬಿರುಕ ಕಿಂಡಿಗಳಲಿ ಮುರಿದ ಟೊಂಗೆಗಳೆಲ್ಲಾ ಬೆಸೆದು ಗುಡಿಸಲ ಕಣ್ಣಾಗಿ ಚಂದಿರನ ಜೋಗುಳ ಕಟ್ಯಾವು ಗಾಯದ ಬೆನ್ನು ನಿದ್ರಿಸಲು ಮಳೆಯ ರಭಸದಲಿ ಕೆರೆಯಂತಾಗುವ ಜೋಪಡಿಯೊಳಗ ಎಳೆಯ ರೆಕ್ಕೆಗಳನು ಪಕ್ಕೆಲುಬಲಿ ಅವಿತುಕೊಂಡು ಬೆಚ್ಚನೆಯ ಭರವಸೆ ತುಂಬ್ಯಾಳೊ ...

  • 1 week ago No comment

    ಕಾಲ ಮತ್ತು ನಾನು

          ಕವಿಸಾಲು       ಅಂತರಂಗದ ಅನಿಸಿಕೆಗಳ ಅದ್ಭುತ ರಮ್ಯ ಕನಸುಗಳ ಜತನವಾಗಿಟ್ಟುಕೊಂಡ ರಹಸ್ಯಗಳ ದುಂಡಗೆ ಬರೆದು ದಾಖಲಿಸಿ ಸಾವಿರ ಮಡಿಕೆಗಳಲಿ ಒಪ್ಪವಾಗಿ ಮಡಚಿ ಮೃದು ತುಟಿಗಳಲಿ ಮುತ್ತಿಟ್ಟು ಬೆವರ ಕೈಗಳಲಿ ಬಚ್ಚಿಟ್ಟು ಯಾರೂ ಕಾಣದಾಗ ಕದ್ದು ಹಿತ್ತಲಿನ ತೋಟಕ್ಕೆ ಒಯ್ದು ನನ್ನ ನಾಲ್ಕರಷ್ಟೆತ್ತರದ ಮರ ದಟ್ಟಕ್ಕೆ ಹರಡಿದ ಎಲೆಗಳ ನಡುವೆ ಟೊಂಗೆಗಳ ಸೀಳಿನಲಿ ಮುಚ್ಚಿಟ್ಟೆ ಅಲ್ಲಿಂದ ಮುಂದೆ ಮರ ಮರವಾಗಿ ಉಳಿಯಲಿಲ್ಲ ರಹಸ್ಯಗಳನ್ನೆಲ್ಲ ...

  • 1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 2 months ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...


Editor's Wall

  • 12 March 2019
    1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 08 December 2018
    3 months ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    4 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    4 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    4 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...