Share

ಸಲಿಂಗಿಗಳ ಕಥೆಗೆ ನವಿರುತನ ಕೊಡುತ್ತ ಬೆಳಗುವ ಭಾಷೆ
ಅರ್ಪಣಾ ಹೆಚ್ ಎಸ್

 

 

ಸಲಿಂಗಿಗಳ ದೈಹಿಕ ಅಗತ್ಯಗಳು ಅರ್ಥವಾದಷ್ಟು ಸುಲಭವಾಗಿ ಅವರ ಭಾವನಾತ್ಮಾಕ ಅಗತ್ಯಗಳನ್ನು ಅರಿಯುವುದು ಸಾಧ್ಯವಿಲ್ಲ. ಹಾಗಾಗಿಯೇ ಸಲಿಂಗ ಕಾಮ ಹೆಚ್ಚು ಬಳಕೆಯಲ್ಲಿದೆಯೇ ಹೊರತು ಸಲಿಂಗ ಪ್ರೇಮ ಪದದ ಬಳಕೆ ಕಡಿಮೆ.

 

ನಿರ್ಭಾವುಕವಾಗಿ ಹೇಳುವುದಾದರೆ ಭಾಷೆ ನಮ್ಮ ಅಗತ್ಯಗಳಿಗಾಗಿ ರೂಪುಗೊಂಡದ್ದು ಅಷ್ಟೇ. ಹಾಗಾಗಿ, ಭಾಷೆ ಸಾಯುತ್ತದೆ ಎಂದರೆ ಅದರ ಅಗತ್ಯ ಕಡಿಮೆಯಾಗಿದೆ ಎಂದರ್ಥ. ಮೊದಲಲ್ಲಿ ನಮ್ಮ ಭಾಷೆ ಪ್ರಕೃತಿಗೆ ಹತ್ತಿರವಾಗಿತ್ತು, ಈಗ ವ್ಯವಹಾರಕ್ಕೆ ಹತ್ತಿರವಾಗಿದೆ. ಮೊದಲು ಪ್ರಕೃತಿಯ ಜೊತೆ ಸಂವಾದಿಸುತ್ತಿತ್ತು, ಈಗ ವ್ಯವಹಾರದ ಮಾತನಾಡುತ್ತದೆ.

ಆದರೆ, ಯಾವುದೇ ಭಾಷೆಯ ಸಾವನ್ನು ಅಷ್ಟು ನಿರ್ಭಾವುಕತೆಯಿಂದ ನೋಡಲು ಸಾಧ್ಯವೇ ಇಲ್ಲ. ಒಂದು ಭಾಷೆಯ ಜೊತೆ ಜೊತೆಗೆ ಹೆಣೆದುಕೊಂಡಿರುವ ನೂರಾರು ಅಂಶಗಳು ಅದನ್ನು ಅತ್ಯಂತ ಸಂಕೀರ್ಣ, ಪರಮ ಜೀವಂತ ವಸ್ತುವಾಗಿಸಿರುತ್ತದೆ. ಹೀಗಾಗಿಯೇ, “ಐ ಡ್ರೀಮ್ ಇನ್ ಅನದರ್ ಲಾಂಗ್ವೇಜ್” ಚಿತ್ರದಲ್ಲಿ ಝಿಕ್ರಿಲ್ ಭಾಷೆಗೆ ಉಪಶೀರ್ಷಿಕೆಗಳು ಇಲ್ಲವಾದಾಗ, ಅವರಾಡುವ ಮಾತು ಅರ್ಥವಾಗದೇ ಹೋಗುವಾಗ ಸಣ್ಣ ತಲ್ಲಣವಾಗುತ್ತದೆ. ಆದರೆ, ಅಲ್ಲಿ ಉಪಶೀರ್ಷಿಕೆ ಇರಲು ಸಾಧ್ಯವೂ ಇಲ್ಲ. ಏಕೆಂದರೆ ಸ್ಪಾನಿಷ್ ಭಾಷೆಯ ಈ ಚಿತ್ರದ ಆರಂಭದಲ್ಲಿ ಝಿಕ್ರಿಲ್ ಅರ್ಥಮಾಡಿಕೊಳ್ಳಬಲ್ಲ ಹಾಗೂ ಮಾತನಾಡಬಲ್ಲವರು ಜೀವಂತವಾಗಿ ಉಳಿದಿರುವವರು ಮೂವರಿರುತ್ತಾರೆ. ಸ್ವಲ್ಪ ನಿಮಿಷಗಳಲ್ಲೇ ಒಂದು ಕೊಂಡಿ ಕಳಚಿ ಇಬ್ಬರೇ ಉಳಿಯುತ್ತಾರೆ. ಇಡೀ ಭೂಮಿಯ ಮೇಲೆ ಝಿಕ್ರಿಲ್ ಬಲ್ಲವರು ಇಬ್ಬರೇ. ಇಸ್ಸಾರೋ ಮತ್ತು ಎವೆರೆಸ್ಟೋ. ವಯೋವೃದ್ಧರು. ಆದರೆ, ಆ ಇಬ್ಬರೂ ಪರಸ್ಪರ ಮಾತು ಬಿಟ್ಟು 50 ವರ್ಷ ಕಳೆದಿದೆ.

ಝಿಕ್ರಿಲ್ (ಚಿತ್ರಕ್ಕಾಗಿ ರೂಪಿಸಲಾದ ಕಾಲ್ಪನಿಕ ಭಾಷೆ) ನಿಸರ್ಗಕ್ಕೆ ಹತ್ತಿರವಾದ, ನಿಸರ್ಗಕ್ಕೆ ಅರ್ಥವಾಗುವ ಭಾಷೆ. ಆದರೆ, ಪ್ರಕೃತಿಯೊಂದಿಗೆ ಮಾತನಾಡುವುದನ್ನು ಮನುಷ್ಯ ಕಡಿಮೆ ಮಾಡಿದಂತೆ ನಿಧಾನವಾಗಿ ಸಾಯುತ್ತಾ ಬಂದಿದೆ. ಬದಲಾಗಿ ಮೆಕ್ಸಿಕೋದ ಕಾಡಿನ ನಡುವಿನ ಈ ಹಳ್ಳಿಯಲ್ಲಿ ಇಂಗ್ಲಿಷ್ ಕಲಿಸಲಾಗುತ್ತಿದೆ. ಅಮೆರಿಕಾಗೆ ಹೋಗಿ ಜೀವನ ನಡೆಸುವ ಕನಸಿರುವ ಯುವಜೀವಿಗಳಿಗಾಗಿ. 50 ವರ್ಷ ಮೊದಲು ಇದೇ ಹಳ್ಳಿಯಲ್ಲಿ ಝಿಕ್ರಿಲ್ ಮಾತ್ರ ಬರುವವರಿಗಾಗಿ ಸ್ಪಾನಿಷ್ ಕಲಿಸಲಾಗುತ್ತಿತ್ತು. ಜೀವನದ ಅಗತ್ಯಗಳು ಬದಲಾದಂತೆ ಭಾಷೆ ಕಲಿಕೆಯ ಅಗತ್ಯಗಳು ಬದಲಾಗುತ್ತವೆ.

ಝಿಕ್ರಿಲ್ ಭಾಷೆ ಅರಿಯಲು ಆ ಹಳ್ಳಿಗೆ ಕಾಲಿಟ್ಟ ಭಾಷಾ ತಜ್ಞನಿಗೆ 50 ವರ್ಷದ ಹಿಂದೆ ಸ್ನೇಹ ಮುರಿದುಕೊಂಡು ವೈರಿಗಳಾಗಿ ಮಾತು ಬಿಟ್ಟ ಹಳೆಯ ಪರಮಾಪ್ತ ಸ್ನೇಹಿತರನ್ನು ಒಂದು ಮಾಡಬೇಕಾದ ಅನಿವಾರ್ಯತೆ ಇದೆ. ತ್ರಿಕೋಣ ಪ್ರೇಮವೇ ಇಬ್ಬರ ನಡುವಿನ ದ್ವೇಷಕ್ಕೆ ಕಾರಣ ಎಂಬುದು ಮೇಲ್ನೋಟಕ್ಕೆ ಕಾಣುವ ಸತ್ಯವಾದರೂ, ಒಳ ಸಂಗತಿ ಬೇರೆಯೇ ಇದೆ. ಚಿತ್ರ, ಭಾಷೆಯ ಅಳಿವಿನ ಬಗ್ಗೆ ಮಾತನಾಡುತ್ತಾ ಮ್ಯಾಜಿಕಲ್ ರಿಯಲಿಸಂ ಅಂಶಗಳನ್ನು ಜೋಡಿಸುತ್ತಾ ಆಕರ್ಷಿಸುತ್ತದೆಯಾದರೂ ನನ್ನನ್ನು ಸೆಳೆದ ಮತ್ತೊಂದು ಪ್ರಮುಖ ಅಂಶ ಇಸ್ಸಾರೋ ಮತ್ತು ಎವರೆಸ್ಟೋ ನಡುವಿನ ಸಲಿಂಗ ಪ್ರೇಮವನ್ನು ನಿರೂಪಿಸಿರುವ ರೀತಿ.

ಸಲಿಂಗಿಗಳ ದೈಹಿಕ ಅಗತ್ಯಗಳು ಅರ್ಥವಾದಷ್ಟು ಸುಲಭವಾಗಿ ಅವರ ಭಾವನಾತ್ಮಾಕ ಅಗತ್ಯಗಳನ್ನು ಅರಿಯುವುದು ಸಾಧ್ಯವಿಲ್ಲ. ಹಾಗಾಗಿಯೇ ಸಲಿಂಗ ಕಾಮ ಹೆಚ್ಚು ಬಳಕೆಯಲ್ಲಿದೆಯೇ ಹೊರತು ಸಲಿಂಗ ಪ್ರೇಮ ಪದದ ಬಳಕೆ ಕಡಿಮೆ. ಇತ್ತೀಚೆಗೆ ಸಲಿಂಗಿಗಳ ಕುರಿತ ಹಲವಾರು ಚಿತ್ರಗಳು ಬರುತ್ತಿದ್ದರೂ ನನಗೆ ನಿರ್ದಿಷ್ಟವಾಗಿ ಈ ಕೊರತೆ ಎದ್ದು ಕಾಣುತ್ತದೆ. ತನ್ನ ಜೊತೆಗಾರ/ ಜೊತೆಗಾರ್ತಿಯ ಜೊತೆಗಿನ ದೈಹಿಕ ಆಕರ್ಷಣೆಯನ್ನು ಮೀರಿ ಅಲ್ಲಿ ಇತರ ಸಂಬಂಧಗಳಲ್ಲಿ ಇರುವಂತೆಯೇ ಇರಬಹುದಾದ ಭಾವನಾತ್ಮಕ ಪ್ರೇಮ ಸಂಬಂಧವನ್ನು ಸಶಕ್ತವಾಗಿ, ಮನಕ್ಕೆ ಒಪ್ಪಿತವಾಗುವ ರೀತಿಯಲ್ಲಿ, ಇತರರಿಗೆ ಕನೆಕ್ಟ್ ಆಗುವ ರೀತಿಯಲ್ಲಿ ಹೇಳಿರುವ ಚಿತ್ರಗಳು ತೀರಾ ಕಡಿಮೆ. ಹಾಗೆ ನೋಡಿದರೆ, ಈ ಚಿತ್ರ ಆ ಕುರಿತು ಏನೂ ಹೆಚ್ಚು ಮಾತನಾಡುವುದಿಲ್ಲ. ಆದರೂ, ಇಬ್ಬರು ಸ್ನೇಹಿತರ ನಡುವಿನ ಸಂಬಂಧದ ಅಗಾಧತೆಯನ್ನು, ಸಂಕೀರ್ಣತೆಯನ್ನು ತುಂಬಾ ಸೂಕ್ಷ್ಮವಾಗಿ ಹೇಳುತ್ತದೆ. ಇಸ್ಸಾರೋ ಮದುವೆಯಾಗದೇ ಒಂಟಿಯಾಗಿ ಉಳಿದದ್ದು ವಿಶೇಷವೆನಿಸುವುದಿಲ್ಲ. ಚಿತ್ರದ ಅಂತ್ಯವೂ ಅವರಿಬ್ಬರ ಒಪ್ಪಿಕೊಳ್ಳದ ಪ್ರೇಮ ಸಂಬಂಧಕ್ಕೆ ನವಿರುತನ ನೀಡುತ್ತದೆ.

“ಐ ಡ್ರೀಮ್ ಇನ್ ಅನದರ್ ಲಾಂಗ್ವೇಜ್” ಚಿತ್ರದ ಬಗ್ಗೆ ಏನೂ ಗೊತ್ತಿಲ್ಲದೆಯೇ ನೋಡುವ ಆಸೆ ಮೂಡಿದ್ದಕ್ಕೆ ಕಾರಣ ಅದರ ಕಾವ್ಯಾತ್ಮಕ ಶೀರ್ಷಿಕೆ. ಚಿತ್ರವೂ ಅಷ್ಟೇ ಕಾವ್ಯಾತ್ಮಕವಾಗಿದೆ. ನನ್ನ ಮಟ್ಟಿಗಂತೂ ಪರಿಸರದ ಧ್ವನಿಯನ್ನು ಅತ್ಯಂತ ಸಮರ್ಥವಾಗಿ ಬಳಸಿಕೊಂಡಿರುವ ಚಿತ್ರ ಇದು. ಛಾಯಾಗ್ರಹಣ ಮತ್ತು ಧ್ವನಿಮುದ್ರಣ ಚಿತ್ರದ ಅತ್ಯಂತ ದೊಡ್ಡ ಪ್ಲಸ್ ಪಾಯಿಂಟ್. ಮೆಕ್ಸಿಕೋದ ಕಾಡು, ಕಾಡಿನ ಕತ್ತಲು ಸಮುದ್ರ, ಝರಿ, ಮಳೆ, ಜೀರುಂಡೆಗಳು ಚಪ್ಪಟೆ ಚಿತ್ರವಾಗಿ ಮೂಡುವ ಬದಲು ಧ್ವನಿಗಳೊಂದಿಗೆ ಸೇರಿ ದೊಡ್ಡ ತೆರೆಯ ಮೇಲೆ ಅದೇ ಲೋಕವನ್ನೇ ಅನಾಮತ್ತಾಗಿ ಇಳಿಸಿಬಿಡುತ್ತವೆ.

ಚಿತ್ರದ ಒಂದು ದುರ್ಬಲತೆ ಎಂದರೆ ಬಹುತೇಕ ಪಾತ್ರಗಳಿಗೆ ಆಳ ವಿಸ್ತಾರ ಇಲ್ಲ. ಅತ್ಯಂತ ಮೇಲ್ಮಟ್ಟದಲ್ಲಿ ನಿರೂಪಿತಗೊಂಡಿವೆ. ಇಸ್ಸಾರೋ ಮತ್ತು ಎವೆರಸ್ಟೋ ಪಾತ್ರಗಳು ಮಾತ್ರ ಈ ದುರ್ಬಲತೆಯನ್ನೂ ಮೀರಿ ಆಪ್ತವೆನಿಸುತ್ತವೆ. ಉಳಿದವುಗಳು ಸುಮ್ಮನೆ ಸ್ಪರ್ಶಿಸಿ ಮುಂದೆ ಹೋಗುತ್ತವೆ. ಆಳವಾಗಿ ತಟ್ಟುವುದಿಲ್ಲ. ಆದರೂ,”ಐ ಡ್ರೀಮ್ ಇನ್ ಅನದರ್ ಲಾಂಗ್ವೇಜ್” ಕನಸಿನಂತಹ ಚಿತ್ರ. ನನ್ನ ಮಟ್ಟಿಗಂತೂ ಈ ಬಾರಿಯ ಬೆಂಗಳೂರು ಚಿತ್ರೋತ್ಸವದಲ್ಲಿ ಪ್ರದರ್ಶನ ಕಂಡ ಅತ್ಯುತ್ತಮ ಚಿತ್ರ.

ಅರ್ಪಣಾ ಹೆಚ್ ಎಸ್

arpanaಟಿವಿ ಮೀಡಿಯಾದಲ್ಲಿ ದಶಕದ ಅನುಭವ ಇರುವ ಪತ್ರಕರ್ತೆ. ಸದ್ಯ ಫ್ರೀಲ್ಯಾನ್ಸ್ ಅನುವಾದಕರಾಗಿ, ಕಂಠದಾನ ಕಲಾವಿದೆಯಾಗಿ ಹಾಗೂ ಬರಹಗಾರರಾಗಿ ತಮ್ಮ ಪ್ರೊಫೆಷನಲ್ ಬದುಕಿನಲ್ಲಿ ಮುಂದೆ ಸಾಗುತ್ತಿದ್ದಾರೆ. ಈಟಿವಿ ಕನ್ನಡ ವಾಹಿನಿಯಲ್ಲಿ ಬುಲೆಟಿನ್ ಪ್ರೊಡ್ಯೂಸರ್ ಆಗಿದ್ದವರು. ಕನ್ನಡಪ್ರಭ, ವಿಜಯವಾಣಿಯಲ್ಲಿ ಪ್ರಕಟವಾದ ಸಣ್ಣಕಥೆಗಳಿಗಾಗಿ ಹಲವು ಪ್ರಶಸ್ತಿ ಪಡೆದಿದ್ದಾರೆ. ಸರ್ಕಾರದ ಪ್ರಾಜೆಕ್ಟ್‌ಗಳಿಗೆ ಡಾಕ್ಯುಮೆಂಟರಿ ಫಿಲಂಗಳನ್ನೂ ಮಾಡಿದ ಅನುಭವ ಹೊಂದಿದ್ದಾರೆ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...