Share

ಕೃಷ್ಣ ಹಿಂದುಗಳಿಗೆ ಮಾತ್ರ ಸೇರಿದವನೇ?
ಉಷಾ ಕಟ್ಟೆಮನೆ ಕಾಲಂ

ಪ್ರಸ್ತಾಪ | prastapa

 

 

usha

ಡಿಕೆ ತೋಟಕ್ಕೆ ಮದ್ದು ಹೊಡೆಸಲೆಂದು ಧರ್ಮಸ್ಥಳ ಸಮೀಪವಿರುವ ನನ್ನ ಜಮೀನಿಗೆ ಮೊನ್ನೆ ಹೋಗಿದ್ದೆ. ಜಮೀನು ನೋಡಿಕೊಳ್ಳುತ್ತಿರುವ ಬೆಳ್ಯಪ್ಪಣ್ಣ ನನ್ನ ಕೈಗೊಂದು ಆಹ್ವಾನ ಪತ್ರಿಕೆಯನ್ನಿಟ್ಟರು. ಊರು ಅಂದಮೇಲೆ ಅಲ್ಲಿನ ದೈವ –ದೇವರು, ಭೂತ- ಕೋಲಗಳಿಗಾಗಿ ಊರಿನಲ್ಲಿ ವಂತಿಗೆ ಎತ್ತುವುದು ಸಾಮಾನ್ಯ. ಹೋದಾಗ ಅಂತಹ ಅಹ್ವಾನ ಪತ್ರಿಕೆ, ವಂತಿಗೆ ರಶೀದಿಗಳನ್ನು ನನ್ನ ಮುಂದಿಡುವುದು ವಾಡಿಕೆ.

ಹಾಗೆ ಅವರು ಕೊಟ್ಟ ಆಹ್ವಾನ ಪತ್ರಿಕೆ ಭಾನುವಾರ [ಅಗಸ್ಟ್ ೨೮] ಕೊಕ್ಕಡದಲ್ಲಿ ನಡೆಯಲಿರುವ  ‘೨ನೇ ವರ್ಷದ ಶ್ರೀಕೃಷ್ಣ ಜನ್ಮಾಷ್ಟಮಿ ಮತ್ತು ಮೊಸರು ಕುಡಿಕೆ ಉತ್ಸವ’ದ ಆಮಂತ್ರಣ ಪತ್ರಿಕೆಯಾಗಿತ್ತು. ಕಾರ್ಯಕ್ರಮದ ವಿವರಗಳನ್ನು ಓದಿ ಒಂದು ಕ್ಷಣ ದಂಗಾದೆ. ಅದರಲ್ಲಿ ಹೀಗೆ ಬರೆದಿತ್ತು: ‘ಕಾರ್ಯಕ್ರಮದಲ್ಲಿ ಹಿಂದುಗಳಿಗೆ ಮಾತ್ರ ಪ್ರವೇಶವಿರುವುದು.’ ಅದನ್ನು ಓದಿದವಳೇ ಕಾರ್ಯಕ್ರಮ ಆಯೋಜಿಸಿದವರು ಯಾರು ಅಂತ ಕುತೂಹಲದಿಂದ ಮೊದಲ ಪುಟ ತಿರುಗಿಸಿದೆ. ವಿಶ್ವ ಹಿಂದೂ ಪರಿಷತ್ ಕೊಕ್ಕಡ. ಭಜರಂಗದಳ ಕೊಕ್ಕಡ. ಹಿಂದೂ ಜಾಗರಣ ವೇದಿಕೆ ಮತ್ತು ಶ್ರೀಕೃಷ್ಣ ಜನ್ಮಾಷ್ಟಮಿ ಆಚರಣಾ ಸಮಿತಿ ಎಂಬ ನಾಲ್ಕು ಸಂಘಟನೆಗಳು ಜಂಟಿಯಾಗಿ ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದವು.

DSCN3909ಮೊಸರು ಕುಡಿಕೆ ಉತ್ಸವ ಯಾವಾಗಲೂ ಬಯಲಿನಲ್ಲಿಯೇ ನಡೆಯುವುದು. ಎತ್ತರದ ಜಾರುಕಂಬವನ್ನು ಒಳಾಂಗಣದಲ್ಲಿ ನೆಡಲಾಗುವುದಿಲ್ಲ. ಸಾರ್ವಜನಿಕವಾಗಿ ನಡೆಯುವ ಈ ಸಮಾರಂಭಕ್ಕೆ ಯಾರನ್ನಾದರೂ ಬರಬೇಡಿರೆಂದು ಕಾಗದದಲ್ಲಿಯೇ ಪ್ರಿಂಟ್ ಹಾಕಿಸುವುದೆಂದರೆ ಇವರ ತಲೆಯಲ್ಲಿ ತುಂಬಿರುವುದಾದರೂ ಏನು?

ಕೃಷ್ಣ ಎಂದರೆ ಕೇವಲ ಹಿಂದುಗಳಿಗೆ ಮಾತ್ರ ಸೇರಿದವನಲ್ಲ, ಆತ ಸಮಸ್ತ ಹಿಂದುಸ್ತಾನಕ್ಕೆ, ಅಷ್ಟೇಕೆ ಇಡೀ ದಕ್ಷಿಣ ಏಷ್ಯಾಕ್ಕೆ ಸೇರಿದವನು. ನಿಮಗೆ ಸಂಶಯವಿದ್ದರೆ ಯಕ್ಷಗಾನ ಕಲಾವಿದರನ್ನು, ಸೂಫಿ ಸಂತರನ್ನು, ಸಂಗೀತಗಾರರನ್ನು, ಚಿತ್ರಕಲಾವಿದರನ್ನು ಹೋಗಲಿ ಇವರ್ಯಾರೂ ಗೊತ್ತಿಲ್ಲದಿದಿದ್ದರೆ ನಮ್ಮ ಸಿನೆಮಾ ಕಲಾವಿದರನ್ನು ಕೇಳಿ ನೋಡಿ, ಅವರೆಲ್ಲರೂ ಕೃಷ್ಣ ನಮ್ಮವನು, ಮಹಾಭಾರತ, ರಾಮಾಯಾಣಗಳು ಈ ನೆಲಕ್ಕೆ ಸೇರಿದ್ದು, ನಾವು ಈ ನೆಲದವರು, ಹಾಗಾಗಿ ಇದು ನಮ್ಮದು ಎನ್ನುತ್ತಾರೆ. ಅದು ನಮಗೆ ಮನವರಿಕೆಯಾಗಬೇಕು, ಅದನ್ನು ಗೌರವಿಸಬೇಕು. ಎಲ್ಲೋ ಒಬ್ಬಿಬ್ಬರು ಇದಕ್ಕೆ ವ್ಯತಿರಿಕ್ತವಾಗಿ ನುಡಿಯಬಹುದು. ಅವರು ಈ ಮಣ್ಣಿಗೆ ಸೇರಿದವರಲ್ಲ ಬಿಡಿ. ಅಂತವರು ಹಿಂದೆಯೂ ಇದ್ದರು. ಈಗಲೂ ಇದ್ದಾರೆ. ಮುಂದೆಯೂ ಇರುತ್ತಾರೆ. ಅವರನ್ನು ಹತ್ತಿಕ್ಕುವ ಶಕ್ತಿಗಳು ಎಲ್ಲಾ ಕಾಲದಲ್ಲಿಯೂ ಇರುತ್ತವೆ. ಇದನ್ನು ಎಲ್ಲಾ ಮತ ಧರ್ಮದ ಹಿರಿಯ ಮುಖಂಡರು ಕಿರಿಯರಿಗೆ ತಿಳಿಸಿ ಹೇಳಬೇಕು. ಹಿಂದೆಲ್ಲಾ ಜಾತ್ರೆ, ಉತ್ಸವಗಳನ್ನು ಊರಿನ ಎಲ್ಲರೂ ಜಾತಿ ಮತ ಭೇದವಿಲ್ಲದೆ ನಡೆಸುತ್ತಿರಲಿಲ್ಲವೇ? ಈಗೇಕೆ ಹೀಗಾಯ್ತು?

ಅಸ್ತಮಿಸಂಘಟನೆಯೀಗ ಎರಡು ವರ್ಷದ ಶಿಶು ಅಲ್ಲವೇ? ಮುಂದಿನ ವರ್ಷ ತಿದ್ದಿಕೊಳ್ಳಬಹುದೆಂದು ಆಶಾವಾದಿಯಾಗುತ್ತಾ ಅದಕ್ಕೆ ಹೆಚ್ಚಿನ ಮಹತ್ವ ಕೊಡದೆ ಆ ಆಹ್ವಾನ ಪತ್ರಿಕೆಯನ್ನು ಅಲ್ಲೇ ಬೆಂಚಿನ ಮೇಲೆ ಇಟ್ಟೆ. ಮಳೆಗಾಲ ಅಲ್ವಾ, ಮಳೆ ಜೋರಾಗಿ ಹೊಡೆದರೆ ಓದಲೆಂದು ಪುಸ್ತಕ ಜತೆಯಲ್ಲಿ ಕೊಂಡೊಯ್ಯುವುದು ನನ್ನ ಅಭ್ಯಾಸ. ಮಳೆ ಬರುತ್ತಲಿತ್ತು. ರವೀಂದ್ರನಾಥ ಠಾಕೂರರ ‘ಮುಕ್ತಧಾರ’ ನಾಟಕ ಓದುತ್ತಿದ್ದವಳು ಮಳೆ ನಿಂತಾಗ ಪುಟದ ಗುರುತಿಗೆಂದು ಈ ಆಹ್ವಾನ ಪತ್ರಿಕೆಯನ್ನು ಪುಸ್ತಕದೊಳಗಿಟ್ಟಿದ್ದೆ. ಹಾಗಾಗಿ ಅದು ನನ್ನೊಡನೆ ಬೆಂಗಳೂರಿಗೆ ಬಂತು. ಇಷ್ಟೇ ಆಗಿದ್ದರೆ ನಾನೀ ಲೇಖನ ಬರೆಯುತ್ತಿರಲಿಲ್ಲ. ಹೆಚ್ಚೆಂದರೆ ಒಂದು ಫೇಸ್ಬುಕ್ ಸ್ಟೇಟಸ್ ಮಾಡುತ್ತಿದ್ದೆ. ಆದರೆ ಇಂದು ಬೆಳಗ್ಗೆ ಒಂದು ಘಟನೆ ನಡೆಯಿತು.

ನಾನು ಮಲಗುವ ಹಾಸಿಗೆ ಹಳತಾಗಿತ್ತು. ಅದರ ಕವರಿನ ಬಣ್ಣ ಮಾಸಿತ್ತು. ಅದನ್ನು ಬದಲಾಯಿಸಬೇಕು ಅಂತ ತಿಂಗಳುಗಳಿಂದ ಯೋಚಿಸುತ್ತಿದ್ದೆ. ನನ್ನ ಯಮ ಉದಾಸೀನದ ಕಾರಣದಿಂದಾಗಿ ಮುಂದಕ್ಕೆ ಹೋಗುತ್ತಲೇ ಇತ್ತು. ನಿನ್ನೆ ಬೆಳಗ್ಗೆ ಊರಿಂದ ಬಂದವಳೇ ಪೇಪರ್ ಗುಡ್ಡೆ ಹಾಕಿಕೊಂಡು ಕಣ್ಣಾಡಿಸುತ್ತಲಿದ್ದೆ. ಆಗ ರೋಡಿನಲ್ಲಿ ‘ಹಾಸಿಗೆ ರಿಪೇರಿ…ಹಾಸಿಗೆ ರಿಪೇರಿ’ ಅಂತ ಕೂಗು ಕೇಳಿಸಿ ಅವರನ್ನು ಕರೆದು ಹಾಸಿಗೆಯನ್ನು ಅವರ ಮುಂದಿಟ್ಟೆ. ಅವರದಕ್ಕೆ ಹೊಸ ರೂಪ ಕೊಡುವುದನ್ನು ಗಮನಿಸುತ್ತಾ ಪೇಪರುಗಳನ್ನು ತಿರುವಿ ಹಾಕುತ್ತಲಿದ್ದೆ. ಅವರು ‘ನಿಮ್ದು ಯಾವೂರು ಅಕ್ಕಾ’ ಅಂತ ಕೇಳಿದರು. ನಾನು ‘ಕುಕ್ಕೆ ಸುಬ್ರಹ್ಮಣ್ಯ’ ಅಂದೆ. ಅವರು ಖುಷಿಯಾಗಿ ‘ನಾನು ಕುಕ್ಕೆಗೆ ಹೋಗಿದ್ದೇನೆ. ಸಮುದ್ರದ ಬದಿಯಲ್ಲಿ ದೊಡ್ಡ ಶಿವನ ದೇವಸ್ಥಾನ ಉಂಟಲ್ಲಾ, ಮುರ್ಡೇಶ್ವರದಲ್ಲಿ. ಅಲ್ಲಿಗೂ ಹೋಗಿದ್ದೇನೆ. ಉತ್ತರಕನ್ನಡ ಮತ್ತು ದಕ್ಷಣ ಕನ್ನಡ ನೋಡ್ಲಿಕ್ಕೆ ತುಂಬಾ ಚಂದ. ಅಲ್ಲೆಲ್ಲಾ ತುಂಬಾ ಓಡಾಡಿದ್ದೇನೆ. ದೇವರೆಲ್ಲಾ ಒಂದೇ ಅಲ್ವಾ?’ ಎಂದರು. ನನಗೆ ನೀವು ಮುಸ್ಲಿಮರಾ? ಎಂದು ಕೇಳಲು ಸಂಕೋಚವಾಗಿ ‘ನಿಮ್ಮ ಹೆಸರೇನು?’ ಅಂದೆ. ಅವರು ‘ನನ್ನ ಹೆಸರು ಪಕ್ರುದ್ದೀನ್. ನಾವು ಮುಸ್ಲಿಮರು’ ಅಂದರು. ತಕ್ಷಣ ನನಗೆ ಊರಲ್ಲಿ ಕಂಡ ಆಹ್ವಾನ ಪತ್ರಿಕೆಯ ನೆನಪಾಯ್ತು. ನನ್ನ ಬ್ಯಾಗ್ ತಡವಿ ಅದನ್ನು ತಂದು ಅವರಿಗೆ ತೋರಿಸಿ ‘ಹಿಂದುಗಳಿಗೆ ಮಾತ್ರ ಪ್ರವೇಶವಿರುವುದು’ ಎಂಬುದನ್ನು ಓದಿ ಹೇಳಿದೆ. ಆಗ ಪಕ್ಕದಲ್ಲಿದ್ದ ಪಕ್ರುದ್ದಿನ್ ಸಹಾಯಕ ಹೇಳಿದ್ರು, ‘ಇದೆಲ್ಲಾ ಭಜರಂಗದವರ ಕೆಲಸ. ನಮ್ಮೆಲ್ಲರ ಮಧ್ಯೆ ಒಡಕು ಮೂಡಿಸುವುದೇ ಅವರ ಕೆಲಸ’ ಎನ್ನುತ್ತಾ ತುಂಬಾ ಸಂಯಮದಿಂದಲೇ ಮಾತಾಡಿದ್ರು. ಇದೇ ಮಾತನ್ನು ನನ್ನ ಅಡಿಕೆ ತೋಟಕ್ಕೆ ಮದ್ದು ಬಿಡುವವರ ತಂಡವೂ ಹೇಳಿತ್ತು.

ಇದನ್ನು ಬರೆಯುತ್ತಿರುವಾಗ ಕನ್ನಡದ ಸುದ್ದಿ ಚಾನಲ್ ಒಂದರಲ್ಲಿ ಚಿಕ್ಕಮಗಳೂರಿನ ಹಳ್ಳಿಯೊಂದರಲ್ಲಿ ಮುಳ್ಳುಕಂಟಿಗಳ ನಡುವೆ ಜೀವ ಹಿಡಿದುಕೊಂಡು ಒದ್ದಾಡುತ್ತಿದ್ದ ನವಜಾತ ಶಿಶುವೊಂದನ್ನು ಮಕ್ಕಳಿಲ್ಲದ ಮುಸ್ಲಿಂ ದಂಪತಿಯೊಂದು ಅಕ್ಕರೆಯಿಂದ ಎತ್ತಿಕೊಂಡು ಸಾಕುತ್ತಿರುವ ವಿಷ್ಯದ ಬಗ್ಗೆ ಚರ್ಚೆ ನಡೆಯುತ್ತಿತ್ತು. ಎರಡು ತಿಂಗಳಿಂದ ಕಣ್ಣು ಮುಚ್ಚಿಕೊಂಡು ಕುಳಿತಿದ್ದ ಸರಕಾರದ ಸಮಾಜ ಕಲ್ಯಾಣ ಇಲಾಖೆ ಈಗ ಮಗುವನ್ನು ತನ್ನ ಸುಪರ್ದಿಗೆ ತೆಗೆದುಕೊಳ್ಳಲು ಮುಂದಾಗಿದೆ. ಆ ತಾಯಿ ಮರಣಶಯ್ಯೆಯಲ್ಲಿದ್ದ ಆ ಮಗುವನ್ನು ನೋಡಿ ಎದೆಗೊತ್ತಿಕೊಂಡು ಆಸ್ಪತ್ರೆಗೆ ಧಾವಿಸಿ ಅದಕ್ಕೆ ಸಕಾಲದಲ್ಲಿ ಚಿಕಿತ್ಸೆ ಕೊಡಿಸದಿದ್ದರೆ ಅದು ನರಿ ನಾಯಿ ಪಾಲಾಗುತ್ತಿತ್ತು. ಇಲ್ಲಿ ಆಕೆ ತೋರಿಸಿದ ಮಾನವೀಯ ಸ್ಪಂದನೆಗೆ ಜಾತಿ ಮತದ ಸೋಂಕಿತ್ತೆ? ಈ ಕಾರ್ಯಕ್ರಮದಲ್ಲಿ ಫೋನ್ ಇನ್ ಇತ್ತು. ವೀಕ್ಷಕರೂ ಕೂಡಾ ಆ ಮುಸ್ಲಿಂ ಮಹಿಳೆಯ ಪರವಾಗಿ ನಿಂತು, ‘ಮಗುವನ್ನು ಆಕೆಯೇ ಸಾಕಿಕೊಳ್ಳಲಿ’ ಎಂದರು. ಆ ಮಹಿಳೆ ಕೂಡಾ ಮುಂದೆಂದಾದರೂ ಒಂದು ದಿನ ಈ ಮಗುವಿನ ನಿಜವಾದ ತಾಯಿ ಬಂದು ಮಗುವನ್ನು ಕೇಳಿದರೆ ಕೊಡುವುದಾಗಿ ಹೇಳಿದರು. ಇದಲ್ಲವೇ ಅಂತಃಕರಣ?

———-

usha2ಉಷಾ ಕಟ್ಟೆಮನೆ, ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ.

Share

One Comment For "ಕೃಷ್ಣ ಹಿಂದುಗಳಿಗೆ ಮಾತ್ರ ಸೇರಿದವನೇ?
ಉಷಾ ಕಟ್ಟೆಮನೆ ಕಾಲಂ
"

  1. ವಿಮಲಾ ನಾವಡ
    28th August 2016

    ಓದಿ ಮನಸ್ಸು ತುಂಬಿ ಬಂತು.ಇದನ್ನೆಲ್ಲ ಹತಾಶರಾಗಿನೋಡಬೇಕಾಗಿ ಬಂದಿರುವುದು ನಮ್ಮದುರಂತ,ಅಸಹಾಯಕತೆ.

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...