Share

ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

 

 

 

 

 

 

 

 

 

 

ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.

 

ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ಫೋಟೋಗಳನ್ನು ಇನ್ಮುಂದೆ ಇಲ್ಲಿ ತಂದು ಹಾಕ್ಬೇಡಿ. ಈ ವೇದಿಕೆ, ಪ್ರಶಸ್ತಿ, ಪುರಸ್ಕಾರ, ಶಾಲು, ಸನ್ಮಾನಗಳ ಬಗ್ಗೆ ನನಗೆ ಅಂಥ ಒಲವಿಲ್ಲ’ ಇನ್ನು ಮುಂತಾಗಿ. ಹೌದು. ಮಾತಾಡುವ ಮುನ್ನ ಹತ್ತು ಸಲ ಯೋಚಿಸಬೇಕು. ಮಾತೆಂಬುದು ಇಬ್ಬಾಯಿಯ ಅಲಗು. ಕ್ರಿಯೆಗೆ ತಕ್ಕ ಪ್ರತಿಕ್ರಿಯೆ ಇದ್ದೇ ಇರುತ್ತದೆನ್ನುವ ನ್ಯೂಟನ್ನನ ನಿಯಮದಂತೆ ಯಾರನ್ನಾದರೂ ಮಾತಿನಲ್ಲಿ ತಿವಿದು ನೋಯಿಸುವಾಗ ಅದರ ಇನ್ನೊಂದು ಮೊನೆ ನಮ್ಮನ್ನೂ ಇರಿದು ದುಪ್ಪಟ್ಟು ನೋಯಿಸುತ್ತದೆ. ಹೀಗೆ ಕವಿಯನ್ನು ಹೀಗೆ ನೋಯಿಸಬೇಕಾಗಿ ಬಂದಿದ್ದಕ್ಕಾಗಿ ನಾನು ನೋಯುತ್ತಲಿದ್ದೆ.

ಕೆಲವರು ತಾವು ಕವಿಗೋಷ್ಠಿಗೆ ಆಯ್ಕೆಯಾದರೆ, ವೇದಿಕೆ ಒದಗಿದರೆ, ತಮ್ಮ ಕುರಿತು ಪತ್ರಿಕೆಯಲ್ಲಿ ಪ್ರಕಟವಾದರೆ, ತಮಗೆ ಯಾರೋ ಬಹುಮಾನ ಕೊಟ್ಟರೆ, ಸನ್ಮಾನಿಸಿದರೆ, ತಮಗೊಂದು ಪ್ರಶಸ್ತಿ ಬಂದರೆ ಅಂಥ ಕಾರ್ಯಕ್ರಮಗಳಿಗೆ ಸಂಬಂಧಪಟ್ಟ ಫೋಟೋ, ಬರಹಗಳನ್ನು ತಂದು ನನ್ನ ಇನ್ಬಾಕ್ಸಿಗೆ ಸುರಿದು ನನ್ನಿಂದ ಅಭಿನಂದನೆ, ಶುಭಾಶಯ ಇತ್ಯಾದಿ ನಿರೀಕ್ಷಿಸುವುದಿದೆ. ಅವರ ಪ್ರಕಟಿತ ಬರಹಗಳನ್ನು ಇನ್ಬಾಕ್ಸಿಗೆ ಹಾಕಿದರೆ ಪುರುಸೊತ್ತಾದಾಗ ಕೂತು ಓದುತ್ತೇನೆ. ಆದರೆ ಸಾಧನೆಯ ಬಹುಪರಾಕುಗಳನ್ನು ಓದುವುದು ಮಹಾ ಕಿರಿಕಿರಿ. ಆನಂತರ ಹೊಗಳಿ, ಸ್ತುತಿಸಿ ಪ್ರತಿಕ್ರಿಯಿಸುವುದು ಮತ್ತೂ ಕಿರಿಕಿರಿ. ಇದಕ್ಕೆ ದೊಡ್ಡ ದೊಡ್ಡ ಕವಿ, ಸಾಹಿತಿಗಳೂ ಹೊರತಲ್ಲ. ಅವರ ಪ್ರಚಾರದ ಬಯಕೆಗಳು ಇನ್ನೂ ತಣಿಯಲಿಲ್ಲವಲ್ಲಾ ಎನಿಸುವಾಗ ದಟ್ಟ ವಿಷಾದ ಆವರಿಸುತ್ತದೆ.

ಹೀಗೆ ತಮ್ಮ ಬಿರುದು ಬಾವಲಿಗಳನ್ನು ನನ್ನ ಇನ್ಬಾಕ್ಸಿಗೆ ಹಾಕುವವರಲ್ಲಿ ಎರಡು ರೀತಿಯ ಭಾವಗಳನ್ನು ಗುರುತಿಸಿದ್ದೇನೆ. ಮೊದಲಿನದು ತಮ್ಮ ಖುಷಿಯನ್ನು ನನ್ನೊಂದಿಗೆ ಹಂಚಿಕೊಳ್ಳಲು ಬಯಸುವುದು; ಎರಡನೆಯದು ‘ನೋಡು ನಾನು ಏನೆಲ್ಲ ಸಾಧಿಸಿಬಿಟ್ಟೆ. ನೀನೂ ಇದ್ದೀಯ ನಾಲಾಯಕ್. ಇಗೋ ನೋಡು ನಾಚಿಕೆ ಪಟ್ಟುಕೋ. ನೀನೆಲ್ಲಿದ್ದೀಯಾ ನಾನೆಲ್ಲಿದ್ದೇನೆ ನೋಡಿಕೋ’ ಎನ್ನುವುದು.

ಈ ಮೊದಲಿನದಿದೆಯಲ್ಲ ಅವರಿಗೆ ನಾನು ಎಷ್ಟು ಬೇಗ ನೋಡಿ ಏನು ಪ್ರಶಂಸೆ, ಪ್ರತಿಕ್ರಿಯೆ ಕೊಡುತ್ತೇನೆ ಎನ್ನುವ ಕಾತರ. ಇದಾದ ನಂತರವೂ ಇನ್ನಷ್ಟು ಮತ್ತಷ್ಟು ನನ್ನೊಂದಿಗೆ ತಮ್ಮ ಕುರಿತು ಹಂಚಿಕೊಳ್ಳುತ್ತಲೇ ಹೋಗುವ ಹುಕಿ. ಸದಾ ‘ನನ್ನ ಮರ್ಜಿಯ ಮಾಲ್ಕಿನ್’ ಆಗಿರುವ ನನಗೆ ಇಂಥ ವಿಷಯಗಳಲ್ಲಿ ಇನ್ನೊಬ್ಬರಿಗಾಗಿ ಒಂದು ಅಭಿನಂದನೆಗಿಂತ ಹೆಚ್ಚು ಸಮಯ ವ್ಯಯಿಸಲು ಸುತಾರಾಂ ಇಷ್ಟವಿರೋದಿಲ್ಲ.

ಈ ಎರಡನೆಯವರಿಗೆ ನನ್ನಿಂದ ಅಭಿನಂದನೆ ಸ್ವೀಕರಿಸುವಾಗ ಅದೇನು ದಿಗ್ವಿಜಯದ ಖದರು ಅಂತೀರಿ!

ಈಗ ದೊಡ್ಡ ಕವಿ ಸಾಹಿತಿ ಎಂದು ಲೇಬಲ್ ಅಂಟಿಸಿಕೊಂಡ ಕೆಲವರು ಅಂದು ಲಂಕೇಶ್ ಮೇಷ್ಟ್ರಿಂದ ಹೊಗಳಿಸಿಕೊಳ್ಳಲು ಬಹಳ ಕಸರತ್ತು ಮಾಡುತ್ತಿದ್ದರಂತೆ. ಈಗಲೂ ಬಹಳ ದೊಡ್ಡ ದೊಡ್ಡ ಹೆಸರಿನವರೂ ಎಚ್. ಎಸ್. ಶಿವಪ್ರಕಾಶ್ ಅವರಂತಹ ಕವಿಗಳಿಂದ ಹೊಗಳಿಸಿಕೊಳ್ಳಲು ನಾನಾ ಕಸರತ್ತು ಮಾಡುವುದನ್ನು ಕಾಣುತ್ತೇನೆ. ಆ ಕಾಲದಲ್ಲಿ ಲಂಕೇಶ್ ಅವರಿಂದ ಬೆನ್ನು ತಟ್ಟಿಸಿಕೊಂಡ ಕೆಲವರು ಇವತ್ತಿಗೂ ಅದೇ ಕಾರಣಕ್ಕೆ ಗಣ್ಯರಾಗಿಬಿಟ್ಟದ್ದು ನೋಡುವಾಗ ಒಂದೆರಡು ಮಾತು ಈ ಕುರಿತು ಚರ್ಚಿಸಲೇಬೇಕೆನಿಸುತ್ತದೆ.

ಲಂಕೇಶ್ ಇಂಥವರನ್ನು ಅದೇಕೆ ಹೊಗಳಿದರು? ಎನ್ನುವುದು ಆ ಚರ್ಚೆಯಲ್ಲಿನ ಮೊದಲ ಪ್ರಶ್ನೆ. ಇಂಥವರನ್ನು ಭೇಷ್ ಎಂದ ಕಾರಣಕ್ಕಾಗಿ ಲಂಕೇಶ್ ಮೇಷ್ಟ್ರನ್ನು ಅನುಮಾನಿಸುವ ಮುನ್ನ ನಾವು ಒಂದು ಸಂಗತಿ ಯೋಚಿಸಬೇಕು. ಲಂಕೇಶ್ ಇದ್ದ ಕಾಲಕ್ಕೆ ಇವರೆಲ್ಲ ಯುವಕರಾಗಿದ್ದರು. ಆಗಲೇ ಚೆನ್ನಾಗಿ ಬರೆಯತೊಡಗಿದ ಕೆಲವರನ್ನು ಮೇಷ್ಟ್ರು ನಾಳಿನ ಭರವಸೆಯ ಕವಿ/ಲೇಖಕ ಆಗಬಲ್ಲ ಎನ್ನುವ ಆಶಯದಡಿ ಬೆನ್ನು ತಟ್ಟಿದ್ದಿರಬಹುದು. ಆದರೆ ಹೀಗೆ ಬೆನ್ನು ತಟ್ಟಿಸಿಕೊಂಡವರು ಅದೆಷ್ಟು ಬೆಳೆದರು? ಇನ್ನೂ ಅದೇಕೆ ನವ್ಯದ ಚುಂಗು ಹಿಡಿದು ಜೋತಾಡುತ್ತಾ ಲಂಕೇಶ್ ಅವರಿಂದ ಹೊಗಳಿಸಿಕೊಂಡ ಪ್ರಶಸ್ತಿಯನ್ನೇ ಕಿರೀಟದಂತೆ ಮುಡಿದುಕೊಂಡು ಅಲ್ಲೇ ಉಳಿದುಬಿಟ್ಟರು?

ಲಂಕೇಶ್ ಅವರ ಹೆಸರೆತ್ತಿದರೆ ಉರಿದುಬೀಳುವ ಕೆಲವರೂ ಅವರಿಂದ ಪ್ರಶಂಸಿಸಿಕೊಂಡದ್ದನ್ನು ಹೊತ್ತು ಮೆರೆಯುವಾಗ, ಹಾಗೆ ಹೊತ್ತು ಮೆರೆಯುತ್ತಲೇ ಅವರ ವಿಚಾರಗಳನ್ನು ಕಡೆಗಣಿಸಿ ‘ಅವರೇ ನಮ್ಮನ್ನು ಹೊಗಳಿದ್ದರೆಂದ ಮೇಲೆ ನಮ್ಮನ್ನು ಹಿಡಿಯುವವರಾರು’ ಎಂದು ಬೀಗುವಾಗ ಅವರ ಬೌದ್ಧಿಕ ಅಧಃಪತನ ಕಂಡು ಹೇಸುತ್ತದೆ ಮನಸ್ಸು.

ಈ ಅಧಿಕಾರ, ವೇದಿಕೆ ಇತ್ಯಾದಿಗಳ ವ್ಯಾಮೋಹದಲ್ಲಿ ಮನುಷ್ಯ ಯಾವ ಮಟ್ಟದ ನೈಚ್ಯಾನುಸಂಧಾನಗಳಿಗೆ ಇಳಿಯುತ್ತಾನೆಂದು ಕಂಡ ಮೇಲಷ್ಟೇ ಬರವಣಿಗೆಯ ಕ್ಷೇತ್ರಕ್ಕೆ ಬಂದ ನನಗೆ ಯಾವ ವೇದಿಕೆ, ಶಾಲು, ಸನ್ಮಾನ, ಹೊಗಳಿಕೆ, ಬಿರುದು ಬಾವಲಿಗಳೂ ಖುಷಿಕೊಡುವುದಿಲ್ಲ. ಹಾಂ. ತೀರ ಹೃದಯಕ್ಕೆ ಹತ್ತಿರವಾದವರು ನನ್ನ ಬರಹದ ಒಳ್ಳೆಯದು, ಕೆಟ್ಟದ್ದರ ಬಗ್ಗೆ ಮಾತಾಡುವಾಗ ಖುಷಿಯಾಗುತ್ತದೆ, ಇಲ್ಲವೆಂದಲ್ಲ. ಆದರೆ ಅವರೂ ಅಗತ್ಯಕ್ಕಿಂತ ಹೆಚ್ಚು ಹೊಗಳಿದಾಗ ಉರಿದುಬೀಳುತ್ತೇನೆ.

ಜನ ಯಾವು ಯಾವುದಕ್ಕೋ ಫೇಮಸ್ ಆಗಿಬಿಡುತ್ತಾರೆ. ಇತ್ತೀಚೆ ಅಶೋಕ ಶೆಟ್ಟರ್ ಅವರು ‘ನೀವು ಕಾರ್ಯಕ್ರಮಕ್ಕೆ ಬರುವುದಿಲ್ಲ ಅಂಥ ಫೇಮಸ್ ಆಗಿದ್ದೀರಲ್ಲ’ ಅಂದಾಗ ಗಟ್ಟಿಯಾಗಿ ನಕ್ಕುಬಿಟ್ಟೆ. ಈ ವೇದಿಕೆ ಹತ್ತುವುದಿದೆಯಲ್ಲ ಅದರ ಉದ್ದೇಶ ಕೇವಲ ವಿಚಾರವನ್ನು ದಾಟಿಸುವುದಕ್ಕಾದರೆ ಅದಕ್ಕೆ ನನ್ನ ಬೇಷರತ್ ಬೆಂಬಲವಿದೆ. ಅಂಥಲ್ಲಿ ನನಗೆ ಉಪನ್ಯಾಸ, ಕವಿತೆ, ಭಾಷಣ ಆಲಿಸಲು ನಿಜಕ್ಕೂ ಖುಷಿಯಿದೆ. ಬಾಕಿ ಪೈಪೋಟಿಯಿಂದಲೋ ಕುತಂತ್ರಗಾರಿಕೆಗಳಿಂದಲೋ ವೇದಿಕೆ ಹಿಡಿದು ಬೀಗುವುದಾದರೆ ಅದು ಬಾಲಿಶ ನಡೆಯಷ್ಟೇ. ಅಂಥಲ್ಲಿಂದ ನಾನು ಬಹಳ ದೂರ.

ನನ್ನ ಪುಸ್ತಕ ಬಂದಾಗ ಒಬ್ಬಾಕೆ ತಾನೇ ಮುಂದಾಗಿ ನನ್ನ ಸಂಕಲನದ ಐದು ಪ್ರತಿ ತರಿಸಿಕೊಂಡು ನನ್ನ ಪುಸ್ತಕ ಬಿಡುಗಡೆ ಮಾಡ್ತೇನೆ ಎಂದರು. ಅದಾಗಲೇ ಹಲವರು ನನ್ನ ಪುಸ್ತಕವನ್ನು ತಾವೇ ಫೇಸ್ಬುಕ್ಕಲ್ಲಿ ಬಿಡುಗಡೆ ಮಾಡಿದ್ದರಿಂದ ಇದೂ ಹಾಗೆಯೇ ಇರಬಹುದೆನಿಸಿತ್ತು. ಚುನಾವಣೆಯ ನಂತರ ನಮ್ಮೂರಲ್ಲಿ ಬಿಡುಗಡೆ ಕಾರ್ಯಕ್ರಮ ನೀವು ಬರುತ್ತೀರಲ್ಲ ಎಂದಾಗ, ನಾನು ಬರುವುದಿಲ್ಲ ಜಾನೂ ಮತ್ತು ನೀಲಿ ಹಕ್ಕಿಮರಿಗಳಿವೆಯಲ್ಲ. ತುತ್ತುಣಿಸಬೇಕು ಎಂದಿದ್ದೆ.

ಚುನಾವಣೆ ಕಳೆದ ಮೇಲೆ, ಕಾರ್ಯಕ್ರಮ ನಿಗದಿಯಾಯಿತೆಂದು ಹಿರಿಯ ಸಾಹಿತಿಗಳೊಬ್ಬರು ತಿಳಿಸಿ ಪ್ರಕಾಶಕರಿಂದ ಪುಸ್ತಕ ತರಿಸಿಕೊಂಡಾಕೆ ನಿಮ್ಮನ್ನು ಆಹ್ವಾನಿಸುತ್ತಾರೆ. ಬರದಿರಬೇಡಿ ಅಂದಿದ್ದರು. ಆದರೆ ಆಕೆ ಒಂದು ದಿನ ಫೋನಲ್ಲಿ ‘ಎಂತ ಗೊತ್ತಾ? ನಾನು ನಿಮ್ಮ ಪುಸ್ತಕ ಬಿಡುಗಡೆ ಮಾಡ್ತಿರೋದಕ್ಕೆ ತುಂಬ ಜನ ತಗಾದೆ ತೆಗ್ದಿದಾರೆ. ಅವರದ್ದೇ ಯಾಕೆ ಮಾಡಬೇಕು? ಬೇರೆಯವರದ್ದೂ ಮಾಡ್ತೀರಾ ಎಂದೆಲ್ಲ ಕೇಳ್ತಿದಾರೆ’ ಎಂದರು, ಆ ಮಾತು ನನ್ನ ಮೇಲೆ ಯಾವ ಪರಿಣಾಮ ಬೀರಬಹುದು ಎಂಬ ಸಣ್ಣ ಲೋಚನೆಯೂ ಇಲ್ಲದೆ. ಅದಕ್ಕೆ ನಾನು ‘ಅಯ್ಯೋ ಹಾಗಾದ್ರೆ ಅಂಥ ಕಾರ್ಯಕ್ರಮ ಯಾಕೆ ಮಾಡ್ತೀರಿ?’ ಅಂದೆ. ಅದಕ್ಕೆ ಆಕೆ ‘ಇಲ್ಲ ಈಗಾಗ್ಲೇ ಕಾರ್ಯಕ್ರಮ ನಿಗದಿಯಾಗಿದೆ. ಬದಲಿಸುವಂತಿಲ್ಲ. ಅದಕ್ಕೇ ನಾನು ಬೇರೊಂದು ಉಪಾಯ ಮಾಡಿದೀನಿ. ಇತ್ತೀಚೆ ಬರೆಯುತ್ತಿರುವ ಇನ್ನೂ ಐದು ಕವಯತ್ರಿಯರ ಕವಿತೆ ತರಿಸಿಕೊಂಡಿದೀನಿ ಎಲ್ಲರ ಕವಿತೆಯ ಕುರಿತು ಚರ್ಚೆಯಾಗಲಿ’ ಎಂದರು. ನಾನು, ‘ನೀವು ಇತರ ಕವಯತ್ರಿಯರನ್ನು ಸೇರಿಸಿದ್ದು ಬಹಳ ಒಳ್ಳೆಯದಾಯ್ತು. ನನ್ನ ಹೆಸರನ್ನು ಸಾಧ್ಯವಿದ್ದರೆ ಬಿಟ್ಟುಬಿಡಿ’ ಎಂದೆ. ನನ್ನ ತಲೆಯ ಮೇಲೆ ಹೊರಲಾರದಷ್ಟು ಭಾರವಾದ ಮೂಟೆಯನ್ನೆತ್ತಿ ಕುಕ್ಕಿದಂತಾಗಿತ್ತು. ನೀವು ತರಿಸಿಕೊಂಡ ನನ್ನ ಐದು ಪುಸ್ತಕದ ಹಣ ಬ್ಯಾಂಕಿಗೆ ಹಾಕಲೇ ಎಂದರೆ ಆಕೆ ಖಾತೆ ವಿವರ ಕೊಡಲೊಪ್ಪಲಿಲ್ಲ. ಹಾಗಾದ್ರೆ ನನ್ನ ಕೆಲವು ಪ್ರತಿ ಕಳಿಸ್ತೀನಿ ಕಾರ್ಯಕ್ರಮದ ದಿನ ಅದನ್ನು ಮಾರಿ ಅದರ ಹಣ ಇಟ್ಟುಕೊಳ್ಳಿ ಎಂದೆ. ಒಪ್ಪಿದರು.

ಇದಾದ ನಂತರ ನನಗೆ ಕಾರ್ಯಕ್ರಮ ಇಂಥ ದಿನಾಂಕದಂದು ಇಂಥ ಊರಲ್ಲಿದೆಯೆಂದು ಹಿರಿಯ ಸಾಹಿತಿಗಳಿಂದ ಗೊತ್ತಾಗಿತ್ತೇ ಹೊರತು ಕಾರ್ಯಕ್ರಮಕ್ಕೆ ಬನ್ನಿ ಎಂದು ಒಂದು ಆಹ್ವಾನ ಪತ್ರಿಕೆಯಾಗಲೀ ಫೋನ್ ಕರೆಯಾಗಲಿ ಬಂದಿರಲಿಲ್ಲ. ಬಂದರೂ ನಾನು ಹೋಗುತ್ತಲೂ ಇರಲಿಲ್ಲ. ಒಂದು ದಿನ ಏನೋ ತುರ್ತು ಕೆಲಸ ಮಾಡುತ್ತಿದ್ದ ಸಮಯ ಆಕೆಯ ಕರೆ ಬಂತು. ನೋಡಿ ನೀವು ಈ ಕಾರ್ಯಕ್ರಮಕ್ಕೆ ಬರಲೇಬೇಡಿ. ಕವಿತೆ ಮಾತಾಡಲಿ. ಕವಿ ಯಾಕೆ? ನಾನು ಆ ಕವಯತ್ರಿಯರಿಗೂ ಹೀಗೆಯೇ ಹೇಳಿದ್ದೇನೆ ಎಂದೆಲ್ಲ ಏನೇನೋ ಬಡಬಡಿಸಿದರು. ನಾನು ಆಕೆ ಅರ್ಥಮಾಡಿಕೊಳ್ಳಲಿ ಎಂದು, ನೋಡಿ ನಾನು ನೀವು ಕರೆದರೂ ಬರುತ್ತಿರಲಿಲ್ಲ. ಅಂಥಲ್ಲಿ ಬರಬೇಡವೆನ್ನುತ್ತಿದ್ದೀರಿ ಎಂದು ಹೇಳಿ ಸಾಹಿತ್ಯ ಲೋಕದ ಕೆಲವರ ಟೊಳ್ಳು ಪೊಳ್ಳನ್ನು ಸೂಚ್ಯವಾಗಿ ಮಾತಾಡಿ ಕರೆ ಕತ್ತರಿಸಿದೆ.

ಇದಾದ ಮಾರನೆಯ ದಿನವಿರಬೇಕು ನನ್ನ ಫೇಸ್ಬುಕ್ಕಿನ ಒಂದು ಪೋಸ್ಟಿಗೆ ಒಬ್ಬರು ‘ಇಂಥ ದಿನ ಇಂಥ ಕಾರ್ಯಕ್ರಮದಲ್ಲಿ ನಿಮ್ಮನ್ನು ನೋಡುತ್ತಿದ್ದೇವೆ’ ಎಂದು ಬರೆದರು. ಇತರ ಕೆಲವರೂ ಕಾದಂಬಿನಿ ಬರುವುದಾದರೆ ನಾನೂ ಬರ್ತೀನಿ ಎಂದು ದನಿಗೂಡಿಸಿದರು. ನಾನು ‘ಹೌದಾ ನಾನು ಬರ್ತಿದೀನಾ? ನನಗೆ ಆ ಕುರಿತು ಮಾಹಿತಿಯಿಲ್ಲ’ ಎಂದು ಬರೆದೆ. ಕೂಡಲೇ ಅವರು ಈ ಕಾರ್ಯಕ್ರಮದ ಜವಾಬ್ದಾರಿ ಹೊತ್ತಾಕೆಯನ್ನು ಕರೆದು ಇದಕ್ಕೆ ಉತ್ತರಿಸುವಂತೆ ಒತ್ತಾಯಿಸಿದರು. ಅಲ್ಲಿ ಆಕೆ ಏನೊಂದೂ ಉತ್ತರಿಸದೆ ಕೂಡಲೆ ನನಗೆ ಕರೆ ಮಾಡಿ ‘ಯಾಕೆ ಕಾದಂಬಿನಿ ನಿಮಗೆ ಕಾರ್ಯಕ್ರಮದ ಮಾಹಿತಿ ಇಲ್ಲವೇ?’ ಎಂದರು. ನಾನು ‘ಅದು ನಿಮಗೇ ಚೆನ್ನಾಗಿ ಗೊತ್ತಿದೆ’ ಎಂದವಳೇ ಕರೆ ಕತ್ತರಿಸಿ ಆನಂತರ ಅತ್ತ ತಿರುಗಿಯೂ ನೋಡಲಿಲ್ಲ. ಈ ಪ್ರಸಂಗ ಕಾರ್ಯಕ್ರಮ ಮತ್ತಷ್ಟು ಮುದುಡಿಕೊಳ್ಳುವಂತೆ ಮಾಡಿತು.

ಇದಾದ ಬಳಿಕ ಹಿರಿಯ ಕವಿಯೊಬ್ಬರು ಈಗಾಗಲೇ ನನ್ನ ಹಲಗೆ ಮತ್ತು ಮೆದುಬೆರಳು ಸಂಕಲನದಲ್ಲಿ ಪ್ರಕಟಗೊಂಡ ಕವಿತೆಗಳನ್ನು ಹಿರಿಯ ಇಬ್ಬರು ಕವಿಗಳ ಕವಿತೆಗಳ ಜೊತೆ ಕಾವ್ಯಮಾಲಿಕೆ ತರುತ್ತೇವೆ ಅಂದಾಗ ನನ್ನ ಮಾರ್ಗದರ್ಶಕರೊಂದಿಗೆ ಒಂದು ಮಾತು ಚರ್ಚಿಸಿ ಒಪ್ಪಿದೆ. ಪುಸ್ತಕ ಬಿಡುಗಡೆಯಾಗಬೇಕು ಇದ್ದಕ್ಕಿದ್ದಂತೆ ಅವರು, ‘ನಿನ್ನ ಜನ್ಮ ರಹಸ್ಯದ ಬಗ್ಗೆ ಊಹಾಪೋಹಗಳಿವೆಯಲ್ಲಾ’ ಅಂದರು. ನನ್ನ ಜನ್ಮಕ್ಕೆ ಯಾವ ರಹಸ್ಯಗಳೂ ಇರಲಿಲ್ಲವಾಗಿ ನಾನು ತಣ್ಣಗೆ ‘ಊಹಾಪೋಹಗಳನ್ನು ನೀವು ನಂಬಕೂಡದು’ ಅಂದೆ. ಆಂಥಾಲಜಿ ಬಿಡುಗಡೆಗೂ ನಾನು ಹೋಗಲಿಲ್ಲ.

ಮೊನ್ನೆ ಒಬ್ಬ ಸಾಹಿತಿಗಳು ಕರೆ ಮಾಡಿ ಕವಿಗೋಷ್ಠಿಗೆ ಕರೆದರು. ಎಂದಿನಂತೆ ನಿರಾಕರಿಸಿದೆ. ನೀವು ಬರುವುದಿಲ್ಲವೆಂದು ಯಾರೋ ಚಾಲೆಂಜ್ ಮಾಡಿದ್ದರು ಎಂದು ತಮಾಷೆಯಾಗಿ ಹೇಳಿದ ಅವರು ಕಾರ್ಯಕ್ರಮದ ಸ್ವರೂಪವನ್ನು ವಿವರಿಸಿದರು. ನಾನೆಂದೆ, ‘ಸರ್ ನೀವು ಬುಡಕಟ್ಟು ಜನರನ್ನು ವೇದಿಕೆಗೆ ಕರೆತಂದು ಮಾತಾಡಿಸುವ ಕಾರ್ಯಕ್ರಮ ನಿಜಕ್ಕೂ ಶ್ಲಾಘನೀಯ. ದಯಮಾಡಿ ನನ್ನದೊಂದು ಕೋರಿಕೆಯಿದೆ. ನಾನು ಕಳೆದ ವರ್ಷ ವಡ್ಡಾಬೋವಿ ಅಲೆಮಾರಿ ಜನಾಂಗದ ಹೆಣ್ಣುಮಗಳ ವೀಡಿಯೋವನ್ನು ಫೇಸ್ಬುಕ್ಕಲ್ಲಿ ಅಪ್ಲೋಡ್ ಮಾಡಿದ್ದೆ. ಅದು ವೈರಲ್ ವ್ಯೂವ್ಸ್ ಕಂಡಿತ್ತು. ಆ ಹೆಣ್ಣುಮಗಳು ಸಾವಿತ್ರಿಗೆ ನನ್ನ ಬದಲಾಗಿ ಮಾತಾಡಲು ಅವಕಾಶ ಮಾಡಿಕೊಟ್ಟರೆ ತುಂಬ ಉಪಕಾರವಾಗುತ್ತದೆ.’ ಬಹಳ ಸಂತೋಷದಿಂದಲೇ ಒಪ್ಪಿಕೊಂಡರು. ಹಾಗೆಯೇ ಮಾತಾಡುತ್ತ ಕೆಲವು ಸಂಗತಿಗಳು ಬಂದುಹೋದವು.

ಸಾಮಾನ್ಯವಾಗಿ ಕಾರ್ಯಕ್ರಮ ಏರ್ಪಡಿಸುವುದು ಎಂದರೆ ಅದಕ್ಕೆ ಜನ ಸೇರಿಸುವುದೂ ಒಂದು ಪ್ರಯಾಸದ ಕೆಲಸವೇ. ದೇಶದಲ್ಲಿ ಈಗ ಇರುವ ಪ್ರಕ್ಷುಬ್ಧ ಪರಿಸ್ಥಿತಿಯಲ್ಲಿ ಕೆಲವು ಹೋರಾಟಕ್ಕೆ ಸಂಬಂಧಿಸಿದ, ಜನಜಾಗೃತಿ ಕಾರ್ಯಕ್ರಮಗಳನ್ನು ಆಯೋಜಿಸಿ ಕವಿಗೋಷ್ಠಿ ಏರ್ಪಡಿಸಿದರೆ ಕಾರ್ಯಕ್ರಮ ಇನ್ನಷ್ಟು ಚಂದವಾಗುವುದಲ್ಲದೆ ಒಂದಷ್ಟು ಕವಿಗಳು ಕವಿತೆ ವಾಚಿಸುವ ನೆವದಲ್ಲಾದರೂ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರೆ ಕಾರ್ಯಕ್ರಮ ಆಶಯಗಳು ಈಡೇರಿಯಾವು ಎಂಬುದೂ ಸಂಘಟಕರ ಉದ್ದೇಶವಾಗಿರುವುದಿದೆ. ಈ ಉದ್ದೇಶದಲ್ಲೇ ವಿಷಾದದ ವಿಷಸರ್ಪ ಅಡಗಿದೆ. ಅದು ನನ್ನನ್ನು ಬುಸುಗುಟ್ಟಿ ಹೆದರಿಸುತ್ತದೆ. ನಮ್ಮ ಕವಿಗಳನ್ನು ಕವಿಗೋಷ್ಠಿ ಎಂಬ ಚಾಕಲೇಟು, ಬಿಸ್ಕತ್ತು ತೋರಿಸಿ ಕಾರ್ಯಕ್ರಮಕ್ಕೆ ಬರಮಾಡಿಕೊಂಡು ಜಾಗೃತಿ ಮೂಡಿಸಬೇಕಾಗಿದೆಯಲ್ಲಾ ಎಂದು ಮನಸ್ಸು ಹೇಸಿಹೋಗುತ್ತದೆ.

ಕೆಲವರಂತೂ ಇಂಥ ಅವಕಾಶಗಳಿಗೇ ಕಾದಿದ್ದು ಅಲ್ಲಿಯೂ ಸಲ್ಲಲು, ಇಲ್ಲಿಯೂ ಸಲ್ಲಲು ತಿಣುಕಾಟ ನಡೆಸುವುದು ಕಣ್ಣಿಗೆ ರಾಚುತ್ತದೆ. ಇಂಥ ಕೆಲವರು, ಆಯೋಜಿಸುವ ಕಾರ್ಯಕ್ರಮ ಎಂಥದ್ದು? ಅಂಥಲ್ಲಿ ಯಾವ ತರಹದ ಕವಿತೆಯನ್ನು ವಾಚಿಸಬೇಕು ಎನ್ನುವದನ್ನೂ ಚಿಂತಿಸದೆ ರೊಮ್ಯಾಂಟಿಕ್ ಕವಿತೆಗಳನ್ನು ಓದಿ ಭೇಷ್ ಅನಿಸಿಕೊಳ್ಳುತ್ತಾರೆ. ಕೆಲವರಿಗೆ ಇಂಥ ಕಾರ್ಯಕ್ರಮಗಳಿಗೆ ಹೋಗಲು ಬಹಳ ಉತ್ಸಾಹ. ಆಯಾ ಊರುಗಳಲ್ಲಿ ಇರುವ ಪ್ರವಾಸಿ ತಾಣಗಳನ್ನು ಸಂದರ್ಶಿಸಿ ಸೆಲ್ಫಿ ಗಿಲ್ಫಿ ಹೊಡೆದುಕೊಂಡು ತಮ್ಮ ಗೋಷ್ಠಿ ನಡೆಯುವ ಸಮಯಕ್ಕೆ ಸರಿಯಾಗಿ ಕಾರ್ಯಕ್ರಮದಲ್ಲಿ ಹಾಜರಿದ್ದರಾಯಿತು. ಇದು ಅಂತಃಸಾಕ್ಷಿ ಸತ್ತ ಸಮಾಜವೊಂದರ, ಸಾಹಿತ್ಯ ಲೋಕವೊಂದರ ಚಿಕ್ಕ ಸ್ಯಾಂಪಲ್ ಅಷ್ಟೇ. ಕವಿ ಹೃದಯವೇ ಹೀಗಾದರೆ ಬಾಕಿಯವರು ಹೇಗೆ?

ನಾನು ಮೊನ್ನೆ ಪ್ರಯೋಗಾತ್ಮಕವಾಗಿ ನನ್ನ ಫೇಸ್ಬುಕ್ ಗೋಡೆಯಲ್ಲಿ ಕವಿಗೋಷ್ಠಿಯಲ್ಲಿ ಭಾಗವಹಿಸುವವರ ಫೋಟೋ ಪೋಸ್ಟ್ ಮಾಡಿದೆ. ಅಬ್ಬಬ್ಬಾ ಅಭಿನಂದನೆ, ಶುಭಾಶಯ, ಲೈಕುಗಳ ಸುರಿಮಳೆಯೇ ಬೀಳತೊಡಗಿತು. ನಾನು ಆ ಪೋಸ್ಟಿನ ಹಿಂದೆಯೇ ಈ ಬುಡಕಟ್ಟು ಹೆಣ್ಣುಮಗಳು ಸಾವಿತ್ರಿ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಕುರಿತು ಒಂದು ಪೋಸ್ಟ್ ಬರೆದೆ. ಕವಿತೆಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.

ಇದು ನನ್ನಂಥವಳೊಬ್ಬಳಲ್ಲಿ ಯಾವ ತರಹದ ಸಂಕಟ ಉಂಟುಮಾಡುತ್ತದೆ ಎನ್ನುವುದನ್ನು ಕಟ್ಟಿಕೊಂಡು ಯಾರಿಗೂ ಏನೂ ಆಗಬೇಕಾದುದಿಲ್ಲ. ಇವತ್ತು ಎಂಥ ಕವಿ ಮತ್ತು ಕವಿತೆ ಸಾಹಿತ್ಯಲೋಕಕ್ಕೆ ಬೇಕಾಗಿದೆ, ಅದು ಎಂಥ ಕವಿತೆಯನ್ನು ಶ್ರೇಷ್ಠವೆಂದು ಮೆರೆಸುತ್ತದೆ, ಹಾಗೆ ಮೆರೆಸುವುದರ ಹಿಂದೆ ಏನೆಲ್ಲ ಹಿತಾಸಕ್ತಿಗಳಿವೆ, ಯಾರೆಲ್ಲ ಈ ಘನಕಾರ್ಯದಲ್ಲಿ ತೊಡಗಿದ್ದಾರೆಂದು ಅರ್ಥವಾಗುತ್ತಾ ಆಗುತ್ತಾ ವಿಷಾದವೊಂದು ಹೆಪ್ಪುಗಟ್ಟುತ್ತದೆ.

ಕಾದಂಬಿನಿ

ಹೈಡ್ರೋ ಇಂಜಿನಿಯರ್ಸ್ ಕಂಪನಿಯಲ್ಲಿ ಆಫೀಸ್ ಎಕ್ಸಿಕ್ಯೂಟೀವ್. ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಮಾಸ್ತಿಕಟ್ಟೆಯಲ್ಲಿ ವಾಸ. ಬಿಡುವಿನ ವೇಳೆಯಲ್ಲಿ ಬರೆಯುವ ಹವ್ಯಾಸ. ಪತ್ರಿಕೆಗಳು, ವೆಬ್ ಪೋರ್ಟಲ್ ಗಳಲ್ಲಿ ಬರಹಗಳು ಪ್ರಕಟವಾಗಿವೆ. ‘ಹಲಗೆ ಮತ್ತು ಮೆದುಬೆರಳು’ ಅವರ ಮೊದಲ ಕಾವ್ಯಸಂಕಲನ.

Share

Leave a comment

Your email address will not be published. Required fields are marked *

Recent Posts More

  • 6 days ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 week ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 week ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...

  • 2 weeks ago No comment

    ಹೊಸ್ತಿನ ಹಗಲು

    ಕವಿಸಾಲು   ಬಯಲ ಗದ್ದೆಯ ಭತ್ತದ ಕದರು ರೈತರ ಬೆವರ ಬಸಿಯುವ ಕೊಯಿಲು ಕಂಬಳಕಿಂಪಿನ ಪಾಂಗಿನ ಅಮಲು ಹೊಡತಲೆ ಹಗಣದ ಕವಳದ ಸಾಲು ಆಚರಿಸುತಿದೆ ಹೊಸ್ತಿನ ಹಗಲು. ನೇಗಿಲ ಬುಡದಲಿ ಸಸಿಬುಡ ಬೇರು ಕದರಿನ ನಡುವಲಿ ಗಂಧದ ಕೆದರು ಮಣ್ಣೊಳಗ್ಹುದುಗಿದ ಎರೆಹುಳು ಪಾಡು ಹರಡಿದ ಗಿಣಿಗಳ ಹಾಡಿನ ಜಾಡು ಆಚರಿಸುತಿದೆ ಹೊಸ್ತಿನ ಹಗಲು. ಮಣ್ಣಿನ ಬಣ್ಣದ ಮನಸಿನ ತೆವಲು ಕೆಂದರಕಿ ಹೂವಿನ ಕಮಾನು ಹೊಸಿಲು ಹೂಡುವ ಎತ್ತಿನ ಅಡಸಲ ...


Editor's Wall

  • 08 December 2018
    1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 weeks ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 weeks ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    1 month ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...