Share

‘ಜೀರ್ಜಿಂಬೆ’ ತೆರೆದಿಟ್ಟ ಲೋಕದಲ್ಲಿ ಮೂರು ಗಂಟೆ
ಡಾ. ಪ್ರೇಮಲತ ಬಿ

ಬಾಲ್ಯದ ಕನಸಿನ ರೆಕ್ಕೆಗಳನ್ನು, ಉನ್ನತ ಭವಿಷ್ಯವನ್ನು ಬಾಲ್ಯ ವಿವಾಹ ಹೊಸಕಿಹಾಕುವ ಪರಿಯನ್ನು ಅನ್ವರ್ಥಕವಾಗಿ, ಸಾಂಕೇತಿಕವಾಗಿ ಬಿಂಬಿಸಲು ಈ ಚಿತ್ರಕ್ಕೆ ‘ಜೀರ್ಜಿಂಬೆ’ ಎಂಬ ಹೆಸರಿಡಲಾಗಿದೆ.

ಳೆದ ಭಾನುವಾರ ‘ಜೀರ್ಜಿಂಬೆ’ ಎಂಬ ಕನ್ನಡ ಸಿನಿಮಾವನ್ನು ನೋಡಲು ಹೋಗಿದ್ದೆ. ಇದನ್ನು ನೋಡಿದ್ದು ಕರ್ನಾಟಕದಲ್ಲಲ್ಲ. ಇಂಗ್ಲೆಂಡಿನ ಡಾನ್ಕ್ಯಾಸ್ಟರ್ ಪಟ್ಟಣದಲ್ಲಿ.

ಹೋಗುವ ಮುನ್ನ ತುಮಕೂರಿನ ನನ್ನ ಅಕ್ಕನಿಗೆ ಫೋನಾಯಿಸಿ “ಜೀರ್ಜಿಂಬೆಯಂತೆ. ನೀವೆಲ್ಲ ಹೋಗಿ ನೋಡಿ ಬಂದಿರಾ? ಈ ಸಿನಿಮಾಗೆ ಕಳೆದ ವರ್ಷವೇ ನಾಲ್ಕು ರಾಜ್ಯ ಪ್ರಶಸ್ತಿಗಳು ದೊರೆತಿವೆ ಗೊತ್ತಾ?” ಅಂತ ಕೇಳಿದೆ. “ಹೌದಾ, ಏನೋ ಗೊತ್ತಿಲ್ಲ ಕಣೆ. ಈ ಅವಾರ್ಡ್ ಬರೋ ಸಿನಿಮಾಗಳೆಲ್ಲ ಇಲ್ಲಿ ಥಿಯೇಟರಿಗೆ ಬರೋದೇ ಇಲ್ಲ” ಎಂದಳು. ಮನಸ್ಸಿಗೆ ಖೇದವಾಯ್ತು.

2017ರಲ್ಲಿ ನಾಲ್ಕು ರಾಜ್ಯ ಪ್ರಶಸ್ತಿಗಳನ್ನು ಪಡೆದ ಚಿತ್ರವಿದು. ಅತ್ಯುತ್ತಮ ಮಕ್ಕಳ ಚಿತ್ರ, ಅತ್ಯುತ್ತಮ ಸಂಗೀತ (ಚರಣ ರಾಜ್) ಅತ್ಯುತ್ತಮ ಬಾಲ ಕಲಾವಿದೆ (ಸಿರಿ ವಾನಳ್ಳಿ) ಅತ್ಯುತ್ತಮ ಗೀತ ರಚನೆ (ಕಾರ್ತಿಕ್ ಸರಗೂರು) ಗಾಗಿ 4 ರಾಜ್ಯಪ್ರಶಸ್ತಿ ಗಳಿಸಿದ ಈ ಚಿತ್ರ ಬಾಲ್ಯ ವಿವಾಹವನ್ನು ಕುರಿತಾದ್ದು ಎಂದು ಕೇಳಿದ್ದೆ. ‘ಮೇಕಿಂಗ್ ಆಫ್ ವಿವೇಕಾನಂದ’, ‘ಭೀಮಸೇನ ನಳಮಹಾರಾಜ’ ಇತ್ಯಾದಿ ಚಿತ್ರಗಳ ನಿರ್ದೇಶನ ಖ್ಯಾತಿಯ ಯುವ ನಿರ್ದೇಶಕ ಕಾರ್ತಿಕ್ ಸರಗೂರರ ಈ ಚಿತ್ರವನ್ನು ನೋಡಿದ ನಂತರವೇ ಯಾಕೆ ಈ ಕನ್ನಡ ಚಿತ್ರಕ್ಕೆ ಹೀಗೆ ಪ್ರಶಸ್ತಿಗಳ ಸುರಿಮಳೆಯಾಗಿದೆಯೆಂದು ಅರ್ಥವಾದದ್ದು!

ಅಮೆರಿಕಾದಿಂದ ಈ ಚಿತ್ರವನ್ನು ಇಂಗ್ಲೆಂಡಿನ ಕನ್ನಡ ಕೂಟ ‘ಕನ್ನಡಿಗರು, ಯು.ಕೆ’ಯವರ ಯುಗಾದಿ ಆಮಂತ್ರಣ ಮನ್ನಿಸಿ ಬಂದಿದ್ದ ಸುಮನ್ ನಗರ್ಕರ್ ದಂಪತಿಗಳು ತಂದಿದ್ದರು. ಕಳೆದ 15 ವರ್ಷಗಳಿಂದ ಕ್ಯಾಲಿಫೋರ್ನಿಯಾದ ಫೋಲ್ಸಾಮ್ ನಗರದಲ್ಲಿ ನೆಲೆನಿಂತಿರುವ ಕನ್ನಡದ ‘ಬೆಳದಿಂಗಳ ಬಾಲೆ’ ಸುಮನ್ ನಗರ್ಕರ್ ಮತ್ತೆ ಪತಿ ಗುರುದೇವ್ ನಾಗರಾಜ್ ಇಂಗ್ಲೆಂಡಿನ ಮೂರು ನಗರಗಳಲ್ಲಿ ‘ಜೀರ್ಜಿಂಬೆ’ಯ ಪ್ರದರ್ಶನವನ್ನು ಏರ್ಪಡಿಸಿದ್ದರು. ಅವರನ್ನು ಭೇಟಿ ಮಾಡಿದ ನಂತರವೇ ‘ಜೀರ್ಜಿಂಬೆ’ ಚಿತ್ರ ಇನ್ನೂ ಕರ್ನಾಟಕದಲ್ಲಿ ವಾಣಿಜ್ಯ ಮಟ್ಟದಲ್ಲಿ ಬಿಡುಗಡೆಯಾಗಿಲ್ಲ ಎಂದು ತಿಳಿದದ್ದು. ಆಶ್ಚರ್ಯವಾದರೂ ‘ಜೀರ್ಜಿಂಬೆ’ ಕರ್ನಾಟಕದ ಜನತೆಗೆ ಮೆಚ್ಚುಗೆಯಾಗಲು ಇನ್ನೂ ಸಮಯವಿದೆ ಅಂತ ಸಮಾಧಾನವೂ ಆಯ್ತು. ಈ ಚಿತ್ರದಲ್ಲಿ ಸುಮನ್ ಅವರಿಗೆ ಒಂದು ಪಾತ್ರವೂ ಇದೆ. ಸುಮನ್ ಅವರೊಂದಿಗೆ ಸಂದರ್ಶನವನ್ನು ಮುಗಿಸಿ, ಒಟ್ಟಿಗೆ ಊಟ ಮಾಡಿ, ಸಿನಿಮಾಕ್ಕೆ ತೆರಳಿದೆವು.

“ಅವಾರ್ಡ್ ಸಿನಿಮಾ ಎಂದರೆ ಅಳುವ ಸಿನಿಮಾ ಎನ್ನು ಕಾಲ ಮುಗಿದಿದೆ” ಎಂದು ಸುಮನ್ ಸಂದರ್ಶನದಲ್ಲಿ ಹೇಳಿದ್ದು ನೆನಪಿದ್ದರೂ ಮನಸ್ಸಿನ ಮೂಲೆಯಲ್ಲೆಲ್ಲೋ ಬಾಲ್ಯ ವಿವಾಹದ ಈ ಸಿನಿಮಾ ತಿಳಿಯಾಗಿರಲು ಸಾಧ್ಯವೇ? ಎಂಬ ಪ್ರಶ್ನೆ ಕುಟುಕುತ್ತಿತ್ತು. ಮುಂದಿನ ಮೂರು ಗಂಟೆಗಳಲ್ಲಿ ನಾನು ಅಪ್ಪಟ ಗ್ರಾಮೀಣ ಪರಿಸರದ, ಸುಂದರ, ನೈಜ ಚಿತ್ರಣಗಳ ಮಿಡಿತಗಳಲ್ಲಿ ಕಳೆದುಹೋದೆ.

ಹೊಸ ಮುಖಗಳು, ನೈಜ ಪರಿಸರ, ಉತ್ಕೃಷ್ಟ ಅಭಿನಯ, ಉತ್ತಮ ಸಂಭಾಷಣೆ, ಗ್ರಾಮ್ಯ ಬದುಕಿನ ನವಿರು ಹಾಸ್ಯಗಳು, ವಿಡಂಬನೆ, ಮೌಢ್ಯತೆ, ಮುಗ್ದತೆ, ಕಾಮಣ್ಣ, ಮಗುವಿನಂಥ ವಯಸ್ಕರು, ವಯಸ್ಸಾದ ಮಿಟುಕಲಾಡಿಗಳು, ಶಾಲೆಗಳಲ್ಲಿನ ರಾಜಕೀಯ, ಆಕಾಶಕ್ಕೆ ಏಣಿ ಹಾಕಬಲ್ಲ ಬಾಲ್ಯದ ಕನಸುಗಳು, ನಂಬಿಕೆಗಳು, ಶಾಲೆಯ ಮಕ್ಕಳ ಜಗಳಗಳು, ಮನುಷ್ಯರ ಮನಸ್ಸಿನ ಒತ್ತಡಗಳು -ಅದೆಷ್ಟು ವಿಚಾರಗಳು ನಿಮ್ಮ ಎದೆ ಬಗೆಯುತ್ತಲೇ ತುಟಿಗಳಲ್ಲಿ ನಗುವನ್ನೂ, ಮನಸ್ಸಿನಲ್ಲಿ ತಲ್ಲಣಗಳನ್ನೂ ಮೂಡಿಸಬಲ್ಲ ಈ ಸಿನಿಮಾ ಕಾರ್ತಿಕ್ ಸರಗೂರರ ಸಂಕೀರ್ಣ ಪ್ರತಿಭೆಯ, ಸುಂದರ ಕಲಾಕೃತಿ.

ಪ್ರಶಸ್ತಿ ಬಂದಿದೆಯೆಂದು ಚಿತ್ರ ನೋಡುವ ಅಗತ್ಯವಿಲ್ಲ. ಮಕ್ಕಳ ಚಿತ್ರವೆಂದು ಮೂಗು ಮುರಿಯುವ ಅಗತ್ಯವೇ ಇಲ್ಲ. ಮನರಂಜನೆಯೂ ಹೇರಳವಾಗಿರುವ ಈ ಚಿತ್ರದಲ್ಲಿ ಸಕಾರಾತ್ಮಕ ಸಂದೇಶಗಳು, ಪ್ರಚೋದನೆ, ನವಿರು ಹಾಸ್ಯ, ನೈಜ ಘಟನೆಗಳ ದಾಖಲಾತಿ ಎಲ್ಲವೂ ಇವೆ.

ಹರೆಯಕ್ಕೆ ಬರುವ ‘ಜೀರ್ಜಿಂಬೆ’ಗಳು ಅತ್ಯಂತ ಸುಂದರವಾದ ಬಣ್ಣದ ರೆಕ್ಕೆಗಳನ್ನು ಪಡೆಯುತ್ತವೆ. ಈ ರೆಕ್ಕೆಗಳನ್ನು ಮನುಷ್ಯ ತನ್ನ ಅನುಕೂಲಕ್ಕೆ, ನಂಬಿಕೆಗಳಿಗೆ ದುಂಬಾಲುಬಿದ್ದು ಕತ್ತರಿಸಿ ತೆಗೆದು ಒಡವೆಗಳಲ್ಲಿ ಬಳಸುತ್ತಾನೆ. ‘ಜೀರ್ಜಿಂಬೆ’ಗಳನ್ನು ಅಮಾನುಷವಾಗಿ ಸಾಯಲು ಬಿಡುತ್ತಾನೆ. ಬಾಲ್ಯದ ಕನಸಿನ ರೆಕ್ಕೆಗಳನ್ನು ಉನ್ನತ ಭವಿಷ್ಯವನ್ನು, ಬಾಲ್ಯ ವಿವಾಹ ಹೊಸಕಿಹಾಕುವ ಪರಿಯನ್ನು ಅನ್ವರ್ಥಕವಾಗಿ, ಸಾಂಕೇತಿಕವಾಗಿ ಬಿಂಬಿಸಲು ಈ ಚಿತ್ರಕ್ಕೆ ‘ಜೀರ್ಜಿಂಬೆ’ ಎಂಬ ಹೆಸರಿಡಲಾಗಿದೆ.

ಭಾರತದಲ್ಲಿ ಈಗ ನಡೆಯುತ್ತಿರುವ ಎಲೆಕ್ಷನ್ ಗಲಾಟೆ, ಐ.ಪಿ.ಎಲ್. ಭರಾಟೆ ಎಲ್ಲ ಮುಗಿಯಲಿ ಎಂದು ಸೂಕ್ತ ಸಮಯದ ಬಿಡುಗಡೆಯನ್ನು ಎದುರು ನೋಡುತ್ತಿರುವ ಈ ಚಿತ್ರ ಈಗಾಗಲೇ ಅಮೆರಿಕಾ, ಇಂಗ್ಲೆಂಡಿನ ಕನ್ನಡಿಗರ ಮನಗೆದ್ದಿದೆ. ಬದುಕಿನ ಮಜಲುಗಳ ನಾಜೂಕಾದ ನಿರೂಪಣೆ ಎಷ್ಟು ಸುಂದರವಾಗಿದೆಯೆಂದರೆ ಚಿತ್ರದ ಮುಕ್ಕಾಲು ಭಾಗ ವೀಕ್ಷಕ ನಕ್ಕು, ನಕ್ಕು ಖುಷಿಪಡುತ್ತಿರುವಂತೆಯೇ ವಾಸ್ತವದ ಕರಾಳತೆ ಅವರನ್ನು ಕಬಳಿಸುತ್ತದೆ. ಹಿಂದೆಯೇ ನಿಜ ಘಟನೆಗಳು ಮನಸ್ಸಿಗೆ ಚೈತನ್ಯವನ್ನು ನೀಡುತ್ತವೆ. ಚಿಂತನೆಗೆ ತಳ್ಳುತ್ತವೆ. ಚಿತ್ರ ಮುಗಿದಾಗ ಈ ಸಿನಿಮಾ ನೀಡುವ ವಿಶಿಷ್ಟ ಮಾಂತ್ರಿಕತೆಯ ಅನುಭವಕ್ಕೆ ತುತ್ತಾದ ನಾವೆಲ್ಲ ಒಟ್ಟಿಗೆ ಎದ್ದು ನಿಂತು ಕರತಾಡನ ಮಾಡಿದ್ದೇ ಮಾಡಿದ್ದು!

ಕಾರ್ತಿಕ್ ಸರಗೂರು

ಅತಿ ಹೆಚ್ಚು ಬಾಲ್ಯವಿವಾಹ ನಡೆಯುತ್ತಿರುವ ಭಾರತದ ರಾಜ್ಯಗಳಲ್ಲಿ ಕರ್ನಾಟಕಕ್ಕೆ ಎರಡನೇ ಸ್ಥಾನ ಎಂದು ಕೇಳಿ ನಾವೆಲ್ಲ ಗರಬಡಿದು ಹೋದೆವು. ಈ ಕಾರಣ, ಈ ಸಿನಿಮಾವನ್ನು ಎಲ್ಲ ಗ್ರಾಮಾಂತರ ಶಾಲೆಗಳಿಗೂ ಕೊಂಡೊಯ್ದು ಪ್ರದರ್ಶಿಸಬೇಕೆನ್ನುವ ಯೋಜನೆಗಳೂ ಇವೆ. ಇದಕ್ಕೆ ಸಿನಿಮಾ ತಂಡ ಪ್ರಾಯೋಜಕರ ಹುಡುಕಾಟವನ್ನೂ ನಡೆಸಿದೆ. ಒಂದು ಸಣ್ಣ ಅರಿವು, ಒಂದು ದರ್ಶನ, ಒಂದು ಅವಕಾಶ ಬದುಕುಗಳನ್ನು ಹೇಗೆ ರೂಪಿಸಬಲ್ಲದು, ಪ್ರೇರೇಪಿಸಬಲ್ಲದು ಎನ್ನುವುದನ್ನೂ ಈ ಚಿತ್ರ ನಿರೂಪಿಸುವ ಕಾರಣ ಇದು ನಡೆಯಲೇಬೇಕಾದ ಕೆಲಸ ಅನ್ನಿಸದಿರಲಿಲ್ಲ. ಬಿಗಿಯಾದ ಎಡಿಟಿಂಗ್, ಸಂಭಾಷಣೆಯಿಂದಾಗಿ ಕೂಡ ‘ಜೀರ್ಜಿಂಬೆ’ ಮನಸೆಳೆಯುತ್ತದೆ.

ಮೊದಲರ್ಧದಲ್ಲಿ ತುಸು ಹೆಚ್ಚಾಯಿತೇನೋ ಎನ್ನಿಸುವ ಸೈಕಲ್ ಪ್ರಸಂಗಗಳ ಮಹತ್ವ ಎರಡನೇ ಭಾಗದಲ್ಲಿ ತಿಳಿಯುತ್ತದೆ. ಎಲ್ಲಕ್ಕಿಂತ ಮಿಗಿಲಾಗಿ ಇದು ನಿಜವಾದ ಘಟನೆಗಳನ್ನು ಆಧರಿಸಿ ಮಾಡಿದ ಚಿತ್ರ. ‘ಕೂಲ್ ರನ್ನಿಂಗ್ಸ್’ ಎಂಬ ಜಮೈಕಾ ಕ್ರೀಡಾಳುಗಳನ್ನು ಆಧರಿಸಿ ಮಾಡಿದ ಹಾಲಿವುಡ್ ಚಿತ್ರದ ಶೈಲಿಯನ್ನು ಹೋಲುತ್ತದೆ. ದೇಶೀ ಭಾಷೆ ಮತ್ತು ಸಮಸ್ಯೆಗಳನ್ನು ನವಿರಾಗಿ ನಿಮ್ಮ ಮುಂದೆ ಹರಡುತ್ತಲೇ ಒಂದು ಯೋಜನೆಯನ್ನು ಜಾರಿಗೆ ತಂದ ನಂತರ ನಮ್ಮ ಸರ್ಕಾರ ಹೇಗೆ ಅದರ ಮುಂದಿನ ಭಾಗದ ನಿಭಾವಣೆಗೆ ಇನ್ನೂ ಸನ್ನದ್ದವಾಗಿಲ್ಲ ಎನ್ನುವ ಮೊನಚನ್ನು ಕಣ್ಣಿಗೆ ತಾಗಿಸುತ್ತದೆ. ಆದರೆ, ಶಾಲೆಯಲ್ಲಿ ಓದುವ ಒಂದು ಸಣ್ಣ ಅವಕಾಶ ಆಕಾಶಕ್ಕೆ ಹಾಕುವ ಏಣಿಯೂ ಆಗಬಲ್ಲುದು ಎಂದು ತಿಳಿಸುತ್ತದೆ. ಎರಡು ಚಕ್ರಗಳು, ಎರಡು ರೆಕ್ಕೆಗಳು, ಮುಗ್ಧ ನಂಬಿಕೆಗಳು ಸಾಗರದಂಥ ಕಷ್ಟವನ್ನು ದಾಟಿಸಲು ಅನುವಾಗುವ ಮನುಷ್ಯನ ಧ್ಯೇಯ ಶಕ್ತಿಗೆ ನಿದರ್ಶನವಾಗುತ್ತದೆ. ಮನರಂಜನೆಗೆ ಯಾವ ಕೊರತೆಯೂ ಇಲ್ಲದಂತೆ ಕಲಾತ್ಮಕ ಚಿತ್ರಗಳನ್ನು ಹೇಗೆ ಮಾಡಬಹುದೆನ್ನುವುದಕ್ಕೆ ಈ ಚಿತ್ರ ಒಳ್ಳೆಯ ಉದಾಹರಣೆ.

ಇದನ್ನೂ ಓದಿ: ಇಂಗ್ಲೆಂಡಿನಲ್ಲಿ ಕಂಡ ‘ಬೆಳದಿಂಗಳ ಬಾಲೆ’

ಡಾ. ಪ್ರೇಮಲತ ಬಿ

ದಂತವೈದ್ಯೆ. ಕಳೆದ 15 ವರ್ಷಗಳಿಂದ ಇಂಗ್ಲೆಂಡಿನಲ್ಲಿ ವಾಸ. ಬಾಲ್ಯದಿಂದಲೇ ಸಾಹಿತ್ಯದಲ್ಲಿ ಆಸಕ್ತಿ. ಹಲವಾರು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ. ಕಥೆ, ಕಾವ್ಯ ಸ್ಪರ್ಧೆಗಳಲ್ಲಿ ಬಹುಮಾನಿತರು.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 1 week ago No comment

    ಇತಿಹಾಸ ತಿರುಚಿ ವಿಷಬೀಜ ಬಿತ್ತುವವರ ಮಧ್ಯೆ…

          ಪ್ರಸ್ತಾಪ           ಕೋಮುವಾದಿಗಳ ಆಳ್ವಿಕೆಯು ರಾಜಕೀಯವನ್ನು ಧರ್ಮದ ಜೊತೆ ಬೆರೆಸುತ್ತ ಹಾಳು ಮಾಡಿದ್ದಾಗಿದೆ. ಕಲಿಕೆಯ ವಾತಾವರಣವನ್ನೂ ಕೇಸರೀಕರಣದಿಂದ ಕಲುಷಿತಗೊಳಿಸುತ್ತಿರುವುದು ಮಾತ್ರ ಅಕ್ಷಮ್ಯ. ತಿರುಚಲಾದ ಇತಿಹಾಸವನ್ನು ಮಾತ್ರ ಹೇಳುತ್ತ ಇದು ಮಾಡುತ್ತಿರುವುದು ಹೊಸ ಪೀಳಿಗೆಯ ಮನಸ್ಸುಗಳಲ್ಲಿ ವಿಷಬೀಜವನ್ನು ಬಿತ್ತುವ ಕರಾಳ ಕೃತ್ಯ.   ಇತ್ತೀಚೆಗೆ ಮಕ್ಕಳ ಶೈಕ್ಷಣಿಕ ಹೊರೆಯನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ಪಠ್ಯ ಪುಸ್ತಕಗಳ ಪರಿಶೀಲನೆ, ಮುದ್ರಣ ಹಾಗೂ ಮತ್ತಿತರ ...

  • 1 week ago No comment

    ‘ಸೂಜಿದಾರ’ದಲ್ಲಿ ಚೈತ್ರಾ ಕೋಟೂರ್ ಹಾಡು

    ತಮ್ಮ ಸಾಧನೆಯ ಬಗ್ಗೆ ಅಹಮಿಕೆ ತೋರದವರಲ್ಲಿ ಚೈತ್ರಾ ಕೋಟೂರ್ ಖಂಡಿತವಾಗಿಯೂ ಒಬ್ಬರು. ಅವರ ಕನಸುಗಳ ದಾರಿಯಲ್ಲಿ ಈ ನಿರ್ಲಿಪ್ತ ಸಡಗರದ ಚಂದಿರ ಎಂದೆಂದೂ ಜೊತೆಗಿರಲಿ.   ಇವತ್ತು ಕನ್ನಡ ರಂಗಭೂಮಿ, ಸಿನಿಮಾ, ಸಾಹಿತ್ಯ ಕ್ಷೇತ್ರಗಳಲ್ಲಿ ಹೊಸಬರ ಪಡೆಯೊಂದು ಜಾದೂವನ್ನೇ ಮಾಡುತ್ತಿದೆ. ಬೆರಗು ಹಚ್ಚುವಂಥ ಸೃಜನಾತ್ಮಕತೆ, ಶ್ರದ್ಧೆ ಮತ್ತು ಅದಕ್ಕೆಲ್ಲ ಪೂರಕವಾದ ಪರಿಣತಿಯೊಂದಿಗೆ ಇರುವವರು ಇವರೆಲ್ಲ. ಇಂಥವರ ಸಾಲಿನಲ್ಲಿ ಚೈತ್ರಾ ಕೋಟೂರ್ ಅವರದೂ ಪ್ರಮುಖ ಹೆಸರು. ಚೈತ್ರಾ ಅವರ ಹೆಚ್ಚುಗಾರಿಕೆಯೆಂದರೆ, ...

  • 2 weeks ago No comment

    ಉಷಾ ಚಿತ್ತ | ಮೊಲದ ಮರಿ ಗಿಫ್ಟ್

          ‘ಚಲಿತ ಚಿತ್ತ’ದಲ್ಲಿ ಕವಿಸಾಲು       ಮೇರು ಸದೃಶ್ಯವಾಗಿ ಕಂಡದ್ದು ಬರಬರುತ್ತಾ ಕಾಲಕೆಳಗಿನ ಗುಡ್ಡವಾಯಿತು. ಹೋಗ ಹೋಗುತ್ತಾ ಚುಕ್ಕಿಯಾಗಿ, ಆಕಾಶದ ನೀಲಿಯಲಿ ಲೀನವಾಯಿತು. ನೆನಪಿನ ಕೋಶ ಸೇರಿದಾಗ, ಅಂತರಾಳದಲಿ ಕಡಲಾಯಿತು. ಅಲ್ಲೀಗ ಕನಸುಗಳ ಸರಕು ಹೊತ್ತ ದೋಣಿಯೊಂದು ತೇಲುತ್ತಿದೆ. ನಿರ್ಜನ ರಾತ್ರಿ, ಹುಟ್ಟು ಕೈಯ್ಯಲ್ಲಿದೆ; ದಡದಿಂದ ಕೇಳುತಿದೆ ಮೋಹಕ ಕೊಳಲ ಗಾನ. ಮನ ಕಂಪಿಸುತಿದೆ, ಬಾರೆನ್ನ ಪೂರ್ಣಚಂದಿರ. ಕಡಲು ಅಬ್ಬರಿಸುತ್ತರಲಿ, ನನ್ನ ಕೈಗಳಿಗೆ ...

  • 2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...


Editor's Wall

  • 14 April 2019
    1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 04 April 2019
    2 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...

  • 29 March 2019
    3 weeks ago One Comment

    ಕಾದಂಬಿನಿ ಕಾಲಂ | ಹಕ್ಕಿ ಸಾಕಬೇಕೆಂದರೆ ಹುಳಗಳನ್ನೂ ಸಾಕಬೇಕು

                      ನಾವು ಯಾರನ್ನು ಪ್ರೀತಿಸುತ್ತೇವೆಯೋ ಅವರ ಆಹಾರವನ್ನೂ ಪ್ರೀತಿಸಬೇಕು. ಪ್ರತಿಯೊಂದು ಜೀವಿಯ ಆಹಾರದ ಹಕ್ಕನ್ನೂ ಗೌರವಿಸುವುದು ಎಲ್ಲರೂ ಮೊದಲು ಕಲಿತುಕೊಳ್ಳಬೇಕಾದ ಸಜ್ಜನಿಕೆ. ಅದು ಹಕ್ಕಿಯದಿರಲಿ, ಮನುಷ್ಯನದಿರಲಿ. ಕಾರ್ಕೋಟಕ ಸರ್ಪವೋ, ಹುಲಿಯೋ ಎದುರಾದರೂ ಅಷ್ಟು ಹೆದರುತ್ತೇನೋ ಇಲ್ಲವೋ ಆದರೆ ಅಕ್ಕಿ ಆರಿಸುವಾಗಲೋ ಬದನೆಕಾಯಿ ಹೆಚ್ಚುವಾಗಲೋ, ಹೂ ಗಿಡಗಳಲ್ಲಿರುವಾಗಲೋ ಚಿಕ್ಕ ಹುಳ ಕಂಡರೂ ಕಿರುಚಿ ಊರು ಒಂದು ಮಾಡಿಬಿಡುತ್ತೇನೆ. ಹಾಗೆಂದು ...

  • 26 March 2019
    4 weeks ago No comment

    ಬೆಂದರೆ ಬೇಂದ್ರೆ…ನೊಂದರೆ ಕಾದಂಬಿನಿ

    ಪುಸ್ತಕ ಪ್ರಸ್ತಾಪ     ಕಾದಂಬಿನಿ ಅವರ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಕವನ ಸಂಕಲನದ ಬಗ್ಗೆ ಹಿರಿಯರಾದ ಚಂದ್ರಶೇಖರ ನಂಗಲಿಯವರು ತಮ್ಮ ಫೇಸ್ಬುಕ್ ವಾಲ್ ನಲ್ಲಿ ಬರೆದಿದ್ದಾರೆ. ಅದನ್ನು ಇಲ್ಲಿ ಎತ್ತಿಕೊಡಲಾಗಿದೆ.   ಪ್ರೀತಿ ಪ್ರೇಮ ಮಾನವಜೀವನದ ಚಾಲಕ ಶಕ್ತಿ. ಈ ಸ್ಟೇರಿಂಗ್ ಹಿಡಿದು ಸಮತಲ, ತಗ್ಗು ದಿಣ್ಣೆ , ಹೇರ್ ಪಿನ್ ಕರ್ವ್ಸ್, ಡೆಡ್ ಎಂಡ್ ಮುಂತಾದ ಬಗೆ ಬಗೆಯ ರಸ್ತೆಗಳಲ್ಲಿ , ಒಮ್ಮೊಮ್ಮೆ ರಸ್ತೆಯಿಲ್ಲದ ...

  • 12 March 2019
    1 month ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...