Share

ಡ್ಯಾಡಿ-ಮಮ್ಮಿಯರ ಕ್ರೈಂಸ್ಟೋರಿ
ಪ್ರಸಾದ್ ನಾಯ್ಕ್ ಕಾಲಂ

 

 

 

 

ಇಲ್ಲಿ ಗಾವ್ಲಿ ಸಿನಿಮೀಯ ಹೀರೋ ಆಗುವುದಿಲ್ಲ, ದೇವತೆಯಾಗುವುದಿಲ್ಲ, ದಾನಶೂರ ಕರ್ಣನಾಗುವುದಿಲ್ಲ.

 

 

 

“ಮಮ್ಮಿ ಜಿಂದಾಬಾದ್… ಮಮ್ಮಿ ಜಿಂದಾಬಾದ್…

“ಅಂದು ಜನಜಾತ್ರೆಯನ್ನು ಮೆಲ್ಲನೆ ಸೀಳಿಕೊಂಡು ಕಾರೊಂದು ಬಂದು ನಿಂತರೆ ನೆರೆದಿದ್ದ ಜನಸಮೂಹವು ಮತ್ತಷ್ಟು ಉತ್ಸಾಹದಿಂದ ಜಯಘೋಷವನ್ನು ಹಾಕುತ್ತಲೇ ಇತ್ತು. ಕಾರಿನಿಂದಿಳಿದ ಹಸಿರು ಸೀರೆಯನ್ನು ತೊಟ್ಟಿದ್ದ ‘ಮಮ್ಮಿ’ ತನಗೆ ಭವ್ಯ ಸ್ವಾಗತವನ್ನು ನೀಡಿದ್ದ ಎಲ್ಲರತ್ತ ಕಣ್ಣು ಹಾಯಿಸುತ್ತಾ ಖುಷಿಯಾಯಿತೆಂಬಂತೆ ಕೈಬೀಸಿದರು. ಮುಸಲ್ಮಾನರಿಂದಲೇ, ಅದರಲ್ಲೂ ಹಿರಿಯರಿಂದಲೇ ತುಂಬಿಹೋಗಿದ್ದ ಜನಜಂಗುಳಿಯು ಈ ಒಬ್ಬ ಮಹಿಳೆಯನ್ನು ‘ಮಮ್ಮಿ’ ಎಂದು ಕರೆಯುತ್ತಾ ಜೈಕಾರ ಹಾಕುತ್ತಿದ್ದಿದ್ದು ಹೊರಗಿನವರಿಗೆ ವಿಚಿತ್ರವಾಗಿ ಕಾಣುವುದು ಸಹಜ. ಏಕೆಂದರೆ ಆಕೆಯ ಕಡುಕಪ್ಪು ಕೇಶರಾಶಿ, ಕೊಂಚವೇ ಕಂದುಬಣ್ಣಕ್ಕೆ ತಿರುಗಿದ್ದ ಮೈಬಣ್ಣ ಆಕೆಗೆ ಐವತ್ತಕ್ಕಿಂತ ಒಂದು ದಿನವೂ ಹೆಚ್ಚಿನ ವಯಸ್ಸಾಗಿಲ್ಲ ಎಂಬುದನ್ನು ಸಾರಿ ಹೇಳುತ್ತಿದ್ದವು. ಆಕೆಗೆ ಆ ಮಟ್ಟಿಗೆ ಸಿಗುತ್ತಿದ್ದ ಗೌರವ ಮತ್ತು ಹಿಂಬಾಲಕರ ರಹಸ್ಯವು ಆಕೆಯ ವಯಸ್ಸಾಗಿರಲಿಲ್ಲ. ಆಕೆ ಒಂದು ಕಾಲದಲ್ಲಿ ಮುಸಲ್ಮಾನಳಾಗಿದ್ದಳು ಎಂಬುದಕ್ಕೂ ಅಲ್ಲ. ಇಂಥಾ ಅದ್ದೂರಿ ಸ್ವಾಗತವನ್ನು ಪಡೆಯಲು ಈಕೆ ಕುಖ್ಯಾತ ಡಾನ್ ಆಗಿದ್ದ ಅರುಣ್ ಗಾವ್ಲಿಯ ಪತ್ನಿಯಾಗಿದ್ದಳು ಎಂಬುದೊಂದೇ ಸಾಕಿತ್ತು. ಸ್ಥಳೀಯರಿಂದ ‘ಡ್ಯಾಡಿ’ ಎಂದು ಅಭಿಮಾನದಿಂದ ಕರೆಸಿಕೊಳ್ಳುತ್ತಿದ್ದ ಗಾವ್ಲಿಯ ಧರ್ಮಪತ್ನಿ.”

ಕುಖ್ಯಾತ ಭೂಗತಪಾತಕಿ ಅರುಣ್ ಗಾವ್ಲಿಯ ಮನೆಯಾಕೆಯಾದ ಆಶಾ ಗಾವ್ಲಿಯ ಬಗ್ಗೆ ಖ್ಯಾತ ಪತ್ರಕರ್ತ, ಲೇಖಕ ಹುಸೇನ್ ಝಾಯ್ದಿ ತಮ್ಮ ‘ಮಾಫಿಯಾ ಕ್ವೀನ್ಸ್ ಆಫ್ ಮುಂಬೈ’ ಕೃತಿಯಲ್ಲಿ ಬರೆಯುವುದು ಹೀಗೆ. ಅರ್ಜುನ್ ರಾಂಪಾಲ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿ, ನಿರ್ಮಾಪಕರೂ ಆಗಿರುವ ಈ ವರ್ಷದ ಬಹುನಿರೀಕ್ಷಿತ ಚಿತ್ರ ‘ಡ್ಯಾಡಿ’ ತೆರೆಗೆ ಬರುತ್ತಿದೆ ಎಂಬ ಸುದ್ದಿಯು ಕಿವಿಗೆ ಬಿದ್ದಾಗಿನಿಂದ ಬಿಡುಗಡೆಯಾಗಲು ಕಾಯುವುದೇ ನನಗೊಂದು ಕೆಲಸವಾಗಿಬಿಟ್ಟಿತ್ತು. ಆದರೆ ಜುಲೈನಲ್ಲಿ ಬಿಡುಗಡೆಯಾಗಬೇಕಿದ್ದ ಚಿತ್ರವು ಸೆಪ್ಟೆಂಬರ್ ಮಾಸಕ್ಕೆ ಮುಂದೂಡಲ್ಪಟ್ಟಿತ್ತು. ಸಪ್ಟೆಂಬರಿನಲ್ಲಿ ಗಾವ್ಲಿ ಪರೋಲ್ ಮೇಲೆ ಬಿಡುಗಡೆಯಾಗುವುದರಿಂದ ಮತ್ತು ಈ ಅವಧಿಯಲ್ಲಿ ಮುಂಬೈ ಮಹಾನಗರಿಯಲ್ಲಿ ಚೌತಿ ಹಬ್ಬವು ರಂಗೇರುವುದರಿಂದಲೂ ಕೂಡ ಚಿತ್ರದ ಬಿಡುಗಡೆಯನ್ನು ಸೆಪ್ಟೆಂಬರ್ ತಿಂಗಳಲ್ಲೇ ಮಾಡಬೇಕು ಎಂದು ಚಿತ್ರತಂಡದ ಮನವೊಲಿಸಿಕೊಳ್ಳುವಲ್ಲಿ ಆಶಾ ಯಶಸ್ವಿಯಾಗಿದ್ದಳು. ಇನ್ನು ಉತ್ಸವದ ಅವಧಿಯಲ್ಲಿ ತಮ್ಮ ತಮ್ಮ ಹಿಡಿತವಿರುವ ಏರಿಯಾಗಳಲ್ಲಿ ಕೆಲ ಭೂಗತಲೋಕದ ಕುಳಗಳು ‘ದಾನಧರ್ಮ’ಗಳನ್ನು ನಡೆಸಿ ಸ್ವತಃ ‘ಭಗವಂತ’ನಾಗಲು ಯತ್ನಿಸುತ್ತಾರಾದ್ದರಿಂದ ಡ್ಯಾಡಿಯ ಆಸೆಯೂ ಇದೇ ಆಗಿರಲೂಬಹುದು.

ಚಿತ್ರವನ್ನು ವೀಕ್ಷಿಸುವಾಗ ಡ್ಯಾಡಿಯ ಬಗ್ಗೆ ನನಗೆ ಅದೆಷ್ಟು ಆಸಕ್ತಿಯಿತ್ತೋ ಮಮ್ಮಿಯ ಬಗ್ಗೆಯೂ ಅಷ್ಟೇ ಕುತೂಹಲವಿತ್ತು ಎನ್ನುವುದು ಸತ್ಯ. ಏಕೆಂದರೆ ಇಂದು ಅರುಣ್ ಗಾವ್ಲಿ ಪೋಲೀಸರ ಬಂದೂಕಿಗೆ ಎನ್ಕೌಂಟರ್ ಆಗದೆ ಬದುಕುಳಿದಿದ್ದರೆ, ಭೂಗತಪಾತಕಿಯೊಬ್ಬ ‘ಸಮಾಜಸೇವಕ'(?)ನೆಂಬ ಹಣೆಪಟ್ಟಿಯನ್ನು ಧರಿಸಿಕೊಳ್ಳಲು ಸಾಧ್ಯವಾಗಿದ್ದರೆ, ಜೈಲಿನೊಳಗೆ ಕುಳಿತುಕೊಂಡೇ ಚುನಾವಣೆಗೆ ನಿಂತು, ಚುನಾವಣೆ ಗೆದ್ದು, ವಿಧಾನಸಭೆಗೆ ಆಯ್ಕೆಯಾಗಿ ಬರಬೇಕಿದ್ದರೆ, ವರ್ಷಾನುಗಟ್ಟಲೆ ಜೈಲಿನೊಳಗಿದ್ದರೂ ‘ವ್ಯಾಪಾರ-ವಹಿವಾಟು’ಗಳ ಹೆಸರಿನಲ್ಲಿ ನಡೆಯುವ ಈತನ ‘ದಂಧೆ’ಗಳು ಸರಾಗವಾಗಿ ನಡೆಯುತ್ತಿವೆ ಎಂದಾದರೆ ಅದಕ್ಕೆ ಗಾವ್ಲಿಯ ನೆರಳಿನಂತಿರುವ ಆಶಾಳ ಜೊತೆಯೇ ಕಾರಣ. ಬಹಳ ಹಿಂದೆಯೇ ಆಕೆ ತನ್ನ ಪತಿಗೆ ರೊಟ್ಟಿ ಬೇಯಿಸಿ ಹಾಕುವ ಅಡುಗೆಮನೆಗೇ ಸೀಮಿತವಾಗದೆ ಕ್ರಮೇಣ ಗಾವ್ಲಿಯ ಆಪ್ತರಲ್ಲೊಬ್ಬಳಾಗಿ ಬದಲಾಗಿದ್ದಳು. ಗಾವ್ಲಿಗೆ ಸಿಗುತ್ತಿದ್ದಷ್ಟೇ ಗೌರವ ಆತನ ಮನೆಯಾಕೆಗೂ ತಂಡದ ಹುಡುಗರಿಂದ ಸಿಗುತ್ತಿತ್ತು. ಹೀಗೆ ಕ್ರಮೇಣ ಆಶಾ ಗ್ಯಾಂಗಿನ ‘ಗಾಡ್ ಮದರ್’ ಆಗಿಬಿಟ್ಟಿದ್ದಳು. ಗಾವ್ಲಿಯ ಹಿಂಬಾಲಕರಿಗೆ ‘ಮಮ್ಮಿ’!

ಅಷ್ಟಕ್ಕೂ ಅನಾಮಿಕಳಂತಿದ್ದ ಹೆಂಗಸೊಬ್ಬಳು ಆಶಾ ಗಾವ್ಲಿಯಾಗಿದ್ದು, ಮುಂದೆ ‘ಮಮ್ಮಿ’ಯಾಗಿ ಬದಲಾಗಿದ್ದು ಎಲ್ಲ ನಂತರವೇ. ಆ ದಿನಗಳಲ್ಲಿ ಅವಳು ಝುಬೈದಾ ಮುಜಾವರ್ ಅಷ್ಟೇ ಆಗಿದ್ದಳು. ತನ್ನ ತಾರುಣ್ಯದ ದಿನಗಳಲ್ಲೇ ಗಾವ್ಲಿಯೊಂದಿಗೆ ಪ್ರೀತಿಯಲ್ಲಿ ಬಿದ್ದ ಝುಬೈದಾ, ಕೊರಳಿಗೆ ಕರಿಮಣಿಸರ ಬಿದ್ದ ನಂತರ ಆಶಾ ಆಗಿದ್ದಳು. ಅರುಣ್ ತನ್ನ ಸಂಗಡಿಗರಾದ ಬಾಬು ರೇಶಿಮ್ ಮತ್ತು ರಾಮ ನಾಯ್ಕರೊಂದಿಗೆ ಸೇರಿ ಆಗಲೇ ಭೂಗತಲೋಕವನ್ನು ಹೊಕ್ಕಿಯಾಗಿತ್ತು. ಬಾಬು, ರಾಮಾ ಮತ್ತು ಅರುಣ್ ಹೆಸರಿನ ಮೊದಲ ಅಕ್ಷರವನ್ನು ಕ್ರಮವಾಗಿ ಜೊತೆಯಾಗಿ ಸೇರಿಸಿ ಹೆಸರಿಸಲ್ಪಟ್ಟ ‘ಬ್ರಾ’ (BRA) ಗ್ಯಾಂಗ್ ಕೂಡ ಒಳ್ಳೆಯ ವೇಗದಲ್ಲೇ ಮುಂದುವರಿದಿತ್ತು. ಕ್ರಮೇಣ ಗಾವ್ಲಿಯ ಪಯಣವು ಎಷ್ಟರಮಟ್ಟಿಗೆ ಮುಂದುವರಿಯಿತೆಂದರೆ ಡೋಂಗ್ರಿಯ ದೊಡ್ಡ ಕುಳವಾದ ದಾವೂದ್ ಇಬ್ರಾಹಿಂನೊಂದಿಗೆ ಕೈಜೋಡಿಸಿ ನಂತರ ಆತನಿಗೇ ಸಡ್ಡುಹೊಡೆದು ತಾನು ದಗ್ಡಿ ಚೌಲ್ ಏರಿಯಾದ ‘ಹಿಂದೂ ಡಾನ್’ ಎಂದು ಕರೆಸಿಕೊಳ್ಳುವಷ್ಟು. ಶಿವಸೇನೆಯ ಮುಖ್ಯಸ್ಥರಾಗಿದ್ದ ಬಾಳ್ ಠಾಕ್ರೆಯವರಂತೂ “ಕಾಂಗ್ರೆಸ್ ಪಕ್ಷಕ್ಕೆ ದಾವೂದ್ ಇದ್ದರೆ ನಮ್ಮೊಂದಿಗೆ ಗಾವ್ಲಿ ಇದ್ದಾನೆ” ಎಂದು ಬಹಿರಂಗವಾಗಿಯೇ ಘೋಷಿಸಿದ್ದರು. ಇವರೆಲ್ಲಾ ಠಾಕ್ರೆಯವರಿಗೆ ‘ಆಮ್ಚಿ ಮುಲೇ’ (ನಮ್ಮ ಹುಡುಗರು). ಮುಂದೆ ಬಾಬು ರೇಶಿಮ್ ಮತ್ತು ರಾಮ ನಾಯ್ಕರ ಹತ್ಯೆಯಾಗಿ ಗ್ಯಾಂಗಿನಲ್ಲಿ ಗಾವ್ಲಿಯಷ್ಟೇ ಉಳಿದುಕೊಂಡಿದ್ದು ಮತ್ತು ಶಿವಸೇನೆಯ ಕಾರ್ಪೊರೇಟರ್ ಒಬ್ಬನನ್ನು ಕೊಲೆ ಮಾಡಿದ ಆಪಾದನೆಯೊಂದಿಗೆ ಗಾವ್ಲಿ ಜೈಲು ಸೇರಿದ್ದು ಮಾತ್ರ ಆತನ ಜೀವನದಲ್ಲಿ ನಡೆದ ಮಹತ್ವದ ತಿರುವುಗಳಲ್ಲೊಂದು.

ಭೂಗತಪಾತಕಿಗಳ ಬಗೆಗಿರುವ ಬಹಳಷ್ಟು ‘ಮಸಾಲಾ’ ಕಥೆಗಳಂತೆ ಗಾವ್ಲಿಯ ಕಥೆಗಳೂ ಕೂಡ ಬಹಳ ಸ್ವಾರಸ್ಯಕರವಾಗಿರುವಂಥದ್ದು. ಆದರೆ ಗಾವ್ಲಿ ಇತ್ತೀಚಿನವನಾದ್ದರಿಂದ ಇವುಗಳಲ್ಲಿ ಬಹುಪಾಲು ದಾಖಲಾಗಿರುವಂಥವು ಮತ್ತು ಸತ್ಯಾಸತ್ಯತೆಗಳ ಲೆಕ್ಕಾಚಾರಕ್ಕೆ ನಿಲುಕುವಂಥವುಗಳು. ಆಶಾ ತನ್ನ ಪತಿಯನ್ನು ಪೋಲೀಸರಿಂದ ಬಚ್ಚಿಡಲು ನಿರ್ಮಿಸಿದ್ದ ಅಡಗುತಾಣಗಳು ಇವುಗಳಲ್ಲೊಂದು. ತನ್ನ ಅಡುಗೆಮನೆಯಲ್ಲಿ ಸಿಲಿಂಡರಿನ ಕೆಳಗಡೆ ಬಿಲದಂತಿರುವ ಜಾಗವೊಂದನ್ನು ಆಶಾ ತನ್ನ ಪತಿಗಾಗಿ ಮಾಡಿಟ್ಟಿದ್ದಳು ಎಂದು ಹುಸೇನ್ ಝಾಯ್ದಿ ಬರೆಯುತ್ತಾರೆ. ಪೋಲೀಸರ ದಾಳಿಯಾದಾಗಲೆಲ್ಲಾ ಗಾವ್ಲಿ ಹಾಸಿಗೆಯ ಕೆಳಗೆ, ಅಡುಗೆಮನೆಯಲ್ಲಿ, ಬೀರುವಿನ ಹಿಂದೆ… ಹೀಗೆ ಸಿಕ್ಕಸಿಕ್ಕಲ್ಲಿ ತೂತುಗಳನ್ನು ಕೊರೆದಿಟ್ಟು ಇಲಿಯಂತೆ ಬಚ್ಚಿಟ್ಟುಕೊಳ್ಳುತ್ತಿದ್ದ. ಇನ್ನು ತಾನಿರುವ ಪ್ರದೇಶದಲ್ಲಿ ದಾನಧರ್ಮಗಳನ್ನು ನಡೆಸಿ ‘ರಾಬಿನ್ ಹುಡ್’ ಇಮೇಜ್ ಅನ್ನು ಪಡೆದುಕೊಂಡಿದ್ದರಿಂದಾಗಿ ಸ್ಥಳೀಯರಿಂದಲೂ ಅವನಿಗೆ ಸಹಾಯ ಸಿಗುತ್ತಿತ್ತು. ಪಲಾಯನಕ್ಕೆಂದೇ ದಗ್ಡಿ ಚೌಲ್ ನ ಓಣಿಗಳು ಮತ್ತಷ್ಟು ಕಿರಿದಾಗಿದ್ದವು. ಇನ್ನು ತನ್ನ ಭದ್ರಕೋಟೆಯಂತಹ ಮನೆಯಿಂದ ಅಪರೂಪಕ್ಕೊಮ್ಮೆ ಹೊರಹೋಗುತ್ತಿದ್ದಾಗಲೆಲ್ಲಾ ಆಶಾ ಗಾವ್ಲಿ ನಿರ್ಮಿಸಿದ್ದ ಮಹಿಳೆಯರ ಪುಟ್ಟ ಪಡೆಯೊಂದು ಈತನ ಸುತ್ತಮುತ್ತಲೇ ತಿರುಗುತ್ತಾ ಅವನನ್ನು ಜನಸಂದಣಿಯಲ್ಲೊಬ್ಬನಾಗುವಂತೆ ಮಾಡುತ್ತಿತ್ತು. ಏಕಾಏಕಿ ಪೋಲೀಸರ ದಾಳಿಯಾದರೂ ಕೂಡ ಪೇದೆಗಳು ಹೆಂಗಸರ ಮೇಲೆ ಕೈಮಾಡುವುದಿಲ್ಲ ಎಂಬ ಒಂದೇ ಕಾರಣದಿಂದ ಗಾವ್ಲಿ ದಂಪತಿಗಳು ಈ ಜಾಣನಡೆಯನ್ನಿಟ್ಟಿದ್ದರು. ಇದು ಒಂದು ಮಟ್ಟಿಗೆ ಯಶಸ್ವಿಯಾಗಿ ಕೆಲಸ ಮಾಡಿತು ಕೂಡ. ಆದರೆ ಈ ಬಗ್ಗೆ ಗಂಡಸ್ತನದ ಹಮ್ಮಿರುವ ಅಪರಾಧ ಜಗತ್ತಿನಲ್ಲಿ ಗಾವ್ಲಿ ಹಾಸ್ಯದ ವಸ್ತುವಾಗಿದ್ದೂ ಕೂಡ ಅಷ್ಟೇ ಸತ್ಯ.

ಗೀತಾ ಗಾವ್ಳಿ

ಇನ್ನು ಶಿವಸೇನೆಯಿಂದ ಸ್ನೇಹವನ್ನು ಕಳಚಿಕೊಂಡು ಹೊರನಡೆದಿದ್ದ ಗಾವ್ಲಿ 1997ರಲ್ಲಿ ತನ್ನದೇ ರಾಜಕೀಯ ಪಕ್ಷವಾದ ಅಖಿಲ ಭಾರತೀಯ ಸೇನೆ (ABS)ಯನ್ನು ಆರಂಭಿಸಿದ್ದೂ ಕೂಡ ಆಶಾಳ ಪ್ರೋತ್ಸಾಹದಿಂದಲೇ. ಇಲ್ಲಿ ಅರುಣ್ ಪಕ್ಷದ ಅಧ್ಯಕ್ಷನಾದರೆ, ಆಶಾ ಮಹಿಳಾ ಶಾಖೆಯ ಜವಾಬ್ದಾರಿಯನ್ನು ಹೊತ್ತಿದ್ದಳು. ಪೋಲೀಸರು ದಾಳಿ ಮಾಡಿದಾಗಲೆಲ್ಲಾ ಗಾವ್ಲಿಯ ಸುತ್ತ ಗುಂಪುಕಟ್ಟಿ ನಿಂತು ಅವನನ್ನು ರಕ್ಷಿಸುತ್ತಿದ್ದ ಮಹಿಳೆಯರು ಇವರೇ. 2002ರ ಅವಧಿಯಲ್ಲಿ ಬೃಹನ್ಮುಂಬೈ ಮುನಿಸಿಪಲ್ ಕಾರ್ಪೊರೇಷನ್ ಚುನಾವಣೆಯಲ್ಲಿ ಮೊದಲ ಬಾರಿ ABSನಿಂದ ಕಣಕ್ಕಿಳಿದ ಗೀತಾ ಗಾವ್ಲಿ (ಅರುಣ್-ಆಶಾರ ಪುತ್ರಿ) ಕಾರ್ಪೋರೇಟರ್ ಆಗಿ ಜಯಗಳಿಸಿದ್ದಳು. ಮುಂದೆ 2004ರಲ್ಲಿ ಮುಂಬೈಯ ಚಿಂಚ್ಪೋಕ್ಲಿ ಕ್ಷೇತ್ರದಿಂದ ಸ್ಪರ್ಧಿಸಿ ಗೆದ್ದ ಅರುಣ್ ಗಾವ್ಲಿ ವಿಧಾನಸಭಾ ಸದಸ್ಯನಾಗಿ ಆಯ್ಕೆಯಾಗಿದ್ದ. ಗಾವ್ಲಿಗೆ ಜನಬಲ, ಹಣಬಲ, ತೋಳ್ಬಲಗಳಿದ್ದವು ಎನ್ನುವುದೇನೋ ಸತ್ಯ. ಆದರೆ ಮನೆಮನೆಗೂ ಹೋಗಿ ಮತಗಳನ್ನು ಕೇಳಿದ್ದ, ಚುನಾವಣಾ ಪ್ರಚಾರಗಳನ್ನು ಅದ್ಭುತವಾಗಿ ಸಂಘಟಿಸಿದ್ದ ಆಶಾಳ ಪ್ರಯತ್ನವೂ ಫಲ ನೀಡಿತ್ತು. ಆಶಾಳಿಂದ ಪತಿಗಾಗಿ ಸೃಷ್ಟಿಸಲ್ಪಟ್ಟ ‘ಸಮಾಜಸೇವಕ’ನ ಇಮೇಜ್ ತಂತ್ರವು ಫಲಿಸಿತ್ತು. ಈ ವಿಜಯದೊಂದಿಗೆ ನಿನ್ನೆಯವರೆಗೆ ಅಪರಾಧಿಯಾಗಿದ್ದ, ಪೋಲೀಸರ ನೆರಳು ಕಂಡರೆ ಓಡುತ್ತಿದ್ದ ಗಾವ್ಲಿಗೆ ಈಗ ಸರಕಾರಿ ಭದ್ರತೆಯನ್ನು ಒದಗಿಸುವ ಕರ್ಮ ಪೋಲೀಸ್ ಇಲಾಖೆಗೆ ಬಂದೊದಗಿತ್ತು. ಇನ್ನು ಪೋಲೀಸರು ಗಾವ್ಲಿಯನ್ನು ಅತ್ತಿತ್ತ ವರ್ಗಾವಣೆ ಮಾಡಿದಾಗಲೆಲ್ಲಾ ಬೆಂಗಾವಲಿನಂತೆ ಜೊತೆಯಲ್ಲೇ ಸಾಗುತ್ತಾ ಗಾವ್ಲಿ ಪೋಲೀಸ್ ಎನ್ಕೌಂಟರಿಗೆ ಬಲಿಯಾಗದಂತೆ ಎಚ್ಚರವಹಿಸಿದವಳು ಇದೇ ಮಮ್ಮಿ.

ಆದರೆ 2009ರ ಚುನಾವಣೆಯಲ್ಲೂ ಪತಿಯನ್ನು ಗೆಲ್ಲಿಸುವ ಮಮ್ಮಿಯ ಯೋಜನೆಗಳು ಮಾತ್ರ ಹಳ್ಳಹಿಡಿದುಹೋಗಿದ್ದು ಸತ್ಯ. ಅಧಿಕಾರಾವಧಿಯ ಬಹುಪಾಲನ್ನು ಗಾವ್ಲಿ ಜೈಲಿನಲ್ಲೇ ಕಳೆದಿದ್ದ. ಗಾವ್ಲಿಯ ಬದಲು ಆಶಾಳೇ ಹೋಗಿ ಕ್ಷೇತ್ರದ ಜನರಿಗೆ ಮುಖ ತೋರಿಸಿದರೂ ಜನತೆ ಮಾತ್ರ ‘ಬರುವುದಾದರೆ ಜನಪ್ರತಿನಿಧಿಯೇ ಬರಲಿ, ಇನ್ಯಾರೂ ಬೇಡ’ ಎಂಬಂತೆ ಸದ್ದಿಲ್ಲದೆ ಪ್ರಜಾಪ್ರಭುತ್ವದ ಮಾರ್ಗದಲ್ಲೇ ಈತನನ್ನು ಮನೆಗೆ ಕಳಿಸಿತು. ಇನ್ನು ಗಾವ್ಲಿ ದಂಪತಿಗೆ ಹುಟ್ಟಿದ ಗೀತಾ, ಯೋಗಿತಾ, ಮಹೇಶ, ಯೋಗೇಶ ಮತ್ತು ಅಸ್ಮಿತಾರಲ್ಲಿ ತಂದೆಯ ಪ್ರಭಾವಳಿಯನ್ನೇ ಹೊತ್ತುಕೊಂಡು ಹೊರಹೊಮ್ಮಿದವಳೆಂದರೆ ಗೀತಾ ಗಾವ್ಲಿ. ತಾಯಿ ಆಶಾ ಗಾವ್ಲಿಯ ಮಾರ್ಗದರ್ಶನ ಮತ್ತು ತಂದೆ ಅರುಣ್ ಗಾವ್ಲಿಯ ಬೆಂಬಲದೊಂದಿಗೆ ಇಂದಿಗೂ ರಾಜಕೀಯ ಜೀವನದಲ್ಲಿ ಸಕ್ರಿಯರಾಗಿದ್ದಾರೆ ಗೀತಾ ಗಾವ್ಲಿ. ಇನ್ನು ತನ್ನ ಪತಿಯ ಪರವಾಗಿ ನ್ಯಾಯಾಲಯಗಳ ಅಲೆದಾಟ, ವ್ಯಾಪಾರ-ವಹಿವಾಟುಗಳ ನಿಯಂತ್ರಣ, ಧರಣಿ, ಭಾಷಣ, ಸಮಾಜಸೇವೆ ಎಂದು ನೂರೆಂಟು ಕೆಲಸಗಳಲ್ಲಿ ವ್ಯಸ್ತರಾಗಿದ್ದಾರೆ ಆಶಾ ಗಾವ್ಲಿ ಉರ್ಫ್ ಮಮ್ಮಿ. ಇತ್ತ ತಾನು ನಿರಪರಾಧಿ ಎಂದು ಹೇಳುತ್ತಲೇ ಬಂದಿರುವ ಪ್ರಾಣಭಯವನ್ನೇ ಉಸಿರಾಡುತ್ತಿರುವ ಗಾವ್ಲಿ ಮಾತ್ರ ಇಂದಿಗೂ ದಗ್ಡೀ ಚೌಲ್ ನಲ್ಲಿರುವ ತನ್ನ ಭದ್ರಕೋಟೆ ಮತ್ತು ಜೈಲುಗಳ ಮಧ್ಯೆ ಬಿಗಿಪಹರೆಯ ಆಸರೆಯಲ್ಲಿ ದಿನತಳ್ಳುತ್ತಲಿದ್ದಾನೆ.

ನಿರ್ದೇಶಕ ಆಶಿಮ್ ಅಹ್ಲುವಾಲಿಯಾ ‘ಡ್ಯಾಡಿ’ ಚಿತ್ರವನ್ನು ತೀರಾ ಕಮರ್ಷಿಯಲ್ ಧಾಟಿಗಿಳಿಸದೆ ಹೊಸ ನಿರೂಪಣೆಯೊಂದಿಗೆ ಪ್ರಯತ್ನಿಸಿದ್ದಾರೆ ಅನ್ನುವುದು ಸತ್ಯ. ಇದು ಬಾಲಿವುಡ್ಡಿನ ಸಿದ್ಧಸೂತ್ರಕ್ಕೆ ವಿರುದ್ಧವಾಗಿದೆ ಎಂಬುದು ತಿಳಿದಿದ್ದರೂ ಅಂಥದ್ದೊಂದು risk ಅನ್ನು ತೆಗೆದುಕೊಂಡಿದ್ದಾರೆ ನಿರ್ದೇಶಕರು. ಹೀಗಾಗಿಯೇ ಇಲ್ಲಿ ಗಾವ್ಲಿ ಸಿನಿಮೀಯ ಹೀರೋ ಆಗುವುದಿಲ್ಲ, ದೇವತೆಯಾಗುವುದಿಲ್ಲ, ದಾನಶೂರ ಕರ್ಣನಾಗುವುದಿಲ್ಲ.

ಒಟ್ಟಾರೆಯಾಗಿ ಆಶಾ ಗಾವ್ಲಿಯ ಪಾತ್ರವನ್ನು ನಿಭಾಯಿಸಿರುವ ನಟಿ ಐಶ್ವರ್ಯಾ ರಾಜೇಶ್ ಇಷ್ಟವಾಗುತ್ತಾರೆ. ‘ಡ್ಯಾಡಿ’ ಅರ್ಜುನ್ ರ ನಟನಾಜೀವನದ ಅತ್ಯುತ್ತಮ ಚಿತ್ರಗಳಲ್ಲೊಂದೆಂದು ನಿಸ್ಸಂದೇಹವಾಗಿ ಹೇಳಬಹುದು. ಆದರೆ ಮಕ್ಸೂದ್ ಹೆಸರಿನ ನೆರಳಿನಲ್ಲಿ ದಾವೂದ್ ಇಬ್ರಾಹಿಂ ಪಾತ್ರದಲ್ಲಿರುವ ಫರ್ಹಾನ್ ಅಖ್ತರ್ ಮಾತ್ರ ಎಲ್ಲಿಗೂ ಸಲ್ಲದೆ ಮಸುಕುಮಸುಕಾಗಿಯೇ ಉಳಿದುಬಿಡುತ್ತಾರೆ. ಇದು ಚಿತ್ರದ ಬಹುಮುಖ್ಯ ಕೊರತೆಗಳಲ್ಲೂ ಒಂದು.

“ಗಾಂಧಿ ಟೋಪಿ ಧರಿಸಿದ ಮಾತ್ರಕ್ಕೆ ಯಾರೂ ಗಾಂಧಿಯಾಗುವುದಿಲ್ಲ” ಎಂಬ ಅರ್ಥಪೂರ್ಣ ಮಾತೊಂದು ಚಿತ್ರದಲ್ಲಿದೆ. ಕೊನೆಯವರೆಗೂ ಕಾಡುವುದೆಂದರೆ ಈ ಸಾಲೊಂದೇ!

—-

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...