Share

ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

 

 

“ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು.

ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡು ಸಾಮಾನ್ಯವಾಗಿ ವ್ಯಸ್ತರಾಗಿರುವವರು. ಆದರೆ ಅಷ್ಟು ಬ್ಯುಸಿಯಾಗಿದ್ದರೂ ಕೂಡ ಮಾತಾಡಬೇಕು ಎಂದಾಗಲೆಲ್ಲಾ ಅಷ್ಟೇ ಬೇಗ ಮಾತಿಗೆ ಸಿಗುವವರೂ ಹೌದು. ಅದರಲ್ಲೂ ಈ ಬಾರಿ ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡೋಣ ಎಂದಾಗ ನನಗೆ ಬಹಳ ಖುಷಿಯಾಗಿದ್ದಂತೂ ಹೌದು. ಮುಂದೆ ನಡೆದದ್ದೆಲ್ಲಾ ಸೂಪರ್ ಫಾಸ್ಟ್ ಪ್ರಕ್ರಿಯೆಗಳು. ಲೇಖಕರಿಂದ ಲೇಖನಗಳನ್ನು ತರಿಸಿಕೊಂಡಿದ್ದೂ, ಗಣೇಶ್ ರವರ ಸಂಪಾದಕತ್ವದಲ್ಲಿ ಪ್ರಕಟವಾಗಿದ್ದೂ, ಮಾರುಕಟ್ಟೆಗೆ ಬಂದಿದ್ದೂ ಆಯಿತು. ಇತ್ತೀಚೆಗಷ್ಟೇ ಪುಸ್ತಕದ ಪ್ರತಿಯೊಂದು ಸ್ವತಃ ಅವರಿಂದಲೇ ಕೈಗೆ ಸಿಕ್ಕಾಗ ನನಗಾದ ಸಂತಸವು ಅಷ್ಟಿಷ್ಟಲ್ಲ.

ನನ್ನ ಓದಿನ ದಿನಗಳನ್ನು ಹಿಡಿದುಕೊಂಡು ಬರವಣಿಗೆಯ ದಿನಗಳವರೆಗೆ ಬಂದರೂ ನನ್ನಂಥವರಿಗಿದ್ದ ಒಂದೇ ಒಂದು ದೊಡ್ಡ ಪ್ರಶ್ನೆಯೆಂದರೆ ನಾವು ಏನನ್ನು ಓದಬೇಕು ಎಂಬುದು. ಪ್ರೌಢಶಾಲೆಗೆ ಬರುವವರೆಗೂ ಒಂದು ತಕ್ಕಮಟ್ಟಿನ ಗ್ರಂಥಾಲಯದ ಭಾಗ್ಯ ನನಗೆ ದೊರಕದಿದ್ದ ಪರಿಣಾಮವಾಗಿ ನಾನು ಮನೆಯಲ್ಲಿದ್ದ ಏಳೆಂಟು ಪುಸ್ತಕಗಳನ್ನೇ ಹಲವು ಬಾರಿ ಓದುತ್ತಿದ್ದೆ. ಮೊಬೈಲು, ಇಂಟರ್ನೆಟ್ಟುಗಳಿರದಿದ್ದ ಆ ದಿನಗಳಲ್ಲಿ ನಮ್ಮಂಥವರಿಗಿದ್ದ ಮನರಂಜನೆಯ ದಾರಿಯೆಂದರೆ ಓದು ಮಾತ್ರ. ಅದನ್ನು ಹೊರತುಪಡಿಸಿದರೆ ಕೆಲ ಕಾಮಿಕ್ಸ್ ಗಳು ಒಂದಿಬ್ಬರು ಮಿತ್ರರ ನಡುವಿನಲ್ಲೇ ವಿನಿಮಯವಾಗುತ್ತಿದ್ದವು. ಇನ್ನೂ ಓದಬೇಕು ಎಂದೇನೋ ಅನ್ನಿಸುತ್ತಿತ್ತು. ಆದರೆ ಏನನ್ನು ಓದಬೇಕು ಎಂಬುದು ಮಾತ್ರ ಗೊತ್ತಿರಲಿಲ್ಲ. ಇನ್ನು ಆಪ್ತವಲಯದಲ್ಲೂ ಅಂಥಾ ಗಂಭೀರ ಓದುಗರಿರದಿದ್ದ ಪರಿಣಾಮವಾಗಿ ಇಂಥದ್ದೊಂದು ಗೊಂದಲದ ಮಧ್ಯೆಯೇ ಸಿಕ್ಕಿದ್ದೆಲ್ಲವನ್ನೂ ಓದುತ್ತಾ ಹೋಗುತ್ತಿದ್ದೆವು. ಆರಂಭದ ಓದಿನ ಪಯಣ ಯಾವುದೇ ಪೂರ್ವಾಗ್ರಹಗಳಿಲ್ಲದೆ ಹೆಜ್ಜೆಹಾಕಿದ್ದೇನೋ ಸರಿ. ಆದರೆ ಇರಬೇಕಾದ ಶಿಸ್ತಂತೂ ಇರಲಿಲ್ಲ ಎಂಬುದನ್ನು ಈಗ ನೆನೆಸಿಕೊಂಡಾಗ ವಿಚಿತ್ರವೆನಿಸುತ್ತದೆ.

ನನಗೆ ನೆನಪಿರುವಂತೆ ನಮ್ಮ ಶಾಲಾ ಗ್ರಂಥಾಲಯದಿಂದ ನಿಯಮಿತವಾಗಿ ಪಠ್ಯೇತರ ವಿಷಯಗಳ ಪುಸ್ತಕಗಳನ್ನು ತೆಗೆದುಕೊಂಡು ಹೋಗುತ್ತಿದ್ದವನು ನಾನೊಬ್ಬ ಮಾತ್ರ. ನಾನು ಬಿಡಿಸುತ್ತಿದ್ದ ಕಲಾಕೃತಿಗಳ ಹೊರತಾಗಿ ಅಲ್ಲಿದ್ದ ಗ್ರಂಥಪಾಲಕಿಗೆ ನನ್ನ ಬಗ್ಗೆ ವಿಚಿತ್ರ ಕುತೂಹಲವನ್ನು ಹುಟ್ಟಿಸುತ್ತಿದ್ದ ಸಂಗತಿಯೆಂದರೆ ಈ ಪುಸ್ತಕಗಳ ಎರವಲು. ಆದರೂ ಆಕೆ ಬಲು ಮುತುವರ್ಜಿಯಿಂದ ಪುಸ್ತಕಗಳನ್ನು ಎತ್ತಿ ನನಗಾಗಿ ನೀಡುವವರು. ಇನ್ನು ಕಪಾಟಿನಲ್ಲಿದ್ದ ದಪ್ಪನೆಯ ಕೆಲ ಪುಸ್ತಕಗಳನ್ನು ನೋಡಿ ಹೆದರಿಕೊಂಡು ಕೆಲವೊಮ್ಮೆ ಓದಿದ್ದ ಕಿರುಪುಸ್ತಕಗಳನ್ನೇ ಹಲವು ಬಾರಿ ಓದಿದ್ದಿದೆ. ನನ್ನ ಈ ಹುಚ್ಚನ್ನು ನೋಡುತ್ತಾ ಇದೇನಪ್ಪಾ ಎಂದು ಅವರು ಕಣ್ಣರಳಿಸಿದ್ದೂ ಇದೆ. ಈ ದಿನಗಳಲ್ಲೇ ಶಾಲೆಯ ಸಾಹಿತ್ಯ ಸಂಘದ ಮುಖ್ಯಸ್ಥನಾಗಿದ್ದ ನಾನೊಮ್ಮೆ ಕಾರ್ಯಕ್ರಮವೊಂದನ್ನು ಆಯೋಜಿಸಿದ್ದೆ. ಬಂದ ಅತಿಥಿಗಳೊಬ್ಬರು ‘ಪಂಪ, ಕುಮಾರವ್ಯಾಸನನ್ನು ಮೊದಲು ಓದಲೇಬೇಕು ಮಕ್ಕಳೇ’ ಅಂದುಬಿಟ್ಟರು. ಹಳೆಗನ್ನಡವು ಕಬ್ಬಿಣದ ಕಡಲೆಯಂತಿದ್ದ ಪರಿಣಾಮವಾಗಿ ಈ ಸಲಹೆಯೂ ನನ್ನನ್ನು ಇಕ್ಕಟ್ಟಿಗೆ ಸಿಲುಕಿಸಿತ್ತು. ಈ ಮಧ್ಯೆ ಪಠ್ಯವಿಷಯಗಳ, ಪರೀಕ್ಷೆಗಳ ಮತ್ತು ಅಂಕಗಳ ಒತ್ತಡ. ಒಟ್ಟಿನಲ್ಲಿ ಸರ್ವಂ ಗೊಂದಲಮಯಂ!

ಶ್ರೀಯುತ ಗಣೇಶ್ ಕೋಡೂರುರವರ ಸಂಪಾದಕತ್ವದಲ್ಲಿ ಮೂಡಿಬಂದಿರುವ ‘ಪಠ್ಯದಾಚೆಗೆ ನಿಮ್ಮ ಮಕ್ಕಳು ಯಾವ ಪುಸ್ತಕಗಳನ್ನು ಓದಬೇಕು?’ ಕೃತಿಯ ಒಂದೊಂದೇ ಲೇಖನಗಳನ್ನು ಓದುತ್ತಿದ್ದರೆ ಹೀಗೆ ಹತ್ತಾರು ನೆನಪುಗಳು ಸಾಲುಗಟ್ಟಿ ನಿಂತಿದ್ದವು. ಹಾಗೆಯೇ ಇಂಥದ್ದೊಂದು ಪುಸ್ತಕ ನನಗೆ ನನ್ನ ಬಾಲ್ಯದ ದಿನಗಳಲ್ಲಿ ಸಿಕ್ಕಿದ್ದರೆ ಅದೆಷ್ಟು ಚಂದದ ಮಾರ್ಗದರ್ಶಿಯಾಗಿರುತ್ತಿತ್ತು ಎಂಬ ಅಚ್ಚರಿಯೂ ಕೂಡ. ಖ್ಯಾತ ಲೇಖಕರೂ, ಪತ್ರಕರ್ತರೂ ಆಗಿರುವ ಜೋಗಿಯವರ ಸಂಪಾದಕತ್ವದಲ್ಲಿ ಹಿಂದೆ ಮೂಡಿಬಂದಿದ್ದ ‘ಹಲಗೆ ಬಳಪ’ ಓದಿದ್ದಾಗಲೂ ಇಂಥದ್ದೊಂದು ಉದ್ಗಾರ ಹೊರಬಂದಿತ್ತು. ಖ್ಯಾತ ಲೇಖಕರು ತಮ್ಮ ಬರವಣಿಗೆಯ ಆರಂಭದ ದಿನಗಳ ಬಗ್ಗೆ ದಾಖಲಿಸಿರುವ ಸಂಗ್ರಹಯೋಗ್ಯ ಕೃತಿಯಾಗಿತ್ತದು. ಹೀಗೆ ಹೇಳಬೇಕಾಗಿರುವಂಥದ್ದನ್ನು ಸರಳ, ಸ್ಪಷ್ಟ ಶೈಲಿಯಲ್ಲಿ ಅರ್ಥವಾಗುವಂತೆ ಹೇಳುವಂತಹ ಕೃತಿಗಳು ಓದುಗರಲ್ಲಿ ಬೀರುವ ಪರಿಣಾಮವೇ ಅಂಥದ್ದು.

ಒಟ್ಟು ಹದಿಮೂರು ಲೇಖಕರ ಲೇಖನಗಳನ್ನು ಹೊಂದಿರುವ ಈ ಕೃತಿಯು ನಿಜಕ್ಕೂ ಒಂದೊಳ್ಳೆಯ ಪ್ರಯೋಗವೇ. ಖ್ಯಾತ ಲೇಖಕರಾದ ಕೆ.ಟಿ.ಗಟ್ಟಿ, ಅರವಿಂದ ಚೊಕ್ಕಾಡಿಯವರಿಂದ ಹಿಡಿದು ಶಾಲಾಶಿಕ್ಷಣದ ಸ್ವಾರಸ್ಯಕರ ಮುಖಗಳ ಬಗ್ಗೆ ಬಲು ಅಸ್ಥೆಯಿಂದ ಬರೆಯುವ ಲೇಖಕರೂ, ಅಂಕಣಕಾರರೂ ಆದ ನಾರಾಯಣ ಬಾಬಾನಗರ, ತರಹೇವಾರಿ ವಿಷಯಗಳ ಬಗ್ಗೆ ಸೊಗಸಾಗಿ ಬರೆಯಬಲ್ಲ ಅಂಕಣಕಾರರಾದ ಸದಾಶಿವ ಸೊರಟೂರು, ಡಾ. ಕೆ. ಎಸ್. ಚೈತ್ರಾರವರಂತಹ ಪ್ರತಿಭಾವಂತ ಬರಹಗಾರರ ಒಳ್ಳೊಳ್ಳೆಯ ಲೇಖನಗಳು ಇಲ್ಲಿವೆ. ಈಚಿನ ದಿನಗಳಲ್ಲಿ ಬದಲಾಗುತ್ತಿರುವ ಓದಿನ ಮುಖಗಳು, ಹೊರೆಯಾಗದಂತೆ ಓದಿನ ಹವ್ಯಾಸವನ್ನು ಮಕ್ಕಳಲ್ಲಿ ಬೆಳೆಸುವ ಬಗೆ, ಮಕ್ಕಳಿಗೆ ವಿವಿಧ ಹಂತಗಳಲ್ಲಿ ಪರಿಚಯಿಸಬಹುದಾದ ಕೃತಿಗಳು, ಈ ನಿಟ್ಟಿನಲ್ಲಿ ಪೋಷಕರು / ಶಿಕ್ಷಕರು ತೆಗೆದುಕೊಳ್ಳಬಹುದಾದ ಹೆಜ್ಜೆಗಳು… ಹೀಗೆ ಹಲವು ವಿಷಯಗಳು ಇಲ್ಲಿ ಸವಿವರವಾಗಿ, ಸರಳ ನಿರೂಪಣಾ ಶೈಲಿಯಲ್ಲಿ ಇಲ್ಲಿ ದಾಖಲಿಸಲ್ಪಟ್ಟಿವೆ.

ಇನ್ನು ಕೆಲ ಲೇಖನಗಳು ಓದಿನ ನಿರ್ದಿಷ್ಟ ವಿಷಯಗಳ ಬಗ್ಗೆಯಷ್ಟೇ ಸವಿವರವಾಗಿ ಮೂಡಿಬಂದು ಕೃತಿಯ ತೂಕವನ್ನು ಹೆಚ್ಚಿಸಿವೆ. ಆತ್ಮಕಥನ / ಜೀವನಕಥನಗಳ ಬಗ್ಗೆ ಲೇಖಕರಾದ ಗುಬ್ಬಚ್ಚಿ ಸತೀಶ್ ರವರು ಬರೆದ ಲೇಖನವು ಇದಕ್ಕೊಂದು ಒಳ್ಳೆಯ ನಿದರ್ಶನ. ಹಲವು ವರ್ಷಗಳ ಹಿಂದೆ ನನ್ನ ಶಾಲಾದಿನಗಳಲ್ಲಿ ರಾಮಕೃಷ್ಣ ಪರಮಹಂಸರ ಜೀವನಕಥನವೊಂದನ್ನು ಓದಿದ್ದೆ. ಅದು ಮಕ್ಕಳಿಗಾಗಿ ಬರೆದಿದ್ದಲ್ಲವಾದರೂ ಜೀವನಕಥನವೆಂಬ ಸಾಹಿತ್ಯಪ್ರಕಾರವು ಅಂದು ನನ್ನನ್ನು ಬಹಳ ಆಕರ್ಷಿಸಿತ್ತು. ವಿವಿಧ ಕ್ಷೇತ್ರಗಳಲ್ಲಿ ಮಹಾಸಾಧನೆಗಳನ್ನು ಮಾಡಿರುವವರ ಪುಟ್ಟ ಜೀವನಪುಸ್ತಕ ಮಾಲಿಕೆಗಳು, ಸ್ವಾತಂತ್ರ್ಯಹೋರಾಟಗಾರರ ವೀರಗಾಥೆಗಳು.. ಇತ್ಯಾದಿಗಳು ಬೆಳೆಯುವ ಮಕ್ಕಳಿಗೆ ಪ್ರೇರಣಾತ್ಮಕವಾಗಿ ಬಳಕೆಯಾಗುವುದರಲ್ಲಿ ಸಂದೇಹವಿಲ್ಲ. ಇನ್ನು ಒಳ್ಳೆಯ ಓದಿನ ಹಿನ್ನೆಲೆಯುಳ್ಳ ಗಾರ್ಗಿಯಂಥವರ ಲೇಖನಗಳು ಇಂಗ್ಲಿಷ್ ಸಾಹಿತ್ಯದ ಕೆಲ ಅದ್ಭುತ ಪುಸ್ತಕಗಳನ್ನೂ ಕೂಡ ಮಕ್ಕಳಿಗಾಗಿ ಪರಿಚಯಿಸಿ ಪುಸ್ತಕದ ಒಟ್ಟಾರೆ ವಿಸ್ತಾರವನ್ನು ಹೆಚ್ಚಿಸಿವೆ.

ಆದರೆ ಎಲ್ಲಾ ಪುಸ್ತಕಗಳು ಎಲ್ಲರಿಗೂ ರುಚಿಸಬೇಕೆಂದಿಲ್ಲವಲ್ಲಾ! ಮಕ್ಕಳ ಓದಿನ ವಿಚಾರದಲ್ಲೂ ಇದು ಸತ್ಯ. ನಾನು ಪ್ರೌಢಶಾಲೆಗೆ ಕಾಲಿಟ್ಟಾಗ ಜಿ.ಕೆ.ರೌಲಿಂಗ್ ರವರ ಹ್ಯಾರಿ ಪಾಟರ್ ಸರಣಿಯು ಒಂದಿಡೀ ತಲೆಮಾರನ್ನು ಓದಿಗೆ ಹಚ್ಚಿಸಿತ್ತು. ಮುಂದೆ ಎಂಜಿನಿಯರಿಂಗ್ ಅಧ್ಯಯನಕ್ಕೆ ಬಂದಾಗಲೂ ಬಹಳಷ್ಟು ವಿದ್ಯಾರ್ಥಿಗಳ ಕೈಯಲ್ಲಿ ಕಾಣಸಿಗುತ್ತಿದ್ದ ಕೃತಿಯದು. ಆದರೆ ಇಂಗ್ಲಿಷ್ ಓದನ್ನು ನಾನು ಆಗಲೇ ಆರಂಭಿಸಿದ್ದರೂ ಹ್ಯಾರಿ ಪಾಟರ್ ಮಾತ್ರ ನನಗೆ ಅಷ್ಟಾಗಿ ದಕ್ಕಿರಲಿಲ್ಲ. ಬದಲಿಗೆ ‘ಶಾಂತಾರಾಮ್’ನಂತಹ ವಿಶಿಷ್ಟ ಕೃತಿಗಳ ಪರಿಚಯವಾಯಿತು. ಸಮಯ ಸಿಕ್ಕರೆ ದಿನವಿಡೀ ಸಿನೆಮಾ ನೋಡುವಷ್ಟು ಸಿನೆಮಾ ಅಭಿಮಾನಿಯಾಗಿರುವ ನನಗೆ ವಿಶ್ವವಿಖ್ಯಾತ ‘ಗಾಡ್ ಫಾದರ್’ ಚಿತ್ರವನ್ನು ವೀಕ್ಷಿಸಲು ಎರಡೂವರೆ ವರ್ಷಗಳೇ ತಗುಲಿದ್ದವು. ಲ್ಯಾಪ್-ಟ್ಯಾಪಿನಲ್ಲಿದ್ದರೂ ಒಂದೆರಡು ವರ್ಷ ಡಬ್ಬದೊಳಗೇ ಬಿದ್ದುಕೊಂಡಿದ್ದ ಆ ಚಿತ್ರವನ್ನು ನೋಡಲು ನನಗೆ ಬಹುಷಃ ಒಂದು ಬಗೆಯ ಮಾನಸಿಕ ಸಿದ್ಧತೆಯ ಅವಶ್ಯಕತೆಯೂ ಇತ್ತೇನೋ. ಆ ದಿನಗಳಲ್ಲಿ ನೆನಪಿನಲ್ಲಿಡಲು ಕ್ಲಿಷ್ಟವೆನಿಸುತ್ತಿದ್ದ ಇಟಾಲಿಯನ್ ಹೆಸರುಗಳು, ನಿಧಾನಗತಿಯಲ್ಲಿ ಸಾಗುತ್ತಿದ್ದಂತೆ ಭಾಸವಾಗುತ್ತಿದ್ದ ಚಿತ್ರದ ಮೊದಲ ಭಾಗ, ಅರವತ್ತರ ದಶಕದ ಸಿನೆಮಾಗಳಿಗೆ ಇನ್ನೂ ತೆರೆದುಕೊಂಡಿಲ್ಲದ ಸಂದರ್ಭ… ಇತ್ಯಾದಿಗಳು ನನ್ನನ್ನು ಈ ಅದ್ಭುತ ಚಿತ್ರದಿಂದ ಬಹುಕಾಲ ದೂರವೇ ಉಳಿಸಿಕೊಂಡಿದ್ದವು. ಆದರೆ ಈ ಚಿತ್ರದಲ್ಲಿ ಅಂಥದ್ದೇನಿದೆಯೆಂಬುದನ್ನು ನೋಡಿಯೇ ತೀರಬೇಕು ಎಂಬ ಹಟಕ್ಕೆ ಬಿದ್ದ ನಾನು ದಿನಕ್ಕರ್ಧ ತಾಸೆಂಬಂತೆ ನೋಡತೊಡಗಿದ್ದೆ. ದೊಡ್ಡ ಚಿತ್ರವನ್ನು ಚಿಕ್ಕ ಭಾಗಗಳಾಗಿ ನೋಡುವ ಆ ಬಗೆಯು ನನ್ನನ್ನು ಒಂದು ರೀತಿಯಲ್ಲಿ ಬದಲಿಸಿತು. ಮೊದಲ ಭಾಗವನ್ನು ಇಷ್ಟಿಷ್ಟಾಗಿಯೇ ಸವಿದ ನಾನು ಉಳಿದೆರಡು ಭಾಗಗಳನ್ನು ಒಂದೇ ಏಟಿನಲ್ಲಿ ನೋಡಿ ಮುಗಿಸಿದ್ದೆ. ‘ಗಾಡ್ ಫಾದರ್’ ಸರಣಿಯು ಇಂದಿಗೂ ಜಗತ್ತಿನ ಅತ್ಯುತ್ತಮ ಚಿತ್ರಗಳ ಪಟ್ಟಿಯಲ್ಲಿ ಸ್ಥಾನವನ್ನೇಕೆ ಪಡೆದಿದೆ ಎಂಬುದು ಅರ್ಥವಾಗಿತ್ತು.

ಹೀಗೆ ಪುಸ್ತಕವಾಗಲೀ, ಸಿನೆಮಾವಾಗಲೀ ಎಲ್ಲರಿಗೂ ಇಷ್ಟವಾಯಿತೆಂದೋ, ಜನಪ್ರಿಯವೆಂದೋ, ಕೋಟಿಗಟ್ಟಲೆ ಪ್ರತಿಗಳು ಬಿಕರಿಯಾಗಿದೆಯೆಂಬ ಮಾತ್ರಕ್ಕೋ ನಮಗಿಷ್ಟವಾಗಬೇಕೆಂದಿಲ್ಲ. ನಮ್ಮಲ್ಲಿರುವಂತೆಯೇ ಮಕ್ಕಳ ಆಯ್ಕೆಗಳಲ್ಲೂ ವೈವಿಧ್ಯತೆಯಿರುತ್ತದೆ. ಹೀಗಾಗಿ ಅವರ ವಯಸ್ಸು, ಬುದ್ಧಿಮತ್ತೆ, ಆಸಕ್ತಿಗನುಗುಣವಾಗಿ ವಿವಿಧ ಬಗೆಯ ಪುಸ್ತಕಗಳನ್ನು ಆರಿಸಿಕೊಳ್ಳುವ ಬಗೆ, ಓದನ್ನು ನಿತ್ಯದ ರೂಢಿಯಾಗಿ ಅಳವಡಿಸಿಕೊಳ್ಳುವ ಪರಿ, ಶಿಕ್ಷಕರು ತಮ್ಮ ನಿತ್ಯಕಾರ್ಯಗಳ ನಡುವಿನಲ್ಲೇ ವಿದ್ಯಾರ್ಥಿಗಳಲ್ಲಿ ಓದಿನ ಹಸಿವನ್ನು ಹೆಚ್ಚಿಸಲು ಅನುಸರಿಸಬಹುದಾದ ಮಾರ್ಗಗಳು… ಹೀಗೆ ಹಲವು ಸಂಗತಿಗಳ ಮೇಲೆ ಇಲ್ಲಿಯ ಲೇಖನಗಳು ಬೆಳಕು ಚೆಲ್ಲಿವೆ. ಇನ್ನು ಮಕ್ಕಳು-ದೊಡ್ಡವರು ಒಟ್ಟಿಗೇ ಓದಿ ಆನಂದಿಸಬಹುದಾದ ಪುಸ್ತಕಗಳ ಒಂದೊಳ್ಳೆಯ ಪಟ್ಟಿಯೂ ಸೇರಿದಂತೆ ಮಕ್ಕಳ ಓದಿನ ಬಗೆಗಿನ ಹಲವು ಸ್ವಾರಸ್ಯಕರ ಮಾಹಿತಿಗಳು, ಒಳನೋಟಗಳು ಮತ್ತು ಸಲಹೆಗಳ ಗುಚ್ಛಗಳು ಇಲ್ಲಿ ಹೇರಳವಾಗಿವೆ.

‘ಮಕ್ಕಳಲ್ಲಿ ಓದಿನ ಅಭ್ಯಾಸವು ಕಮ್ಮಿಯಾಗುತ್ತಿದೆಯಲ್ಲಾ… ಅವರ ಹೆಚ್ಚುವರಿ ಓದಿನ ಬಗ್ಗೆ ಏನಾದರೂ ಮಾಡಬೇಕಲ್ಲಾ…’ ಎಂದು ಸಾಮಾನ್ಯವಾಗಿ ಎಲ್ಲರೂ ಕಾಡುಹರಟೆಯ ಧಾಟಿಯಲ್ಲಿ ಯೋಚಿಸುತ್ತಿರುವಂತೆಯೇ ಗಣೇಶ್ ರವರು ಒಂದು ಹೆಜ್ಜೆ ಮುಂದೆ ನಡೆದು ಪುಸ್ತಕವನ್ನು ಮಿಂಚಿನ ವೇಗದಲ್ಲಿ ಹೊರತಂದಿದ್ದಾರೆ. ಇನ್ನು ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲೂಕು ಕೋಡೂರಿನ ಆವಿ ಗ್ರಾಮೀಣ ಮತ್ತು ನಗರಾಭಿವೃದ್ಧಿ ಸಂಸ್ಥೆಯಿಂದ (ರಿ) (ಆರುಡೋ) ಪ್ರಕಟಿತ ಈ ಕೃತಿಯನ್ನು ಓದುಗರು ಖರೀದಿಸಿದಾಗ ಬರುವ ಲಾಭದ ಸಂಪೂರ್ಣ ಹಣವನ್ನು ಗ್ರಾಮೀಣ ಭಾಗದ ಬಡಮಕ್ಕಳ ಶಿಕ್ಷಣ, ವ್ಯಕ್ತಿತ್ವ ವಿಕಸನ, ಆರೋಗ್ಯ ಎಂಬಿತ್ಯಾದಿ ಕ್ಷೇತ್ರಗಳಲ್ಲಿ ಬಳಸಿ ಇನ್ನಷ್ಟು ಕೆಲಸ ಮಾಡುವ ಯೋಜನೆಗಳೂ ಆರುಡೋ ಸಂಸ್ಥೆಯ ಮುಂದಿರುವುದು ಮತ್ತೊಂದು ವಿಶೇಷ. ಹೀಗೆ ಕಳೆದ ಕೆಲ ವರ್ಷಗಳಿಂದ ಸದ್ದಿಲ್ಲದೆ ಸಮಾಜಮುಖಿ ಕೆಲಸಗಳನ್ನು ಮಾಡುತ್ತಾ ಮುಂದುವರಿಯುತ್ತಿರುವ ಆರುಡೋ ಸಂಸ್ಥೆಗಿದು ಮತ್ತೊಂದು ಮೈಲುಗಲ್ಲು.

ಮಕ್ಕಳ ಕೈಗೊಂದು ಪುಟ್ಟ ಉಡುಗೊರೆಯನ್ನು ನೀಡುವುದಾದರೆ, ಮಕ್ಕಳನ್ನು ಹೊಂದಿರುವ ಪೋಷಕರಿಗೆ ಕೆಲಸಕ್ಕೆ ಬರುವಂತಹ ಏನನ್ನಾದರೂ ಕೊಡುವುದಾದರೆ ನಿಸ್ಸಂದೇಹವಾಗಿಯೂ ಇದೊಂದು ಒಳ್ಳೆಯ ಕೃತಿ. ಪೇರೆಂಟಿಂಗ್ ಮತ್ತು ವ್ಯಕ್ತಿತ್ವ ವಿಕಸನದ ನಿಟ್ಟಿನಲ್ಲಿ ಮಕ್ಕಳಿಗೂ, ದೊಡ್ಡವರಿಗೂ ಒಂದೊಳ್ಳೆಯ ಮಾರ್ಗದರ್ಶಿ. ಓದಿನಂತಹ ಆರೋಗ್ಯಕರ ಹವ್ಯಾಸಗಳು ಒಂದಿಡೀ ತಲೆಮಾರನ್ನು ಪೊರೆದು ಮುಂದಿನ ಪೀಳಿಗೆಗೂ ಭದ್ರಬುನಾದಿಯನ್ನು ಹಾಕಬಲ್ಲಂಥವುಗಳು. ಇಂಥದ್ದೊಂದು ಸದುದ್ದೇಶದ ಕೆಲಸದಲ್ಲಿ ನಮ್ಮದೂ ಒಂದಷ್ಟು ಅಳಿಲುಸೇವೆಯಿರಲಿ. ಜ್ಞಾನದ ದೀಪ ಮನೆಮನೆಗಳಲ್ಲೂ ಬೆಳಗಲಿ.

ಮಕ್ಕಳೇ, ಈ ಬಾರಿ ನಿಮಗೆ ಹ್ಯಾಪೀ ರೀಡಿಂಗ್!

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 6 days ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 week ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 week ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...

  • 2 weeks ago No comment

    ಹೊಸ್ತಿನ ಹಗಲು

    ಕವಿಸಾಲು   ಬಯಲ ಗದ್ದೆಯ ಭತ್ತದ ಕದರು ರೈತರ ಬೆವರ ಬಸಿಯುವ ಕೊಯಿಲು ಕಂಬಳಕಿಂಪಿನ ಪಾಂಗಿನ ಅಮಲು ಹೊಡತಲೆ ಹಗಣದ ಕವಳದ ಸಾಲು ಆಚರಿಸುತಿದೆ ಹೊಸ್ತಿನ ಹಗಲು. ನೇಗಿಲ ಬುಡದಲಿ ಸಸಿಬುಡ ಬೇರು ಕದರಿನ ನಡುವಲಿ ಗಂಧದ ಕೆದರು ಮಣ್ಣೊಳಗ್ಹುದುಗಿದ ಎರೆಹುಳು ಪಾಡು ಹರಡಿದ ಗಿಣಿಗಳ ಹಾಡಿನ ಜಾಡು ಆಚರಿಸುತಿದೆ ಹೊಸ್ತಿನ ಹಗಲು. ಮಣ್ಣಿನ ಬಣ್ಣದ ಮನಸಿನ ತೆವಲು ಕೆಂದರಕಿ ಹೂವಿನ ಕಮಾನು ಹೊಸಿಲು ಹೂಡುವ ಎತ್ತಿನ ಅಡಸಲ ...


Editor's Wall

  • 08 December 2018
    1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 weeks ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 weeks ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    1 month ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...