Share

ಪ್ರಸಾದ್ ಪಟ್ಟಾಂಗ | ತಾಯಿ-ಮಗಳ ಜುಗಲ್ಬಂದಿ

ಬಾರಿಯ ಅಮ್ಮಂದಿರ ದಿನದ ವಿಶೇಷವಾಗಿ ಬಹಳ ಹಿಂದೆ ನೋಡಿದ್ದ ವೀಡಿಯೋ ಒಂದನ್ನೇ ಮತ್ತೊಮ್ಮೆ ನೋಡಿ ಕಣ್ತುಂಬಿಕೊಂಡೆ.

ಕಿರುಚಿತ್ರದಂತಿದ್ದ ಈ ವೀಡಿಯೋ ‘ಅಮ್ಮನೇ ಮಗಳ ಆತ್ಮೀಯ ಗೆಳತಿ’ ಎಂದು ಹೇಳುತ್ತಿತ್ತು. ಇಲ್ಲಿ ಓರ್ವ ಹರೆಯದ ಮಗಳು ಮತ್ತು ಮಧ್ಯವಯಸ್ಕ ತಾಯಿಯಿದ್ದಾಳೆ. ಇಬ್ಬರೂ ಮಾಡರ್ನ್ ಲೋಕದ ಮಾಡರ್ನ್ ತಾಯಿ-ಮಗಳು. ಸದ್ಯದ ತರಾತುರಿಯ ಜೀವನದಲ್ಲಿ ಎಲ್ಲರಂತೆ ಮುನ್ನುಗ್ಗುವವರು. ವರ್ಕಿಂಗ್ ವುಮನ್ ಆಗಿರುವುದಲ್ಲದೆ ಸಿಂಗಲ್ ಪೇರೆಂಟ್ ಕೂಡ ಆಗಿರುವ ಈ ತಾಯಿ ತನ್ನ ವಯಸ್ಸೂ ನಾಚಿಕೊಳ್ಳುವಷ್ಟು ತನ್ನನ್ನು ತಾನು ಫಿಟ್ ಆಗಿರಿಸಿಕೊಂಡಿದ್ದಾಳೆ. ಆಕೆಯ ವ್ಯಕ್ತಿತ್ವದಲ್ಲಿರುವ ಲಾವಣ್ಯ ಎಷ್ಟೆಂದರೆ ಆಕೆಯ ಮಗಳ ಗೆಳೆಯರೂ ಕೂಡ ಒಂದು ಕ್ಷಣ ಆಕೆಯತ್ತ ಗೌರವಪೂರ್ವಕ ನೋಟ ಬೀರುವಷ್ಟು.

ಇಂಥಾ ಒಂದು ಸಂದರ್ಭದಲ್ಲೇ ಮನೆಗೆ ಬಂದಿದ್ದ ಮಗಳ ಗೆಳೆಯನೊಬ್ಬ ಈ ಮಾಡರ್ನ್ ಮಮ್ಮಿಯ ನಂಬರ್ ಅನ್ನು ವಿನಂತಿಸಿ ಪಡೆದುಕೊಳ್ಳುತ್ತಾನೆ. ನಿನ್ನ ತಾಯಿಯಲ್ಲಿರುವ gracefulness ನನಗೆ ಬಹಳ ಇಷ್ಟವಾಯಿತು ಎಂದು ಖಾಸಗಿಯಾಗಿ ಮಗಳಲ್ಲಿ ಹೇಳಿ ಅವಳನ್ನು ಒಂದಿಷ್ಟು ಅಭದ್ರತೆಗೂ ದೂಡುತ್ತಾನೆ. ಮಗಳೋ ಪಾಪ ಮೊದಲೇ ಮೊಡವೆ, ಹೇರ್ ಸ್ಟೈಲ್, ಎತ್ತರ, ತೂಕ… ಹೀಗೆ ಹಲವು ತನ್ನದೇ ಆದ ವಯೋಸಹಜ ಗೊಂದಲಗಳಲ್ಲಿ ಮುಳುಗಿದ್ದಾಳೆ. ಇನ್ನು ಗೆಳೆಯನು ತನ್ನನ್ನು ಕಡೆಗಣಿಸಿ ತನ್ನೆದುರೇ ತಾಯಿಯನ್ನು ಹೊಗಳಿದರೆ ಅವಳಿಗೆ ಹೇಗಾಗಬೇಡ! ಇದಾದ ಬೆರಳೆಣಿಕೆಯ ದಿನಗಳಲ್ಲೇ ತನ್ನ ಗೆಳೆಯನ ಸಂದೇಶವೊಂದನ್ನು ತಾಯಿಯ ವಾಟ್ಸಾಪಿನಲ್ಲಿ ನೋಡುತ್ತಾಳೆ ಮಗಳು. ಮಗಳ ಗೆಳೆಯ ಕಳಿಸಿದ ಜೋಕ್ ಎಂಬ ಒಂದೇ ಒಂದು ಕಾರಣಕ್ಕೆ ಅಮ್ಮ ಅದಕ್ಕುತ್ತರವಾಗಿ ಒಂದು ಸ್ಮೈಲಿಯನ್ನು ಕಳಿಸಿರುತ್ತಾಳೆ. ಆದರೆ ಈ ಬಾರಿ ಮಾತ್ರ ತಾಯಿ ತನ್ನ ಸಂಗಾತಿಯನ್ನು ಕಸಿದುಕೊಳ್ಳುತ್ತಿದ್ದಾಳೆ ಎಂಬ ದುಃಖದಲ್ಲಿ ಮಗಳು ಅಮ್ಮನ ಮೇಲೆ ಸಿಡಿದೇಳುತ್ತಾಳೆ. ತನ್ನನ್ನು ತಾನು ಕೋಣೆಯಲ್ಲಿ ಕೂಡಿಹಾಕಿಕೊಂಡು ರೋದಿಸುತ್ತಾ ಅಮ್ಮನನ್ನೂ ಚಿಂತೆಗೊಳಗಾಗುವಂತೆ ಮಾಡುತ್ತಾಳೆ.

ಎಲ್ಲಾ ಮನೆಗಳಲ್ಲೂ ಸಾಮಾನ್ಯವಾಗಿ ಕಾಣಸಿಗುವ ಅಪ್ಪ ಮತ್ತು ಮೀಸೆ ಮೂಡುತ್ತಿರುವ ಹರೆಯದ ಮಗನ ತಿಕ್ಕಾಟಗಳನ್ನು ನಾವು ನೋಡಿಯೇ ಇರುತ್ತೇವೆ. ‘ತಾನೂ ಗಂಡಸಾಗುತ್ತಿದ್ದೇನೆ’ ಎಂಬ ಸೂಚನೆಯನ್ನು ಮಗರಾಯ ನೀಡುತ್ತಿದ್ದಂತೆಯೇ ಮನೆಯಲ್ಲಿ ಈವರೆಗೆ ಒಬ್ಬನೇ ಗಂಡಸಾಗಿ ಮೆರೆದಿದ್ದ ತಂದೆಗೆ ನಡುಕವುಂಟಾಗುವುದನ್ನು, ಇಬ್ಬರ ‘ಪುರುಷಾಹಂಕಾರ’ವೂ ಘರ್ಷಣೆಯಾಗುವುದನ್ನೂ ಕಂಡಿರುತ್ತೇವೆ. ಈ ನಿಟ್ಟಿನಲ್ಲಿ ನಮ್ಮ ಆಧುನಿಕ ಸಮಾಜದಲ್ಲಿ ತಾಯಿ-ಮಗಳ ಒಂದು ಭಾವನಾತ್ಮಕ ಸಮೀಕರಣವನ್ನೂ ಕೂಡ ಅಷ್ಟೇ ಪರಿಣಾಮಕಾರಿಯಾಗಿ ತೆರೆಗೆ ತಂದಿದ್ದು ಈ ತಂಡದ ಹೆಗ್ಗಳಿಕೆಯೇ. ಇಲ್ಲಿ ಆ ತಾಯಿಯು ತನ್ನ ಮಗಳಿಗೆ ಅರ್ಥಪೂರ್ಣವಾದ ಮಾತೊಂದನ್ನು ಹೇಳುತ್ತಾಳೆ: “ಮಗಳೇ, ನಿನ್ನದು ಈಗ ‘graceful’ ಆಗಿ ಕಾಣುವ ವಯಸ್ಸಲ್ಲ, ಬದಲಾಗಿ ‘beautiful’ ಆಗಿ ಕಾಣುವ ವಯಸ್ಸು. ಯಾವತ್ತೂ ಮನದಲ್ಲಿ ಕಲ್ಮಶವನ್ನಿಟ್ಟುಕೊಂಡು ಹೆಣಗಾಡಬೇಡ” ಎಂದು. ಹರೆಯದ ದಿನಗಳಲ್ಲಿ ದೈಹಿಕ, ಮಾನಸಿಕ ಗೊಂದಲಗಳಿಂದ ದಿಕ್ಕುತಪ್ಪಿದ ಹಾಯಿದೋಣಿಯಂತಾಗಿರುವ ಮಗಳ ಮೊಗ್ಗುಮನಸ್ಸನ್ನು ಅದೆಷ್ಟು ಚೆನ್ನಾಗಿ ಅರ್ಥೈಸಿಕೊಂಡು ಅವಳಿಗೆ ಹೆಗಲಾಗಿದ್ದಳು ಆ ತಾಯಿ! ‘ಅಮ್ಮ ಎಂದರೆ ಕಂಫರ್ಟ್’ ಎಂಬುದು ಅತಿಶಯೋಕ್ತಿಯಲ್ಲ.

ಇವೆಲ್ಲಾ ನೆನಪಾಗಿದ್ದು ಇತ್ತೀಚೆಗೆ ಓದಲು ಸಿಕ್ಕ ಒಂದು ಸುಂದರ ಪತ್ರದಿಂದಾಗಿ. ಲೇಖಕಿ, ಬ್ಲಾಗರ್ ಮತ್ತು ವೈಯಕ್ತಿಕ ತರಬೇತುದಾರರಾಗಿರುವ ಮಿಶೆಲ್ ಲೇಯ್ನ್ ಪದವಿಯನ್ನು ಪಡೆಯಲು ತಯಾರಾಗಿ ನಿಂತಿರುವ ತನ್ನ ಮಗಳನ್ನುದ್ದೇಶಿಸಿ ಬರೆದ ಪತ್ರವಾಗಿತ್ತದು. ‘Stronger than the Storm’ ಎಂಬ ಬೆಸ್ಟ್ ಸೆಲ್ಲರ್ ಕೃತಿಯ ಲೇಖಕಿಯಾಗಿರುವ ಮಿಶೆಲ್ ಫಿಟ್ನೆಸ್ ತರಬೇತುದಾರರಾಗಿಯೂ, ಕೋಚ್ ಆಗಿಯೂ ಕೂಡ ಮಿಂಚಿದವರು. ಹೆತ್ತವರ ರಕ್ಷಾಕವಚದಿಂದ ಹೊರಬಂದು ಇನ್ನೇನು ನೈಜಜಗತ್ತಿಗೆ ಸಂಪೂರ್ಣವಾಗಿ ತೆರೆದುಕೊಳ್ಳಲಿರುವ ತನ್ನ ಮಗಳನ್ನುದ್ದೇಶಿಸಿ ಮಿಶೆಲ್ ಬರೆದ ಪತ್ರದ ಯಥಾವತ್ ಅನುವಾದ ಇಲ್ಲಿದೆ. ಓದಿ ನೀವೂ ಖುಷಿಪಡಿ.

“ಪ್ರೀತಿಯ ಮಗಳೇ,
ಅಂತೂ ಸಮಯವು ಬಂದೇಬಿಟ್ಟಿದೆ. ಹೈಸ್ಕೂಲಿನ ಪಯಣವನ್ನು ಮಗಿಸಿ ನೀನು ತಯಾರಾಗಿ ನಿಂತಿದ್ದೀಯಾ. ಜೀವನವು ಈಗ ನಿನಗಾಗಿ ಕಾಯುತ್ತಿದೆ. ಪದವಿಗ್ರಹಣ ಸಮಾರಂಭಕ್ಕೆಂದು ನೀನು ಧರಿಸಿರುವ ಈ ಟೋಪಿ ಮತ್ತು ಗೌನು ನಿನ್ನ ಉಳಿದ ಜೀವನದ ಆರಂಭಿಕ ದಿನಗಳ ಸಂಕೇತವೆಂಬಂತೆ ನನಗನ್ನಿಸುತ್ತಿದೆ. ನೀನು ಹುಟ್ಟಿದಾಗ ಈ ಪದವಿಗ್ರಹಣದ ದಿನವು ಅದೆಷ್ಟೋ ದೂರವಿದೆಯೆಂಬಂತೆ ಅನ್ನಿಸಿತ್ತು. ಆದರೆ ನಾವಿಬ್ಬರೂ ಪರಸ್ಪರರ ಕೈ ಹಿಡಿದುಕೊಂಡು ಅದೆಷ್ಟು ದೂರ ಬಂದುಬಿಟ್ಟೆವು ನೋಡು. ಹೀಗೆ ಕೈ-ಕೈ ಹಿಡಿದುಕೊಂಡು ಹೆಜ್ಜೆ ಹಾಕಿದ್ದು, ಮಲಗುವ ಮುನ್ನ ಕಥೆ ಹೇಳುತ್ತಿದ್ದರಿಂದ ಹಿಡಿದು ನಿನ್ನೆ ಈ ಗರಿಗರಿಯಾದ ಬಟ್ಟೆಗಳನ್ನು ಧರಿಸಿ ರಿಹರ್ಸಲ್ ಮಾಡುವವರೆಗೂ! ಈ ಸುದೀರ್ಘ ಪಯಣದಲ್ಲಿ ಬಹಳಷ್ಟು ಸಂಗತಿಗಳು ಕಾಲಾಂತರದಲ್ಲಿ ಬದಲಾಗಿವೆ. ಕಥೆಗಳು ಶಾಲೆಯ ಹೋಂ-ವರ್ಕ್ಗಳಾಗಿ, ಪುಟ್ಟ ಹೆಜ್ಜೆಗಳು ಕಾರಿನ ಕೀ ಗಳಾಗಿ, ಧರಿಸಿಕೊಂಡರೆ ಪುಟ್ಟ ದೇವತೆಯಂತೆ ಕಾಣುತ್ತಿದ್ದ ನಿನ್ನ ಬಟ್ಟೆಗಳಿಂದ ಹಿಡಿದು ಫ್ಯಾಷನ್ ಮತ್ತು ಪ್ರಸಾಧನ ಸಾಮಗ್ರಿಗಳನ್ನು ನೀನಿಂದು ಬಳಸುತ್ತಿರುವ ದಿನಗಳವರೆಗೂ!

ನಿನ್ನನ್ನೀಗ ನೋಡಿದರೆ ಈ ಜಗತ್ತಿನ ಸಾಹಸಗಳನ್ನು ಎದುರುಗೊಳ್ಳಲು ಸನ್ನದ್ಧಳಾಗಿ ಬೆಳೆದು ನಿಂತಿರುವ, ಸೌಂದರ್ಯದ ಪ್ರತಿರೂಪದಂತಿರುವ, ಧೈರ್ಯವಂತೆಯಾದ ತರುಣಿಯೊಬ್ಬಳು ನನಗೆ ಕಾಣುತ್ತಿದ್ದಾಳೆ. ಜೊತೆಗೇ ನನ್ನ ಪುಟ್ಟ ಮಗಳಾಗಿಯೂ ಕೂಡ. ಓರ್ವ ತಾಯಿಯಾಗಿ ನನ್ನೆಲ್ಲಾ ನಿರೀಕ್ಷೆ, ಭರವಸೆ, ಸಾಧನೆಗಳ ಸುಂದರ ಪ್ರತಿಬಿಂಬದಂತೆ, ಈ ಜಗತ್ತಿನಲ್ಲಿ ಯಶಸ್ಸನ್ನು ಕಾಣಲು ತನ್ನೆಲ್ಲಾ ಶ್ರಮವನ್ನು ನಿನ್ನ ಮೇಲೆ ಹಾಕಿ ಈಗ ಮೂಡಿಬಂದಿರುವ ಹದಿನೇಳು ವರ್ಷದ ಒಂದು ಫಲಿತಾಂಶದಂತೆ. ಈ ವಯಸ್ಸಿನಲ್ಲಿ ನಿನಗೆ ಹೇಳಬೇಕಾಗಿರುವ ಯಾವುದಾದರೂ ಸಂಗತಿಗಳು ನನ್ನಿಂದ ಉಳಿದುಹೋಗಿದೆಯೇ ಎಂಬುದನ್ನು ಈಗಲೂ ಯೋಚಿಸುತ್ತಿದ್ದೇನೆ ನಾನು. ಆದರೆ ಕೆಲ ವಿಷಯಗಳ ಬಗ್ಗೆ ನನಗೂ ಅರಿವಿದೆ. ಅವುಗಳನ್ನು ಜೀವನವೆಂಬ ಪಯಣದಲ್ಲಿ ನೀನೇ ಸ್ವತಃ ಕಂಡುಕೊಳ್ಳಬೇಕಿದೆಯೆಂದು. ಇದು ನನ್ನೊಳಮನಸ್ಸಿನ ಮಾತೂ ಹೌದು. ನೀನು ಚಿಕ್ಕವಳಿದ್ದಾಗ ನಿನ್ನ ಕಣ್ಣುಗಳು ಹೇಗಿದ್ದವೋ ಈಗಲೂ ಕೂಡ ಅವುಗಳು ಅಷ್ಟೇ ಆತ್ಮವಿಶ್ವಾಸದ ಕಾಂತಿಯನ್ನು ಹೊಂದಿರುವ ಬಗ್ಗೆ ನನಗದೆಷ್ಟು ಖುಷಿ. ಬುದ್ಧಿವಂತಿಕೆಯ, ಜಿಜ್ಞಾಸೆಯ, ಸ್ವಾತಂತ್ರ್ಯದ ಹೊಳಪುಳ್ಳ ಅವೇ ಆಕರ್ಷಕ ಕಣ್ಣುಗಳು. ಜೀವನದ ಪಯಣವನ್ನು ಖುದ್ದಾಗಿ ಸಾಗಲು ಹೊರಟಿರುವ ನಿನಗಿಂದು ವಿದಾಯವನ್ನು ಹೇಳಲು ಕಷ್ಟವಾಗುತ್ತಿರುವುದು ತಾಯಿಯಾಗಿ ನನಗೆ ಸಹಜವೇ. ಆದರೆ ನಾವಿಬ್ಬರೂ ಜೊತೆಯಾಗಿ ಸಾಗಬೇಕಾದ ದಾರಿಗಳು, ಮಾಡಬೇಕಾದ ಸಾಹಸಗಳು ಇನ್ನೂ ಸಾಕಷ್ಟಿವೆ. ಇತ್ತೀಚಿನ ದಿನಗಳಲ್ಲಿ ಬಹಳ ಕೇಳಿಬರುತ್ತಿರುವ ‘the letting go’ ಎಂದರೆ ಪ್ರಾಯಶಃ ಇದೇ ಇರಬೇಕು.

ಸರಿಯಾಗಿರುವುದನ್ನು ಧೈರ್ಯವಾಗಿ ಸಮರ್ಥಿಸುವ, ಜೀವನದ ಆಯ್ಕೆಗಳನ್ನು ಜಾಣತನದಿಂದ ಮಾಡುವ, ತನ್ನದೇ ಗಟ್ಟಿದನಿಯನ್ನು ಹೊಂದಬೇಕಾಗಿರುವ, ಅಂತಃಸಾಕ್ಷಿಗೆ ಯಾವತ್ತೂ ದ್ರೋಹ ಬಗೆಯಬಾರದ… ಹೀಗೆ ಹಲವಾರು ಸಂಗತಿಗಳ ಬಗ್ಗೆ ಅದೆಷ್ಟೋ ಬಾರಿ ನಾವಿಬ್ಬರೂ ಕೊನೆಮೊದಲಿಲ್ಲವೆಂಬಂತೆ ಚರ್ಚಿಸಿದ್ದೇವೆ. ಹಾಂ… ಒಂದು ಸಂಗತಿಯನ್ನು ನಾನು ನಿನಗಿಲ್ಲಿ ಹೇಳಲೇಬೇಕು. ನಿನ್ನಲ್ಲಿರುವ ಬುದ್ಧಿವಂತಿಕೆ, ದೃಢತೆ, ಹುಮ್ಮಸ್ಸು, ಸಹಾನುಭೂತಿಯಂಥಾ ಗುಣಗಳ ಬಗ್ಗೆ ನನಗೆ ಅಪಾರ ಹೆಮ್ಮೆಯಿದೆ. ನಿನ್ನ ಸೃಜನಶೀಲತೆ, ದೂರದೃಷ್ಟಿ, ಶೈಲಿಗಳು ನನಗೂ ಪ್ರೇರಣಾತ್ಮಕವಾದದ್ದು. ಜಗತ್ತು ನಿನ್ನ ಕಣ್ಣಿನಿಂದ ಅದೆಷ್ಟು ಸುಂದರವಾಗಿ ಕಾಣುತ್ತಿದೆ ಎಂಬುದನ್ನು ನಾನು ಕಲ್ಪಿಸಿಕೊಳ್ಳಬಲ್ಲೆ ಮತ್ತು ಆ ದೃಷ್ಟಿಯು ಬದಲಾಗದಿರಲಿ ಎಂಬುದೇ ನನ್ನ ಆಶಯ. ಇದು ನಿಜಕ್ಕೂ ವಿಶಿಷ್ಟ ಮತ್ತು ಅಮೂಲ್ಯ. ಇದನ್ನೇ ಉಳಿಸಿಕೊಂಡು ನೀನು ತನ್ನನ್ನು ತಾನು ಅರಳಿಸಿಕೋ. ಜಗತ್ತಿಗೆ ನಿನ್ನ ನಂಬಿಕೆಗಳ, ದೃಷ್ಟಿಕೋನಗಳ, ಅಭಿಪ್ರಾಯಗಳ ಮತ್ತು ಪ್ರತಿಭೆಯ ಅವಶ್ಯಕತೆಯಿದೆ. ನಿನ್ನೊಂದಿಗೆ ಆತ್ಮಸಾಂಗತ್ಯವನ್ನು ಹೊಂದಬಲ್ಲ ಯಾವುದಾದರೂ ಸಂಗತಿ ಈ ಜಗತ್ತಿನಲ್ಲಿದ್ದರೆ ನಿಸ್ಸಂದೇಹವಾಗಿಯೇ ಅದರ ಬೆನ್ನಟ್ಟು, ಅದರಲ್ಲಿ ಅಕ್ಷರಶಃ ತಲ್ಲೀನಳಾಗು. ಮುಂದೆ ಅದರ ಸುತ್ತಮುತ್ತಲೇ ನಿನ್ನ ಜೀವನವನ್ನು ಯಾವುದೇ ಭಯಗಳಿಲ್ಲದೆ ಕಟ್ಟಿಕೋ.

ನಮ್ಮೊಳಗನ್ನೇ ಮತ್ತಷ್ಟು ಶೋಧಿಸಿ, ಅರ್ಥೈಸಿ, ನಮ್ಮನ್ನು ನಾವು ಕಂಡುಕೊಳ್ಳಬಹುದಾದ ಒಂದು ಅತ್ಯದ್ಭುತವಾದ ವರವನ್ನು ನಾವೆಲ್ಲರೂ ಹೊಂದಿದ್ದೇವೆ ಎಂಬುದು ನನ್ನ ಬಲವಾದ ನಂಬಿಕೆ. ಇದು ಮೆಚ್ಚುಗೆ, ಸ್ವೀಕಾರ ಮತ್ತು ಸ್ಫೂರ್ತಿಯನ್ನು ಇತರರಲ್ಲೂ ಹುಟ್ಟಿಸಲು ನಮ್ಮೊಳಗೇ ಇರುವ ಒಂದು ದನಿ ಮತ್ತು ಶಕ್ತಿ. ಅದು ನಿನ್ನಾತ್ಮದೊಳಗೇ ಇರುವಂಥದ್ದು ಮತ್ತು ನಿನ್ನ ಎದೆಬಡಿತದಲ್ಲೇ ಮಿಡಿಯುವಂಥದ್ದು. ನಿನ್ನ ಬುದ್ಧಿಯಿಂದ ಪ್ರಯೋಗಿಸಲ್ಪಡುವ ಇವುಗಳು ನಿನ್ನ ಕಣ್ಣಿನಿಂದ ವ್ಯಕ್ತವಾಗಬಲ್ಲವು. ಸೃಷ್ಟಿ, ರೂಪಾಂತರ, ಅಭಿವ್ಯಕ್ತಿ ಹೀಗೆ ಎಲ್ಲವೂ ಕೂಡ ಇದರದ್ದೇ ಭಾಗಗಳು. ನಿನ್ನ ಈ ಶಕ್ತಿಯ ಬಗ್ಗೆ ಯಾವತ್ತೂ ಭಯಪಟ್ಟುಕೊಳ್ಳಬೇಡ. ಅದೆಷ್ಟೇ ಸಮಯ ಹಿಡಿದರೂ ತನ್ನನ್ನು ತಾನು ಸಂಪೂರ್ಣವಾಗಿ ಅರಿತುಕೊಳ್ಳುವುದರಿಂದ ವಿಮುಖಳಾಗಬೇಡ. ಯಾವ್ಯಾವ ಅಂಶಗಳು ನಿನ್ನಲ್ಲಿ ಸಂತಸ, ದುಃಖ, ಪ್ರೀತಿ, ಸಹಾನುಭೂತಿ, ಶಕ್ತಿ, ಭಯಗಳನ್ನು ಹುಟ್ಟಿಸುತ್ತವೆ ಎಂಬುದನ್ನು ಗುರುತಿಸಿ, ಅವುಗಳನ್ನು ಒಪ್ಪಿಕೊಂಡು ಜೀವನದುದ್ದಕ್ಕೂ ತನ್ನ ಒಳಿತಿಗಾಗಿ ಬಳಸಿಕೋ. ಭೂತಕಾಲದಲ್ಲಿಟ್ಟ ತಪ್ಪು ಹೆಜ್ಜೆಗಳನ್ನು ಮತ್ತೆ ಮತ್ತೆ ನೋಡುವುದಾಗಲೀ, ಪರಿತಪಿಸಿಕೊಳ್ಳುವುದಾಗಲೀ ಮಾಡಬೇಡ. ಏಕೆಂದರೆ ಜೀವನವೆಂಬುದು ಒಂದು ನಿರಂತರ ಪಯಣ. ಈ ಎಲ್ಲಾ ಅನುಭವಗಳು ನಿನ್ನನ್ನು ಜೀವನದ ವಿವಿಧ ಹಂತಗಳಿಗಾಗಿ ರೂಪಿಸುತ್ತಿವೆ ಎಂಬ ಬಗ್ಗೆ ನೆನಪಿರಲಿ.

ನಿನ್ನ ಆಂತರ್ಯದ ಸೌಂದರ್ಯ ಮತ್ತು ಶಕ್ತಿಯು ನಿನ್ನ ಬಾಹ್ಯಸೌಂದರ್ಯಕ್ಕಿಂತ ಅದೆಷ್ಟೋ ಪಟ್ಟು ಮೇಲು ಎಂಬ ಸತ್ಯವನ್ನು ಯಾವತ್ತೂ ಮರೆಯಬೇಡ. ಸಂತಸ, ಉತ್ಸಾಹ ಮತ್ತು ರೋಮಾಂಚನದೊಂದಿಗೆ ಡಿಪ್ಲೊಮಾದ ಪದವಿಯನ್ನು ನೀನಿಂದು ಪಡೆಯುತ್ತಿರುವಂತೆಯೇ ಈ ಸಂಗತಿಯೂ ನಿನ್ನ ನೆನಪಿನಲ್ಲಿರಲಿ. ಅದೇನೆಂದರೆ ಸ್ಟ್ಯಾಂಡ್ ನಲ್ಲಿ ನಿಂತು ದೊಡ್ಡ ದನಿಯಲ್ಲಿ ‘ವೂ… ಹೂ…’ ಎಂದು ಉತ್ಸಾಹದಿಂದ ನಿನ್ನನ್ನು ಪ್ರೋತ್ಸಾಹಿಸುತ್ತಿರುವ, ಹೆಮ್ಮೆಯಿಂದ ಚಪ್ಪಾಳೆಗಳನ್ನು ತಟ್ಟುತ್ತಿರುವಂತೆಯೇ ಕಣ್ಣುಗಳು ಉಕ್ಕಿಹರಿಯುತ್ತಿರುವ ಆನಂದಬಾಷ್ಪದಿಂದ ಮಂಜಾಗಿರುವ, ನಿನ್ನ ಈ ಮೈಲುಗಲ್ಲಿಗೆ ಸಾಕ್ಷಿಯಾಗಿ ನಿನ್ನನ್ನು ಮತ್ತಷ್ಟು ಹುರಿದುಂಬಿಸುತ್ತಾ ನಿನ್ನ ದೊಡ್ಡ ‘ಚಿಯರ್ ಲೀಡರ್’ ಆಗಿರುವ, ನಿನ್ನನ್ನು ಈ ಪ್ರಪಂಚದಲ್ಲಿ ಅತ್ಯಂತ ಹೆಚ್ಚು ಪ್ರೀತಿಸುವ ಜೀವ ನಾನೇ ಎಂದು. ಜೀವನದ ಪಯಣದಲ್ಲಿ ನೀನ್ಯಾವತ್ತೂ ಏಕಾಂಗಿಯಾಗಿರಲಾರೆ ಎಂಬುದನ್ನು ಸದಾ ನೆನಪಿನಲ್ಲಿಟ್ಟುಕೋ. ನಿನ್ನ ಮನಸ್ಸು ಮತ್ತು ಬುದ್ಧಿಯಲ್ಲಿ ಒಳದನಿಯಾಗಿ ನಾನು ಇದ್ದೇ ಇರುತ್ತೇನೆ. ನೀನ್ಯಾವತ್ತೂ ನನ್ನ ಪುಟ್ಟ ಮಗಳೇ!
ಪ್ರೀತಿಯಿಂದ,
ಅಮ್ಮ

*
ಆ ಕಿರುಚಿತ್ರವು ಸತ್ಯವನ್ನೇ ಹೇಳಿತ್ತು. ಯಾರೇನೇ ಹೇಳಲಿ. ನಿಸ್ಸಂದೇಹವಾಗಿಯೂ ತಾಯಿಯೇ ಮಗಳ ಬೆಸ್ಟ್ ಫ್ರೆಂಡ್!

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...