Share

ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!
ಮುದ್ದು ತೀರ್ಥಹಳ್ಳಿ

 

 

 

 

ಕಥನ

 

 

 

 

ಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ಬಂತು. ಆಮೇಲೆ ಘಮಾ ಘಮಾ ಪರಿಮಳ ಬರೋದಕ್ಕೆ ಶುರುವಾಯ್ತು.

ಅಜ್ಜಿ ಕೇಸರಿ ಬಾತು, ಉಪ್ಪಿಟ್ಟು ತಂದು ಮೂವರಿಗೂ ಬಡಿಸಿದ್ಲು. ಮೊಮ್ಮಗ ಒಂದು ಚಮಚ ಕೇಸರೀಬಾತನ್ನು ಬಾಯಿಗಿಟ್ಟಿದ್ದೇ ತಡ “ಹಾ…!” ಅಂತ ಕೂಗಿಕೊಂಡ. ಆಗ ಅಜ್ಜಿ, ಸೊಸೆ, ಮಗ ಮೂವರೂ ಒಟ್ಟಿಗೇ “ಏನಾಯ್ತು ಕಂದಾ?” ಅಂತ ಕೇಳಿದ್ರು. ಕಂದ ಕಲ್ಲೂ ಅಂದ. ಆಗ ಸೊಸೆ ವೃತ್ತಾಕಾರವಾಗಿ ಕಣ್ಣು ತಿರುಗಿಸುತ್ತಾ, “ಅಯ್ಯೋ ಕಲ್ಲು ನನ್ನ ಕಂದನ ಗಂಟಲಲ್ಲಿ ಸಿಕ್ಕುಹಾಕಿಕೊಂಡಿದ್ದರೆ ಏನು ಮಾಡಬೇಕಾಗಿತ್ತು?” ಅಂತ ಕೇಳಿದ್ಲು. ಅದಕ್ಕೆ ಅಜ್ಜಿ, “ಗಂಟಲಲ್ಲಿ ಸಿಕ್ಕುಹಾಕಿಕೊಳ್ಳೋದಕ್ಕೆ ಕಲ್ಲೇನು ಕಡುಬಿನ ಗಾತ್ರ ಇತ್ತಾ?” ಅಂದ್ಲು. ಆಗ ಸೊಸೆ, “ಈ ಕಲ್ಲೇನಾದ್ರೂ ನನ್ಮಗನ ಹೊಟ್ಟೆ ಸೇರಿ ಅಲ್ಲಿಂದ ಕಿಡ್ನಿ ಸೇರಿದ್ರೆ ಏನು ಮಾಡಬೇಕಾಗಿತ್ತು?” ಅಂದ್ಲು.

ಆಗ ಅಜ್ಜಿ “ಏನೇ..? ಓದಿದವಳಾಗಿ ಈ ತರ ಮಾತಾಡ್ತೀಯಲ್ಲ! ಬಾಯಲ್ಲಿ ಅಗಿದ ಕಲ್ಲು ಕಿಡ್ನಿಗೆ ಹೋಗಿ ಸೇರಿಕೊಳ್ಳುತ್ತೆ ಅಂತ ಯಾವುದಾದ್ರೂ ಡಾಕ್ಟರೆದುರಿಗೆ ಹೇಳು. ಸರಿಯಾಗಿ ಮಂಗಳಾರತಿ ಮಾಡ್ತಾರೆ!” ಅಂದ್ಲು. ಆಗ ಅಜ್ಜಿಯ ಸೊಸೆ, “ಈ ಕಲ್ಲೇನಾದ್ರೂ ನನ್ನ ಮಗನ ಹೊಟ್ಟೆ ಸೇರಿ ಹೊಟ್ಟೆ ಕುಯ್ಯೋ ಪರಿಸ್ಥಿತಿ ಬಂದ್ರೆ ಏನು ಮಾಡ್ಬೇಕು?” ಕೇಳಿದ್ಲು. ಅದಕ್ಕೆ ಅಜ್ಜಿ, “ಏನಮ್ಮಾ ಹೊಟ್ಟೆ ಎಂಥಾ ಕಲ್ಲನ್ನೂ ಕರಗಿಸುತ್ತೆ ಅಂತ ನಾನು ಕೇಳಿದ್ದೆ. ವಿದ್ಯಾವಂತರ ಬಾಯಲ್ಲಿ ಈ ತರ ಎಲ್ಲಾ ಮಾತು ಬರಬಾರದು” ಎಂದು ಸಿಡಿಮಿಡಿಗುಟ್ಟಿದ್ಲು ಅಜ್ಜಿ.

ಅದಕ್ಕೆ ಸೊಸೆ, “ನಿಮ್ಮ ಹೊಟ್ಟೆಗೇನು ಕಲ್ಲು ಯಾಕೆ ದೊಡ್ಡ ಬಂಡೆಯನ್ನೇ ತಿಂದು ಕರಗಿಸೋ ಶಕ್ತಿ ಇದೆ ಬಿಡಿ. ನಮಗಿಲ್ಲವಲ್ಲ! ನಡೀರಿ.. ಇಷ್ಟೆಲ್ಲ ಮಾತು ಕೇಳಿದರೂನು ಕಲ್ಲು ಬಂಡೆ ತರ ಕೂತುಕೊಂಡು ಎಂಟು ದಿನ ಉಪವಾಸ ಇದ್ದವರ ಹಾಗೆ ನುಂಗುತ್ತಾ ಕೂತಿದ್ದೀರಲ್ಲ! ಇಷ್ಟೆಲ್ಲ ಮಾತು ಕೇಳೋದಕ್ಕೇ ಇವರ ಮನೆಗೆ ಬಂದಹಾಗಾಯ್ತು. ಇದನ್ನೆಲ್ಲ ಕೇಳಿಸಿಕೊಳ್ಳಲಿ ಅಂತಾನೇ ಹಟ ಮಾಡಿ ನನ್ನನ್ನ ಇಲ್ಲಿಗೆ ಕರಕೊಂಡು ಬಂದ್ರಲ್ಲ. ನಡೀರಿ..ಹೋಗೋಣಾ..” ಅಂತ ಮಗುವನ್ನ, ಗಂಡನ್ನ ಎಳಕೊಂಡು ಅಜ್ಜಿಯ ಸೊಸೆ ಹೊರಟೇ ಹೋದ್ಲು.

ಅಜ್ಜಿಗೆ ತುಂಬಾ ದುಃಖ ಆಯ್ತು. ಗಟ್ಟಿಯಾಗಿ ಅಳೋಕೆ ಶುರು ಮಾಡಿದ್ಲು. ‘ಛೇ ಎಂಥಾ ಕೆಲಸ ಆಗಿ ಹೋಯ್ತಲ್ಲ. ಕಲ್ಲು ರವೇಲ್ಲಿತ್ತೋ ಸಕ್ಕರೆಯಲ್ಲಿತ್ತೋ ಯಾವ ಪುಣ್ಯಾತ್ಮನಿಗೆ ಗೊತ್ತು! ಹಾಳಾದ್ದು ಎಲ್ಲಾ ಕಲಬೆರಕೆ ಮಾಲು! ನನಗೂ ವಯಸ್ಸಾಗಿ ಕಣ್ಣು ಬೇರೆ ಸರಿಯಾಗಿ ಕಾಣಲ್ಲ. ಒಂದು ಕನ್ನಡಕಾನಾದ್ರೂ ಇದ್ದಿದ್ದರೆ ಚೆನ್ನಾಗಿ ರವೇನ ಆರಿಸಿಯಾದ್ರೂ ಹಾಕಬಹುದಿತ್ತು ಕನ್ನಡಕ ಒಂದು ಇದ್ದಿದ್ದರೆ ಇವತ್ತು ಜಗಳವಾಡೋ ಪರಿಸ್ಥಿತಿನೇ ಬರುತ್ತಿರಲಿಲ್ಲ’ ಅಂತ ಪೇಚಾಡಿಕೊಂಡು ರೋದಿಸಿದ್ಲು.

ಅದೇ ಸಮಯಕ್ಕೆ ಮನೆಗೆ ಬಂದ ಅಜ್ಜನಿಗೆ ಕಣ್ಣೀರು ಹಾಕುತ್ತಾ ಇದ್ದ ಅಜ್ಜಿ ಕಣ್ಣಿಗೆ ಬಿದ್ಲು. “ಏನಾಯ್ತೇ ಸರಸೀ.. ಯಾಕೇ ಅಳುತ್ತಾ ಇದ್ದೀಯೇ..?” ಅಂದ ಅಜ್ಜ. ನಡೆದ ಘಟನೆಯನ್ನ ಅಜ್ಜನಿಗೆ ಹೇಳಿ ಅಜ್ಜನ ಮನಸ್ಸು ನೋಯಿಸೋದಕ್ಕೆ ಅಜ್ಜಿಗೆ ಇಷ್ಟ ಇರಲಿಲ್ಲ. ಅದಕ್ಕೆ ಅಜ್ಜಿ, “ಈ ಮನೇಲ್ಲಿ ನನಗೇನು ಬೇಕು ಅಂತ ನಿಮಗೇನು ಗೊತ್ತು! ಅದೆಲ್ಲ ಗೊತ್ತಿದ್ದಿದ್ರೆ ಈವತ್ತು ಅಳೋ ಪರಿಸ್ಥಿತಿನೇ ಬರುತ್ತಾ ಇರಲಿಲ್ಲ” ಅಂತ ಹೇಳಿ ಅಜ್ಜಿ ಅಡುಗೆ ಮನೆ ಸೇರಿಕೊಂಡ್ಲು.

ಪೆನ್ಷನ್ ಹಣ ತಗೊಂಡು ಬಂದ ಅಜ್ಜನಿಗೆ ಭಾರೀ ಟೆನ್ಷನ್ ಆಯ್ತು. ಮನೆಯಿಂದ ಹೊರಗೆ ಬಂದು ತಿರುಗಾಡ್ತ.. ತಿರುಗಾಡ್ತ ಹೊಳೆ ಹತ್ತಿರ ಹೋದ. ದಾರಿ ತುಂಬ ಅಜ್ಜಿಗೇನು ಬೇಕು ಅಂತ ಯೋಚನೆ ಮಾಡುತ್ತಾ ಇದ್ದ. ಹೊಳೆ ಹತ್ತಿರ ಬಂಡೆ ಮೇಲೆ ಕೂತುಕೊಂಡು ‘ಬೆಂಡೋಲೆ ಏನಾದ್ರೂ ಬೇಕಾಗಿರಬಹುದಾ’ ಅಂತ ಯೋಚಿಸಿದ. ‘ಹಾಂ.. ಹೌದು ಅದೇ.. ಬೆಂಡೋಲೇನೇ ಬೇಕಾಗಿದ್ದು. ಜೇಬಲ್ಲಿ ಹೇಗೂ ಹಣ ಇದೆ. ಒಂದು ಬೆಂಡೋಲೆ ತೆಗೆದು ಕೊಟ್ಟರೆ ಅಜ್ಜಿ ಖುಷಿಯಾಗಿ ಬಿಡ್ತಾಳೆ. ಈಗಲೇ ತೆಗೆದು ಕೊಡ್ತೀನಿ’ ಅಂತ ಹೊರಟ.

ಹೋಗ್ತಾ ಹೋಗ್ತಾ ಅಜ್ಜನಿಗೆ ಏನೋ ನೆನಪಾಗೋದಕ್ಕೆ ಶುರುವಾಯ್ತು. ‘ಅಲ್ಲಾ.. ಕಳೆದ ವರ್ಷ ದೀಪಾವಳೀಲಿ ಅನ್ಸುತ್ತೆ. ಇಬ್ಬರೂ ಸೊಸೆಯರು ಹಬ್ಬಕ್ಕೆ ಬಂದಿದ್ದರಲ್ಲ..ಆಗ ಅವಳ ಹತ್ತಿರ ಇದ್ದ ನಾಲ್ಕೂ ಜೊತೆ ಬೆಂಡೋಲೆ ತಂದು ಇಬ್ಬರೂ ಸೊಸೆಯರಿಗೂ ಎರಡೆರಡು ಜೊತೆ ಕೊಟ್ಟು, “ನನಗ್ಯಾಕೆ ಇಷ್ಟೊಂದು ಬೆಂಡೋಲೆ. ಮುತ್ತಿನ ಓಲೆ ಹರಳಿನ ಓಲೆ ನೀನಿಟ್ಟುಕೋ.. ಈ ಪಚ್ಚೆ ಓಲೆ ಹವಳದ ಓಲೆ ನೀನಿಟ್ಟುಕೋ ಇವತ್ತು ನಾಳೆ ಸಾಯೋ ಮುದುಕಿ ನಾನು ಇದನ್ನೆಲ್ಲ ತೊಟ್ಟುಕೊಂಡು ತಿರುಗಿದರೆ ಏನು ಚೆನ್ನಾಗಿರತ್ತೆ?’ ಅಂತ ಅಂದಿದ್ಲಲ್ಲಾ. ಛೇ..ಛೇ.. ಅವಳಿಗೆ ಬೆಂಡೋಲೆ ಬೇಡ. ಬೇರೆ ಏನೋ ಬೇಕು. ಏನದು?’ ಅಂತ ಯೊಚನೆ ಮಾಡೋಕೆ ಶುರು ಮಾಡಿದ.

ಹೀಗೆ… ಸೀಬೆ ಮರದ ಕೆಳಗೆ ನಿಂತು, ‘ಸೀರೆ ಏನಾದ್ರೂ ಬೇಕಾಗಿರಬಹುದಾ?’ ಅಂತ ಯೋಚನೆ ಮಾಡಿದ. ‘ಹಾಂ! ಹೌದು. ಅದೇ. ಸೀರೇನೇ ಬೇಕಾಗಿದ್ದು. ಜೇಬಲ್ಲಿ ಹೇಗೂ ಹಣ ಇದೆ. ಸೀರೆ ತೆಗೆದು ಕೊಟ್ಟರೆ ಖುಷಿ ಆಗಿಬಿಡ್ತಾಳೆ. ಈಗ್ಲೇ ತೆಗೆದು ಕೊಡ್ತೀನಿ’ ಅಂತ ಹೊರಟ. ಹೊಗ್ತಾ..ಹೋಗ್ತಾ ಏನೋ ನೆನಪಾಗೋಕೆ ಶುರುವಾಯ್ತು.

‘ಕಳೆದ ಯುಗಾದಿ ಹಬ್ಬದಲ್ಲಿ ಅನ್ಸುತ್ತೆ.. ಅಜ್ಜಿ ಕಪಾಟಲ್ಲಿದ್ದ ಸೀರೆಗಳನ್ನೆಲ್ಲಾ ಹಬ್ಬಕ್ಕೆ ಬಂದಿದ್ದ ಸೊಸೆಯಂದಿರ ಎದುರಿಗೆ ಗುಡ್ಡೆ ಹಾಕಿ ಇಷ್ಟು ಸೀರೆಗಳನ್ನ ನೀನಿಟ್ಟುಕೋ… ಈ ಇಷ್ಟು ಸೀರೆಗಳನ್ನ ನೀನಿಟ್ಟುಕೋ. ಇವತ್ತು ನಾಳೆ ಸಾಯೋ ಮುದುಕಿಗೆ ಎರಡು ನೂಲಿನ ಸೀರೆಗಳಿದ್ದರೆ ಬೇಕಾದಷ್ಟಾಯ್ತು. ಅಂದಿದ್ದಳಲ್ಲಾ. ಹಾಗಾಗಿ ಅವಳಿಗೆ ಸೀರೆ ಖಂಡಿತಾ ಬೇಕಾಗಿರಲಿಕ್ಕಿಲ್ಲ. ಹಾಗಾದ್ರೆ ಅಜ್ಜಿಗೇನು ಬೇಕು?’ ಅಂತ ತಲೆ ಕೆಡಿಸಿಕೊಂಡು ಅಜ್ಜ ಹೋಗ್ತಾ ಇರುವಾಗ ತರಕಾರಿ ಅಂಗಡಿ ಸಿಕ್ಕಿತು. ತರಕಾರಿ ಅಂಗಡಿ ನೋಡಿದ ಕೂಡಲೇ ಛಕ್ಕಂತ ಅಜ್ಜನಿಗೆ ಏನೋ ನೆನಪಾಯ್ತು.

ಅದು ಮದುವೆಯಾದ ಪ್ರಾರಂಭದ ದಿನಗಳು ಅನ್ಸುತ್ತೆ. ಅಜ್ಜಿ ಅಜ್ಜ ಇಬ್ಬರಿಗೂ ಹರೆಯ. ಅಜ್ಜಿ ಅಜ್ಜನ ಹತ್ರ ಹೂ ತೆಗೆದುಕೊಂಡು ಬನ್ನಿ ಅಂದಿದ್ಲು. ಅಜ್ಜ ಇದೂ ಒಂದು ಹೂವೇ ತಾನೇ ಅಂತ ಅಂದುಕೊಂಡು ಹೂಕೋಸು ತೆಗೆದುಕೊಂಡು ಹೋಗಿಬಿಟ್ಟಿದ್ದ. ಹೂವಿನ ಜಾಗದಲ್ಲಿ ಹೂಕೋಸು ನೋಡಿದ ಅಜ್ಜಿ, ‘ನಿಮ್ಮ ಹತ್ರ ಇನ್ನು ಏನೂ ಕೇಳಲ್ಲ. ಹೂ ತಂದು ಕೊಡಿ ಅಂತ ಕೇಳಿದ್ದೇ ತಪ್ಪಾಯ್ತು. ಅಂತ ಸಿಟ್ಟು ಮಾಡಿಕೊಂಡಿದ್ಲು. ಆಮೇಲಿಂದ ಅಜ್ಜಿ ಹೂ ತಂದುಕೊಡಿ ಅಂತ ಕೇಳಿದ್ದೂ ಇರಲಿಲ್ಲ, ಅಜ್ಜ ತೊಗೊಂಡು ಹೋಗಿ ಕೊಟ್ಟಿದ್ದೂ ಇರಲಿಲ್ಲ. ಇದು ನೆನಪಾಗಿ ಅಜ್ಜನಿಗೆ ಭಾರೀ ಖುಷಿ, ಬೇಜಾರು ಹೀಗೆ ಏನೇನೋ ಒಂಥರಾ ಆಯ್ತು.

‘ಇವತ್ತು ಅಜ್ಜಿಗೇನು ಬೇಕೋ ಅದನ್ನ ತೊಗೊಂಡು ಹೋಗಿ ಕೊಟ್ಟೇಬಿಡುತ್ತೀನಿ’ ಅಂತ ಹೂವಿನ ಅಂಗಡಿಯ ಕಡೆ ಹೊರಟ. ಆಮೇಲೆ ಮನೆ ಸೇರಿದ ಅಜ್ಜ, “ಸರಸೂ.. ನಿನಗೇನು ಬೇಕು ಅಂತ ನೀನು ಬಾಯಿಬಿಟ್ಟು ಹೇಳದೇ ಹೋದ್ರೂ ಅದೇನು ಅಂತ ಕಂಡುಹಿಡಿದು ತೊಗೊಂಡು ಬಂದಿದೀನಿ ತೊಗೋಳೇ” ಅಂದ. ಕೈಯಲ್ಲಿ ದೊಡ್ಡ ಹೂವಿನ ಪೊಟ್ಟಣವನ್ನು ನೋಡಿದ ಕೂಡಲೇ ಅಜ್ಜಿಗೆ ಎಲ್ಲಿಲ್ಲದ ಸಿಟ್ಟು ಬಂತು. “ಏನ್ರೀ ಮುಪ್ಪು ಹಿಡಿದು ಮೂಲೇ ಸೇರಿರೋ ಮುದುಕಿ ನಾನು. ನನ್ನ ತಲೆ ಕೂದಲೆಲ್ಲ ಬೆಳ್ಳಗಾಗಿ ನೆತ್ತಿ ಕೂದಲೆಲ್ಲ ಉದುರಿ ಹೋಗಿ ಉಳಿದಿರೋ ಮೂರೇ ಮೂರು ಕೂದಲಿಗೆ ಮೂರು ಮಾರು ಮಲ್ಲಿಗೆ ಹೂ ತಂದಿದ್ದೀರಲ್ಲರೀ ನಿಮಗೇನು ಬುದ್ದಿ ಗಿದ್ದಿ ಇದೆಯಾ?” ಅಂತ ಸಿಟ್ಟಿನಿಂದ ಎದ್ದು ಅಡುಗೆ ಮನೆಗೆ ಹೋದ್ಲು. ಅದ್ರೂ ಅವಳ ತುಟಿಯಂಚಲ್ಲಿ ಮತ್ತು ಕಣ್ಣಂಚಲ್ಲಿ ಪ್ರೀತಿಯ ಒಂದು ಕಿರುನಗೆ ಇತ್ತು. ಅಜ್ಜನಿಗೂ ವಯಸ್ಸಾಗಿ ಕಣ್ಣು ಮಂದ ಆಗಿತ್ತಲ್ಲ ಹಾಗಾಗಿ ಆ ಕಿರುನಗೆ ಅಜ್ಜನಿಗೆ ಕಾಣಲೇ ಇಲ್ಲ.

ಸಿಟ್ಟು ಮಾಡಿಕೊಂಡ ಅಜ್ಜಿಯನ್ನ ನೋಡಿ ಅಜ್ಜ ಪೆಚ್ಚಾದ. ಕೊನೆಗೂ ಅಜ್ಜಿಗೇನು ಬೇಕು ಅಂತ ಅಜ್ಜನಿಗೆ ಗೊತ್ತೇ ಆಗಲಿಲ್ಲ!

ಮುದ್ದು ತೀರ್ಥಹಳ್ಳಿ

ಕಾನೂನು ವಿದ್ಯಾರ್ಥಿನಿ. ಕನ್ನಡ, ಕೊಂಕಣಿ ಭಾಷೆಗಳಲ್ಲಿ ಬರೆಯುತ್ತಾರೆ. ಕಾಡ ಹಾದಿಯ ಹೂಗಳು, ಒಂದು ಚಂದ್ರನ ತುಂಡು, ಕಾನನ ಕಲರವ, ಎಷ್ಟು ಬಣ್ಣದ ಇರುಳು ಹಾಗೂ ಹೂ ಗೊಂಚಲು ಇವರ ಕನ್ನಡ ಕೃತಿಗಳು. ‘ಕಾಡ ಹಾದಿಯ ಹೂಗಳು’ ಕಾದಂಬರಿ ಅದೇ ಹೆಸರಲ್ಲಿ ಚಲನಚಿತ್ರವಾಗಿದೆ. ಕೊಂಕಣಿಯ ನಮಾನ್ ಬಾಳೋಕ್ ಜೆಜು ಪತ್ರಿಕೆಗೆ ಕಳೆದ ನಾಲ್ಕು ವರ್ಷಗಳಿಂದ ಅಂಕಣ ಬರೆಯುತ್ತಿದ್ದಾರೆ. ‘ಮಂದಾನಿಲ’ ಎಂಬ ಪತ್ರಿಕೆಯನ್ನು ಐದು ವರ್ಷ ನಡೆಸಿದವರು. ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (ಕಲಬುರ್ಗಿ ಹತ್ಯೆ ಖಂಡಿಸಿ ಈ ಪ್ರಶಸ್ತಿಯನ್ನು ಮರಳಿಸಿದ್ದಾರೆ), ಕಾವ್ಯಾನಂದ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ಅರಳು ಪ್ರಶಸ್ತಿ, ಜ್ಯೋತಿ ಪುರಸ್ಕಾರ ಹಾಗೂ ಶಾರದಾ ಆರ್ ರಾವ್ ಮತ್ತು ಕರಿಯಣ್ಣ ದತ್ತಿ ಪ್ರಶಸ್ತಿಗಳು, ಬೇಂದ್ರೆ ಗ್ರಂಥ ಬಹುಮಾನ, ಅರಳು ಮೊಗ್ಗು ಪ್ರಶಸ್ತಿ, ಕನ್ನಡಶ್ರೀ ಪ್ರಶಸ್ತಿ, ಅಡ್ವೈಸರ್ ಪ್ರಶಸ್ತಿ ಬಂದಿವೆ.

Share

One Comment For "ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!
ಮುದ್ದು ತೀರ್ಥಹಳ್ಳಿ
"

  1. 21st June 2018

    Chanagide….

    Reply

Leave a comment

Your email address will not be published. Required fields are marked *

Recent Posts More

  • 6 days ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 week ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 week ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...

  • 2 weeks ago No comment

    ಹೊಸ್ತಿನ ಹಗಲು

    ಕವಿಸಾಲು   ಬಯಲ ಗದ್ದೆಯ ಭತ್ತದ ಕದರು ರೈತರ ಬೆವರ ಬಸಿಯುವ ಕೊಯಿಲು ಕಂಬಳಕಿಂಪಿನ ಪಾಂಗಿನ ಅಮಲು ಹೊಡತಲೆ ಹಗಣದ ಕವಳದ ಸಾಲು ಆಚರಿಸುತಿದೆ ಹೊಸ್ತಿನ ಹಗಲು. ನೇಗಿಲ ಬುಡದಲಿ ಸಸಿಬುಡ ಬೇರು ಕದರಿನ ನಡುವಲಿ ಗಂಧದ ಕೆದರು ಮಣ್ಣೊಳಗ್ಹುದುಗಿದ ಎರೆಹುಳು ಪಾಡು ಹರಡಿದ ಗಿಣಿಗಳ ಹಾಡಿನ ಜಾಡು ಆಚರಿಸುತಿದೆ ಹೊಸ್ತಿನ ಹಗಲು. ಮಣ್ಣಿನ ಬಣ್ಣದ ಮನಸಿನ ತೆವಲು ಕೆಂದರಕಿ ಹೂವಿನ ಕಮಾನು ಹೊಸಿಲು ಹೂಡುವ ಎತ್ತಿನ ಅಡಸಲ ...


Editor's Wall

  • 08 December 2018
    1 week ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 weeks ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 weeks ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    1 month ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...