Share

ತಾಳಿಯೆಂದರೆ ಚಿನ್ನದ ಗಟ್ಟಿ ಮಾತ್ರ!
ಉಷಾ ಕಟ್ಟೆಮನೆ ಕಾಲಂ

 

 

 

 

ತೀ ಅಗತ್ಯವಾಗಿ ದೊಡ್ಡ ಮೊತ್ತದ ದುಡ್ಡು ಬೇಕಾಗಿತ್ತು. ಎಲ್ಲಾ ಕಡೆಯಿಂದಲೂ ಅಷ್ಟಿಷ್ಟು ಸಂಗ್ರಹಿಸಿದೆ. ಇದ್ದಬದ್ದ ಉಳಿಕೆಯನ್ನೆಲ್ಲಾ ಒಟ್ಟುಮಾಡಿದೆ. ಊಹುಂ. ಸಾಕಾಗಲಿಲ್ಲ. ಕೊನೆಗೆ ನಮ್ಮ ಕಣ್ಣು ಹೊರಳುವುದು ಚಿನ್ನಾಭರಣಗಳ ಮೇಲೆಯೇ. ಆದರೆ ಅಲ್ಲಿಯೂ ನನ್ನ ನಸೀಬು ಚೆನ್ನಾಗಿಲ್ಲ. ಯಾಕೆಂದರೆ ನನ್ನಲ್ಲಿರುವುದು ಅತ್ಯಲ್ಪ ಚಿನ್ನ. ಆದರೂ ‘ಹನಿ ಕೂಡಿ ಹಳ್ಳ ತೆನೆ ಕೂಡಿ ಬಳ್ಳ’ ಎಂಬ ಗಾದೆ ಮಾತಿನಲ್ಲಿ ನಂಬಿಕೆಯನ್ನಿಟ್ಟು ಅದನ್ನೇ ತಗೊಂಡು ಗ್ರಾಮೀಣ ಬ್ಯಾಂಕಿಗೆ ಹೋದೆ. ಆದರೆ…

ಅವರು ಚಿನ್ನದ ಪರಿಶುದ್ಧತೆಯನ್ನು ಪರೀಕ್ಷಿಸುವ ಕುಶಲಕರ್ಮಿಯನ್ನು ಕರೆಸಿದರು. ಆತನ ಮುಂದೆ ಆಭರಣಗಳನ್ನು ಬಾಕ್ಸಿನಿಂದ ತೆರೆದಿಟ್ಟೆ. ಆತ ಒಂದೊಂದೇ ಆಭರಣಗಳನ್ನು ಪರೀಕ್ಷಿಸಿಸುತ್ತಾ ತೂಕದ ಬಟ್ಟಲಿಗೆ ಹಾಕತೊಡಗಿದ. ಆತನ ಕೈಗೆ ಮಂಗಲಸೂತ್ರ ಸಿಕ್ಕ ಕೂಡಲೇ ಹೌಹಾರಿ ನನ್ನತ್ತ ಒಂಥರಾ ದಿಟ್ಟಿಸಿದ. ಇದ್ದುದರಲ್ಲಿ ಅದರಲ್ಲಿ ಸ್ವಲ್ಪ ಹೆಚ್ಚು ಚಿನ್ನ ಇತ್ತು. ಹಾಗಾಗಿ ಅದರ ಮೇಲೇ ಭರವಸೆಯಿಟ್ಟು ನಾನದನ್ನು ಅಡವಿಡಲು ತಂದಿದ್ದೆ. ಆದರೆ ಆತ ತಲೆಯಾಡಿಸುತ್ತಾ, ‘ಮ್ಯಾನೇಜರ್ ಕಟ್ಟುನಿಟ್ಟಾಗಿ ಹೇಳಿದ್ದಾರೆ. ತಾಳಿಚೈನನ್ನು ಅಡ ಇಡುವಂತಿಲ್ಲ’ ಎಂದರು.

ಮ್ಯಾನೇಜರ್ ಬ್ಯಾಂಕಿನಲ್ಲಿ ಇರಲಿಲ್ಲ. ಸಾಲ ವಸೂಲಾತಿಗೆ ಸಿಬ್ಬಂದಿಯೊಂದಿಗೆ ಹೊರಗೆ ಹೋಗಿದ್ದರು. ನನಗೆ ಹಣ ಅಗತ್ಯವಾಗಿ ಬೇಕೇ ಬೇಕಾಗಿತ್ತು. ಬ್ಯಾಂಕ್ ಸಿಬ್ಬಂದಿಯೊಂದಿಗೆ ವಿನಂತಿಸಿಕೊಂಡು ಅವರಿಗೆ ಫೋನ್ ಮಾಡಿಸಿದೆ. ಅವರು ಖಡಾಖಂಡಿತವಾಗಿ ಆಗುವುದಿಲ್ಲ ಎಂದರು. ನನಗೆ ನಿರಾಶೆಯಾಯ್ತು. ಆದರೇನು ಮಾಡುವುದು? ಉಳಿದ ಚಿನ್ನಕ್ಕೆ ಕೊಟ್ಟ ಸಾಲದೊಂದಿಗೆ ಬ್ಯಾಂಕಿನ ಮೆಟ್ಟಲಿಳಿದುಕೊಂಡು ಬಂದಾಗ ಅಂದುಕೊಂಡೆ; ಇವರು ಇನ್ನು ಮುಂದೆ ನನ್ನನ್ನು ನೋಡುವ ದೃಷ್ಟಿಕೋನ ಬದಲಾಗಬಹುದೇ? ಇಂಥವರಿಗೆ, ಇಂತಹ ಜುಜುಬಿ ಮೊತ್ತವನ್ನು ಒಟ್ಟು ಮಾಡುವುದಕ್ಕೆ ಆಗುವುದಿಲ್ಲವೇ? ಎಂದೆಲ್ಲಾ ಅವರು ಯೋಚಿಸಬಹುದು ಎಂದುಕೊಳ್ಳುತ್ತಾ ರಸ್ತೆಗಿಳಿದೆ.

ಈ ಹಿಂದೆಯೂ ಮಾಂಗಲ್ಯಸರವನ್ನು ಅಡವಿಟ್ಟಿದ್ದೆ. ಆದರೆ ಅದು ಬೆಂಗಳೂರಿನಲ್ಲಿ. ತುಂಬಾ ಅಸ್ಥಿರವಾದ ನಗರ ಬದುಕು ನನ್ನದು. ಹಾಗಾಗಿ ತೀವ್ರವಾದ ಒತ್ತಡ್ದಲ್ಲಿದ್ದೆ. ಒಂದು ತುಂಡು ಕೃಷಿ ಜಮೀನು ಇದ್ದಿದ್ದರೆ ಹೇಗೋ ಬದುಕಬಹುದಿತ್ತು ಅಂತ ಆಗಾಗ ಅಂದುಕೊಳ್ಳುತ್ತಲೇ ಇದ್ದೆ. ಹಾಗಾಗಿ ದಕ್ಷಿಣಕನ್ನಡದಲ್ಲಿ ಒಂದು ಪುಟ್ಟ ಜಮೀನು ಕೊಂಡುಕೊಳ್ಳಲು ಮನಸು ಮಾಡಿದ್ದೆ. ನನ್ನ ಪತಿ ತನ್ನಲ್ಲಿದ್ದ ದುಡ್ಡು ಕೊಟ್ಟ. ಇನ್ನೂ ಸ್ವಲ್ಪ ಬೇಕಾಗಿತ್ತು. ಪತಿಯ ಸ್ನೇಹಿತರೊಬ್ಬರು ಆ ಸಮಯದಲ್ಲಿ ಸಹಾಯಕ್ಕೆ ಬಂದರು. ಆದರೆ ಒಂದೇ ವಾರದಲ್ಲಿ ಅವರು ತಮ್ಮ ದುಡ್ಡು ಕೊಡಿರೆಂದು ಕೇಳತೊಡಗಿದರು. ನನಗೆ ಏನು ಮಾಡುವುದೆಂದು ತೋಚಲಿಲ್ಲ.

ನನ್ನ ತವರುಮನೆಯಲ್ಲಿ ಕೂಡಾ ಅತೀ ಅಗತ್ಯ ಬಿದ್ದಾಗ ಬ್ಯಾಂಕಿನಲ್ಲಿ ಚಿನ್ನ ಅಡವಿಟ್ಟು ಸಾಲ ಪಡೆಯುತ್ತಿದ್ದರು. ರೈತಾಪಿ ವರ್ಗದಲ್ಲಿ ಇದು ಸರ್ವೇಸಾಮಾನ್ಯ ಸಂಗತಿಯಾಗಿತ್ತು. ಹಾಗಾಗಿ ನಾನೂ ಚಿನ್ನ ಅಡವಿಡುವುದೆಂದು ತೀರ್ಮಾನಿಸಿ ಮೊದಲು ಖಾಸಗಿ ಫೈನಾನ್ಸ್ ಗೆ ಹೋದೆ. ಅವರು ಏನೇನೋ ಡಾಕ್ಯುಮೆಂಟ್ಸ್ ಕೇಳಿದರು. ಅಲ್ಲದೆ ಅವತ್ತೇ ಸಾಲ ಸಿಗಲಾರದು ಎಂದುಬಿಟ್ಟರು. ರಾಜ್ಯ ಸರಕಾರದ ಬ್ಯಾಂಕಿಗೆ ಹೋದರೆ ಆ ದಿನ ಚಿನ್ನ ಪರೀಕ್ಷಿಸುವಾತ ಬರುವುದಿಲ್ಲವೆಂದು ಮರುದಿನ ಬರುವಂತೆ ಹೇಳಿದರು.

ನನಗೆ ನನ್ನ ಪತಿಯ ಸ್ನೇಹಿತರ ಬಗ್ಗೆ ಯಾವ ಪರಿಯ ಕೋಪ ಬಂದಿತ್ತೆಂದರೆ ಆ ದಿನವೇ ಅವರ ದುಡ್ಡು ಅವರ ಮುಂದೆ ಒಗೆಯಬೇಕೆಂಬ ರೋಷ ಬಂದಿತ್ತು. ತಕ್ಷಣ ನನಗೆ ನೆನಪಿಗೆ ಬಂದಿದ್ದು ನನ್ನ ಮಗಳ ಕ್ಲಾಸಿನಲ್ಲಿ ಓದುತ್ತಿದ್ದ ಹುಡುಗನ ತಾಯಿ. ಅವರ ಗಂಡ ಬಸವೇಶ್ವರ ಕೋ ಆಪರೇಟಿವ್ ಸೊಸೈಟಿಯಲ್ಲಿ ಮ್ಯಾನೇಜರ್ ಆಗಿದ್ದಾರೆ ಎಂದು ಆಕೆ ಹೇಳಿದಂತೆ ನೆನಪಿತ್ತು. ಶಾಲೆಯ ಬಳಿಯೇ ಅವರ ಮನೆಯಿತ್ತು. ಸೀದಾ ಅವರ ಮನೆಗೆ ಹೋಗಿ ನನ್ನ ಸಮಸ್ಯೆ ಹೇಳಿ ಅವರ ಬ್ಯಾಂಕಿನಲ್ಲಿ ಚಿನ್ನ ಅಡವಿಡಲು ಸಾಧ್ಯವೇ ಎಂದು ಕೇಳಿದೆ. ಆಕೆ ತನ್ನ ಗಂಡನಿಗೆ ಪೋನ್ ಮಾಡಿದರು. ಅವರು ಬ್ಯಾಂಕಿಗೆ ಬರಲು ಹೇಳಿದಂತೆ ವಿಜಯನಗರದ ಬ್ರಾಂಚಿಗೆ ಹೋದೆ. ಅವರ ಮುಂದೆ ಚಿನ್ನವನ್ನಿಟ್ಟೆ. ಅವರು ಒಡವೆಯ ಮಧ್ಯೆ ಇದ್ದ ಮಾಂಗಲ್ಯ ಸರವನ್ನೊಮ್ಮೆ ನನ್ನ ಮುಖವನ್ನೊಮ್ಮೆ ನೋಡುತ್ತಾ, ಇವತ್ತು ಚಿನ್ನ ಪರೀಕ್ಷಕರು ರಜೆಯಲ್ಲಿದ್ದಾರೆ. ನಿಮಗೆ ಇವತ್ತೇ ದುಡ್ಡು ಬೇಕಾ? ಎಂದರು. ನಾನು ಹೌದೆಂದು ತಲೆಯಾಡಿಸಿದೆ. ಕಣ್ಣುಗಳು ತುಂಬಿದ್ದವು. ಹಾಗಾಗಿ ಮಾತು ಹೊರಡಲಿಲ್ಲ! ಅವರು ಪೋನ್ ಕೈಗೆತ್ತಿಕೊಂಡು ಯಾರೊಡನೆಯೋ ಮಾತಾಡಿದರು. ಒಂದು ಚೀಟಿ ಬರೆದುಕೊಟ್ಟು ‘ಬಸವೇಶ್ವರ ಬ್ರಾಂಚಿಗೆ ಹೋಗಿ ನಾನೆಲ್ಲ ಹೇಳಿದ್ದೇನೆ’ ಎಂದರು.

ಬೆಂಗಳೂರು ನನಗೆ ಅಷ್ಟೇನೂ ಪರಿಚಿತವಲ್ಲ. ಆದರೂ ಹುಡುಕಿಕೊಂಡು ಬ್ಯಾಂಕಿಗೆ ಹೋದೆ. ಚಿನ್ನ ಅಡವಿಡುವುದು ನನಗೆ ಹೊಸತು. ಅರ್ಧ ಘಂಟೆಯಲ್ಲಿ ಕೈಗೆ ದುಡ್ಡು ಬಂತು. ಸೀದಾ ಮನೆಗೆ ಅಟೋ ಮಾಡಿಕೊಂಡು ಬಂದೆ. ಮನೆಯಲ್ಲಿ ಇದ್ದಬದ್ದ ದುಡ್ಡನ್ನೆಲ್ಲಾ ಹುಡುಕಿ ಮೊದಲೇ ಪರ್ಸಿನಲ್ಲಿಟ್ಟಿದ್ದೆ. ಅದನ್ನೂ ತಗೆದುಕೊಂಡು ನೇರ ಅವರ ಮನೆಗೆ ಹೋದೆ. ಅವರು ಮನೆಯಲ್ಲಿ ಇರಲಿಲ್ಲ. ಅವರ ಅತ್ತೆಯಿದ್ದರು. ಅವರ ಕೈಯ್ಯಲ್ಲಿ ಹಣವಿಟ್ಟು ಹಿಂದಿರುಗಿ ಬಂದವಳು ಹಲವಾರು ವರ್ಷ ಅವರ ಮನೆ ಕಡೆ ಸುಳಿದಿರಲಿಲ್ಲ.

ಆಮೇಲೆಯೂ ಒಮ್ಮೆ ಇಂತಹದೇ ಸಂದಿಗ್ಧ ಪರಿಸ್ಥಿತಿಯಲ್ಲಿ ರಾಷ್ಟ್ರೀಕೃತ ಬ್ಯಾಂಕಿನಲ್ಲಿ ದೀರ್ಘಾವಧಿಗೆ ಚಿನ್ನವನ್ನು ಅಡವಿಟ್ಟಿದ್ದೆ. ಹಣದ ಅತೀ ಅಗತ್ಯ ಕಂಡುಬಂದಾಗ, ಎಲ್ಲಿಯೂ ಹಣ ಹೊಂದಿಸಲು ಆಗದೇ ಇದ್ದಾಗ ನನ್ನ ಕಣ್ಣಿಗೆ ಬೀಳುವುದು ಈ ಮಾಂಗಲ್ಯ ಸರ ಒಂದೇ. ನನ್ನ ದೃಷ್ಟಿಯಲ್ಲಿ ಅದೊಂದು ಚಿನ್ನದ ಗಟ್ಟಿ ಮಾತ್ರ. ಅದರಲ್ಲಿ ಸ್ವಲ್ಪ ಜಾಸ್ತಿ ಚಿನ್ನ ಇದೆ. ನಾನು ಒಡವೆಗಳನ್ನು ಧರಿಸುವುದಿಲ್ಲ. ಒಡವೆಗಳನ್ನು ಹಾಕಿಕೊಂಡು ರೇಷ್ಮೆ ಸೀರೆ ಉಟ್ಟುಕೊಂಡರೆ ಅದು ನಾನಲ್ಲವೇನೋ ಎಂಬ ಭಾವ ಮೂಡುತ್ತದೆ. ದೇಹ ಭಾರವಾದಂತೆನಿಸುತ್ತದೆ. ಕಾಟನ್ ಸೀರೆ ಉಟ್ಟುಕೊಂಡು ಪುಟ್ಟ ಕೃತಕ ಸರ, ಓಲೆ ಹಾಕಿಕೊಂಡರೆ ನನ್ನ ಅಲಂಕಾರ ಮುಗಿಯುತ್ತದೆ. ಆಗ ನಾನು, ನಾನೆಂಬ ಆತ್ಮವಿಶ್ವಾಸ ಮೂಡುತ್ತದೆ.

ಉಷಾ ಕಟ್ಟೆಮನೆ

ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ. ‘ಪಾರಿಜಾತದ ಬಿಕ್ಕಳಿಕೆ’ ಅವರ ಪ್ರಕಟಿತ ಕೃತಿ.

Share

Leave a comment

Your email address will not be published. Required fields are marked *

Recent Posts More

  • 5 days ago No comment

    ಕಾದಂಬಿನಿ ಕವಿತೆಗಳ ಇನ್ನೊಂದು ಕಟ್ಟು: ಫಸ್ಟ್ ಲುಕ್

    ಹೊಸ ಪುಸ್ತಕ       ಕಾದಂಬಿನಿ ಅವರ ಎರಡನೇ ಕಾವ್ಯ ಸಂಕಲನ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಪ್ರಕಟಗೊಂಡಿದೆ. 100 ಕವಿತೆಗಳಿವೆ ಈ ಸಂಕಲನದಲ್ಲಿ. ಸಂಕಲನಕ್ಕೆ ವಿಮರ್ಶಕ, ರಂಗಕರ್ಮಿ ವಸಂತ ಬನ್ನಾಡಿ ಅವರ ಮುನ್ನುಡಿ, ಕವಿ ಹೆಚ್ ಎಸ್ ಶಿವಪ್ರಕಾಶ್ ಅವರ ಬೆನ್ನುಡಿ ಇದೆ. “ಜನಸಾಮಾನ್ಯರ ಸಂಕಟಗಳಿಗೆ ಮಾತು ಕೊಡಬೇಕು ಎಂಬುದು ಕಾದಂಬಿನಿ ಕಾವ್ಯದ ಕೇಂದ್ರಪ್ರಜ್ಞೆ. ಸಾಮಾಜಿಕ ಹಾಗೂ ರಾಜಕೀಯ ವಿಷಯಗಳನ್ನು ಮುಟ್ಟಿದರೆ ಮನಸ್ಸು ಕೊಳಕಾಗುವುದೆಂಬ ಮನೋಭಾವ ...

  • 1 week ago No comment

    ಕಾಲದ ಬೆವರಿನ ಬಡಿತಗಳು

    ಕವಿಸಾಲು   ಹುಲ್ಲಿನೆಳೆಗಳಲಿ ಬಿದಿರ ಕೊಂಬಿಗೆ ಆತುಗೊಂಡ ಜೋಪಡಿಯೊಳಗ ಚುಕ್ಕಿಗಳ ದಿಂಬಾಗಿಸಿದ ಹೊಂಗೆಯ ನೆರಳಿನ ಗುರುತುಗಳು ಸಗಣಿಯಿಂದ ಸಾರಿಸಿದ ಪಡಸಾಲಿ ಮದುವಣಗಿತ್ತಿಯಂತೆ ವಳ್ಳು ಬೀಸುಕಲ್ಲುಗಳ ಹೊಕ್ಕಳಲಿ ದಕ್ಕಿಸಿಕೊಂಡ ಅವಳು ನಡುಮನೆಯ ಮೈದಾನದಾಗ ನಡುಗಂಬದ ನೆಲೆ ಬಿರುಕ ಕಿಂಡಿಗಳಲಿ ಮುರಿದ ಟೊಂಗೆಗಳೆಲ್ಲಾ ಬೆಸೆದು ಗುಡಿಸಲ ಕಣ್ಣಾಗಿ ಚಂದಿರನ ಜೋಗುಳ ಕಟ್ಯಾವು ಗಾಯದ ಬೆನ್ನು ನಿದ್ರಿಸಲು ಮಳೆಯ ರಭಸದಲಿ ಕೆರೆಯಂತಾಗುವ ಜೋಪಡಿಯೊಳಗ ಎಳೆಯ ರೆಕ್ಕೆಗಳನು ಪಕ್ಕೆಲುಬಲಿ ಅವಿತುಕೊಂಡು ಬೆಚ್ಚನೆಯ ಭರವಸೆ ತುಂಬ್ಯಾಳೊ ...

  • 1 week ago No comment

    ಕಾಲ ಮತ್ತು ನಾನು

          ಕವಿಸಾಲು       ಅಂತರಂಗದ ಅನಿಸಿಕೆಗಳ ಅದ್ಭುತ ರಮ್ಯ ಕನಸುಗಳ ಜತನವಾಗಿಟ್ಟುಕೊಂಡ ರಹಸ್ಯಗಳ ದುಂಡಗೆ ಬರೆದು ದಾಖಲಿಸಿ ಸಾವಿರ ಮಡಿಕೆಗಳಲಿ ಒಪ್ಪವಾಗಿ ಮಡಚಿ ಮೃದು ತುಟಿಗಳಲಿ ಮುತ್ತಿಟ್ಟು ಬೆವರ ಕೈಗಳಲಿ ಬಚ್ಚಿಟ್ಟು ಯಾರೂ ಕಾಣದಾಗ ಕದ್ದು ಹಿತ್ತಲಿನ ತೋಟಕ್ಕೆ ಒಯ್ದು ನನ್ನ ನಾಲ್ಕರಷ್ಟೆತ್ತರದ ಮರ ದಟ್ಟಕ್ಕೆ ಹರಡಿದ ಎಲೆಗಳ ನಡುವೆ ಟೊಂಗೆಗಳ ಸೀಳಿನಲಿ ಮುಚ್ಚಿಟ್ಟೆ ಅಲ್ಲಿಂದ ಮುಂದೆ ಮರ ಮರವಾಗಿ ಉಳಿಯಲಿಲ್ಲ ರಹಸ್ಯಗಳನ್ನೆಲ್ಲ ...

  • 1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 2 months ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...


Editor's Wall

  • 12 March 2019
    1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 08 December 2018
    3 months ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    4 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    4 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    4 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...