Share

ಸಿರಿಯಾ: ಹೂಮೊಗ್ಗುಗಳ ಆಕ್ರಂದನ
ಉಷಾ ಕಟ್ಟೆಮನೆ ಕಾಲಂ

 

 

 

 

ಈ ಯುದ್ಧ ಮುಗ್ಧ ಮಕ್ಕಳನ್ನು ಸೇರಿದಂತೆ ನಿರಪರಾಧಿ ಸಿರಿಯನ್ ನಾಗರಿಕರನ್ನು ಪೈಶಾಚಿಕ ರೀತಿಯಲ್ಲಿ ನುಂಗಿ ನೊಣೆಯುತ್ತಿರುವುದು ಕಣ್ಣಿಗೆ ರಾಚುತ್ತಿದೆ.

 

ಸೋಷಿಯಲ್ ಮೀಡಿಯಾಗಳ ಪುಟಗಳನ್ನು ಸ್ಕ್ರೋಲ್ ಮಾಡುವಾಗ ಸತ್ತು ಮಲಗಿರುವ ಸಿರಿಯನ್ ಕೂಸುಗಳ ಕಂಡಾಗ ಎದೆ ನಡುಗುತ್ತದೆ. ಆಗ ತಾನೇ ಹುಟ್ಟಿದ ಮಕ್ಕಳನ್ನು ಜೋಪಾನವಾಗಿ ಬಿಳಿಯ ಬಟ್ಟೆಯಲ್ಲಿ ಸುತ್ತಿ ಲೇಬರ್ ವಾರ್ಡಿನ ತೊಟ್ಟಿಲ್ಲಲ್ಲಿ ಮಲ್ಲಗೆ ಮಲಗಿಸಿದ ಹಾಗಿವೆ, ಆದರೆ ಅವುಗಳಲ್ಲಿ ಉಸಿರಾಟವಿಲ್ಲ. ತಣ್ಣಗೆ ಕೊರಡಾಗಿ ಬಿದ್ದುಕೊಂಡಿವೆ.

ಇನ್ನೂ ಲೋಕವನ್ನು ಕಣ್ಬಿಟ್ಟು ನೋಡದ ಆ ಕಂದಮ್ಮಗಳು ಮಾಡಿದ ತಪ್ಪಾದರೂ ಏನು? ದೇಶಕ್ಕೆ ದೇಶವೇ ಯುದ್ಧಭೂಮಿಯಾಗಿರುವ ಸಿರಿಯಾ ಎನ್ನುವ ಅರಬ್ ರಾಷ್ಟ್ರವೀಗ ಮೃತ್ಯುತೊಟ್ಟಿಲಾಗಿದೆ.

ನಿಮಗೆಲ್ಲಾ ನೆನಪಿರಬಹುದು. ೨೦೧೫ರಲ್ಲಿ ನೀಲಿ ಚಡ್ಡಿ ಕೆಂಪು ಅಂಗಿ ತೊಟ್ಟ ಪುಟ್ಟ ಬಾಲಕ ಟರ್ಕಿಯ ಭೊರ್ಡಂ ಬೀಚಿನಲ್ಲಿ ಸತ್ತುಬಿದ್ದಿದ್ದ. ಸಿರಿಯಾದಿಂದ ಓಡಿಬಂದ ನಿರಾಶ್ರಿತ ಕುಟುಂಬವೊಂದರ ಮೂರು ವರ್ಷದ ಮಗು ಅದು. ಅದರ ಹೆಸರು ಅಯ್ಲಾನ್ ಕುರ್ಡಿ. ಇಡೀ ವಿಶ್ವವೇ ಆ ಮಗುವಿಗಾಗಿ ಮರುಗಿತ್ತು. ಚಿಲಿಯ ಸುಪ್ರಸಿದ್ಧ ಕಲಾಕಾರನೂ ಕವಿಯೂ ಆಗಿರುವ ರವುಲ್ ಝುರಿಟಾ ಅಲ್ಲೇ ಪಕ್ಕದಲ್ಲಿ ಬಿದ್ದಿದ್ದ, ಲೋಕ ಗುರುತಿಸದ ಆಯ್ಲಾನ್ ಕುರ್ಡಿಯ ತಮ್ಮ ಗಾಲಿಪ್ ಕುಡಿ ಮತ್ತು ಅವರಮ್ಮನ ಶವವನ್ನು ಕಂಡರು. ಅದಕ್ಕವರು ಪ್ರತಿಸ್ಪಂದಿಸಿದ ಕವನವೇ ‘Sea Of Pain’. ಆ ಕವನವನ್ನು ಸ್ವತಃ ರವುಲ್ ಝುರಿಟಾ ಅವರೇ ಕಳೆದ ಬಾರಿ ಕೇರಳದ ಕೊಚ್ಚಿಯಲ್ಲಿ ನಡೆದ ‘ಕೊಚ್ಚಿ ಬಿಯನಾಲೆ’ಯಲ್ಲಿ ದೃಶ್ಯೀಕರಿಸಿದ್ದರು. ನಾನು ಅದನ್ನು ನೋಡಿದ್ದೆ. ಮನಸ್ಸು ತಲ್ಲಣಗೊಂಡಿತ್ತು, ಮನೆಗೆ ಬಂದವಳೇ ‘ನೋವಿನ ಸಮುದ್ರ’ ಎಂಬ ಕಥೆಯನ್ನು ಬರೆದೆ. ಅನಂತರದಲ್ಲಿ ಅದನ್ನು ‘ನಿರುಪಮಾ ಪ್ರಶಸ್ತಿ’ಗಾಗಿ ಕಳುಹಿಸಿದೆ. ಅಲ್ಲಿ ಅದು ಪ್ರಥಮ ಪ್ರಶಸ್ತಿಯನ್ನು ಪಡೆದುಕೊಂಡಿತು. ದೇಶವೊಂದರ ಅಂತರ್ಯುದ್ದ ವಿಶ್ವದ ಸಂವೇದನಾಶೀಲ ಮನಸುಗಳ ಖಾಸಗಿ ನೋವಾಗಿ ಮತ್ತೆ ಅದು ಕಲಾರೂಪದಲ್ಲಿ ಅಭಿವ್ಯಕ್ತಿಗೊಳ್ಳುವುದೆಂದರೆ ಇದುವೇ ಇರಬೇಕು. ಒಂದು ಘಟನೆ ಕಾಲಾಂತರದಲ್ಲಿ ಸಾರ್ವತ್ರಿಕಗೊಳ್ಳುವ ಪರಿಯಿದು.

ಸಿರಿಯಾದಲ್ಲಿ ಕಳೆದ ಐದಾರು ವರ್ಷಗಳಿಂದ ಅಂತಃಕಲಹ ನಡೆಯುತ್ತಿರುವುದು ಜಗತ್ತಿನ ರಾಜಕೀಯ ವಿದ್ಯಮಾನಗಳ ಬಗ್ಗೆ ಆಸಕ್ತಿಯಿರುವವರಿಗೆ ಗೊತ್ತಿರುವ ಸಂಗತಿಯೇ. ಆದರೆ ಕಳೆದ ಒಂದು ವಾರದಿಂದ ಅಲ್ಲಿ ನಡೆಯುತ್ತಿರುವ ಹಸುಗೂಸುಗಳ ಮಾರಣ ಹೋಮ ಜಗತ್ತಿನಾದ್ಯಂತ ಜನಸಾಮಾನ್ಯರನ್ನು ಕೂಡಾ ಕಂಗೆಡಿಸುವಂತೆ ಮಾಡಿದೆ. ಮಾನವೀಯತೆ ವಿನಾಶದ ಅಂಚನ್ನು ತಲುಪಿದೆ ಎಂಬುದು ಎಲ್ಲರಿಗೂ ಗೊತ್ತಾಗುತ್ತಲಿದೆ. ಆದರೆ ಏನು ಮಾಡಬೇಕೆಂದು ಯಾರಿಗೂ ಗೊತ್ತಾಗುತ್ತಿಲ್ಲ. ಇಂತಹ ಬಿಕ್ಕಟ್ಟಿನ ಸಂದರ್ಭದಲ್ಲಿ ಮಧ್ಯೆ ಪ್ರವೇಶಿಸಬೇಕಾದ ವಿಶ್ವಸಂಸ್ಥೆ ಕೂಡಾ ತನ್ನ ಪ್ರಯತ್ನದಲ್ಲಿ ಯಶಸ್ಸನ್ನು ಕಾಣುತ್ತಿಲ್ಲ.

ಸಿರಿಯಾ ಬಿಕ್ಕಟ್ಟು ಅತ್ಯಂತ ಸಂಕೀರ್ಣವಾದುದು. ಅದನ್ನು ಸುಲಭದಲ್ಲಿ ಅರ್ಥ ಮಾಡಿಕೊಳ್ಳಲು ಸಾಧ್ಯವಿಲ್ಲ. ಅದಕ್ಕೆ ಹಲವು ಆಯಾಮಗಳಿವೆ. ಧರ್ಮ ಮತ್ತು ರಾಜಕೀಯದ ಜೊತೆಗೆ ಆರ್ಥಿಕ ಅವಕಾಶವಾದ ಮೇಳೈಸಿದರೆ ಏನೆಲ್ಲಾ ಪಾಶವೀ ಕೃತ್ಯ ಸಂಭವಿಸಬಹುದೋ ಅದೆಲ್ಲವೂ ಈಗ ಸಿರಿಯಾದಲ್ಲಿ ನಡೆಯುತ್ತಿದೆ.

ಸಿರಿಯಾ ಒಂದು ಪುಟ್ಟ ಅರಬ್ ರಾಷ್ಟ್ರ. ಟರ್ಕಿ, ಇರಾಕ್ ಜೋರ್ಡಾನ್, ಇಸ್ರೇಲ್ ಮತ್ತು ಲೆಬನಾನ್ ಅದರ ಗಡಿ ದೇಶಗಳು. ೧೯೪೬ರಲ್ಲಿ ಫ್ರಾನ್ಸಿನಿಂದ ಸ್ವಾತಂತ್ರ್ಯ ಪಡೆದ ಸಿರಿಯಾ ಇದುವರೆಗೂ ಕಂಡಿದ್ದು ಸರ್ವಾಧಿಕಾರಿಯ ಆಳ್ವಿಕೆಯನ್ನೇ. ಈಗ ಅಲ್ಲಿಯ ಅಧ್ಯಕ್ಷರಾಗಿರುವವರು ಬಶರ್ ಅಲ್ ಅಸಾದ್.

ಈಗ ಸಿರಿಯಾದಲ್ಲಿ ನಡೆಯುತ್ತಿರುವ ಸಿವಿಲ್ ವಾರ್ ಆರಂಭವಾಗಿದ್ದು ತುಂಬಾ ಸಣ್ಣ ಘಟನೆಯಿಂದ. ಮಧ್ಯಪ್ರಾಚ್ಯ ಮತ್ತು ಉತ್ತರ ಆಪ್ರಿಕಾದ ಕೆಲವು ದೇಶಗಳಲ್ಲಾದ ಪ್ರಜಾಪ್ರಭುತ್ವದ ಹೋರಾಟಗಳು ಸಿರಿಯಾದಲ್ಲಿಯೂ ಸರ್ವಾಧಿಕಾರಿ ಪ್ರಭುತ್ವವನ್ನು ಪ್ರಶ್ನಿಸುವಂತೆ ಮಾಡಿದವು. ೨೦೧೧ರಲ್ಲಿ ಕೆಲವು ಹುಡುಗರು ತಮ್ಮ ಶಾಲಾ ಗೋಡೆಯಲ್ಲಿ ಸರಕಾರದ ವಿರುದ್ಧ ಘೋಷಣೆಗಳನ್ನು ಬರೆದರು. ಅಧ್ಯಕ್ಷ ಬಶರ್ ಅಲ್ ಬಸಾರ್ ಸರಕಾರ ಆ ಹುಡುಗರ ಜೊತೆ ಕ್ರೂರವಾಗಿ ವರ್ತಿಸಿತು. ಅವರಲ್ಲಿ ಕೆಲವರು ಸತ್ತರು. ಇದನ್ನು ನಾಗರಿಕರು ಪ್ರಸ್ನಿಸಿದರು. ಆ ಒಂದು ಘಟನೆಯೇ ಮುಂದೆ ಆಳುವ ಸರಕಾರ ಮತ್ತು ಕ್ರಾಂತಿಕಾರಿಗಳೆಂಬ ಗುಂಪಿನ ನಡುವೆ ಸಂಘರ್ಷಕ್ಕೆ ಕಾರಣವಾಯ್ತು. ಕ್ರಾಂತಿಕಾರಿಗಳಿಗೆ ಬದಲಾವಣಿಯನ್ನು ಬಯಸುವ ಪ್ರಜಾಪ್ರಭುತ್ವವಾದಿಗಳು, ಮಾನವಹಕ್ಕುಗಳ ಸ್ವಯಂಸೇವಕರು ಸೇರಿದಂತೆ ಅನೇಕ ಸಂಘಟನೆಗಳು ಬೆಂಬಲಕ್ಕೆ ನಿಂತವು. ಸರಕಾರ ಇವರೆಲ್ಲರೊಡನೆ ಕಟಿಣ್ವಾಗಿ ವರ್ತಿಸಿತು. ಅನೇಕ ಹತ್ಯೆಗಳಾದವು. ೨೦೧೫ರಲ್ಲಿ ರಷ್ಯ ಸಿರಿಯಾದ ಸಹಾಯಕ್ಕೆ ಬಂತು. ಅಮೇರಿಕಾ ಬಂಡುಕೋರರ ಪರ ನಿಂತಿತು. ಇಬ್ಬರೂ ದೊಡ್ಡಣ್ಣಂದಿರು ತಂತಮ್ಮ ಬಣಗಳಿಗೆ ಸೈನಿಕ ತರಬೇತಿ ಮತ್ತು ಶಸ್ತ್ರಾಸ್ತ್ರ ಪೂರೈಸತೊಡಗಿದವು. ಎರಡೂ ಬಣಗಳಲ್ಲಿ ವಿವಿಧ ದೇಶಗಳು, ಸಂಘಟನೆಗಳು ಜಮೆಗೊಳ್ಳುತ್ತಾ ಹೋಗಿ ಶೆಲ್ ದಾಳಿ, ಕೆಮಿಕಲ್ ವಾರ್ ತನಕ ಮುಂದುವರಿದಿದೆ. ಈ ಬಣಗಳ ಒಂದುಗೂಡುವಿಕೆಗೆ ಧರ್ಮವೂ ಮುಖ್ಯ ಪಾತ್ರ ವಹಿಸಿದೆ.

ಸಿರಿಯಾದ ಅಧ್ಯಕ್ಷ ಬಶರ್ ಅಲ್ ಅಸಾದ್ ಒಬ್ಬ ಶಿಯಾ ಮುಸ್ಲಿಂ. ಶಿಯಾ ಮುಸ್ಲಿಂ ಪಂಗಡವರು ಅಲ್ಲಿ ಅಲ್ಪಸಂಖ್ಯಾತರು. ಬಹುಸಂಖ್ಯಾತರು ಸುನ್ನಿ ಪಂಗಡಕ್ಕೆ ಸೇರಿದವರು. ತಮ್ಮನ್ನು ಅಲ್ಪಸಂಖ್ಯಾತನೊಬ್ಬ ಆಳುವುದನ್ನು ಸಹಿಸಿಕೊಳ್ಳದ ಸುನ್ನಿ ಮುಸ್ಲಿಮರು ಅಧ್ಯಕ್ಷ ಬಶರ್ ಅಲ್ ಅಸಾದ್ ವಿರುದ್ಧ ಒಳಗೊಳಗೇ ಕುದಿಯುತ್ತಿದ್ದರು. ಬಶರ್ ಗೆ ಶಿಯಾ ಪ್ರಾಬಲ್ಯದ ಇರಾನ್ ಮತ್ತು ಲೆಬನಾನ್ ಬೆಂಬಲ ನೀಡುತ್ತಿವೆ. ಸುನ್ನಿ ಪ್ರಾಬಲ್ಯದ ಸೌದಿ ಅರೇಬಿಯಾ ಬಂಡುಕೋರರ ಬೆಂಬಲಕ್ಕೆ ನಿಂತಿದೆ. ಆದರೂ ಅಲ್ಲಿ ಸುನ್ನಿಗಳ ಮಾರಣ ಹೋಮ ನಡೆಯುತ್ತಿದೆ. ಇದುವರೆಗೆ ಸುಮಾರು ನಾಲ್ಕು ಲಕ್ಷಕ್ಕೂ ಹೆಚ್ಚಿನ ಜನರು ಹತರಾಗಿದ್ದಾರೆ. ಅರುವತ್ತು ಲಕ್ಷಕ್ಕೂ ಹೆಚ್ಚಿನ ಜನರು ಮನೆಮಾರು ಕಳೆದುಕೊಂಡು ಅತಂತ್ರರಾಗಿದ್ದಾರೆ. ಐವತ್ತು ಲಕ್ಷಕ್ಕೂ ಹೆಚ್ಚಿನ ಜನ ದೇಶ ಬಿಟ್ಟು ಓಡಿ ಹೋಗಿದ್ದಾರೆ. ಹಾಗೆ ಹೋದ ಸಾವಿರಾರು ಜನರು ಅಯ್ಲಾನ್ ಕುರ್ಡಿ ಪರಿವಾರದಂತೆ ಮೆಡಿಟೇರಿಯನ್ ಸಮುದ್ರದ ಪಾಲಾಗಿದ್ದಾರೆ. ಬದುಕುಳಿದವರು ಲೆಬನಾನ್. ಟರ್ಕಿ,ಜೋರ್ಡಾನ್ ದೇಶಗಳ ನಿರಾಶ್ರಿತರ ಶಿಬಿರಗಳಲ್ಲಿ ದಿನ ದೂಡುತ್ತಿದ್ದಾರೆ.

ಸಿರಿಯಾ ಅಂತರ್ಯುದ್ಧಕ್ಕೆ ಇವು ಕಾರಣಗಳಿರಬಹುದೆನೋ ಎಂದು ನನಗೆ ಅರ್ಥವಾದಷ್ಟು ಬರೆದೆ. ಆದರೆ ನಿಜವಾದ ಕಾರಣಗಳೇನಿರಬಹುದು ಎಂಬುದು ನನ್ನನ್ನೂ ಸೇರಿದಂತೆ ನಮ್ಮಲ್ಲಿ ಬಹಳಷ್ಟು ಜನರಿಗೆ ಗೊತ್ತಿದ್ದಂತಿಲ್ಲ. ಇದು ಯುದ್ದ ನಿಲ್ಲಲಿ ಶಾಂತಿ ನೆಲೆಸಲಿ ಎಂದು ಹ್ಯಾಶ್ ಟ್ಯಾಗ್ ಹಾಕಿದಷ್ಟು ಸರಳವಲ್ಲ. ಈ ಯುದ್ಧ ಮುಗ್ಧ ಮಕ್ಕಳನ್ನು ಸೇರಿದಂತೆ ನಿರಪರಾಧಿ ಸಿರಿಯನ್ ನಾಗರಿಕರನ್ನು ಪೈಶಾಚಿಕ ರೀತಿಯಲ್ಲಿ ನುಂಗಿ ನೊಣೆಯುತ್ತಿರುವುದು ಕಣ್ಣಿಗೆ ರಾಚುತ್ತಿದೆ. ಸಂವೇದನಾಶೀಲ ಮನಸುಗಳ ನಿದ್ದೆಯನ್ನು ಕೆಲ ದಿನಗಳ ಮಟ್ಟಿಗಾದರೂ ಕಸಿದುಕೊಂಡದ್ದು ಸತ್ಯ.

ಇದನ್ನು ಹೇಗೆ ನಿಲ್ಲಿಸುವುದು? ಇದು ಮನುಷ್ಯತ್ವದಲ್ಲಿ ನಂಬಿಕೆಯಿರುವ ಎಲ್ಲರೂ ಕೇಳಿಕೊಳ್ಳುತ್ತಿರುವ ಪ್ರಶ್ನೆ.

ಉಷಾ ಕಟ್ಟೆಮನೆ

ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ. ‘ಪಾರಿಜಾತದ ಬಿಕ್ಕಳಿಕೆ’ ಅವರ ಪ್ರಕಟಿತ ಕೃತಿ.

Share

One Comment For "ಸಿರಿಯಾ: ಹೂಮೊಗ್ಗುಗಳ ಆಕ್ರಂದನ
ಉಷಾ ಕಟ್ಟೆಮನೆ ಕಾಲಂ
"

  1. Rajesh
    2nd March 2018

    ಉತ್ತಮ‌ ಮಾಹಿತಿ ನೀಡಿದ್ದಕ್ಕೆ, ಅದ್ಭುತ ಬರಹ.. ಆದ್ರೆ ಜನಸಾಮಾನ್ಯರಿಗೆ ಈ ಸುದ್ದಿ ತಟ್ಟಿಲ್ಲ ಅನ್ಸುತ್ತೆ.. ಭಾರತದ ಯಾವ ಮಾಧ್ಯಮವೂ ಈ ಸುದ್ದಿಯನ್ನ ಭಿತ್ತರಿಸಿಲ್ಲ. ಶ್ರೀದೇವಿ‌, ನಲಪಾಡ್ , ಕಾರ್ತಿ ವಿಚಾರಗಳಿಗೆ ತಮ್ಮ ಗಮನ ಕೇಂದ್ರಿಕರಿಸಿದ್ದವು ಅನ್ನಿಸ್ತಿದೆ

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...