Share

ಮುಗ್ಧತೆಯನ್ನೂ ಕೊಂದ ಹಿಂಸೆಯ ದಳ್ಳುರಿಯಲ್ಲಿ ಮಕ್ಕಳೇನಾದವಮ್ಮ?
ಕನೆಕ್ಟ್ ಕನ್ನಡ

 

 

ಹಿಂಸೆಯ ಮೂಲಕ ಮುಟ್ಟುವುದು ಘೋರ ನಾಳೆಗಳನ್ನು ಮಾತ್ರ ಎಂಬ ಸತ್ಯದ ಮುಂದೆಯೂ ಭಯಗೊಳ್ಳದೇ ಇರುವುದು ಹೇಗೆ ಸಾಧ್ಯ?

 

 

ಮ್ಮು ಕಾಶ್ಮೀರದಲ್ಲಿನ ಹಿಂಸಾಚಾರದ ದಳ್ಳುರಿಗೆ ಮಕ್ಕಳು ಕೂಡ ಮಕ್ಕಳ ಹಾಗೆ ಕಾಣಿಸುವುದಿಲ್ಲ. ತಪ್ಪಿತಸ್ಥರಂತೆ ಚಿತ್ರಹಿಂಸೆಗೆ ತುತ್ತಾಗುತ್ತಾರೆ. ಯಾವ ಕ್ಷಣದಲ್ಲೂ ಗುಂಡು ಅವರ ಎದೆ ಸೀಳಿ ಮುಗಿಸಿಹಾಕಿಬಿಡಬಹುದು. ಅಕಸ್ಮಾತ್ ಜೀವ ಹಿಡಿದುಕೊಂಡರೂ ಈ ನತದೃಷ್ಟರ ಬೊಗಸೆಯಲ್ಲಿರುವುದು ಘೋರ ಭವಿಷ್ಯ ಮಾತ್ರ.

2003ರಿಂದ ಆರಂಭವಾಗಿ ಈ ಒಂದೂವರೆ ದಶಕದಲ್ಲಿ ಜಮ್ಮು ಕಾಶ್ಮೀರದಲ್ಲಿ ಸೇನೆ ಮತ್ತು ಉಗ್ರರ ನಡುವಿನ, ಸರ್ಕಾರ ಮತ್ತು ಪ್ರತಿಭಟನಾಕಾರರ ನಡುವಿನ ಸಂಘರ್ಷದಲ್ಲಿ 318 ಮಕ್ಕಳು ಜೀವ ತೆತ್ತಿರುವ ಸಂಗತಿ ಹೃದಯ ಒಡೆಯುವಂಥದ್ದು. ಹಸುಗೂಸಿನಿಂದ ಹಿಡಿದು 17 ವರ್ಷದವರೆಗಿನ ಮಕ್ಕಳು ಹೀಗೆ ಬಲಿಯಾದವರಲ್ಲಿ ಸೇರಿದ್ದಾರೆ. ‘ದಿ ವೈರ್’ ವರದಿ ಮಾಡಿರುವಂತೆ, Jammu Kashmir Coalition of Civil Society (JKCCS) ಬಿಡುಗಡೆ ಮಾಡಿರುವ ವರದಿಯು ಈ ಭಯಂಕರ ಸತ್ಯವನ್ನು ಬಹಿರಂಗಪಡಿಸಿದೆ. ಕ್ಷೇತ್ರಕಾರ್ಯ ಮತ್ತು ಪತ್ರಿಕಾ ವರದಿಗಳ ಸಂಯೋಜನೆಯೊಂದಿಗೆ ತಯಾರಿಸಲಾದ ವರದಿ ಅದು.

318 ಮಕ್ಕಳಲ್ಲಿ 144 ಮಕ್ಕಳು ಸೇನೆ ಮತ್ತು ಜಮ್ಮು ಕಾಶ್ಮೀರ ಪೊಲೀಸರಿಗೇ ಬಲಿಯಾದವರು. 12 ಮಕ್ಕಳು ಉಗ್ರ ಗುಂಡಿಗೆ ಪ್ರಾಣ ತೆತ್ತವರು. 147 ಮಕ್ಕಳು ಅಪರಿಚಿತ ಬಂದೂಕುಧಾರಿಗಳ ನೆತ್ತರ ದಾಹಕ್ಕೆ ಜೀವ ಕೊಟ್ಟವರು. 15 ಮಕ್ಕಳು ಗಡಿ ನಿಯಂತ್ರಣ ರೇಖೆಯಲ್ಲಿನ ಗುಂಡಿನ ಮೊರೆತದಲ್ಲಿ ಪ್ರಾಣ ಕಳೆದುಕೊಂಡವರು.

ಕಳೆದ 15 ವರ್ಷಗಳಲ್ಲಿ ಹಿಂಸಾಚಾರಕ್ಕೆ ತುತ್ತಾದ ಅತ್ಯಂತ ಕಿರಿಯ ವಯಸ್ಸಿನ ಮಗುವೆಂದರೆ 2010ರಲ್ಲಿ ಬಲಿಯಾದ ಹತ್ತು ತಿಂಗಳ ಇರ್ಫಾನ್. ಬಾರಾಮುಲ್ಲಾದಲ್ಲಿ ನಡೆದ ಹಿಂಸಾಚಾರದ ವೇಳೆ ಪ್ರತಿಭನಾಕಾರರು ಮತ್ತು ಪೊಲೀಸರ ಸಂಘರ್ಷದ ನಡುವೆ ಈ ಮಗುವಿನ ತಾಯಿ ಸಿಕ್ಕಿಹಾಕಿಕೊಂಡಾಗ ಕೈಗೂಸನ್ನೇ ಕಳೆದುಕೊಳ್ಳಬೇಕಾದ ದಾರುಣ ನಡೆದುಹೋಯಿತು. ಈ 15 ವರ್ಷಗಳಲ್ಲಿ ಸೇನೆ ನೀಡಿದ ಚಿತ್ರಹಿಂಸೆಯಿಂದಾಗಿಯೇ 7 ಮಕ್ಕಳು ಸತ್ತಿರುವ ಅಂಶವನ್ನೂ ವರದಿ ಪ್ರಸ್ತಾಪಿಸುತ್ತದೆ. ತನ್ನ ವಶಕ್ಕೆ ಸಿಕ್ಕ ಮಕ್ಕಳನ್ನು ವಯಸ್ಕರೆಂಬಂತೆಯೇ ಸೇನೆ ಮತ್ತು ಪೊಲೀಸ್ ಪಡೆ ನೋಡುತ್ತದೆಂಬುದನ್ನು ಹೇಳುತ್ತದೆ ವರದಿ.

ವರದಿಯಲ್ಲಿ ಜೆಕೆಸಿಸಿಎಸ್ ಹಲವು ಸಾಮೂಹಿಕ ಬಲಿ ಪ್ರಕರಣಗಳನ್ನು ಉಲ್ಲೇಖಿಸಿದೆ. ಅದರ ಪ್ರಕಾರ, 2006ರಲ್ಲಿ ಕ್ರಿಕೆಟ್ ಆಡುತ್ತಿದ್ದ ನಾಲ್ಕು ಮಂದಿಯನ್ನು ಹಂದ್ವಾರದಲ್ಲಿ ಮಿಲಿಟರೆ ಪಡೆ ಕೊಂದುಹಾಕಿತು. ಆ ನಾಲ್ವರಲ್ಲಿ ಇಬ್ಬರು ಮಕ್ಕಳಿದ್ದರು. ಇನ್ನೊಂದು ಘಟನೆಯಲ್ಲಿ ಅಲ್ಪಸಂಖ್ಯಾತ ಹಿಂದೂ ಸಮುದಾಯದ 24 ಮಂದಿಯನ್ನು ಅಪರಿಚಿತ ಬಂದೂಕುಧಾರಿಗಳು ಕೊಂದರು. ಆ 24 ಮಂದಿಯಲ್ಲಿ 2 ವರ್ಷದ ಇಬ್ಬರು ಮಕ್ಕಳಿದ್ದರು.

ಜೆಕೆಸಿಸಿಎಸ್ ಎತ್ತುವ ಪ್ರಶ್ನೆಯೇನೆಂದರೆ, ಯಾರೋ ಅಪರಿಚಿತರ ಗುಂಡಿಗೆ ಬಲಿಯಾದ ಮಕ್ಕಳ ಕುಟುಂಬದ ವಿಷಯದಲ್ಲಂತೂ ನ್ಯಾಯದ ನಿರೀಕ್ಷೆ ಸಾಧ್ಯವೇ ಇಲ್ಲ. ಆದರೆ ಸೇನೆ ಮತ್ತು ಪೊಲೀಸರ ಕೈಯಲ್ಲೇ ಜೀವ ತೆತ್ತ ಮಕ್ಕಳ ವಿಷಯದಲ್ಲೂ ನ್ಯಾಯವಿಲ್ಲವೆಂದರೆ? ಅವರಿಗೆ ಬಲಿಯಾದ ಆ 144 ಮಕ್ಕಳ ಸಾವಿಗೆ ನ್ಯಾಯವೆಂಬುದು ಸಿಕ್ಕಿಯೇ ಇಲ್ಲ. ಯಾರಿಗೂ ಈ ಸಂಬಂಧ ಶಿಕ್ಷೆಯಾಗಿಯೇ ಇಲ್ಲ. ಜೆಕೆಸಿಸಿಎಸ್ ಸಂಯೋಜಕ, ಮಾನವ ಹಕ್ಕುಗಳ ಹೋರಾಟಗಾರ ಖುರಮ್ ಪರ್ವೇಜ್ ಹೇಳುವುದು: “ಜಮ್ಮು ಕಾಶ್ಮೀರದ್ಲಿ ಯಾವ ಸಮುದಾಯಕ್ಕೂ – ಅದು ಹಿಂದೂ, ಸಿಖ್, ಮುಸ್ಲಿಂ ಯಾವುದೇ ಇರಲಿ – ನ್ಯಾಯವೆಂಬುದಿಲ್ಲ. ನಾವು ಯಾವಾಗಲೂ ಈ ವಿಷಯವನ್ನು ಚರ್ಚೆಗೆ ಎತ್ತುತ್ತಲೇ ಇರುತ್ತೇವೆ. ಆದರೆ ಸರ್ಕಾರಕ್ಕೆ ಇದೆಂದೂ ಆದ್ಯತೆಯ ವಿಚಾರವೇ ಅಲ್ಲ. ಅದರ ಗಮನವೇನಿದ್ದರೂ ಮಿಲಿಟರಿ ಉದ್ದೇಶದ ಕಡೆಗೆ. ಭದ್ರತಾ ಪಡೆಯನ್ನು ಬಳಸಿ ಕಾಶ್ಮೀರವನ್ನು ಹತೋಟಿಯಲ್ಲಿಟ್ಟುಕೊಳ್ಳುವುದರಲ್ಲೇ ಆಸಕ್ತಿ ಅದಕ್ಕೆ.”

ಕಾಶ್ಮೀರ ಕಣಿವೆಯಲ್ಲಿ 1990ರ ನಂತರ ಹುಟ್ಟಿದ ಮಕ್ಕಳನ್ನು ಕನ್‍ಫ್ಲಿಕ್ಟ್ ಚಿಲ್ಡ್ರನ್ ಎಂದೇ ಕರೆಯಲಾಗುತ್ತದೆ. “ಅವರೆಂದೂ ಶಾಂತಿಯನ್ನು ಕಂಡವರೇ ಅಲ್ಲ. ಅವರ ಇಡೀ ಬದುಕಿನಲ್ಲಿ ಅವರ ಅನುಭವಕ್ಕೆ ಬಂರುವುದು ಹಿಂಸೆಯೇ” ಎಂಬುದು ಪರ್ವೇಜ್ ಮಾತು. ತೀರಾ ಆತಂಕದ ಸಂಗತಿಯೇನೆಂದರೆ, ಹಿಂಸೆಯನ್ನೇ ನೋಡುತ್ತ ಬರುವ ಈ ಮಕ್ಕಳು ಎಲ್ಲವನ್ನೂ ಒಪ್ಪಿಕೊಳ್ಳುವ ಒಂದು ಹಂತವನ್ನು, ಯಾವುದಕ್ಕೂ ಅಂಜದ ಒಂದು ಮನೋಭಾವವನ್ನು ಮುಟ್ಟಿಬಿಡುತ್ತಾರೆಂಬುದು. ಯಾರೇನು ಮಾಡಿಯಾರು, ಹೆಚ್ಚೆಂದರೆ ಕೊಲ್ಲಬಹುದಲ್ಲವೇ ಎಂಬಂಥ ಮನಃಸ್ಥಿತಿಗೆ ತಲುಪಿದ್ದಾರೆ ಅಲ್ಲಿನ ಯುವಕರು ಎಂಬುದನ್ನು ಅಲ್ಲಿನ ಮಕ್ಕಳೊಂದಿಗೆ ಕಳೆದೆರಡು ದಶಕಗಳಿಂದ ಕೆಲಸ ಮಾಡುತ್ತಿರುವ ವೈದ್ಯರೊಬ್ಬರು ಹೇಳುತ್ತಾರೆ. ಇಂದು ಗುಂಡಿಗೆ ಬಲಿಯಾದ ಒಬ್ಬನನ್ನು ನೋಡಿದಾಗ, ಇನ್ನಾವುದಾದರೂ ಒಂದು ದಿನ ನಮ್ಮ ಗತಿಯೂ ಇದೇ ಎಂದು ಭಾವಿಸುತ್ತ ಭಯಗೊಳ್ಳುವುದನ್ನೇ ಆ ಯುವಕರು ಮರೆತಿದ್ದಾರೆ ಎಂಬುದು ಕರಾಳ ವಾಸ್ತವ.

ಹೀಗೆ ಹಲವು ವಿಚಾರಗಳತ್ತ ಗಮನ ಸೆಳೆಯುವ ಜೆಕೆಸಿಸಿಎಸ್, ಹಿಂಸೆಯ ವಿಚ್ಛಿದ್ರಕಾರಕ ಸ್ವರೂಪವನ್ನೇ ವರದಿಯಲ್ಲಿ ಬಿಚ್ಚಿಡುತ್ತಿರುವಂತೆ ಕಾಣಿಸುತ್ತದೆ. ಹಿಂಸೆಯೆಂಬುದು ಮುಗ್ಧತೆಯನ್ನೂ ಕೊಂದುಹಾಕಿದೆಯೆಂಬುದು ಕರುಳು ಹಿಂಡುತ್ತದೆ. ಹಿಂಸೆಯ ಮೂಲಕ ಮುಟ್ಟುವುದು ಘೋರ ನಾಳೆಗಳನ್ನು ಮಾತ್ರ ಎಂಬ ಸತ್ಯದ ಮುಂದೆಯೂ ಭಯಗೊಳ್ಳದೇ ಇರುವುದು ಹೇಗೆ ಸಾಧ್ಯ ಎಂಬುದೇ ಪ್ರಶ್ನೆ.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 2 weeks ago No comment

    ಇತಿಹಾಸ ತಿರುಚಿ ವಿಷಬೀಜ ಬಿತ್ತುವವರ ಮಧ್ಯೆ…

          ಪ್ರಸ್ತಾಪ           ಕೋಮುವಾದಿಗಳ ಆಳ್ವಿಕೆಯು ರಾಜಕೀಯವನ್ನು ಧರ್ಮದ ಜೊತೆ ಬೆರೆಸುತ್ತ ಹಾಳು ಮಾಡಿದ್ದಾಗಿದೆ. ಕಲಿಕೆಯ ವಾತಾವರಣವನ್ನೂ ಕೇಸರೀಕರಣದಿಂದ ಕಲುಷಿತಗೊಳಿಸುತ್ತಿರುವುದು ಮಾತ್ರ ಅಕ್ಷಮ್ಯ. ತಿರುಚಲಾದ ಇತಿಹಾಸವನ್ನು ಮಾತ್ರ ಹೇಳುತ್ತ ಇದು ಮಾಡುತ್ತಿರುವುದು ಹೊಸ ಪೀಳಿಗೆಯ ಮನಸ್ಸುಗಳಲ್ಲಿ ವಿಷಬೀಜವನ್ನು ಬಿತ್ತುವ ಕರಾಳ ಕೃತ್ಯ.   ಇತ್ತೀಚೆಗೆ ಮಕ್ಕಳ ಶೈಕ್ಷಣಿಕ ಹೊರೆಯನ್ನು ಕಡಿಮೆಗೊಳಿಸುವ ಉದ್ದೇಶದಿಂದ ಪಠ್ಯ ಪುಸ್ತಕಗಳ ಪರಿಶೀಲನೆ, ಮುದ್ರಣ ಹಾಗೂ ಮತ್ತಿತರ ...

  • 2 weeks ago No comment

    ‘ಸೂಜಿದಾರ’ದಲ್ಲಿ ಚೈತ್ರಾ ಕೋಟೂರ್ ಹಾಡು

    ತಮ್ಮ ಸಾಧನೆಯ ಬಗ್ಗೆ ಅಹಮಿಕೆ ತೋರದವರಲ್ಲಿ ಚೈತ್ರಾ ಕೋಟೂರ್ ಖಂಡಿತವಾಗಿಯೂ ಒಬ್ಬರು. ಅವರ ಕನಸುಗಳ ದಾರಿಯಲ್ಲಿ ಈ ನಿರ್ಲಿಪ್ತ ಸಡಗರದ ಚಂದಿರ ಎಂದೆಂದೂ ಜೊತೆಗಿರಲಿ.   ಇವತ್ತು ಕನ್ನಡ ರಂಗಭೂಮಿ, ಸಿನಿಮಾ, ಸಾಹಿತ್ಯ ಕ್ಷೇತ್ರಗಳಲ್ಲಿ ಹೊಸಬರ ಪಡೆಯೊಂದು ಜಾದೂವನ್ನೇ ಮಾಡುತ್ತಿದೆ. ಬೆರಗು ಹಚ್ಚುವಂಥ ಸೃಜನಾತ್ಮಕತೆ, ಶ್ರದ್ಧೆ ಮತ್ತು ಅದಕ್ಕೆಲ್ಲ ಪೂರಕವಾದ ಪರಿಣತಿಯೊಂದಿಗೆ ಇರುವವರು ಇವರೆಲ್ಲ. ಇಂಥವರ ಸಾಲಿನಲ್ಲಿ ಚೈತ್ರಾ ಕೋಟೂರ್ ಅವರದೂ ಪ್ರಮುಖ ಹೆಸರು. ಚೈತ್ರಾ ಅವರ ಹೆಚ್ಚುಗಾರಿಕೆಯೆಂದರೆ, ...

  • 2 weeks ago No comment

    ಉಷಾ ಚಿತ್ತ | ಮೊಲದ ಮರಿ ಗಿಫ್ಟ್

          ‘ಚಲಿತ ಚಿತ್ತ’ದಲ್ಲಿ ಕವಿಸಾಲು       ಮೇರು ಸದೃಶ್ಯವಾಗಿ ಕಂಡದ್ದು ಬರಬರುತ್ತಾ ಕಾಲಕೆಳಗಿನ ಗುಡ್ಡವಾಯಿತು. ಹೋಗ ಹೋಗುತ್ತಾ ಚುಕ್ಕಿಯಾಗಿ, ಆಕಾಶದ ನೀಲಿಯಲಿ ಲೀನವಾಯಿತು. ನೆನಪಿನ ಕೋಶ ಸೇರಿದಾಗ, ಅಂತರಾಳದಲಿ ಕಡಲಾಯಿತು. ಅಲ್ಲೀಗ ಕನಸುಗಳ ಸರಕು ಹೊತ್ತ ದೋಣಿಯೊಂದು ತೇಲುತ್ತಿದೆ. ನಿರ್ಜನ ರಾತ್ರಿ, ಹುಟ್ಟು ಕೈಯ್ಯಲ್ಲಿದೆ; ದಡದಿಂದ ಕೇಳುತಿದೆ ಮೋಹಕ ಕೊಳಲ ಗಾನ. ಮನ ಕಂಪಿಸುತಿದೆ, ಬಾರೆನ್ನ ಪೂರ್ಣಚಂದಿರ. ಕಡಲು ಅಬ್ಬರಿಸುತ್ತರಲಿ, ನನ್ನ ಕೈಗಳಿಗೆ ...

  • 3 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...


Editor's Wall

  • 14 April 2019
    1 week ago No comment

    ಈ ಸಂತನ ಸುತ್ತ ಸ್ವಾರ್ಥಿಗಳೇ; ಅಂದಿಗೂ ಇಂದಿಗೂ

            ಪ್ರಸ್ತಾಪ         ಅಂಬೇಡ್ಕರ್ ಕೇವಲ ಅಸ್ಪೃಶ್ಯರ ವಿಮೋಚನೆಗಾಗಿ ಹೋರಾಡಲಿಲ್ಲ. ಬದಲಿಗೆ ಈ ದೇಶದ ಸಮಸ್ತರ ಒಳಿತಿಗಾಗಿ ಶ್ರಮಿಸಿದ್ದರು. ಆದರೆ ಅವರ ಅಂತಃಕರಣವನ್ನು ಈ ದೇಶ ಅರ್ಥ ಮಾಡಿಕೊಳ್ಳಲು ಯತ್ನಿಸಿದ್ದಕ್ಕಿಂತ ಅಪಾರ್ಥ ಮಾಡಿಕೊಳ್ಳುವ ಆತುರ ಅಚಾತುರ್ಯ ತೋರಿದ್ದೇ ಹೆಚ್ಚು. ಅವರ ವಿಚಾರಧಾರೆಗಳು, ಅವರು ಬರೆದ ಸಂವಿಧಾನವಷ್ಟೇ ಇಂದು ಎಲ್ಲರನ್ನೂ ರಕ್ಷಿಸಬಲ್ಲವು. ಈ ಸತ್ಯ ಈಗಲಾದರೂ ಅರ್ಥವಾಗಬೇಕಿದೆ. ಆದರೆ ಅರ್ಥ ಮಾಡಿಕೊಳ್ಳಬೇಕಾದವರು, ...

  • 04 April 2019
    3 weeks ago No comment

    ಅನೈತಿಕತೆಯೆಡೆಗಿನ ದುಷ್ಟ ಕುತೂಹಲ ಮತ್ತು ಮಾಧ್ಯಮ

    ಯಾವುದೋ ರಹಸ್ಯ ರಣತಂತ್ರವನ್ನು ಹುದುಗಿಸಿಕೊಂಡ ಅಥವಾ ಅಂಥ ಪ್ರೇರಣೆಯಿಂದ ಹೊಮ್ಮುವ ರಾಜಕೀಯ ಹೇಳಿಕೆಯು ಉಂಟುಮಾಡುವ ಸಂಚಲನ ಹೇಗಿರುತ್ತದೆಂದರೆ, ಅದರ ತುಣುಕುಗಳಷ್ಟೇ ಸದ್ದು ಮಾಡುತ್ತವೆ. ಈ ಸದ್ದಿನಲ್ಲಿ ಸತ್ಯವಿರುವ ಅದರ ಭಾಗ ಅಡಗಿಹೋಗಿರುತ್ತದೆ.   ಇದು ಹೇಳಿಕೇಳಿ ಚುನಾವಣೆಯ ಕಾಲ. ಆರೋಪ ಪ್ರತ್ಯಾರೋಪಗಳದ್ದೇ ಅಬ್ಬರ. ರಾಜಕೀಯ ಹೇಳಿಕೆಗಳು ಒಬ್ಬೊಬ್ಬರಿಗೆ ಒಂದೊಂದು ಬಗೆಯಾಗಿ ಕೇಳಿಸುತ್ತ ಅಥವಾ ಬೇರೆಯದೇ ಅರ್ಥಗಳನ್ನು ಪಡೆಯುತ್ತ, ನರಿ ಹೋಯಿತು ಎಂಬುದು ಹುಲಿ ಹೋಯಿತು ಎಂಬಂತೆ ಬಿಂಬಿತವಾಗುವುದು ಬಹಳ ...

  • 29 March 2019
    4 weeks ago One Comment

    ಕಾದಂಬಿನಿ ಕಾಲಂ | ಹಕ್ಕಿ ಸಾಕಬೇಕೆಂದರೆ ಹುಳಗಳನ್ನೂ ಸಾಕಬೇಕು

                      ನಾವು ಯಾರನ್ನು ಪ್ರೀತಿಸುತ್ತೇವೆಯೋ ಅವರ ಆಹಾರವನ್ನೂ ಪ್ರೀತಿಸಬೇಕು. ಪ್ರತಿಯೊಂದು ಜೀವಿಯ ಆಹಾರದ ಹಕ್ಕನ್ನೂ ಗೌರವಿಸುವುದು ಎಲ್ಲರೂ ಮೊದಲು ಕಲಿತುಕೊಳ್ಳಬೇಕಾದ ಸಜ್ಜನಿಕೆ. ಅದು ಹಕ್ಕಿಯದಿರಲಿ, ಮನುಷ್ಯನದಿರಲಿ. ಕಾರ್ಕೋಟಕ ಸರ್ಪವೋ, ಹುಲಿಯೋ ಎದುರಾದರೂ ಅಷ್ಟು ಹೆದರುತ್ತೇನೋ ಇಲ್ಲವೋ ಆದರೆ ಅಕ್ಕಿ ಆರಿಸುವಾಗಲೋ ಬದನೆಕಾಯಿ ಹೆಚ್ಚುವಾಗಲೋ, ಹೂ ಗಿಡಗಳಲ್ಲಿರುವಾಗಲೋ ಚಿಕ್ಕ ಹುಳ ಕಂಡರೂ ಕಿರುಚಿ ಊರು ಒಂದು ಮಾಡಿಬಿಡುತ್ತೇನೆ. ಹಾಗೆಂದು ...

  • 26 March 2019
    4 weeks ago No comment

    ಬೆಂದರೆ ಬೇಂದ್ರೆ…ನೊಂದರೆ ಕಾದಂಬಿನಿ

    ಪುಸ್ತಕ ಪ್ರಸ್ತಾಪ     ಕಾದಂಬಿನಿ ಅವರ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಕವನ ಸಂಕಲನದ ಬಗ್ಗೆ ಹಿರಿಯರಾದ ಚಂದ್ರಶೇಖರ ನಂಗಲಿಯವರು ತಮ್ಮ ಫೇಸ್ಬುಕ್ ವಾಲ್ ನಲ್ಲಿ ಬರೆದಿದ್ದಾರೆ. ಅದನ್ನು ಇಲ್ಲಿ ಎತ್ತಿಕೊಡಲಾಗಿದೆ.   ಪ್ರೀತಿ ಪ್ರೇಮ ಮಾನವಜೀವನದ ಚಾಲಕ ಶಕ್ತಿ. ಈ ಸ್ಟೇರಿಂಗ್ ಹಿಡಿದು ಸಮತಲ, ತಗ್ಗು ದಿಣ್ಣೆ , ಹೇರ್ ಪಿನ್ ಕರ್ವ್ಸ್, ಡೆಡ್ ಎಂಡ್ ಮುಂತಾದ ಬಗೆ ಬಗೆಯ ರಸ್ತೆಗಳಲ್ಲಿ , ಒಮ್ಮೊಮ್ಮೆ ರಸ್ತೆಯಿಲ್ಲದ ...

  • 12 March 2019
    1 month ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...