Share

ಯಾವ ಸುಖಕ್ಕಾಗಿ ಅವನಿರಬೇಕು?
ಉಷಾ ಕಟ್ಟೆಮನೆ ಕಾಲಂ

ಚಿಟ್ಟೆ ಬಣ್ಣ | chitte banna

 

 

usha

‘ಈಗ ಹೆಣ್ಮಕ್ಕಳೆಲ್ಲಾ ಗಂಡಸರಾಗ್ತಿದ್ದಾರೆ, ಗಂಡಸರೆಲ್ಲಾ ಹೆಣ್ಮಕ್ಕಳಾಗ್ತಿದ್ದಾರೆ.’

ರಿಯೋ ಒಲಂಪಿಕ್ಸ್ ನಲ್ಲಿ ನಮ್ಮ ದೇಶದ ಪುರುಷ ಅಭ್ಯರ್ಥಿಗಳು ಸೋತು ಸುಣ್ಣವಾದ ಹೊತ್ತಿನಲ್ಲಿ ತಮ್ಮ ಸಾಮರ್ಥ್ಯವನ್ನು ಮೆರೆದು, ಭಾರತದ ಮರ್ಯಾದೆಯನ್ನು ಉಳಿಸಿದ ನಮ್ಮ ಹೆಮ್ಮೆಯ ಹುಡುಗಿಯರನ್ನು ನೋಡಿ ಹೇಳಿದ ಮಾತುಗಳಲ್ಲ ಇವು.

ನಿನ್ನೆ ಬೆಳಿಗ್ಗೆ ನಮ್ಮ ಮನೆ ಕೆಲಸದ ಪುಷ್ಪಾ ಹೇಳಿದ ಮಾತಿದು. ಇಂತಹದೇ ಮಾತುಗಳನ್ನು ಎಲ್ಲಿಯೋ ನೀವು ಕೇಳಿದ ಹಾಗಿದೆಯಲ್ಲಾ, ಹೌದು ಕನ್ನಡದ ಜನಪ್ರಿಯ ಕಾದಂಬರಿಕಾರರಾದ ಎಸ್.ಎಲ್ ಭೈರಪ್ಪನವರು ‘ಓದಿದ ಗಂಡಸರೆಲ್ಲ ಎಂಗಸರಾಗ್ತಾರೆ. ಓದಿದ ಎಂಗಸರೆಲ್ಲಾ ಗಂಡಸರಾಗ್ತಾರೆ. ಗಂಡಸರು ಗಂಡಸರಾಗಿ ಎಂಗಸರು ಎಂಗಸರಾಗಿ ಇರಬೇಕಾದರೆ ಯಾರೂ ಓದಕೂಡದು’ ಎಂದು ಪೋಲಿಸ್ ಕಾನ್ಸ್ ಟೇಬಲ್ ಬಾಯಿಯಲ್ಲಿ ಈ ಮಾತುಗಳನ್ನು ಹೇಳಿಸಿದ್ದರು.

ಭೈರಪ್ಪನವರು ತಮ್ಮ ಸಿದ್ಧಾಂತವನ್ನು ಪ್ರಚುರಪಡಿಸಲು ಈ ಪಾತ್ರವನ್ನು ಸೃಸ್ಟಿಸಿದ್ದರು. ಆದರೆ ನಮ್ಮ ಪುಷ್ಪಳದು ಬುದುಕಿನ ಕುಲುಮೆಯಲ್ಲಿ ನೊಂದು ಬೆಂದು ಆಡಿದ ಮಾತುಗಳಾಗಿದ್ದವು.

ಬಹಳ ಹಿಂದೆ ಅಂದರೆ ಹತ್ತು ಹದಿನೈದು ವರ್ಷಗಳ ಹಿಂದೆ ಆಕೆ ನಮ್ಮ ಮನೆಯಲ್ಲಿ ಮನೆಗೆಲಸ ಮಾಡುತ್ತಿದ್ದಳು. ಆಗ ಆಕೆಯ ಗಂಡ ಕುಡಿದು ಬಂದು ಆಕೆಗೆ ದೈಹಿಕ ಹಲ್ಲೆ ನಡೆಸುತ್ತಿದ್ದುದನ್ನು ನಾನು ಕಂಡಿದ್ದೆ. ಆಕೆಗೆ ಸಾಂತ್ವನ ಹೇಳುತ್ತಾ ಆಕೆಯ ಗಂಡನಿಗೆ ಆಕೆಗ್ಯಾಕೆ ಹೊಡೆಯುತ್ತಿಯಾ ಎಂದು ದಬಾಯಿಸುತ್ತಿದ್ದೆ.

ಅನಂತರದಲ್ಲಿ ನಾವು ಅಲ್ಲಿಂದ ಬೇರೆಡೆಗೆ ಮನೆ ಬದಲಾಯಿಸಿದೆವು. ಇಲ್ಲಿ ನನಗೆ ಬೇರೊಬ್ಬಳು ಸಿಕ್ಕಳು. ಆದರೆ ಅವಳಿಗೆ ಮೊಮ್ಮಗಳು ಹುಟ್ಟಿದ ಕಾರಣದಿಂದಾಗಿ ಆಕೆ ಕೆಲಸ ಬಿಡುವುದಾಗಿ ಹೇಳಿದಳು. ಅದೇ ಸಮಯದಲ್ಲಿ ನನ್ನಲ್ಲಿದ್ದ ಒಂದೆರಡು ಆಭರಣಗಳು ಕಾಣೆಯಾದ ಕಾರಣದಿಂದಾಗಿ ಮತ್ತವಳನ್ನು ಸೇರಿಸಿಕೊಳ್ಳಬಾರದೆಂದು ಮನದಲ್ಲಿ ನಿರ್ಧರಿಸಿಕೊಂಡಿದ್ದೆ. ಅಲ್ಲದೆ ನಮ್ಮ ಅರ್ಥಿಕ ಪರಿಸ್ಥಿತಿ ಬಿಗಡಾಯಿಸಿದ್ದ ಕಾರಣದಿಂದಾಗಿ ಸುಮಾರು ಮೂರು ವರ್ಷ ಕಾಲ ಮನೆಗೆಲಸಕ್ಕೆ ಯಾರನ್ನೂ ಇಟ್ಟುಕೊಳ್ಳದೆ ನಾನೇ ಎಲ್ಲವನ್ನೂ ನಿಭಾಯಿಸುತ್ತಿದ್ದೆ. ಅವಳು ಆಮೇಲೆ ನಮ್ಮನೆಗೆ ಕಾಲಿಡಲಿಲ್ಲ.

ಇದೇ ವರ್ಷ ಮಾರ್ಚ್ ನಲ್ಲಿ ಈಶಾನ್ಯ ರಾಜ್ಯಗಳಿಗೆ ಒಂದು ತಿಂಗಳ ಪ್ರವಾಸ ಹಮ್ಮಿಕೊಂಡಿದ್ದೆ. ನಮ್ಮನೆಯಲ್ಲಿ ಒಂದು ನಾಯಿಯಿದೆ. ನನ್ನ ಪತಿ ಬೆಳಗ್ಗೆ ಆಪೀಸಿಗೆ ಹೋದರೆ ಮನೆಗೆ ಬರುವುದು ತಡರಾತ್ರಿಯೇ. ಅದು ಪಗ್ ನಾಯಿ ಆದ ಕಾರಣ ತುಂಬಾ ಸೂಕ್ಷ್ಮ ಪ್ರಕೃತಿಯದು. ಐದು ಗಂಟೆಗಿಂತ ಜಾಸ್ತಿ ಹೊತ್ತು ಅದನ್ನು ಒಂಟಿಯಾಗಿ ಬಿಟ್ಟರೆ ಅದು ಮೆಲ್ಲನೆ ಖಿನ್ನತೆಗೆ ಜಾರುತ್ತದೆ. ಹಾಗಾಗಿ ಅದನ್ನು ಯಾರು ನೋಡಿಕೊಳ್ಳುತ್ತಾರೆ ಅಂತ ಚಿಂತೆಯಲ್ಲಿದ್ದೆ. ಆಗ ಒಂದು ದಿನ ನಾನು ಬೆಳಗಿನ ವಾಕ್ ಮುಗಿಸಿಕೊಂಡು ಬರುತ್ತಲಿರುವಾಗ ಎದುರಿಗೆ ಈ ಪುಷ್ಪ ಪ್ರತ್ಯಕ್ಷಳಾಗಬೇಕೆ? ಅವಳ ಕ್ಷೇಮ ಸಮಾಚಾರ ವಿಚಾರಿಸುತ್ತಾ ‘ನಮ್ಮನೆ ಕೆಲಸ ಮಾಡಿಕೊಡುತ್ತಿಯಾ?’ ಅಂತ ಕೇಳಿದೆ. ಆಕೆ ಒಪ್ಪಿಕೊಂಡಳು. ಆದ್ರೆ ಮಧ್ಯಾಹ್ನದ ಹೊರತಾಗಿ ಉಳಿದೆಲ್ಲಾ ಸಮಯದಲ್ಲಿ ಬೇರೆಯವರ ಮನೆಗಳಲ್ಲಿ ತಾನು ಎಂಗೇಜ್ ಆಗಿದ್ದೇನೆ ಎಂದಳು. ನನಗೆ ಆ ಸಮಯವೇ ಬೇಕಾಗಿತ್ತು; ನಮ್ಮ ನಾಯಿಯ ಸಲುವಾಗಿ. ಉಳಿದ ಮನೆಗಳಲ್ಲಿ ಕೊಡುವ ಸಂಬಳಕ್ಕಿಂತ ದುಪ್ಪಟ್ಟು ಸಂಬಳ ಕೊಡುವುದಾಗಿ ಹೇಳಿದೆ. ಅವಳಿಗೆ ಕುಶಿಯಾಯ್ತು. ನನ್ನ ಪ್ರವಾಸ ಆತಂಕವಿಲ್ಲದೆ ನಡೆಯಿತು.

ಇಂತಿಪ್ಪ ನಮ್ಮ ಪುಷ್ಪನಿಗೆ ಕಳೆದವಾರ ದೊಡ್ಡದೊಂದು ಆಪತ್ತು ಎದುರಾಯ್ತು. ಅವಳ ತಂಗಿ ಗಂಡನಿಗೆ ಲಕ್ವ ಹೊಡೆಯಿತು. ಮೈಸೂರಿನ ಸಮೀಪದ ಯಾವುದೋ ಹಳ್ಳಿಯಿಂದ ಅವನನ್ನು ಚಿಕಿತ್ಸೆಗೆಂದು ಬೆಂಗಳೂರಿನ ಕೆಂಪೇಗೌಡ ಆಸ್ಪತ್ರೆಗೆ ತಂದು ಸೇರಿಸಿದರು. ಅವನನ್ನು ನೋಡಿಕೊಳ್ಳಲೆಂದು ಊರಿನಲ್ಲಿದ್ದ ಒಂಚೂರು ಹೊಲ ಗದ್ದೆ ನೋಡಿಕೊಳ್ಳುತ್ತಿದ್ದ ತಮ್ಮನೂ ಆಸ್ಪತ್ರೆಗೆ ಬಂದ. ಇವಳು ಬೇಗ ಬೇಗನೇ ಮನೆಗೆಲಸಗಳನ್ನು ಮಾಡಿ ಚಂದ್ರಾ ಲೇಔಟ್ನಿಂದ ಮಾರ್ಕೇಟ್ ಸಮೀಪವಿರುವ ಆಸ್ಪತ್ರೆಗೆ ಅವರಿಗೆ ಊಟ ತೆಗೆದುಕೊಂಡು ಹೋಗುತ್ತಿದ್ದಳು.
ಚಿಕಿತ್ಸೆಯಲ್ಲಿ ಚೇತರಿಕೆ ಕಂಡುಬಂದ ಕಾರಣದಿಂದಾಗಿ ಡಿಸ್ಚಾರ್ಜ್ ಮಾಡುವ ಹಂತದಲ್ಲಿದ್ದರು.ಡಾಕ್ಟರಿಗೆ ತೋರಿಸಲೆಂದು ಅಣ್ಣನ ಬ್ಲಡ್ ರಿಪೋರ್ಟ್ ಹಿಡಿದುಕೊಂಡು ತಮ್ಮ ಕೆಂಪೇಗೌಡ ಆಸ್ಪತ್ರೆಯ ಸರ್ಕಲಿನಲ್ಲಿ ರಸ್ತೆ ದಾಟುತ್ತಿರುವಾಗ ಬಿ.ಎಂಟಿಸಿ ಬಸ್ಸೊಂದು ಅವನ ಕಾಲು ಮೇಲೆ ಹರಿದಿದೆ. ಅಲ್ಲೇ ಕಾಲು ತುಂಡಾಗಿ ಅದು ಚಕ್ರದಡಿಗೆ ಸಿಕ್ಕಿ ಎಳೆದೊಯ್ದಿದೆ. ಈಗ ಅವನಿಗೆ ಒಂದು ಕಾಲಿಲ್ಲ. ಈಗ ಪುಷ್ಪ ಎರಡು ಜನರಿಗೆ ಊಟ ಹೊರುತ್ತಿದ್ದಾಳೆ.

ಅವರಿಬ್ಬರ ಪರಿಸ್ಥಿತಿ ಈಗ ಹೇಗಿದೆ ಅಂತ ನಾನು ವಿಚಾರಿಸಿಕೊಳ್ಳುತ್ತಾ ಅವಳ ಬದುಕಿನ ಹೋರಾಟದ ಬಗ್ಗೆ ಮೆಚ್ಚುಗೆಯ ಮಾತಾಡುತ್ತಿದ್ದಾಗ ಅವಳು ಸ್ವಗತವೆಂಬಂತೆ ‘ಈಗ ಹೆಣ್ಮಕ್ಕಳೆಲ್ಲಾ ಗಂಡಸರಾಗುತ್ತಿದ್ದಾರೆ, ಗಂಡಸರೆಲ್ಲಾ ಹೆಂಗಸರಾಗುತ್ತಿದ್ದಾರೆ’ ಎಂದು ತಿಂಡಿ ತಿನ್ನುತ್ತಾ ಮತ್ತೊಮ್ಮೆ ಇನ್ನೊಂದು ರೀತಿಯಲ್ಲಿ ತನ್ನ ಬದುಕಿನ ಸುರುಳಿಗಳನ್ನು ಬಿಚ್ಚಿಟ್ಟಳು.

ಅವಳಿಗೀಗ ವಯಸ್ಸು ನಲ್ವತ್ತು. ಮದುವೆಯಾದಾಗ ಹದಿನೈದು ವರ್ಷವಾಗಿತ್ತು. ಅದೇ ವರ್ಷ ಒಮ್ಮೆ ಗರ್ಭಪಾತವಾಯ್ತು. ಮರುವರ್ಷ ಒಂದು ಹೆಣ್ಣು ಮಗು ಹುಟ್ಟಿತು. ಈಗ ಆ ಹೆಣ್ಣು ಮಗಳಿಗೂ ಎರಡು ಮಕ್ಕಳಾಗಿವೆ. ಅಂದರೆ ಪುಷ್ಪ ಈಗ ಅಜ್ಜಿಯಾಗಿದ್ದಾಳೆ. ಎರಡನೇ ಮಗು ಹೊಟ್ಟೆಯಲ್ಲಿದ್ದಾಗ ಅವಳನ್ನು ಗಂಡ ಮಂಗಳೂರಿನ ಪರಂಗಿ ಪೇಟೆಯ ಸಮೀಪ ಉಪ್ಗಲ್ ಎಂಬಲ್ಲಿಗೆ ಕೂಲಿ ಕೆಲಸಕ್ಕೆಂದು ಕರೆದುಕೊಂಡು ಹೋಗುತ್ತಾನೆ. ಒಮ್ಮೆ ಅಲ್ಲಿ ಅವಳ ಗಂಡ ಸಿಕ್ಕಾಪಟ್ಟೆ ಹೊಡೆಯುತ್ತಾನೆ. ಅವಳು ಅಲ್ಲಿಂದ ಸೀದಾ ಮೈಸೂರಿನಲ್ಲಿರುವ ತವರುಮನೆಗೆ ಓಡಿ ಬರುತ್ತಾಳೆ. ಅಲ್ಲಿ ಎರಡನೇ ಹೆಣ್ಣು ಮಗು ಹುಟ್ಟುತ್ತೆ. ಅಷ್ಟಾಗುವಾಗ ಗಂಡನೂ ಅಲ್ಲಿ ಬಂದು ಜತೆಯಾಗುತ್ತಾನೆ. ಅಲ್ಲೇ ಅವಲಹಳ್ಳಿಯಲ್ಲಿ ಇಬ್ಬರೂ ಕ್ರಶರ್ ನಲ್ಲಿ ಕೂಲಿ ಕೆಲ್ಸ ಮಾಡುತ್ತಾರೆ. ಕುಡಿತಕ್ಕೆ ದಾಸನಾದ ಮನುಷ್ಯ ಸುಧಾರಿಸುವುದು ಇದೆಯಾ? ಪುನಃ ಆತ ಹೆಂಡ್ತಿಗೆ ಹೊಡೆಯುವುದನ್ನು ಮುಂದುವರಿಸುತ್ತಾನೆ. ಇವಳಿಗೆ ಬದುಕು ಸಾಕೆನಿಸಿತ್ತು. ಒಂದು ದಿನ ಸಾಯಲೆಂದು ರೈಲ್ ಹಳಿಯ ಮೇಲೆ ಕುಳಿತಿದ್ದಳಂತೆ. ಯಾರೋ ಒಬ್ಬರು ಇವಳ ಕಥೆ ಕೇಳಿ ಕರುಣೆಯುಕ್ಕಿ ಬೆಂಗಳೂರಿಗೆ ಕರೆತಂದು ತಮ್ಮ ಮನೆಯಲ್ಲಿ ಮನೆಗೆಲಸ ಮಾಡುತ್ತಿದ್ದ ಪೂರ್ಣಿಮಾಳ ಮನವೊಲಿಸಿ ಅವಳ ಮನೆಯಲ್ಲಿ ಇರಿಸಿಕೊಳ್ಳುವಂತೆ ವ್ಯವಸ್ಥೆ ಮಾಡಿದರಂತೆ. ಅವರನ್ನು ಈಗಲೂ ಆಕೆ ಕೃತಜ್ಞತೆಯಿಂದ ನೆನೆಸಿಕೊಳ್ಳುತ್ತಾಳೆ.

ಪೂರ್ಣಿಮಾಳ ಕಥೆಯೂ ಇವಳಿಗಿಂತ ಏನೂ ಭಿನ್ನವಾಗಿರಲಿಲ್ಲ. ಅವಳ ಗಂಡನೂ ಬೀದಿಯಲ್ಲೇ ಹೊಡೆಯುತ್ತಿರುವುದನ್ನು ನಾನು ಕಣ್ಣಾರೆ ನೋಡಿದ್ದೇನೆ. ಇಲ್ಲಿ ಒಂದು ಮಾತು ಹೇಳಬೇಕು. ಮನೆಗೆಲಸ ಮಾಡುವ ಹೆಚ್ಚಿನ ಮಹಿಳೆಯರಿಗೆ ಶುದ್ಧ ಸೋಂಬೇರಿ ಇಲ್ಲವೆ ಕುಡುಕರಾದ ಮನೆಯ ಬಗ್ಗೆ ಕಿಂಚಿತ್ ಕಾಳಜಿಯಿಲ್ಲದ ಗಂಡಂದಿರಿರುತ್ತಾರೆ. ಹಾಗಾಗಿ ಈ ಮಹಿಳೆಯರು ಎಲ್ಲಾ ವಿಧದಲ್ಲೂ ಸರ್ವತಂತ್ರ ಸ್ವತಂತ್ರರು. ಚೀಟಿ ಹಾಕಿ, ಕಂತಿನಲ್ಲಿ ಮನೆಗೆ ಬೇಕಾದ ಸಾಮಾನುಗಳನ್ನು ಖರೀದಿಸಿ, ಮಕ್ಕಳನ್ನೂ ಓದಿಸಿ ಬದುಕನ್ನು ತಮಗೆ ಬೇಕಾದಂತೆ ಕಟ್ಟಿಕೊಳ್ಳುವ ಗಟ್ಟಿಗಿತ್ತಿಯರು ಇವರು.

ನಮ್ಮ ಪುಷ್ಪಾ ಕೂಡಾ ಹಾಗೂ ಹೀಗೂ ಹತ್ತು ವರ್ಷ ಗಂಡನೊಡನೆ ಏಗಿದಳು. ಬೆಂಗಳೂರಿನಲ್ಲಿ ಪೂರ್ಣಿಮಾ ಸಹಾಯದಿಂದ ಏಳೆಂಟು ಮನೆಗೆಲಸದ ಮನೆಗಳನ್ನು ಹಿಡಿದಳು. ಸ್ವಂತವಾಗಿ ಬದುಕನ್ನು ಎದುರಿಸುವುದನ್ನು ರೂಢಿಸಿಕೊಂಡಳು. ಆರೇ ತಿಂಗಳಲ್ಲಿ ಪುಟ್ಟ ಗುಡಿಸಲನ್ನು ಬಾಡಿಗೆಗೆ ಪಡೆದಳು. ಎರಡು ಹೆಣ್ಣು ಮಕ್ಕಳಿಗೆ ಮದುವೆ ಮಾಡಿ ಮೂವತ್ತಾರನೇ ವರ್ಷಕ್ಕೆ ಅಜ್ಜಿಯಾದಳು. ಈಗ ಮಗನಿಗೆ ಮದುವೆ ಮಾಡುವ ಮೊದಲು ಅವನಿಗೊಂದು ಪುಟ್ಟ ಗೂಡು ಕಟ್ಟಿಕೊಡಬೇಕೆಂದು ಮೈಸೂರಿನಲ್ಲಿ ಜಾಗ ನೋಡಿ ಇಟ್ಟಿದ್ದಾಳೆ. ಚೀಟಿ ಹಣ ಲೆಖ್ಖ ಹಾಕುತ್ತಿದ್ದಾಳೆ. ನನ್ನಿಂದಲೂ ಒಂದಷ್ಟು ಸಾಲ ಪಡೆದಿದ್ದಾಳೆ. ಕಮ್ಮಿ ಬಿದ್ದರೆ ಇನ್ನೂ ಕೊಡಬೇಕಕ್ಕಾ ಅಂತ ಮುಂಗಡ ಬೇಡಿಕೆ ಇಟ್ಟಿದ್ದಾಳೆ.

ಮೂಲತಃ ತೆಲುಗಿನವಳಾದ ಪುಷ್ಪಾ ಬೆಂಗಳೂರಿಗೆ ಬಂದು ಹದಿನಾರು ವರ್ಷವಾಗಿದೆ. ಹೆಣ್ಣು ಮಕ್ಕಳ ಮದುವೆ ಸಂದರ್ಭ ಹೊರತುಪಡಿಸಿ ಅವಳು ಗಂಡನ ಮುಖವನ್ನು ತಿರುಗಿ ನೋಡಿಲ್ಲ. ಆರು ವರ್ಷ ಹಿಂದೆ ‘ಚಿಕ್ಕ ಮಗಳ ಮದುವೆಗೆ ಕುಡಿದು ಬಂದು ಗಲಾಟೆ ಮಾಡಿದ್ದಕ್ಕೆ ಲಗ್ನ ಮಂಟಪದಲ್ಲೇ ಅವನ ಮುಸುಡಿಗೆ ಎತ್ತಿ ಬಾರಿಸಿದ್ದೆ’ ಅಂತ ಅವಳು ಅಭಿನಯಿಸಿ ತೋರಿಸುವಾಗ ಅವಳ ಧಾರ್ಷ್ಟ್ಯಕ್ಕೆ ಬೆರಗಾಗಿದ್ದೇನೆ.
ದೊಡ್ಡ ಅಳಿಯ ದೇವರಂತವನು, ಚಿಕ್ಕ ಅಳಿಯ ಮಾತ್ರ ನನ್ನ ಗಂಡನಂತವನೇ ಕುಡುಕ, ಹೆಂಡಿಗೆ ಹೊಡೀತಾನೆ. ಈಗ ಮಗಳನ್ನು ಬಿಟ್ಟು ಎಲ್ಲಿಯೋ ಹೋಗಿದ್ದಾನೆ’ ಅಂದಾಗ ಮುಂದೇನು ಅಂತ ಪ್ರಶ್ನಿಸಿದೆ. ಅದಕ್ಕವಳು ‘ಎಷ್ಟು ದುಡಿದರೂ ನೆಮ್ಮದಿ ಇಲ್ಲಾ ಎಂದ ಮೇಲೆ ಅವನೇಕಿರಬೇಕು. ಅವನ ಹಿಂಸೆ ತಡಿಲಿಕ್ಕಾಗದಿದ್ರೆ ಬಿಟ್ಟು ಬಂದ್ಬಿಡು. ಕೂಲಿ ನಾಲಿ ಮಾಡಿ ಬದುಕ್ಬಹುದು ಎಂದು ಧೈರ್ಯ ಹೇಳಿದ್ದೇನೆ. ನನಗೆ ನಮ್ಮಪ್ಪ ಅಮ್ಮ ಏನೂ ಮಾಡಿಲ್ಲ. ನನ್ನ ಮಕ್ಕಳಿಗೂ ನಾ ಏನೂ ಮಾಡಿಲ್ಲ. ದುಡ್ಕೊಂಡು ತಿನ್ನಿ ಅಂತ ಧೈರ್ಯ ಹೇಳ್ಬಹುದು ಅಷ್ಟೇ’ ಎನ್ನುತ್ತಾಳೆ. ನಮ್ಮ ವಿದ್ಯಾವಂತ, ಸುಸಂಸ್ಕೃತ ತಾಯ್ತಂದೆಯವರಲ್ಲಿ ಎಷ್ಟು ಮಂದಿ ಹೀಗೆ ಹೇಳುತ್ತಾರೆ?

ಅವಳ ಬದುಕಿನ ಛಲ ನೋಡುವಾಗ ನಮ್ಮ ಎಲ್ಲಾ ಹೆಣ್ಣುಮಕ್ಕಳು ಹೀಗೆ ಸ್ವಾಭಿಮಾನದಿಂದ ಬದುಕಿದರೆಷ್ಟು ಚೆನ್ನ ಎಂದು ಆಗಾಗ ಅನ್ನಿಸುತ್ತಾ ನನ್ನನ್ನು ನಾನು ಪುನರ್ವಿಮರ್ಶೆಗೆ ಒಳಪಡಿಸುತ್ತಲೇ ಇರುತ್ತೇನೆ.

———-

usha2ಉಷಾ ಕಟ್ಟೆಮನೆ, ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ.

Share

2 Comments For "ಯಾವ ಸುಖಕ್ಕಾಗಿ ಅವನಿರಬೇಕು?
ಉಷಾ ಕಟ್ಟೆಮನೆ ಕಾಲಂ
"

  1. Suresh k
    23rd August 2016

    Good one madam

    Reply
  2. ವಿಮಲಾ ನಾವಡ
    23rd August 2016

    ಯಾವ ಸುಖಕಾಗಿ ,ಓದಿ ಕಂಣು ತೇವವಾದವು.ಕೆಲವು ಕಡೆ ವಿದ್ಯಾವಂತರೆಂಬುವವರೂ ಹೀಗೆಯೇ ಇರುವರು .

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 1 month ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 1 month ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 1 month ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    1 month ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    2 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    2 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    2 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...